អ្នកឃ្លាំមើល៖ ដើម្បីអភិវឌ្ឍតំបន់រុនតាឯក រដ្ឋត្រូវធ្វើប្រព័ន្ធលូ ប្រព័ន្ធទឹកស្អាត និងបង្កើតមុខរបរជូនពលរដ្ឋ

ក្រុមអ្នកឃ្លាំមើលសង្គម លើកឡើងថា ដើម្បីអភិវឌ្ឍតំបន់រុនតាឯក និងតំបន់ពាក់ស្នែង សម្រាប់ប្រជាពលរដ្ឋដែលរស់នៅទីនោះស្រាប់ និងប្រជាពលរដ្ឋដែលត្រូវបានជម្លៀសមកពីតំបន់អង្គរ មិនមែនត្រឹមតែដាំកូនឈើនោះទេ ព្រោះតម្រូវការជាក់ស្តែងរបស់ប្រជាពលរដ្ឋនៅទីនោះ គឺពួកគេត្រូវការប្រព័ន្ធអគ្គិសនី ប្រព័ន្ធលូ និងប្រព័ន្ធទឹកស្អាត រួមទាំងការធានានូវការបង្កើតមុខរបរសម្រាប់ចិញ្ចឹមជីវិត។

អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី១១ តុលា នេះថា ប្រជាពលរដ្ឋដែលបានផ្លាស់លំនៅឋានពីតំបន់អង្គរទៅរស់នៅតំបន់រុនតាឯក និងតំបន់ពាក់ស្នែង កំពុងជួបការលំបាកយ៉ាងខ្លាំង ខណៈការអភិវឌ្ឍដែលអតីតនាយករដ្ឋមន្ត្រីកម្ពុជាលោក ហ៊ុន សែន ធ្លាប់ប្រកាសថានឹងប្រែក្លាយតំបន់ទាំងពីរនេះឱ្យទៅជាក្រុងទំនើប នៅមិនទាន់លេចចេញជារូបរាងនៅឡើយទេ។

លោក សេក សុជាតិ ត្អូញត្អែរថា សព្វថ្ងៃនេះ លំនៅឋានរបស់ប្រជាពលរដ្ឋដែលទើបនឹងទៅរស់នៅតំបន់នោះ មិនអាចធានាសុវត្ថិភាពសម្រាប់ពួកគាត់ឡើយ ត្បិតនៅរដូវវស្សា តំបន់នេះត្រូវទឹកលិច ខណៈលំនៅឋានខ្លះត្រូវខ្យល់បក់ប៉ើងដំបូលផ្ទះ ឬជញ្ជាំងផ្ទះដែលប្រក់ពីស្លឹកត្នោត ឬស័ង្កសី ជាដើម ហើយនេះក៏ដោយសារតែពួកគេគ្មានថវិកាគ្រប់គ្រាន់សម្រាប់សាងសង់លំនៅឋានឱ្យរឹងមាំដែរ ចំណែកថវិកាដែលរដ្ឋាភិបាលបានផ្តល់ឱ្យជាថ្នូរនឹងការចាកចេញពីតំបន់អង្គរ គឺទទួលបានតែបន្តិចបន្តួចប៉ុណ្ណោះ។

អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិតរូបនេះ អំពាវនាវឱ្យរដ្ឋាភិបាលថ្មីរបស់កម្ពុជា អនុវត្តតាមសម្ដីរបស់អតីតនាយករដ្ឋមន្ត្រីចាស់លោក ហ៊ុន សែន ដែលជាឪពុកនាយករដ្ឋមន្ត្រីថ្មីរបស់កម្ពុជានេះ ដើម្បីធានាដល់ការរស់នៅរបស់ប្រជាពលរដ្ឋដែលយល់ព្រមផ្លាស់ប្ដូរទីលំនៅតាមគោលការណ៍របស់រដ្ឋាភិបាលចាស់កន្លងមក ដែលធ្លាប់សន្យាថានឹងអភិវឌ្ឍតំបន់នេះឱ្យក្លាយទីក្រុងទំនើបនោះ។

រដ្ឋមន្ត្រីក្រសួងបរិស្ថានលោក អ៊ាង សុផល្លែត បានលើកឡើងក្នុងកិច្ចប្រជុំអន្តរក្រសួងស្ដីពីការអភិវឌ្ឍតំបន់រុនតាឯក និងតំបន់ពាក់ស្នែង កាលពីថ្ងៃទី១១ ខែតុលា ឆ្នាំ២០២៣ នេះ ដោយប្រកាសផ្តល់កូនឈើចំនួន ១០ម៉ឺនដើមដល់ការអភិវឌ្ឍតំបន់រុនតាឯក និងតំបន់ពាក់ស្នែង ដើម្បីរួមចំណែកក្នុងការអភិវឌ្ឍតំបន់នេះឱ្យមានភាពបៃតងស្អាត និងចីរភាព។

ទាក់ទិននឹងការជម្លៀសប្រជាពលរដ្ឋចេញពីតំបន់អង្គរ ឱ្យទៅរស់នៅឃុំរុនតាឯក និងឃុំពាក់ស្នែង នេះ លោក ហ៊ុន សែន ធ្លាប់បានអះអាងកាលពីចុងឆ្នាំ២០២២ ថា លោកនឹងរៀបចំឃុំរុនតាឯក ឱ្យក្លាយជាទីក្រុងទាន់សម័យមួយ គឺក្រុងរុនតាឯក ដែលជាភូមិអភិវឌ្ឍន៍ មិនមែនជាជនបទទៀតទេ ដើម្បីឱ្យប្រជាពលរដ្ឋរស់នៅតំបន់នេះមានជីវភាពធូរធារទៅថ្ងៃមុខ។

យ៉ាងណាក៏ដោយ ប្រជាពលរដ្ឋដែលបានផ្លាស់ទីលំនៅពីតំបន់អង្គរ ទៅរស់នៅឃុំរុនតាឯក និងឃុំពាក់ស្នែង តាមគោលនយោបាយរបស់រដ្ឋាភិបាលលោក ហ៊ុន សែន ប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះកាលពីពេលថ្មីៗនេះថា ចាប់តាំងពីពួកគាត់មករស់នៅទីនេះ គឺមានការលំបាកគ្រប់បែបយ៉ាង ដោយសារតែតំបន់នេះឃ្លាតឆ្ងាយពីទីប្រជុំជន មុខរបរចាស់ក៏បាត់បង់ មុខរបរថ្មីក៏បើកមិនចេញ។

ប្រភពដដែលលើកឡើងថា គ្រួសារខ្លះបានយកប័ណ្ណក្រីក្រទៅបញ្ចាំយកប្រាក់ដោះស្រាយបញ្ហាជីវភាព ស្របពេលដែលបំណុលធនាគារក៏កាន់តែកើនឡើង ក្នុងនោះផ្ទះប្រជាពលរដ្ឋមួយចំនួនបានចាក់សោទ្វារទុកចោល ដោយសារតែម្ចាស់ផ្ទះបានធ្វើចំណាកស្រុកទៅប្រទេសជិតខាង ជាដើម។

ប្រជាពលរដ្ឋទាំងនេះត្អូញត្អែរថា ពួកគេមិនសង្ឃឹមថាលោក ហ៊ុន សែន នឹងបន្តអភិវឌ្ឍទីតាំងថ្មីនេះដូចការអះអាងរបស់គាត់អំឡុងពេលជម្លៀសប្រជាពលរដ្ឋនោះឡើយ ដូច្នេះដើម្បីដោះស្រាយបញ្ហាជីវភាព ពួកគាត់គ្មានជម្រើសផ្សេងក្រៅពីទៅធ្វើការនៅប្រទេសជិតខាងនោះទេ ព្រោះថាបើគាត់មិនធ្វើដូច្នេះទេ ពួកគាត់នឹងគ្មានលុយសម្រាប់ដោះបំណុលធនាគារឡើយ ខណៈធនាគារក៏មិនបានបន្ធូរបន្ថយ ឬពន្យារពេលឱ្យពួកគាត់សងប្រាក់ត្រឡប់ទៅវិញដែរ។

ចាប់តាំងពីរដ្ឋាភិបាលថ្មីបង្កើតឡើងកាលពីថ្ងៃទី២២ ខែសីហា ឆ្នាំ២០២៣ មក លោក ហ៊ុន ម៉ាណែត ដែលជានាយករដ្ឋមន្ត្រីបន្តពូជរបស់លោក ហ៊ុន សែន នៅមិនទាន់បានលើកឡើងពីដំណើរការអភិវឌ្ឍណាមួយនៅឃុំរុនតាឯក និងឃុំពាក់ស្នែង បន្តពីការអះអាងរបស់លោក ហ៊ុន សែន ដែលជាឪពុកនៅឡើយទេ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន