អ្នកវិភាគលើកឡើងថា ប្រសិនបើកម្ពុជាធ្វើឲ្យបាត់បង់ EBA រោងចក្រនឹងចាប់ផ្តើមបិទបណ្តើរៗ ហើយអ្នកវិនិយោគលើវិស័យកាត់ដេរសម្លៀកបំពាក់ ស្បែកជើងនឹងរើរោងចក្រទៅកាន់ប្រទេសផ្សេងៗទៀតជាពិសេសវៀតណាម ឬទៅរកស៊ីនៅតាមបណ្តារដ្ឋដែលមានលក្ខខណ្ឌល្អជាងកម្ពុជា ទាំងមានកម្មវិធីអនុគ្រោះពន្ធ EBAអឺរ៉ុបផង ដូចជាឡាវ ឬបង់ក្លាដិស(Bangladesh)។
អ្នកវិភាគនយោបាយឯករាជ្យលោកគឹម សុខដែលកំពុងរស់នៅនីរទេសក្នុងប្រទេសហ្វាំងឡង់(Finland)អះអាងថា កម្ពុជាប្រាកដជាប្រឈមនឹងការបាត់បង់ទីផ្សារការងាររោងចក្រកាត់ដេរ ភាគច្រើនលើសលប់ក្នុងចំណោមកម្លាំងពលកម្មជាង៨សែននាក់ដែលកំពុងធ្វើការលើវិស័យនេះដែលភាគច្រើនជាស្រ្តី។
លោកបន្តថា ប្រសិនបើស្រ្តីទាំងនោះបាត់បង់ការងារនោះពួកគាត់នឹងបាត់បង់ចំណូល កាលណាបាត់បង់ចំណូលពេលនោះសេដ្ឋកិច្ចគ្រួសាររបស់ពួកគាត់ជួបប្រទះការប៉ះទង្គិចធ្ងន់ធ្ងរហើយដែលធ្វើឲ្យពួកគាត់មិនអាចបញ្ជូនកូនទៅសាលារៀនបាន។
លោកបន្តថា ស្ត្រីខ្មែរមិនត្រូវការបុរសប្រភេទនេះមកបន្តដឹកនាំជាតិនោះឡើយ៕