TAG
topstory
ព្រះសង្ឃប្ដេជ្ញាធ្វើ “សង្គ្រាម” រហូតទាល់តែអភិបាលរាជធានីភ្នំពេញសុំទោសជាសាធារណៈ
មេដឹកនាំព្រះសង្ឃមួយក្រុមដែលសកម្មក្នុងរឿងនយោបាយបានប្ដេជ្ញាធ្វើ “សង្គ្រាម”ប្រឆាំងសាលារាជធានីភ្នំពេញរហូតទាល់តែអភិបាលរាជធានី លោក ប៉ា សុជាតិវង្ស ព្រមសុំអភ័យទោសជាសាធារណៈចំពោះការប្រើកម្លាំងបំបែកក្រុមអ្នកតវ៉ាជាព្រះសង្ឃនិងប្រជាពលរដ្ឋដែលប្រឆាំងការបណ្ដេញចេញដោយបង្ខំ និងដែលបានប៉ុនប៉ង់ធ្វើបាតុកម្មតវ៉ាដោយអង្គុយស្ងៀមស្ងាត់មួយកន្លែងកាលពីព្រឹកម្សិលមិញនៅក្រៅសាលារាជធានីភ្នំពេញ។
អ្នកតវ៉ាប្រហែលជា១០នាក់មកពីសហគមន៍បឹងកក់និងព្រះសង្ឃចំនួនប្រាំអង្គបានព្យាយាមបិទមហាវិថីព្រះមុនីវង្សនៅទល់មុខសាលារាជធានីនៅវេលាម៉ោងប្រហែល៨ និង៣០នាទីព្រឹក ប៉ុន្តែត្រូវកងរាជអាវុធហត្ថ និងសន្ដិសុខរុញច្រានឲ្យឡើងលើចិញ្ចើមផ្លូវវិញ។
ខណៈព្រះសង្ឃនិងអ្នកតវ៉ាទាំងនេះប៉ុនប៉ងចុះមកតវ៉ានៅលើផ្លូវវិញនោះ នគរបាលបានវាយអ្នកតវ៉ាយ៉ាងតិចម្នាក់ និងតាមចោទថា បានធ្វើឲ្យព្រះសង្ឃរងរបួសបីអង្គ។
លោក ឌឹម ឆន អាយុ៤០ឆ្នាំ ត្រូវបានកងរាជអាវុធហត្ថក្របួចកនិងវាយមួយដំបងឆក់ចំក្បាលមុនពេលត្រូវបានធាក់ឲ្យដួលទៅលើថ្នល់។ សៀតផ្កាផ្នែកខាងស្ដាំរបស់លោក ឆន បានជាំដោយមានឈាមហូរដោយសាររបួសត្រង់ក្បាលក្រោយមានការប៉ះទង្គិចនេះ។
លោក ឌឹម ឆន បាននិយាយថា...
ប្រាក់ខែកម្មករត្រូវដំឡើងដល់៩៥ដុលា្លរ តែសហជីពប្តេជ្ញាធ្វើកូដកម្ម
កាលពីម្សិលមិញ រដ្ឋាភិបាលបានប្រកាសថា ប្រាក់ខែអប្បបរមានៅក្នុងវិស័យកាត់ដេរនឹងត្រូវដំឡើងដល់៩៥ដុល្លារនៅខែមេសា គឺកើនឡើង១៩ភាគរយពីលើប្រាក់ខែបច្ចុប្បន្នចំនួន៨០ដុល្លារ ជាជំហានដំបូងនៅក្នុងផែនការប្រាំឆ្នាំ ដើម្បីដំឡើងប្រាក់ខែអប្បបរមាឲ្យដល់១៦០ដុល្លារត្រឹមឆ្នាំ២០១៨។
បន្ទាប់ពីមានសេចក្ដីសម្រេចដែលមិនស្របតាមការទាមទាររបស់សហជីពឲ្យដំឡើងប្រាក់ខែអប្បបរមា១០០ភាគរយនៅឆ្នាំក្រោយនោះ កូដកម្មនិងការតវ៉ាទ្រង់ទ្រាយតូចបានផ្ទុះឡើងនៅទូទាំងប្រទេស រីឯមេដឹកនាំសហជីពឯករាជ្យ និងសហជីពដែលមានទំនាក់ទំនងជាមួយគណបក្សប្រឆាំងបាននិយាយថា ពួកគេនឹងធ្វើកូដកម្មនៅទូទាំងប្រទេសដើម្បីបង្ខំឲ្យមានការដំឡើងប្រាក់ខែថែមទៀត។
លោក អុិត សំហេង រដ្ឋមន្ត្រីក្រសួងការងារបានប្រាប់អ្នកយកព័ត៌មានបន្ទាប់ពីកិច្ចប្រជុំរបស់គណៈកម្មការប្រឹក្សាការងារ ជាស្ថាប័នចម្រុះភាគីដែលជាអ្នកសម្រេចលើការផ្លាស់ប្ដូរប្រាក់ខែថា រដ្ឋាភិបាលបានធ្វើការពិចារណាដូចគ្នាអំពីការទាមទាររបស់កម្មករ និងម្ចាស់រោងចក្រ។
លោក អុិត សំហេង បានមានប្រសាសន៍ថា “ យើងចង់ដំឡើងប្រាក់ខែឲ្យបានច្រើនជាងនេះទៅទៀត ប៉ុន្តែយើងមិនអាចធ្វើបានទេ ព្រោះការដំឡើងប្រាក់ខែអប្បបរមាផ្អែកលើកត្តាជាច្រើន រួមទាំងជីវភាពរស់នៅ ផលិតកម្ម និងការប្រកួតប្រជែងដើម្បីទាក់ទាញវិនិយោគិនមកពីប្រទេសជិតខាង”។
ថ្វីបើមានការដំឡើងប្រាក់ខែបែបនេះក្តីក៏ប្រាក់ខែនៅកម្ពុជាស្ថិតក្នុងចំណោមប្រាក់ខែទាបបំផុតនៅក្នុងចំណោមប្រទេសផលិតសម្លៀកបំពាក់ធំៗ។ ប្រាក់ខែរបស់កម្មករនៅប្រទេសចិន វៀតណាម និងឥណ្ឌូណេស៊ី បានកើនឡើងច្រើនក្នុងរយៈពេលប៉ុន្មានឆ្នាំថ្មីៗនេះ។ កាលពីដើមខែនេះប្រទេសបង់ក្លាដែសបានដំឡើងប្រាក់ខែអប្បបរមារបស់ខ្លួន៧៧ភាគរយដល់៦៨ដុល្លារ។
លោក អុិត សំហេង បានអំពាវនាវកុំឲ្យសហជីពធ្វើការតវ៉ា។
លោកបានមានប្រសាសន៍ថា “ ខ្ញុំសូមអំពាវនាវដល់មេដឹកនាំសហជីពទាំងអស់កុំឲ្យយកបញ្ហានេះទៅញុះញង់កម្មករឲ្យធ្វើកូដកម្ម និងបាតុកម្ម ពីព្រោះវាមិនមានប្រយោជន៍សម្រាប់កម្មករ និងនិយោជករបស់យើងទេ។ យើងនឹងមិនផ្លាស់ប្ដូរការសម្រេចនេះទេ ពីព្រោះយើងខ្លាចវិនិយោគិនចាកចេញពីប្រទេសកម្ពុជា”។
កម្មករមួយក្រុមមានគ្នាប្រហែល១០០នាក់ដែលជាសមាជិកសហព័ន្ធសហជីពប្រជាធិបតេយ្យកម្មករកាត់ដេរកម្ពុជា (ស៊ីខាវឌូ) បានជួបជុំគ្នានៅខាងក្រៅកិច្ចប្រជុំនៅក្រសួងការងារ ដែលស្ថិតនៅតាមមហាវិថីសហព័ន្ធរុស្ស៊ី ហើយបានបិទផ្លូវនោះមួយសន្ទុះ បន្ទាប់ពីរដ្ឋាភិបាលប្រកាសសេចក្ដីសម្រេចនេះ។
លោក អាត់ ធន់ ប្រធានសហជីពស៊ីខាវឌូ ដែលជាមេដឹកនាំមួយរូបក្នុងចំណោមមេដឹកនាំសហជីពពីររូបដែលបានបោះឆ្នោតជំទាស់នឹងការសម្រេចរបស់រដ្ឋាភិបាលនេះបានមានប្រសាសន៍ថា សហជីពរបស់លោកនឹងមិនធ្វើតាមការអំពាវនាវរបស់រដ្ឋមន្ត្រីក្រសួងការងារ មិនឲ្យតវ៉ានោះទេ។
លោក អាត់ ធន់ បានមានប្រសាសន៍ថា “ យើងនឹងចេញសេចក្ដីប្រកាសច្រានចោលការដំឡើងប្រាក់ខែនេះ ហើយយើងនឹងធ្វើមហាបាតុកម្មនៅទូទាំងប្រទេសដើម្បីទាមទារឲ្យដំឡើងប្រាក់ខែខ្ពស់ជាងនេះ”។
លោក ជា មុនី ប្រធានសហជីពសេរីកម្មករបានមានប្រសាសន៍ថា សមាជិកសហជីពរបស់លោកបានចាប់ផ្ដើមធ្វើកូដកម្មប្រឆាំងនឹងសេចក្ដីសម្រេចនេះហើយ ហើយបានព្យាករថា មេដឹកនាំសហជីពមិនអាចរារាំងការធ្វើកូដកម្មបន្ថែមទៀតនៅក្នុងរយៈ ពេលប៉ុន្មានថ្ងៃខាងមុខនេះបានទេ។
លោកបានមានប្រសាសន៍ថា “ កម្មករនឹងតវ៉ា ពីព្រោះពួកគេមិនសប្បាយចិត្តចំពោះប្រាក់ខែអប្បបរមានេះទេ។ យើងមិនអាចគ្រប់គ្រងកម្មករទាំងអស់នេះបានទេ ពីព្រោះកំហឹងរបស់ពួកគេកំពុងផ្ទុះឡើងដោយសារសេចក្ដីសម្រេចដំឡើងប្រាក់ខែនេះ”។
យោងតាមលោក យ៉ែន សុខហា៊ន តំណាងសហជីពនៅរោងចក្រម៉ានហាតាន់ ក្នុងខេត្តកំពង់ចាម ឲ្យដឹងថា កម្មករប្រហែល៣.០០០នាក់ដែលជាសមាជិកសហជីពសេរីកម្មករបានបន្តធ្វើកូដកម្មនៅរោងចក្រនេះកាលពីម្សិលមិញ ហើយលោកបានមានប្រសាសន៍ថា កូដកម្មនឹងបន្តទៀតនៅថ្ងៃនេះ។
លោក អ៊ុំ វិសាល មន្ត្រីផ្នែកច្បាប់នៅសហជីពស៊ីខាវឌូ បានមានប្រសាសន៍ថា កម្មករប្រហែល១០.០០០នាក់នៅរោងចក្រចំនួន១០ក្នុងខេត្តកណ្ដាល ខេត្តកំពង់ស្ពឺ និងរាជធានីភ្នំពេញ បានបន្តធ្វើកូដកម្មបន្ទាប់ពីការប្រកាសសេចក្ដីសម្រេចនេះ។
លោកបានមានប្រសាសន៍ថា “ ខ្ញុំគិតថា កម្មករមកពីរោងចក្រជាច្រើនទៀតនឹងបន្តធ្វើកូដកម្មនៅថ្ងៃស្អែក”។
លោក កែន លូ អគ្គលេខាធិការសមាគមរោងចក្រកាត់ដេរនៅកម្ពុជា មានប្រសាសន៍ថា ប្រាក់ខែអប្បបរមាមិនអាចដំឡើងបានទេ ឲ្យតែរោងចក្របន្តខាតបង់ដោយសារកូដកម្មខុសច្បាប់នៅក្នុងវិស័យនេះ។
លោក កែន លូ មានប្រសាសន៍ថា “ យើងមិនអាចដំឡើងប្រាក់ខែបានទេ។ យើងចង់ឲ្យមានការលុបបំបាត់កូដកម្មខុសច្បាប់។ ប្រសិនបើកូដកម្មខុសច្បាប់នៅតែកើតមាន និងកើតឡើងកាន់តែញឹកញាប់នោះ សូម្បីតែកាត់បន្ថយប្រាក់ខែកម្មករពាក់កណ្ដាល ក៏ឧស្សាហកម្មនេះនៅតែស្លាប់ដែរ”។
គណបក្សសង្គ្រោះជាតិ បានចេញសេចក្ដីប្រកាសមួយកាលពីម្សិលមិញអំពាវនាវឲ្យរដ្ឋាភិបាលពិចារណាសេចក្ដីសម្រេចរបស់ខ្លួនឡើងវិញ និងដំឡើងប្រាក់ខែអប្បបរមាជាបន្ទាន់ឲ្យបាន១៦០ដុល្លារដូចការទាមទាររបស់សហជីព។
សេចក្ដីប្រកាសនោះលើកឡើងថា “ គណបក្សសង្គ្រោះជាតិគិតថា ប្រសិនបើមិនដំឡើងប្រាក់ខែអប្បបរមាឲ្យដល់១៦០ដុល្លារភ្លាមទេ តម្លៃម្ហូបអាហារឡើងថ្លៃ និងការចំណាយច្រើននៅក្នុងការរស់នៅ មិនអាចធ្វើឲ្យកម្មករដោះស្រាយតម្រូវការជាមូលដ្ឋានរបស់ខ្លួនបានទេ ហើយកូដកម្មដែលបានញាំញីវិស័យកាត់ដេរនេះនឹងបន្តនៅពេលឆាប់ៗនេះ”។
អំឡុងពេលការហែក្បួនរបស់គណបក្សសង្គ្រោះជាតិកាលពីម្សិលមិញ លោក សម រង្ស៊ី មេដឹកនាំគណបក្សប្រឆាំងបានជំរុញដោយផ្ទាល់ឲ្យកម្មករនៅទូទាំងប្រទេសបន្តធ្វើកូដកម្មទាមទារដំឡើងប្រាក់ខែ។
លោកបានមានប្រសាសន៍ថា “ យើងគាំទ្រទាំងស្រុងចំពោះការតវ៉ាទូទាំងប្រទេសនៅថ្ងៃស្អែក ហើយយើងក៏ស្នើសុំឲ្យកម្មករទាំងអស់ឈប់ធ្វើការមកចូលរួមធ្វើកូដកម្ម ឬការតវ៉ា ដើម្បីទាមទារឲ្យដំឡើងប្រាក់ខែដល់១៦០ដុល្លារក្នុងមួយខែ”។ គឹមហឿន
(រាយការណ៍បន្ថែមដោយ ម៉ិច ដារ៉ា)
លោក សម រង្ស៊ី ចុះជួបកម្មករកម្មការិនីធ្វើកូដកម្មនៅតំបន់សេដ្ឋកិច្ចពិសេសខេត្តស្វាយរៀង
កាលពីម្សិលមិញ លោក សម រង្ស៊ី មេដឹកនាំគណបក្សប្រឆាំងបានចុះជួបកម្មករកម្មការិនីរាប់ពាន់នាក់មកពីតំបន់សេដ្ឋកិច្ចពិសេសចំនួនពីរកន្លែងក្នុងខេត្តស្វាយរៀង ដែលបានធ្វើកូដកម្មទាមទារដំឡើងប្រាក់ខែ និងទាមទារលក្ខខណ្ឌការងារល្អប្រសើរចាប់តាំងពីថ្ងៃទី១៦ ខែធ្នូ មក។
កម្មករកម្មការិនីជាង២៥.០០០នាក់មកពីរោងចក្រចំនួន៣៦នៅក្នុងតំបន់សេដ្ឋកិច្ចពិសេស ម៉ានហាតាន និងតំបន់សេដ្ឋកិច្ចពិសេសតាយសេងបាវិត បានចាប់ផ្ដើមធ្វើកូដកម្មកាលពីសប្ដាហ៍មុន ដើម្បីទាមទារឲ្យដំឡើងប្រាក់ខែអប្បបរមាភ្លាមៗពី៨០ដុល្លារទៅ១៥៤ដុល្លារក្នុងមួយខែ និងទាមទារឲ្យរោងចក្ររបស់ខ្លួនបញ្ឈប់ការពិន័យកម្មករចំនួន១៥ដុល្លារក្នុងមួយថ្ងៃ នៅពេលពួកគេអវត្តមានមិនមកធ្វើការ។
កម្មករភាគច្រើនបានសម្រាកនៅផ្ទះនៅឡើយចាប់តាំងពីថ្ងៃពុធមក ដែលនៅពេលនោះមេដឹកនាំកូដកម្មចំនួន១៣នាក់ត្រូវបាននគរបាលឃាត់ខ្លួនព្រោះការគប់ដំថ្មទៅលើរោងចក្រ ដើម្បីជំទាស់នឹងការព្រមព្រៀងមួយរវាងមេដឹកនាំសហជីព និងអាជ្ញាធរ ដើម្បីបញ្ចប់ការធ្វើកូដកម្មនេះ។
នៅពេលទៅដល់តំបន់សេដ្ឋកិច្ចពិសេសម៉ានហាតាន ដែលស្ថិតនៅជាប់ព្រំដែនវៀតណាមនៅម៉ោងប្រហែល៧ និង៣០នាទីព្រឹក លោក សម...
គ.ជ.ប.ថាការបោះឆ្នោតឡើងវិញគឺមិនអាច តែអ្នកច្បាប់ថាអាច
សមាជិកសភាគណបក្សប្រជាជនកម្ពុជាបានសម្ដែងការគាំទ្រចំពោះលោកនាយករដ្ឋមន្ត្រី ហ៊ុន សែន ដោយបានបញ្ជាក់តាមរយៈសេចក្ដីថ្លែងការណ៍មួយក្នុងពេលថ្មីៗនេះថា ការបោះឆ្នោតសាឡើងវិញដែលគណបក្សប្រឆាំងកំពុងទាមទារគឺគ្មានថ្ងៃកើតឡើងទេព្រោះវាមិនស្របតាមច្បាប់។
ទោះជាយ៉ាងណា ក្រុមជំនាញការដែលយល់ច្បាស់ពីច្បាប់កម្ពុជាបានលើកឡើងថា ការបោះឆ្នោតសាឡើងវិញគឺពិតជាអាចទៅរួចតាមផ្លូវច្បាប់មែន ហើយអ្វីតែម្យ៉ាងគត់ ដែលរដ្ឋាភិបាលត្រូវការជាចំាបាច់ដើម្បីឲ្យការបោះឆ្នោតសាឡើងវិញនេះប្រព្រឹត្តទៅបាននោះ គឺឆន្ទៈនយោបាយ។
អំឡុងការប្រមូលផ្ដុំគ្នារបស់គណបក្សប្រឆាំងក្នុងក្រុងសៀមរាបកាលពីពីរសប្ដាហ៍មុននេះ លោក សម រង្ស៊ី ប្រធានគណបក្សសង្គ្រោះជាតិបានលើកឧទាហរណ៍ពីប្រទេសថៃ ដែលរដ្ឋាភិបាលបានសម្រេចឲ្យមានការបោះឆ្នោតមុនកាលកំណត់នៅខែកុម្ភៈដើម្បីបញ្ចប់ការតវ៉ាដែលចេះតែកើនឡើង និងការធ្វើបាតុកម្មតាមដងផ្លូវនៅទីនោះ។
រយៈពេលមួយសប្ដាហ៍ចុងក្រោយនេះ ក្រុមអ្នកតវ៉ារាប់មឺុននាក់បាននាំគ្នាធ្វើបាតុ កម្មតាមដងផ្លូវក្នុងរាជធានីភ្នំពេញជារៀងរាល់ថ្ងៃក្នុងបំណងទាមទារឲ្យលោកនាយករដ្ឋមន្ត្រី ហ៊ុន សែន លាលែងពីតំណែង។
ដោយសារមានការតវ៉ាកាន់តែខ្លាំងឡើងលោក ហ៊ុន សែន...
គណបក្សសង្គ្រោះជាតិហែក្បួនដ៏ធំដើម្បីអំពាវនាវឲ្យលោក ហ៊ុន សែន ចុះចេញពីតំណែង
អ្នកគាំទ្រគណបក្សប្រឆាំងប្រហែល៣០.០០០នាក់បានជួបជុំគ្នានៅទីលានប្រជាធិបតេយ្យ និងហែក្បួនក្នុងទីក្រុងភ្នំពេញកាលពីម្សិលមិញ ដើម្បីអំពាវនាវឲ្យលោក ហ៊ុន សែន ចុះចេញពីតំណែង ជាការហែក្បួនធំបំផុតប្រឆាំងមេដឹកនាំគណបក្សប្រជាជនរូបនេះចាប់តាំងពីមានការតវ៉ាដ៏ធំស្រដៀងគ្នានេះ ក្រោយការបោះឆ្នោតឆ្នាំ១៩៩៨។ ការហែក្បួនកាលពីម្សិលមិញ គឺជាការហែក្បួនថ្ងៃទី៨ជាប់ៗគ្នានៅក្នុងទីក្រុងភ្នំពេញប្រឆាំងលោក ហ៊ុន សែន ដែលបានប្រាប់អ្នកយកព័ត៌មានកាលពីថ្ងៃសុក្រថា លោកគ្មានបំណងចុះចេញ ឬរៀបចំការបោះឆ្នោតថ្មីមុនដាច់អាណត្តិប្រាំឆ្នាំរបស់លោក ដូចដែលគណបក្សសង្គ្រោះជាតិកំពុងទាមទារនោះទេ។
ការហែក្បួនរយៈពេលរាប់ម៉ោងរបស់បាតុករជាង២០.០០០នាក់នេះបានដើររាប់គីឡូម៉ែត្រតាមមហាវិថីព្រះមុនីវង្ស ហើយបន្ទាប់មកបានបត់តាមមហាវិថីម៉ៅសេទុង បត់ទៅជើងតាមផ្លូវ១៦៣ ដើរជុំវិញស្ដាតអូឡាំពិក និងតាមមហាវិថីសាលដឺហ្គោល មុនពេលត្រឡប់ទៅទីលានប្រជាធិបតេយ្យវិញ ដែលនៅទីនោះមានបាតុកររាប់ពាន់នាក់កំពុងរង់ចាំការវិលត្រឡប់របស់ពួកគេ។
លោក សម...
ទីស្តីការគណៈរដ្ឋមន្ត្រីលុបចោលច្បាប់កំណត់ថ្លៃសម្រាប់ហៅទូរស័ព្ទ
ទីស្តីការគណៈរដ្ឋមន្ត្រីបានលុបចោលច្បាប់ឆ្នាំ២០០៩ ដែលកំណត់ថ្លៃអប្បបរមាសម្រាប់ការហៅទូរស័ព្ទ ជាហេតុនាំឲ្យបញ្ញតិករនានាមានផ្លូវសម្រាប់កំណត់ថ្លៃហៅទូរស័ព្ទឡើងវិញ។ គួរបញ្ជាក់ថា ប្រធាននាយកប្រតិបត្តិនៅក្នុងវិស័យនេះលើកឡើងថា តម្លៃនេះមានកម្រិតខ្ពស់ពេក។
ច្បាប់នេះឬក៏ប្រកាសលេខ២៣២ដែលត្រូវបានប្រមាថយ៉ាងទូលំទូលាយនេះបានកំណត់ថ្លៃអប្បបរមា ៤,៥សេនក្នុងមួយនាទីសម្រាប់ការហៅទូរស័ព្ទក្នុងប្រព័ន្ធ និង៥,៩៥សេនក្នុងមួយនាទីសម្រាប់ការហៅទូរស័ព្ទឆ្លងប្រព័ន្ធ។ ប្រកាសនេះក៏បានដាក់ដែនកំណត់សម្រាប់ការផ្តល់ទឹកប្រាក់បន្ថែមផងដែរ ពោលគឺមិនឲ្យលើសពី៥០ភាគរយទេ និង កំណត់ចំនួនដងនៃកម្មវិធីផ្តល់អត្ថប្រយោជន៍ផ្សេងៗក្នុងមួយឆ្នាំៗ។
កាលពីខែវិច្ឆិកា បញ្ញតិករទូរគមនាគមន៍កម្ពុជាបានចេញបទបញ្ជាឲ្យក្រុមហ៊ុនប្រតិបត្តិករកម្ពុជាទាំងប្រាំពីរនៅក្នុងប្រទេសកម្ពុជាគោរព និងអនុវត្តតាមប្រកាសនេះ។
នេះគឺជាលើកទីពីរហើយក្នុងរយៈពេលប្រាំពីរខែកន្លងមកនេះ ដែលបញ្ញតិករទូរគមនាគមន៍កម្ពុជាចេញបទបញ្ជានេះ ហើយបន្ទាប់មកក្នុងរយៈពេលមិនដល់២០ថ្ងៃផង ស្ថាប័ននេះក៏បានលុបចោលបញ្ជានេះវិញ។
ទីស្តីការគណៈរដ្ឋមន្ត្រីបានបញ្ជាក់នៅក្នុងសេចក្តីប្រកាសកាលពីថ្ងៃសុក្រ ដែលត្រូវបានចុះហត្ថលេខាដោយលោក ឃឹម រ៉ូសុីដា រដ្ឋលេខាធិការទីស្តីការគណៈរដ្ឋមន្ត្រីថា“ ផ្អែកលើលទ្ធផលពិគ្រោះយោបល់ប្រកបដោយផ្លែផ្ការវាងបញ្ញតិករទូរគមនាគមន៍កម្ពុជា ក្រុមហ៊ុនប្រតិបត្តិករទូរស័ព្ទអចល័តនិងចល័តទាំងប្រាំបួនដែលបោះទុនវិនិយោគនៅប្រទេសកម្ពុជា ក្នុងគោលបំណងបង្កើតលក្ខខណ្ឌដែលធានាការប្រកួតប្រជែងដោយស្មោះត្រង់ក្នុងវិស័យទូរគមនាគមន៍ ប្រកាសលេខ២៣២...ត្រូវបានទុកជានិរាករណ៍” ។
ជាផ្នែកមួយនៃការលុបចោលច្បាប់នេះ ក្រុមប្រតិបត្តិករទូរស័ព្ទចល័ត ត្រូវបានស្នើឲ្យប្រគល់ទិន្នន័យថ្លៃដើមរបស់ខ្លួនរៀងរាល់ប្រាំមួយខែម្តង ដោយចាប់ផ្តើមចាប់ពីខែមករាតទៅ។
សេចក្តីប្រកាសដដែលមានខ្លឹមសារថា“ ក្រុមហ៊ុនប្រតិបត្តិករទូរស័ព្ទទាំងអស់ត្រូវដាក់ឯកសារគណនាថ្លៃដើមរបស់ខ្លួនរៀងរាល់ប្រាំមួយខែម្តង ជូនបញ្ញតិករទូរគមនាគមន៍កម្ពុជាពិនិត្យ ដោយចាប់ផ្តើមអនុវត្តចាប់ពីខែមករា ឆ្នាំ២០១៤តទៅ ដើម្បីឲ្យស្ថាប័ននេះមានគោលការណ៍ជាមូលដ្ឋាន ក្នុងការតាមដានការប្រកួតប្រជែងប្រកបដោយភាពស្មោះត្រង់”។
ទោះជាយ៉ាងណា ប្រធាននាយកប្រតិបត្តិមួយរូបដែលនិយាយដោយសំុមិនបញ្ចេញឈ្មោះថា សំណើនេះទំនងជាមិនត្រូវបានឆ្លើយតបទេ ដោយសារតែទិន្នន័យបែបនេះគឺជាទិន្នន័យរសើបផ្នែកពាណិជ្ជកម្ម ហើយក្រុមហ៊ុនទូរគមនាគមន៍ទាំងឡាយមិនអាចទុកចិត្តរដ្ឋាភិបាលក្នុងការរក្សាការសម្ងាត់ទេ។
ទីស្តីការគណៈរដ្ឋមន្ត្រីបានដាក់ចេញនៅចំណាត់ការនេះ បន្ទាប់ពីមានការរិះគន់យ៉ាងច្រើនពីសំណាក់អតិថិជនដែលប្រើប្រាស់សេវាទូរស័ព្ទចល័ត និងបានប្រើប្រាស់បណ្តាញទំនាក់ទំនងសង្គមហ្វេសប៊ុក (Facebook) ដើម្បីផ្សព្វផ្សាយសេចក្តីតវ៉ាអំពីថ្លៃហៅទូរស័ព្ទដែលត្រូវបានកំណត់យ៉ាងខ្ពស់។ កាលពីសប្តាហ៍មុន អ្នកប្រើប្រាស់បណ្តាញទូរស័ព្ទចល័តជាង១.០០០នាក់បានចុះហត្ថលេខាលើញត្តិមួយដើម្បីទាមទារឲ្យបញ្ញតិករទូរគមនាគមន៍កម្ពុជាលុបចោលបទបញ្ជារបស់ខ្លួន។
កាលពីខែឧសភា នៅពេលដែលបញ្ញតិករទូរគមនាគមន៍កម្ពុជា បានចេញបញ្ជាលើកដំបូងឲ្យក្រុមហ៊ុនប្រតិបត្តិករកម្ពុជាគោរពតាមប្រកាសលេខ២៣២ អតិថិជនក៏បានរិះគន់ចំណាត់ការនេះផងដែរ និងបានជំរុញឲ្យលោក សូរ ឃុន អតីតរដ្ឋមន្ត្រីក្រសួងប្រៃសណីយ៍ និងទូរគមនាគមន៍លុបចោលប្រកាសនេះវិញ។
ពេលវេលាសម្រាប់បញ្ញតិករទូរគមនាគមន៍កម្ពុជាចាប់ផ្តើមរៀបចំរចនាសម្ព័ន្ធតម្លៃអប្បបរមាឡើងវិញមិនមានភាពច្បាស់លាស់ទេ ក៏ប៉ុន្តែ លោក ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍បានលើកឡើងថា លោកចង់ឲ្យការងារនេះចាប់ផ្តើម និងបញ្ចប់នាពេលឆាប់ៗនេះ។
កាលពីថ្ងៃព្រហស្បតិ៍សប្តាហ៍មុន បញ្ញតិករទូរគមនាគមន៍កម្ពុជា បានឲ្យដឹងថា ក្រុមហ៊ុនប្រតិបត្តិករទូរស័ព្ទអចល័ត និងចល័តបានយល់ព្រមបង្កើតស្ថាប័នឯករាជ្យមួយ ដើម្បីពិភាក្សា និងដោះស្រាយបញ្ហាមួយចំនួន ក្នុងចំណោមបញ្ហានានាក្នុងវិស័យទូរគមនាគមន៍។ បញ្ញតិករទូរគមនាគមន៍កម្ពុជា ត្រូវបានមជ្ឈដ្ឋានទូទៅរំពឹងថា នឹងបើកកិច្ចប្រជុំរបស់ខ្លួនក្នុងថ្ងៃនេះ ដើម្បីពិភាក្សាគ្នាអំពីប្រកាសនេះ៕ សុធា
រដ្ឋសភាជ្រើសតាំងរដ្ឋមន្ត្រីពីររូប និងអនុម័តច្បាប់ថវិកាឆ្នាំ២០១៤
កាលពីថ្ងៃសុក្រ សមាជិកសភាមកពីគណបក្សប្រជាជនកម្ពុជា រួមទាំងលោកនាយករដ្ឋមន្ត្រី ហ៊ុន សែន ផង បានបោះឆ្នោតជាឯកច្ឆន្ទសម្រេចឲ្យសមាជិកបក្សខ្លួន គឺលោក ស៊ុយ សែម និងលោក ចម ប្រសិទ្ធ ក្លាយជាប្រមុខ នៃក្រសួងដែលបង្កើតថ្មីចំនួនពីរ គឺក្រសួង រ៉ែ និងថាមពល និងក្រសួងឧស្សាហកម្ម និង សិប្បកម្ម។
សមាជិកសភាគណបក្សកាន់អំណាចទាំង៦៧នាក់ដែលមានវត្តមានក្នុងសម័យប្រជុំនេះក៏បានបោះឆ្នោតជ្រើសតាំងរដ្ឋលេខាធិការចំនួន១៥រូបទៀតសម្រាប់ក្រសួងចំនួនប្រាំផងដែរ គឺមានក្រសួង រ៉ែ...
បក្សសង្គ្រោះជាតិនិយាយថា ថ្ងៃអាទិត្យនេះជាថ្ងៃតវ៉ាធំបំផុត
គណបក្សសង្គ្រោះជាតិបានបន្តធ្វើការតវ៉ាជាសាធារណៈឈានចូលដល់ថ្ងៃទី៦ របស់ខ្លួនក្នុងរាជធានីភ្នំពេញ កាលពីថ្ងៃសុក្រ ដើម្បីទាមទារឲ្យនាយករដ្ឋមន្ត្រី ហ៊ុន សែន លាលែងពីតំណែង ហើយអំពាវនាវឲ្យមានការរៀបចំការបោះឆ្នោតឡើងវិញ។
អ្នកគាំទ្រគណបក្សប្រឆាំងរាប់ពាន់នាក់បានជិះម៉ូតូ ម៉ូតូរឺុម៉ក់កង់បី និងកង់ តាមផ្លូវនានានៅក្នុងខណ្ឌដូនពេញ និងខណ្ឌ៧មករា ដោយស្រែកបន្លឺឮៗថា “ ហ៊ុន សែន អើយ! ចាកចេញទៅ!” ។
នគរបាលចរាចរបានធ្វើដំណើរបើកផ្លូវពីខាងមុខក្បួនដង្ហែដែលដឹកនាំដោយលោក សម រង្ស៊ី និងលោក កឹម សុខា ដើម្បីធ្វើឲ្យប្រាកដថា ក្បួនម៉ូតូដ៏វែងនេះឆ្លងកាត់តាមផ្លូវនានាក្នុងរាជធានីភ្នំពេញ ដោយគ្មានឧបទ្ទវហេតុ ហើយគ្មានការកក់ស្ទះចរាចរណ៍ខ្លាំងពេកទេ។
ពេលត្រឡប់ទៅដល់ទីលានប្រជាធិបតេយ្យវិញ ទីដែលអ្នកគាំទ្រគណបក្សប្រឆាំងរាប់រយនាក់បានបោះជំរុំចាប់តាំងពីការតវ៉ាបានចាប់ផ្តើមនៅថ្ងៃអាទិត្យ លោក កឹម សុខា អនុប្រធានគណបក្សសង្គ្រោះជាតិបានមានប្រសាសន៍ថា នៅថ្ងៃអាទិត្យខាងមុខនេះ នឹងជាការបង្ហាញកម្លាំងសន្តិវិធី និងធំបំផុតរបស់គណបក្សប្រឆាំង រហូតមកទល់ពេលនេះ។
លោកបានមានប្រសាសន៍ថា “ នៅថ្ងៃអាទិត្យមានមនុស្សច្រើនមកពីតាមខេត្ត ហើយកម្មកររោងចក្រកាត់ដេរក៏នឹងមកដែរ។ នឹងដើរទាំងអស់់គ្នានៅទូទាំងរាជធានីភ្នំពេញ” ។លោកបានបន្តថា គ្មានអ្វីខុសច្បាប់ទេនៅក្នុងការតវ៉ាដោយសន្តិវិធីរបស់គណបក្សប្រឆាំងដែលត្រូវបានការពារក្រោមរដ្ឋធម្មនុញ្ញ។
លោក កឹម សុខា ក៏ទាមទារឲ្យរដ្ឋាភិបាលរបស់លោកនាយករដ្ឋមន្ត្រី ហ៊ុន សែន ស៊ើបអង្កេតភាពមិនប្រក្រតីអំឡុងការបោះឆ្នោតជាតិកាលពីខែកក្កដា ដែលគណបក្សប្រជាជនកម្ពុជាកាន់អំណាច បានបដិសេធមិនធ្វើតាមរហូតមក។
លោកចោទសួរថា “ បើគាត់និយាយថា ការបោះឆ្នោតនេះមានលក្ខណៈសេរី ដូច្នេះ ហេតុអ្វីបានជាមិនអនុញ្ញាតឲ្យមានការស៊ើបអង្កេត ឬរៀបចំការបោះឆ្នោតជាថ្មី?”។
លោក សម រង្ស៊ី បានឡើងលើវេទិកានៅទីលានប្រជាធិបតេយ្យ ហើយបានមានប្រសាសន៍ថា វាដល់ពេលដែល “ ជាតិខ្មែរ” សង្គ្រោះខ្លួនឯងពីការបំផ្លិចបំផ្លាញហើយ។ លោកបន្តថា “ មានតែឱកាសនេះទេ វាជាឱកាសចុងក្រោយ ប្រសិនបើយើងចង់រំដោះប្រទេសជាតិរបស់យើងនៅពេលនេះ”។
លោកបានចោទសួរថា “ អ្នកខ្លះនិយាយថា បាតុកម្មរបស់យើងធ្វើឲ្យកកស្ទះចរាចរណ៍ និងរំខានដល់ប្រជាពលរដ្ឋធ្វើដំណើរតាមផ្លូវ។ ប៉ុន្តែអ្នកណាដែលត្រូវបានរំខាន នៅពេលប្រទេសជាតិត្រូវបានបំផ្លិចបំផ្លាញអស់រយៈពេល៣០ឆ្នាំមកនេះ? ហេតុអ្វីបានជាពួកគេមិនគិតពីរឿងនេះផង”។
សំដៅដល់ការអត្ថាធិប្បាយរបស់លោក ហ៊ុន សែន ធ្វើឡើងក្នុងថ្ងៃតែមួយ បានមានប្រសាសន៍ថា រដ្ឋធម្មនុញ្ញមិនអនុញ្ញាតឲ្យលោកចុះចេញពីតំណែង ឬក៏អំពាវនាវឲ្យមានការបោះឆ្នោតថ្មីមួយ។ លោក សម រង្ស៊ី បានមានប្រសាសន៍ថា រដ្ឋធម្មនុញ្ញក៏មិនអនុញ្ញាតឲ្យនរណាម្នាក់លួចសន្លឹកឆ្នោតដែរ ជាការសំដៅចំៗដល់ការអះអាងរបស់គណបក្សប្រឆាំងថា គណបក្សប្រជាជនកម្ពុជាឈ្នះឆ្នោតដោយសារការលួចបន្លំសន្លឹកឆ្នោត។
កាលពីថ្ងៃសុក្រ សាលារាជធានីភ្នំពេញ បានចេញលិខិតមួយអំពាវនាវឲ្យលោក កឹម សុខា និងលោក សម រង្ស៊ី ចូលរួមកិច្ចប្រជុំមួយនៅថ្ងៃសៅរ៍ ដោយលើកឡើងពីថា កត្តា “ មិនសមរម្យ” ជាច្រើននៅក្នុងបាតុកម្មរបស់ពួកគេ រួមទាំងការគ្រប់គ្រងបាតុករ សន្តិសុខសាធារណៈ និងធ្វើអត្ថាធិប្បាយជាសារធារណៈថាបានធ្វើឲ្យប៉ះពាល់ដល់សិទ្ធិរបស់អ្នកដទៃ។
ព្រឹទ្ធសភាក៏បានចេញសេចក្ដីថ្លែងការណ៍មួយដែរ ដោយលើកឡើងថា ខ្លួនគាំទ្រការបកស្រាយរបស់លោក ហ៊ុន សែន អំពីរដ្ឋធម្មនុញ្ញពាក់ព័ន្ធនឹងអសមត្ថភាពរបស់រូបលោកចុះចេញពីអំណាចសម្រាប់រូបលោកលាឈប់ពីតំណែង ឬអំពាវនាវឲ្យមានការបោះឆ្នោតជាថ្មី។
សេចក្ដីថ្លែងការណ៍ដដែលបានបន្តថា “ព្រឹទ្ធសភាពិចារណាថា ការទាមទាររបស់គណបក្សសង្គ្រោះជាតិ និងអ្នកតវ៉ារបស់ខ្លួននឹងធ្វើបំផ្លាញសន្តិភាព ស្ថិរភាព សន្ដិសុខសង្គម និងការអភិវឌ្ឍជាតិ”៕ សុខុម
លោក ហ៊ុន សែន៖ លោកនឹងមិនលាលែងពីតំណែងឬអំពាវនាវឲ្យរៀបចំបោះឆ្នោតជាថ្មីឡើយ
កាលពីថ្ងៃសុក្រ លោកនាយករដ្ឋមន្ត្រី ហ៊ុន សែន បានច្រានចោលការរិះគន់ជាច្រើនរបស់គណបក្សប្រឆាំង និងការធ្វើបាតុកម្មប្រចាំថ្ងៃដោយអ្នកគាំទ្រគណបក្សសង្គ្រោះជាតិ ដែលអំពាវនាវឲ្យរូបលោកចុះចេញពីតំណែង។ លោកបានអះអាងថា លោកគ្មានបំណងចុះចេញពីតំណែងឡើយ ហើយក៏មិនដឹងថា លោកបានធ្វើអ្វីខុសដែរ។
ថ្លែងទៅកាន់ក្រុមអ្នកយកព័ត៌មាននៅរដ្ឋសភាកាលពីថ្ងៃសុក្រ លោក ហ៊ុន សែន បានមានប្រសាសន៍ថា គ្មានច្បាប់ណាអនុញ្ញាតឲ្យលោករម្លាយសភាឡើយ ហើយគ្មានកាលៈទេសៈដែលលោកនឹងចុះចេញពីតំណែង ឬអំពាវនាវឲ្យមានការបោះឆ្នោតជាថ្មី អំឡុងអាណត្តិដឹកនាំរយៈពេលប្រាំឆ្នាំនោះដែរ។
លោកបានមានប្រសាសន៍ថា “ខ្ញុំឡើងតាមរដ្ឋធម្មនុញ្ញ ខ្ញុំចុះក៏ចុះតាមរដ្ឋធម្មនុញ្ញ។ ប្រទេសដទៃអនុញ្ញាតឲ្យនាយករដ្ឋមន្ត្រីប្រកាសរម្លាយសភា។ ប៉ុន្តែ នៅកម្ពុជា តាមមាត្រា៧៨នៃរដ្ឋធម្មនុញ្ញបានកំណត់ថា សភាមាននីតិកាលប្រាំឆ្នាំ សភាមិនអាចរម្លាយមុនអាណត្តិបានទេ លើកលែងតែរាជរដ្ឋាភិ បាល ត្រូវរម្លាយពីរដងក្នុងរយៈពេល១២ខែ”។
លោក ហ៊ុន សែន ក៏មានប្រសាសន៍ដែរថា សូម្បីព្រះមហាក្សត្រ នរោត្តម សីហមុនី ក៏គ្មានសិទ្ធិរម្លាយរដ្ឋាភិបាលរបស់លោកដែរ។ លោកបានចោទសួរថា “ មួយទៀតទាមទារឲ្យខ្ញុំចុះចេញពីតំណែង តើខ្ញុំបានធ្វើកំហុសអ្វី? ប្រសិនបើសភាទម្លាក់ខ្ញុំ នោះជារឿងមួយទៀត។ ប៉ុន្តែការលាលែងរបស់ខ្ញុំ មិនមែនជាចង់បានរបស់អ្នកគាំទ្រគណបក្សប្រជាជន និងគាំទ្រខ្ញុំនោះទេ”។
លោកបានបន្តថា ការទាមទារឲ្យលោកចុះចេញពីតំណែងមិនមែនជារឿងថ្មីទេ គឺមានការទាមទារបែបនេះចាប់តាំងពីលោកត្រូវបានលើកឲ្យធ្វើជាមេដឹកនាំរបស់កម្ពុជាបន្ទាប់ពីការដួលរលំរបបខ្មែរក្រហមរបស់ប៉ុល ពត ក្នុងឆ្នាំ១៩៧៩មកម៉េ្លះ។
លោកមានប្រសាសន៍ថា ផ្ទាំងបដា និងផ្ទាំងរូបភាពដែលមានសរសេរអក្សរអំពាវនាវឲ្យលោកចុះពីតំណែងគឺជាស្នាដៃរបស់មេដឹកនាំនយោបាយ “ មិនមែនអ្នកតវ៉ាទូទៅនោះទេ។ដូច្នេះ សូមបញ្ជាក់ថា គ្មានការបោះឆ្នោតឡើងវិញទេ ពីព្រោះគ្មានអ្នករម្លាយសភា ហើយក៏គ្មានយន្តការណាកំណត់អំពីការបោះឆ្នោតមុនអាណត្តិនោះដែរ”។
នៅក្នុងសេចក្តីថ្លែងការណ៍មួយចេញកាលពីថ្ងៃសុក្រ អង្គការសិទ្ធិមនុស្សក្នុងស្រុកអាដហុកបានអំពាវនាវឲ្យ “ ភាគីទាំងពីរព្រមព្រៀងលើការបោះឆ្នោតពាក់កណ្តាលអាណត្តិដែលអាចផ្តល់ដំណោះស្រាយប្រកបដោយអត្ថន័យ រយៈពេលវែង ស្របតាមលទ្ធិប្រជាធិបតេយ្យ និងសំខាន់បំផុតដោយសន្តិវិធីចំពោះស្ថានភាពជាប់គាំងនាពេលបច្ចុប្បន្ន”។
អង្គការអាដហុកបានលើកឡើងថា វាអាចមានលទ្ធផលពីរប្រសិនបើការជាប់គាំងខាងនយោបាយនៅតែបន្ត ហើយមានភាពតានតឹងកាន់តែខ្លាំងនោះគឺថា កងកម្លាំងសន្តិសុខរបស់រដ្ឋនឹងបង្ក្រាបលើការតវ៉ាដោយហិង្សា ឬថា ចលនាអំណាចរបស់ប្រជាពលរដ្ឋអាចជំរុញឲ្យគណបក្សសង្គ្រោះជាតិឡើងកាន់អំណាចដែលហួសពីព្រំដែនលទ្ធិប្រជាធិបតេយ្យ។
សេចក្តីថ្លែងការណ៍នេះមានខ្លឹមសារថា “ ការទាមទាររបស់គណបក្សសង្គ្រោះជាតិឲ្យមានកំណែទម្រង់ និងការបោះឆ្នោតក្នុងរយៈពេលពីរបីខែបន្ទាប់ទំនងជាមិនអាចទៅរួចឡើយ។ សម្រាប់កំណែទម្រង់បោះឆ្នោតប្រកបដោយអត្ថន័យកើតឡើងទៅបាន គឺចាំបាច់ត្រូវផ្តល់ពេលវេលាបន្ថែមដើម្បីធ្វើឲ្យប្រាកដថា ស្ថាប័នបោះឆ្នោតថ្មីអាចបំពេញតួនាទីរបស់ខ្លួនបានល្អ តែទោះជាយ៉ាងណាការបោះឆ្នោតនេះ នឹងធ្វើឲ្យខូចដោយសារតែភាពមិនប្រក្រតីដដែរ ដូចការបោះឆ្នោតលើកមុន។ នេះជាហេតុផលដែលអង្គការអាដហុកស្នើឲ្យមានការបោះឆ្នោតមុនអាណត្តិនៅក្នុងរយៈពេលប្រហែលពីរឆ្នាំ។
គណបក្សសង្គ្រោះជាតិបាននិងកំពុងកាន់កាប់ទីលានប្រជាធិបតេយ្យ ហើយបានធ្វើការហែក្បួនតាមម៉ូតូប្រចាំថ្ងៃនៅទូទាំងរាជធានីភ្នំពេញចាប់តាំងពីថ្ងៃអាទិត្យមក។
លោក ហ៊ុន សែន បានប្រសាសន៍កាលពីថ្ងៃសុក្រថា រដ្ឋាភិបាលត្រៀមខ្លួនរួចជាស្រេចដើម្បីដាក់ពាក្យបណ្តឹងតាមផ្លូវច្បាប់ ប្តឹងគណបក្សប្រឆាំងពីបទគំរាមបិទផ្លូវចេញចូលរាជធានីភ្នំពេញ កាលពីថ្ងៃព្រហស្បតិ៍។
លោកនាយករដ្ឋមន្ត្រីបានមានប្រសាសន៍ថា “ ការបិទផ្លូវនឹងមិនប៉ះពាល់ដល់រដ្ឋាភិបាល និងស្ថាប័នរបស់ខ្លួនទេ ប៉ុន្តែប៉ះពាល់ប្រជាពលរដ្ឋ។ វាជាទង្វើខុសច្បាប់ ដូច្នេះរដ្ឋាភិបាលនឹងឆ្លើយតបអមដោយវិធានការច្បាប់។ គ្មានជម្រើសផ្សេងទៀតទេ”។
លោក កឹម សុខា អនុប្រធានគណបក្សសង្គ្រោះជាតិមានប្រសាសន៍តាមទូរស័ព្ទកាលពីថ្ងៃសុក្រថា ការបដិសេធរបស់លោក ហ៊ុន សែន មិនព្រមចុះចេញពីតំណែង និងបន្តច្រានចោលការតវ៉ា គ្មានអ្វីថ្មីទេ។
លោកបានមានប្រសាសន៍ថា “ វាជាវប្បធម៌របស់មេដឹកនាំផ្តាច់ការនៅទូទាំងពិភពលោកដែលមិនងាយនឹងចុះចេញពីអំណាច ហើយពួកគេមិនដែលទទួលស្គាល់កំហុសរបស់ខ្លួនឡើយ”។
លោកបានលើកឡើងថា លោក ហ៊ុន សែន កំពុងតែសម្ងំលាក់ខ្លួននៅពីក្រោយច្បាប់ ហើយលោកគួរតែប្រឈមនឹងការពិត ដែលប្រជាពលរដ្ឋរាប់ពាន់នាក់កំពុងអំពាវនាវឲ្យលោកចុះចេញពីអំណាច។
លោកបានមានប្រសាសន៍ទៀតថា “នៅពេលមានការអំពាវនាវបែបនេះពីប្រជាពលរដ្ឋរាប់ពាន់នាក់ និងកន្លែងណាមានអំពើអយុត្តិធម៌យ៉ាងច្រើននៅក្នុងសង្គម មេដឹកនាំទាំងនោះនឹងយកករណីនេះទៅពិភាក្សាគ្នា ឬលាលែងពីតំណែងតែម្តង។
លោកបានមានប្រសាសន៍បន្តទៀតថា “ ខ្ញុំគិតថា គាត់គួរតែមកទីលានប្រជាធិបតេយ្យ ពេលនោះគាត់នឹងដឹងពីមូលហេតុដែលអ្នកតវ៉ាទាមទារចង់ឲ្យគាត់ចុះចេញពីអំណាច”។
លោក កឹម សុខា បានមានប្រសាសន៍បន្តថា គណបក្សសង្គ្រោះជាតិប្តេជ្ញាបន្តផែនការបិទផ្លូវចេញចូលមករាជធានីភ្នំពេញ ហើយថា ការតវ៉ាដោយសន្តិវិធី និងបន្តរហូតដល់ពួកគាតទាមទារបានសម្រេច៕សុខុម
អង្គភាពប្រឆាំងអំពើពុករលួយចាប់ខ្លួនមន្ត្រីពន្ធដារខេត្តម្នាក់
ក្រុមមន្ត្រីបាននិយាយកាលពីម្សិលមិញថា កាលពីថ្ងៃពុធអង្គភាពប្រឆាំងអំពើពុករលួយបានចាប់ខ្លួនមន្ត្រីសាខាពន្ធដារខេត្តសៀមរាបម្នាក់ បញ្ជូនមកឃុំខ្លួនបណ្ដោះអាសន្ននៅទីក្រុងភ្នំពេញ។
លោក ឌុច សុខសារិន ប្រធានសាលាដំបូងខេត្តសៀមរាប បានមានប្រសាសន៍ថា លោកលីវ ប៊ុនថន ប្រធានផ្នែកគ្រប់គ្រងអ្នកជាប់ពន្ធមធ្យមនៃសាខាពន្ធដារខេត្តសៀមរាប ត្រូវបានចាប់ខ្លួន និងចោទប្រកាន់ពីបទពុករលួយតាមមាត្រា ៥៩២ និងមាត្រា ៥៩៣ នៃក្រមព្រហ្មទណ្ឌ។
បទល្មើសនេះអាចមានទោសជាប់ពន្ធនាគារពីពីរឆ្នាំទៅប្រាំឆ្នាំ និងពិន័យជាប្រាក់ពី៤លានរៀលទៅ១០លានរៀល។
លោកចៅក្រម សុខសារិន មានប្រសាសន៍ថា លោក ប៊ុនថន ត្រូវបានចាប់ខ្លួនពីបទយកពន្ធលើអចលនទ្រព្យលើសចំនួនផ្លូវការដែលរដ្ឋាភិបាលបានកំណត់ ហើយយកលុយបង់ពន្ធលើសនោះដាក់ហោប៉ៅផ្ទាល់ខ្លួន។
លោក សុខសារិន បានមានប្រសាសន៍ថា “ គាត់បានយកពន្ធ៥០០ដុល្លារ ប៉ុន្តែកត់ត្រាចូលក្នុងបញ្ជីចំណូលរបស់រដ្ឋតែ២០០ដុល្លារប៉ុណ្ណោះ”។ លោកបានឲ្យដឹងទៀតថា គេមិនដឹងច្បាស់ថា លោក ប៊ុនថន បានធ្វើបែបនេះប៉ុន្មានដងទេ ហើយអង្គភាពប្រឆាំងអំពើពុករលួយនឹងស៊ើបអង្កេតរឿងនេះ។
លោកបានមានប្រសាសន៍ថា “ នៅពេលសាកសួរ គាត់សុំប្រើសិទ្ធិរបស់គាត់មិននិយាយរហូតដល់គាត់មានមេធាវីសិន ប៉ុន្តែខ្ញុំបានសម្រេចឃុំខ្លួនគាត់បណ្ដោះអាសន្នពីបទពុករលួយ”។ លោកបានមានប្រសាសន៍ថា ឥឡូវនេះលោក ប៊ុនថន មានមេធាវីហើយ។
លោក ខូយ ឈិន ប្រធានសាខាពន្ធដារខេត្តសៀមរាបបានបញ្ជាក់ថា លោក ប៊ុនថន ត្រូវបានមន្ត្រីមកពីអង្គភាពប្រឆាំងអំពើពុករលួយចាប់ខ្លួនកាលពីថ្ងៃពុធ និងបានមានប្រសាសន៍ថា មន្ត្រីរូបនេះមានតួនាទីជាអ្នកប្រមូលពន្ធលើអចលនទ្រព្យពីសណ្ឋាគារនៅក្នុងខេត្តសៀមរាប។
ប៉ុន្តែលោក ឈិន បានមានប្រសាសន៍ថា លោកមិនបានដឹងពីទំហំនៃអំពើពុករលួយដែលត្រូវបានគេចោទនេះទេ។
លោក ឆាយ សាវុធ អនុប្រធានអង្គភាពប្រឆាំងអំពើពុករលួយបដិសេធមិននិយាយអំពីករណីនេះទេ លុះត្រាតែការស៊ើបអង្កេតចប់សព្វគ្រប់សិន ដោយគ្រាន់តែនិយាយថា លោកគ្មានសិទ្ធិនិយាយអំពីរឿងនេះទេ។
កាលពីខែវិច្ឆិកា មន្ត្រីសាខាអគ្គិសនីខេត្តមណ្ឌលគិរីពីរនាក់ និងមន្ត្រីពន្ធដារខេត្តព្រះសីហនុម្នាក់ ត្រូវបានចោទប្រកាន់ពីបទពុករលួយ និងត្រូវបានឃុំខ្លួនបណ្ដោះអាសន្ន។
អង្គភាពប្រឆាំងអំពើពុករលួយមិននិយាយអំពីករណីទាំងពីរនេះទេ ហើយក៏មិនទាន់បានស៊ើបអង្កេតលើអំពើពុករលួយដែលមូលនិធិពិភពលោកដើម្បីប្រយុុទ្ធប្រឆាំងជំងឺអេដស៍ របេង និងគ្រុនចាញ់ បានរកឃើញនៅក្នុងវិស័យសុខាភិបាលកាលពីខែមុននោះដែរ។
លោក ប៉ែន ប៊ុណ្ណារ៍ អ្នកស៊ើបអង្កេតជាន់ខ្ពស់នៅអង្គការអាដហុក បានកត់សម្គាល់ថា អង្គភាពប្រឆាំងអំពើពុករលួយបានផ្ដោតតែលើមន្ត្រីថ្នាក់ក្រោម ចាប់តាំងពីអង្គភាពនេះបង្កើតឡើងនៅក្នុងឆ្នាំ២០១០មក។
លោកបានមានប្រសាសន៍ថា “ ជារឿយៗខ្ញុំសង្កេតឃើញថា អង្គភាពប្រឆាំងអំពើពុករលួយរើសអើងណាស់។ ការចាប់ខ្លួនធ្វើឡើងដោយរើសមុខ ហើយពួកគេផ្ដោតតែលើមន្ត្រីថ្នាក់ក្រោមប៉ុណ្ណោះ។
លោកបានបន្ថែមថា “ ប្រសិនបើអង្គភាពប្រឆាំងអំពើពុករលួយនៅតែចាប់ខ្លួនមន្ត្រីថា្នក់ក្រោម និងថ្នាក់កណ្តាលទៀតអាចនឹងមានការតវ៉ាធំពីមន្ត្រីថ្នាក់ក្រោមទាំងនោះ ពីព្រោះអំពើពុករលួយកើតឡើងជាប្រព័ន្ធ។ គួរតែចាប់ត្រីធំដែរដើម្បីធ្វើឲ្យមានតុល្យភាពនៅក្នុងការប្រយុទ្ធប្រឆាំងអំពើពុករលួយ៕គឹមហឿន