លោកហ៊ុន សែនបានជំរុញឲ្យមានការកាត់បន្ថយចំនួនក្រុមមន្រ្តីដែលតែងអែបអប និងហែហមលោកក្នុងពិធីថ្លែងសុន្ទរកថាផ្សេងៗ។ ជាងនេះទៅទៀតលោកបានបន្ទោសអាជ្ញាធរដែនដីទាំងអស់ថា មិនត្រូវមកចំណាយពេលអង្គុយស្តាប់លោកនៅតាមពិធីផ្សេងៗនោះទេ។
ការស្តីបន្ទោសរបស់លោកហ៊ុន សែនធ្វើឡើងនៅក្នុងពិធីចែកសញ្ញាជូននិស្សិតកាលពីព្រឹកមិញនេះ។ លោកហ៊ុន សែនអះអាងថា អ្នកដែលតែងមកអង្គុយហែហម អមពីក្រោយលោកនោះគួរតែនាំគ្នាទុកពេលទៅបម្រើពលរដ្ឋវិញប្រសើរជាង។
ទោះជាយ៉ាងណាក៏ដោយ ក្រុមមន្រ្តីគ្រាគ់ៗមួយចំនួនក្នុងជួររដ្ឋាភិបាលធ្លាប់ប្រាប់សារព័ត៌មាន The Cambodia Dailyថា អ្នកដែលតែងអង្គុយហែហមអមដំណើររបស់លោកហ៊ុន សែនភាគច្រើនតែងចំណាយលុយច្រើនដល់ក្រុមយោធា ក្រុមប៉ូលិសនិងក្រុមកងអង្គរ័ក្សដែលតែងការពារលោកហ៊ុន សែនទៅវិញ៕