29 C
Phnom Penh

រដ្ឋសភា​​​​​​ជ្រើស​​​តាំង​​​រដ្ឋមន្ត្រី​​​ពីររូប​​​ និងអនុម័តច្បាប់​​​​​​ថវិកាឆ្នាំ​​​២០១៤

ដោយ ឌឹ ខេមបូឌា ដេលី

បទវិភាគ

កាល​​​ពីថ្ងៃ​​​សុក្រ​​​ សមាជិក​​​សភា​​​មក​​​ពី​​​គណ​​​បក្ស​​​ប្រជាជន​​​កម្ពុជា​​​ រួមទាំង​​​លោក​​​នាយក​​​រដ្ឋ​​​មន្ត្រី​​​ ហ៊ុន សែន ផង​​​  បាន​​​បោះ​​​ឆ្នោត​​​ជា​​​ឯកច្ឆន្ទ​​​សម្រេច​​​ឲ្យ​​​សមាជិក​​​បក្ស​​​​​​ខ្លួន​​​ គឺ​​​លោក ស៊ុយ​​​ សែម  និង​​​លោក ចម​​​ ប្រសិទ្ធ​​​ ក្លាយ​​​ជា​​​ប្រមុខ    ​​​នៃ​​​ក្រសួង​​​ដែល​​​បង្កើត​​​ថ្មី​​​ចំនួន​​​ពីរ​​​ គឺ​​​ក្រសួង   ​​​រ៉ែ និងថាម​​​ពល​​​ និង​​​ក្រសួង​​​ឧស្សា​​​ហកម្ម និ​​​ង សិប្បកម្ម​​​។ 

សមាជិកសភា​​​គណបក្ស​​​កាន់​​​អំណាច​​​ទាំង​​​៦៧​​​នាក់​​​ដែល​​​មាន​​​វត្ត​​​មាន​​​ក្នុង​​​សម័យ​​​ប្រជុំ​​​នេះ​​​ក៏​​​បាន​​​បោះឆ្នោត​​​ជ្រើស​​​​​​តាំង​​​រដ្ឋលេខាធិការ​​​​​ចំនួន​​​១៥​​​រូប​​​ទៀត​​​សម្រាប់​​​ក្រសួង​​​ចំនួន​​​ប្រាំ​​​ផង​​​ដែរ​​​ គឺ​​​​មាន​​​ក្រសួង​​​ រ៉ែ និង​​​ថាម​​​ពល ​​​ ក្រសួង​​​ឧស្សាហ​​​កម្ម​​​ និង​​​សិប្បកម្ម​​​ ក្រសួង​​​ទេសច​​​រណ៍ក្រសួង​​​ពាណិជ្ជកម្ម និង​​​ក្រសួង​​​កិច្ចការ​​​នារី​​​។

លោក ហេង​​​ សំរិន​​​ ប្រធាន​​​រដ្ឋ​​​សភា​​​ជាតិ​​​​​​បាន​​​ថ្លែងនៅ​​​​​​ក្រោយ​​​ការ​​​បោះឆ្នោត​​​ថា “ អនុ​​​លោម​​​​​​តាម​​​លទ្ធផល​​​នៃការ​​​បោះ​​​ឆ្នោតនេះ​​​ ​​​ខ្ញុំ​​​សូម​​​ប្រកាស​​​ជា​​​ឱឡារិក​​​ថា សមាសភាព​​​សមា​​​ជិក​​​រដ្ឋាភិបាល​​​នេះ​​​…គឺ​​​​​​ត្រូវ​​​បាន​​​​​​បោះ​​​ឆ្នោត​​​ជ្រើស​​​តាំង​​​ដោយ​​​សមាជិក​​​សភា​​​”។

លោក​​​ ជាម​​​ យៀប សមាជិក​​​សភា​​​នៃ​​​គ​​​ណ​​​ បក្ស​​​ប្រជាជន​​​កម្ពុជា​​​​​​បាន​​​លើ​​​ក​​​ឡើង​​​ថា វា​​​ជា​​​រឿង​​​សំខាន់​​​ណាស់​​​ក្នុង​​​ការ​​​បំបែក​​​​​​ក្រសួង​​​​​​ឧស្សាហកម្ម រ៉ែ និង​​​ថាម​​​ពល​​​ ជា​​​ពីរ​​​ក្រសួ​​​ង​​​ផ្សេង​​​គ្នា​​​។

លោក​​​បាន​​​មាន​​​ប្រសាសន៍ថា “ វា​​​ជា​​​រឿង​​​សំខាន់​​​ណាស់​​​ក្នុងការ​​​បំបែក​​​​​​ក្រសួង​​​នេះ​​​ជា​​​ពីរ​​​ក្រសួង​​​ផ្សេង​​​គ្នា​​​ ព្រោះ​​​ទំហំ​​​ការងារ​​​គឺ​​​ធំ​​​ធេង​​​ណាស់​​​”។

លោក ជាម យៀប បាន​​​បន្ត​​​ថា  “ ក្រសួ​​​ង​​​នេះ​​​គឺ​​​ស័ក្តិ​​​សម​​​​​​នឹង​​​បំបែក​​​ជាពីរ​​​ដើម្បីធានា​​​ប្រសិទ្ធភាព​​​ក្នុងការបង្កើន​​​សក្តានុពល​​​ក្នុង​​​​​​វិស័យ​​​ថាម​​​ពល​​​ និង​​​វិស័យ​​​ឧស្សាហ​​​កម្ម​​​ទ្រង់​​​ទ្រាយ​​​តូច​​​ដើម្បី​​​បង្កើត​​​សហ​​​គ្រាស​​​ធុន​​​មធ្យម​​​។ ជា​​​ពិសេ​​​សគឺ​​​វិស័យ​​​ថាម​​​ពល​​​ដែល​​​ដើរ​​​តួនាទី​​​សំខាន់​​​ក្នុង​​​ការ​​​ផលិត​​​ថាម​​​ពល​​​សម្រាប់​​​ប្រទេស ​​​យើង​​​ និង​​​ដើម្បី​​​ធានា​​​ឲ្យ​​​បាន​​​ថា អគ្គិសនី​      ​​មាន​​​តម្លៃ​​​ថោក​​​​​​សម្រាប់​​​ ប្រជា​​​ពល​​​រដ្ឋ​​​កម្ពុជា  ​​​គ្រប់​​​ៗ​​​រូប​​​​​​”។

បច្ចុប្បន្ន​​​នេះ​​​ តម្លៃ​​​អគ្គិសនី​​​នៅកម្ពុជា​​​ គឺ​​​ខ្ពស់​​​ជាង​​​នៅ​​​ប្រទេស​​​ជិត​​​ខាង​​​​​​ឆ្ងាយ​​​ណាស់​​​។

សមាជិក​​​សភា​​របស់​​​​គ​​​ណ​​​បក្ស​​​ប្រជាជន​​​កម្ពុជា​​​​​​ក៏​​​បាន​​​អនុម័ត​​​ជា​​​ឯកច្ឆន្ទ​​​​​​លើសេចក្តី​​​ព្រាង​​​ថវិកា​​​​​​ឆ្នាំ​​​២០១៤​​​ ​​​និង​​​ច្បាប់​​​ស្តី​​​ពី​​​ការ​​​ធានា​​​របស់​​​រដ្ឋា​​​ភិ​​​បាល​​​​​​ក្នុ​​​ងការ​​​បង់​​​ប្រាក់ទៅ​​​​​​ឲ្យក្រុម​​​ហ៊ុន​​​ឯកជន​​​​​​ Alex Corporation ​​​ដែលបាន​​​ចុះ​​​ហត្ថលេខា​​​លើ​​​កិច្ច​​​សន្យា​​​ជាមួ​​​យ​​​រដ្ឋាភិបាល​​​កាល​​​ពីថ្ងៃ​​​ទី​​​៥​​​ខែវិច្ឆិកា​​​ស្តី​​​អំ​​​ពីការ​​​សាង​​​សង់​​បណ្តាញ​​​បញ្ជូន​​​ចរន្ត​​​អគ្គិ​​​សនីដែល​​​មាន​​​​​​ប្រវែង​​​១៩៨​​​គីឡូ ម៉ែត្រនៅ​​​​​​តាម​​​បណ្តោយ​​​ផ្លូវ​​​ជាតិ​​​លេខ​​​៤​​​ ​ដោយ​​​គ្មាន​​​ការ​​​ពិភាក្សា​​​ដេញ​​​ដោល​​​​​​អ្វី​​​ផង​​​ដែរ​​​។

លទ្ធផលនៃការ​​​បោះឆ្នោត​​​កាល​​​ពីថ្ងៃ​​​សុក្រ​​​ នេះ គឺអាច​​​សន្មត​​​បាន​​​ថា ជា​​​សេចក្តី​​​សម្រេច​​​ហើយ​​​ ព្រោះ​​​មាន​​​តែ​​​សមាជិក​​​សភា​​​មក​​​ពី​​​គ​​​ណ​​​បក្ស​​​ប្រជាជន​​​កម្ពុជា​​​​​​របស់​​​លោក ហ៊ុន សែន​​​ ប៉ុណ្ណោះ​​​ដែល​​​មាន​​​វត្ត​​​មាន​​​នៅ​​​ក្នុង    ស​​​ម័យ​​​ប្រជុំ​​​នេះ។

គួរ​​​រំឭកថា  គណបក្ស​​​សង្គ្រោះ​​​ជាតិ​​​បាន​​​ឈ្នះ​​​អាសនៈ​​​ចំនួន​​​៥៥អំឡុង​​​ការ​​​បោះ​​​ឆ្នោត​​​កាល​​​ពីខែ​​​កក្កដា ប៉ុន្តែ​​​ បច្ចុប្បន្ន​​​នេះកំពុង​​​ធ្វើ​​​ពហិការ​​​សភា​​​ដើម្បី​​​សម្តែង​​​ការ​​​តវា៉ា​​​ចំពោះ​​​ភាព​​​មិន​​​ប្រក្រតី​​​ក្នុងការ​​​បោះឆ្នោត​​​ជាតិ​​​​​​កាល​​​ពីថ្ងៃទី​​​២៨ ខែកក្កដា  ដែល​​​ខ្លួន​​​អះអាង​​​ថា បាន​​​​​​ជួយ​​​ឲ្យ​​​គ​​​ណ​​​បក្ស​​​ប្រជាជន​​​កម្ពុជា​​​​​​ទទួល​​​បាន​​​ជ័យ​​​ជម្នះ​​​នោះ​​​។

លោក ជាម យៀប ដែល​​​ក៏​​​ជា​​​ប្រធាន​​​នៃ​​​គណ​​​ៈកម្មការ​​​សេដ្ឋកិច្ច ហិរញ្ញវត្ថុ និង​​​សវន​​​កម្ម​​​នៃ​​​រដ្ឋសភា​​​ដែរ​​​នោះ​​​ បាន​​​ឲ្យដឹង​​​ថា  ការ​​​ធានា​​​អំពីការ​​​បង់​​​ប្រាក់​​​ដែល​​​ត្រូវ​​​បាន​​​ចុះ​​​ហត្ថ​​​លេខា​​​កាល​​​ពីថ្ងៃ​​​សុក្រនេះ ​​​ជា​​​កិច្ច​​​ព្រម​​​ព្រៀង ​​​បែប​​​នេះ​​​ទី​​​១៤​​​ហើយ​​ជាមួ​​​យនឹង​​​ក្រុមហ៊ុន​​​ឯក​​​ជន​​​ដែល​​​កំពុង​​​សាង​​​សង់​​​រោងចក្រ​​​ដើរ​​​ដោយ​​​​​​ថាម​​​ពល​​​ធ្យូង​​​ថ្ម​​​ និង​​​ទំនប់​​​វារីអគ្គិសនី​​​នៅ​​​ក្នុង​​​ប្រទេស​​​នេះ​​​។

កិច្ច​​​ព្រម​​​ព្រៀង​​​ជាមួយ​​​​​​ក្រុមហ៊ុន Alex នេះ​​​ មាន​​​ការ​​​សន្យា​​​ថា ក្រុមហ៊ុន​​​នេះ គឺ​​​នឹង​​​ទទួល​​​បាន​​​ប្រាក់​​​ ទោះ​​​បីជាអគ្គិសនី​​​កម្ពុជាពុំ​​​ប្រើ​​​បណ្តាញ​​​បញ្ជូន​​​ចរន្ត​​​អគ្គិសនី​​​នេះ​​​ ឬ​​​មាន​​​​​​វិបត្តិ​​​​​​នយោ​​​បាយ​​​អ្វី​​​ក៏ដោយ​។

លោក​​​ ជាម យៀប បាន​​​មាន​​​ប្រសាសន៍​​​ថា “ គម្រោង​​​បញ្ជូន​​​ចរន្ត​​​អគ្គិសនី​​​​​​រវាង​​​រាជ​​​ធានី​​​ភ្នំពេញ និង​​​ខេត្ត​​​ព្រះសីហនុ​​​នេះ គឺ​​​ជា​​​ផ្នែក​​​ដ៏សំខាន់​​​មួយ​​​នៃ​​​ការ​​​បញ្ជូន​​​ថាម​​​ពល​​​​​​ថ្នាក់​​​ជាតិ​​​…​​​និ​​​ងដើម្បី​​​ភ្ជាប់​​​ប្រភព​​​ថាម​​​ពលអគ្គិ​​​សនី​​​​​​ដែល​​​កំពុង​​​ត្រូវ​​​បាន​​​​​​អភិវឌ្ឍនៅ​​​ភាគ​​​ខាងត្បូង​​​រាជ​​​ធានីភ្នំពេញ​​​”។

គួរ​​​បញ្ជាក់​​​ថា កា​​​រសាង​​​សង់​​​បង្គោល​​​បញ្ជូន​​​ថាម​​​ពល​​​នេះ​​​នឹង​​​ប៉ះពាល់​​​ដល់​​​លំនៅដ្ឋាន​​​របស់​​​ប្រជា​​​ពល​​​រដ្ឋ​​​ប្រហែល​​​៥០០គ្រួសារ​​​ដែល​​​មាន​​​ទី​​​តាំង​​​នៅលើ​​​ផ្ទៃ​​​ដីលំនៅដ្ឋាន​​​​​​១០៧​​​.៥៥៥​​​ម៉ែត្រ​​​ក្រឡា​​​៕ សេរីវុធ​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស