មនុស្សរាប់ពាន់នាក់ហែក្បួនក្នុងទីក្រុងប្រមាណ ៨០ទីក្រុងលើពិភពលោក ដើម្បីគាំទ្រមេដឹកនាំបក្សប្រឆាំងវេណេហ្ស៊ុយអេឡា

អ្នកគាំទ្រមេដឹកនាំបក្សប្រឆាំងវេណេហ្ស៊ុយអេឡា អ្នកស្រី María Corina Machado បានដើរក្បួនបាតុកម្មសន្តិវិធីនៅក្នុងទីក្រុងមិនតិចជាង ៨០ ជុំវិញពិភពលោក ក្នុងគោលបំណងបង្ហាញការគាំទ្រដល់អ្នកស្រី María Corina Machado ដែលអ្នកស្រីត្រូវធ្វើដំណើរទៅទទួលពានរង្វាន់ណូបែលសន្តិភាពនៅទីក្រុងអូស្លូ ប្រទេសន័រវែស។

តាមបណ្ដាញផ្សាយព័ត៌មាន The Washington Times ចុះផ្សាយនៅថ្ងៃទី៨ ខែធ្នូ ឆ្នាំ២០២៥ នេះ មនុស្សរាប់ពាន់នាក់ត្រូវបានសារព័ត៌មានរាយការណ៍ថា បាននាំគ្នាដើរដង្ហែក្បួននៅទីក្រុង Madrid ប្រទេសអេស្ប៉ាញ ទីក្រុង Utrecht ប្រទេសហុឡង់ដ៍ និងទីក្រុងផ្សេងទៀតដែលបន្ថែមលើសពីការស្រឡាញ់អ្នកស្រី Machado គឺការជំរុញឱ្យប្រទេសវេណេហ្ស៊ុយអេឡា ឲ្យទៅជាប្រទេសប្រជាធិបតេយ្យពិតប្រាកដឆាប់ៗឡើងវិញ។

ព្រឹត្តិការណ៍នេះ កើតឡើងចំពេលប្រទេសវេណេហ្ស៊ុយអេឡា ធ្លាក់ក្នុងសភាពការណ៍នៃការអូសបន្លាយនៃសម្ពាធយោធាសហរដ្ឋអាមេរិកនៃរដ្ឋការរបស់លោក ដូណាល់ ត្រាំ ជាច្រើនសប្ដាហ៍មកហើយ។

សហរដ្ឋអាមេរិក បានបង្ហាញវត្តមានទ័ពរបស់ខ្លួនក្នុងចំនួនដ៏ច្រើនមិនធ្លាប់មានចាប់ពីសង្គ្រាមត្រជាក់ និងធំជាងយុទ្ធនាការវាយប្រហារមេដឹកនាំលីប៊ី ហ្កាដាហ្វី ទៅទៀត។ លោក ម៉ាឌូរ៉ូ ជឿជាក់ថា ផែនការអាមេរិកនៃរដ្ឋការលោក ត្រាំ សំដៅទៅលើរបបដឹកនាំរបស់លោក ជាជាងធ្វើសង្គ្រាមគ្រឿងញៀន។

ជុំវិញសភាពការណ៍នៃប្រទេសវេណេហ្ស៊ុយអេឡា ដ៏តានតឹងនេះ អ្នកស្រី Machado បាននិយាយនៅក្នុងសារវីដេអូមួយ។ អ្នកស្រីបានលើកទឹកចិត្តពលរដ្ឋរបស់អ្នកស្រីថា៖ «យើងកំពុងរស់នៅក្នុងការឆ្លងកាត់ពេលវេលានៃភាពស្ងប់ស្ងាត់របស់យើង ការផ្ដន្ទាទោសសេរីភាពរបស់យើង ប៉ុន្តែប្រទេសរបស់យើងកំពុងត្រូវបានគេសាកល្បងផ្លាស់ប្ដូររបបដឹកនាំដ៏អាក្រក់មួយដែលយើងបានតស៊ូប្រឆាំងរបបផ្ដាច់ការមួយនេះអស់ជាច្រើនឆ្នាំ។»

អ្នកស្រី Machado សង្កត់ធ្ងន់ថា ឥឡូវនេះសេចក្តីថ្លៃថ្នូររបស់ប្រជាជនវេណេហ្ស៊ុយអេឡា ត្រូវបានទទួលស្គាល់ដោយរង្វាន់ណូបែលសន្តិភាពដ៏មានសារសំខាន់នេះ។

អ្នកស្រី Machado បានឈ្នះពានរង្វាន់ណូបែលសន្តិភាពកាលពីថ្ងៃទី១០ ខែតុលា ដោយសារការលះបង់របស់អ្នកស្រីដើម្បីសម្រេចបានការផ្លាស់ប្ដូរពីរបបផ្ដាច់ការទៅរបបលទ្ធិប្រជាធិបតេយ្យនៅក្នុងប្រជាជាតិអាមេរិកខាងត្បូងមួយនេះឡើងវិញ។

គណៈកម្មការណូបែលន័រវែស បានហៅអ្នកស្រី Machado ជាស្ត្រីដ៏អង់អាចមួយរូបដែលរក្សាអណ្ដាតភ្លើងនៃលទ្ធិប្រជាធិបតេយ្យដែលកំពុងឆេះចំពេលភាពងងឹតកំពុងកើនឡើងនៅក្នុងរបបលោក ម៉ាឌូរ៉ូ។

អ្នកស្រី Machado បច្ចុប្បន្នមានអាយុ ៥៨ឆ្នាំ។ អ្នកស្រីជាមេដឹកនាំបក្សប្រជាជនរួបរួម។ អ្នកស្រីបានឈ្នះការបោះឆ្នោតបឋមក្នុងពេលឈរឈ្មោះប្រជែងនឹងលោក Maduro នៅក្នុងការបោះឆ្នោតស្ទង់មតិនៅមុនការបោះឆ្នោតប្រធានាធិបតីជាផ្លូវការនៅថ្ងៃទី២៨ ខែកក្កដា ឆ្នាំ២០២៤ ដោយអ្នកស្រីបានឈ្នះភ្លូកទឹកភ្លូកដីលើលោក ម៉ាឌូរ៉ូ។ តែដល់ជិតថ្ងៃបោះឆ្នោត លោក ម៉ាឌូរ៉ូ ប្រើល្បិចចោទអ្នកស្រីពីបទបង្កការញុះញង់មានផែនការផ្ដួលរបបរបស់លោក។

ដោយមើលឃើញដូចនេះ រដ្ឋអំណាចរបស់រដ្ឋាភិបាលលោក ម៉ាឌូរ៉ូ បានរារាំងអ្នកស្រី Machado ពីការឈរឈ្មោះដណ្ដើមតំណែងប្រធានាធិបតី ធ្វើឱ្យអ្នកស្រី Machado ពុំមានសិទ្ធិឈរឈ្មោះជាបេក្ខជនប្រធានាធិបតីឡើយ។

យ៉ាងនេះក្ដី ពេលនោះគណបក្សរបស់អ្នកស្រីបានសម្រេចតែងតាំងអ្នកការទូតចូលនិវត្តន៍ គឺលោក Edmundo González ឱ្យឈរឈ្មោះបេក្ខជនប្រធានាធិបតីជំនួសអ្នកស្រី។

លោក González ក៏បានឈ្នះឆ្នោតក្នុងការបោះឆ្នោតប្រធានាធិបតី និងបោះឆ្នោតសភានៅថ្ងៃទី២៨ ខែកក្កដា ឆ្នាំ២០២៤ ផងដែរ។ នេះបើតាមរបាយការណ៍របស់អ្នកសង្កេតការណ៍ជាតិឯករាជ្យ និងអន្តរជាតិ។ តែក្រោយមក ត្រូវបានគណៈកម្មការបោះឆ្នោតវេណេហ្ស៊ុយអេឡា ប្រកាសថាបក្សសង្គមនិយមរបស់លោក ម៉ាឌូរ៉ូ ជាអ្នកឈ្នះទៅវិញ។

ចាប់ពីលោក ម៉ាឌូរ៉ូ ឈ្នះឆ្នោតមក លោក González រងនូវការគំរាមកំហែងរហូតលោកសម្រេចរត់ចាកចេញពីប្រទេសវេណេហ្ស៊ុយអេឡា ជាប្រទេសកំណើតរបស់លោកទៅរស់នៅអេស្ប៉ាញ។

ក្រោមការដឹកនាំរបស់លោក ម៉ាឌូរ៉ូ និងក្រោមរដ្ឋអំណាចរបស់បក្សសង្គមនិយមរបស់លោក ម៉ាឌូរ៉ូ បើយោងតាមរបាយការណ៍អង្គការសិទ្ធិមនុស្សអន្តរជាតិ បានឱ្យដឹងថា ការបោះឆ្នោតមានការគាបសង្កត់យ៉ាងខ្លាំង ការដកសិទ្ធិ ការចាប់ខ្លួន និងការរំលោភសិទ្ធិនយោបាយកើតមានសឹងគ្រប់រូបភាព។ អ្នកទោសនយោបាយកើនឡើងដល់ទៅជិត ១០០០នាក់។

អ្នកស្រី Machado ដែលដើម្បីសុវត្ថិភាព ក៏អ្នកស្រីត្រូវបានរស់លាក់ខ្លួន ដែលគេមិនដឹងថាអ្នកស្រីកំពុងរស់នៅទីណាពិតប្រាកដទេនៅពេលនេះ។ អ្នកស្រី Machado យ៉ាងណាមិញលើកឡើងថា ប្រសិនបើរបបលោក ម៉ាឌូរ៉ូ ត្រូវបានផ្ដួលរំលំ គឺរយៈពេល ១០០ថ្ងៃ ប្រទេសវេណេហ្ស៊ុយអេឡា នឹងប្រែមុខមាត់ថ្មី ហើយអ្នកស្រីនឹងនាំវេណេហ្ស៊ុយអេឡា សម្រេចគម្រោងដ៏ធំមហិមាបំផុត គឺទំហំសាច់ប្រាក់ជាង ២ទ្រីលានដុល្លារ នឹងត្រូវបានត្រឡប់មកវិញ ដោយត្រូវយកមកធ្វើការអភិវឌ្ឍវេណេហ្ស៊ុយអេឡា ឡើងវិញ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

វេណេហ្ស៊ុយអេឡា ប្រកាសស្នើច្បាប់លើកលែងទោសអ្នកទោសនយោបាយគ្រប់និន្នាការទាំងអស់

កូនប្រុសតែម្នាក់របស់លោក ម៉ាឌូរ៉ូ ត្រូវបានអាមេរិកចោទប្រកាន់ថាជាមេបណ្ដាញឧក្រិដ្ឋកម្មគ្រឿងញៀន

លោក ដូណាល់ ត្រាំ ថានឹងជួបមេបក្សប្រឆាំងវេណេហ្ស៊ុយអេឡា ខណៈឯទីក្រុងការ៉ាកាស ដោះលែងអ្នកទោស

មេបក្សប្រឆាំងនៃប្រទេសវេណេហ្ស៊ុយអេឡា សច្ចាថាត្រឡប់ទៅស្រុកវិញ ខណៈលោក ម៉ាឌូរ៉ូ ឡើងសវនាការនៅក្រុងញូវយ៉ក

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន