ប្រធានាធិបតីសាធារណរដ្ឋអ៊ីរ៉ង់ ស្លាប់ក្នុងគ្រោះថ្នាក់ធ្លាក់ឧទ្ធម្ភាគចក្រ

កាលពីថ្ងៃអាទិត្យ ទី១៩ ឧសភា ឧទ្ធម្ភាគចក្រមួយគ្រឿងដែលដឹកប្រធានាធិបតី និងរដ្ឋមន្ត្រីការបរទេសអ៊ីរ៉ង់ បានធ្លាក់បណ្តាលឲ្យស្លាប់អ្នកដំណើរទាំងអស់នៅក្នុងឧទ្ធម្ភាគចក្រនោះ។

បណ្ដាញផ្សាយព័ត៌មានរបស់ប្រទេសអ៊ីរ៉ង់ បានចុះផ្សាយនៅថ្ងៃទី២០ ឧសភា នេះថា ប្រធានាធិបតីអ៊ីរ៉ង់ លោក Ebrahim Raisi និងរដ្ឋមន្ត្រីការបរទេស Hossein Amirabdollahian ដែលជិះឧទ្ធម្ភាគចក្រតែមួយរួមគ្នា បានទទួលមរណភាពហើយ បន្ទាប់ពីឧទ្ធម្ភាគចក្ររបស់ពួកគាត់បានធ្លាក់នៅពេលហោះឆ្លងកាត់តំបន់ព្រៃភ្នំមួយស្ថិតនៅក្បែរតំបន់ព្រំដែនជាមួយ Azerbaijan កាលពីថ្ងៃអាទិត្យ ទី១៩ ខែឧសភា។

ប្រព័ន្ធផ្សព្វផ្សាយនៃទីភ្នាក់ងារព័ត៌មានរដ្ឋអ៊ីរ៉ង់ IRNA បានបញ្ជាក់ថា ឧទ្ធម្ភាគចក្រដែលលោក Ebrahim Raisi ពិតជាបានធ្លាក់ដោយបណ្ដាលមកពីអាកាសធាតុចុះអ័ព្ទយ៉ាងខ្លាំង។

ប្រធានអឌ្ឍចន្ទក្រហមប្រទេសអ៊ីរ៉ង់ បានប្រាប់ប្រព័ន្ធផ្សព្វផ្សាយក្នុងស្រុកថា ក្រុមអ្នកជួយសង្គ្រោះបានរកឃើញឧទ្ធម្ភាគចក្ររបស់លោកប្រធានាធិបតី Ebrahim Raisi។

ប្រមុខអឌ្ឍចន្ទក្រហមអ៊ីរ៉ង់ លោក Pirhossein Koolivand បានគូសបញ្ជាក់ដូច្នេះថា «ឧទ្ធម្ភាគចក្រត្រូវបានរកឃើញហើយ។ ឥឡូវ យើងកំពុងឆ្ពោះទៅកាន់ឧទ្ធម្ភាគចក្រ។ លោកបន្ថែមថាស្ថានភាពមិនល្អនោះទេ។

ឧទ្ធម្ភាគចក្រដែលត្រូវបានគេរាយការណ៍ថាបានធ្លាក់ បានដឹកប្រធានាធិបតីអ៊ីរ៉ង់ លោក Ebrahim Raisi រដ្ឋមន្ត្រីការបរទេសអ៊ីរ៉ង់ លោក Hossein Amirabdollahian អភិបាលខេត្ត East Azerbaijan លោក Malek Rahmati និងលោក Ayatollah Mohammad Ali Ale-Hashem ជាតំណាងឲ្យមេដឹកនាំកំពូលអ៊ីរ៉ង់ សង្គ្រាជ Ayatollah Ali Khamenei ប្រចាំខេត្ត East Azerbaijan។ នេះបើតាមប្រព័ន្ធផ្សព្វផ្សាយអ៊ីរ៉ង់ IRNA។

ទូរទស្សន៍រដ្ឋអ៊ីរ៉ង់ បានផ្សាយថាមិនមានសញ្ញាណាមួយបង្ហាញថាលោកប្រធានាធិបតី លោក Ebrahim Raisi រួមទាំងអ្នកជិះនៅលើឧទ្ធម្ភាគចក្រនោះ នៅរស់រានមានជីវិតនោះទេ។

លោក Ebrahim Raisi និងក្រុមមន្ត្រីអមដំណើរលោក បានធ្វើដំណើរត្រឡប់មកពីធ្វើទស្សនកិច្ចនៅឯតំបន់ព្រំដែនអ៊ីរ៉ង់ ជាមួយនឹងប្រទេស Azerbaijan កាលពីថ្ងៃអាទិត្យ ដើម្បីចូលរួមសម្ពោធទំនប់ទឹកមួយកន្លែងជាមួយប្រធានាធិបតីអាហ្សេបៃហ្សង់ លោក Ilham Aliyev។ មេដឹកនាំកំពូលនៃប្រទេសអ៊ីរ៉ង់ សង្គ្រាជ Ayatollah Ali Khamenei បានប្រកាសឱ្យមានការកាន់ទុក្ខសរុបរយៈពេល ៥ថ្ងៃនៅទូទាំងប្រទេស ជូនវិញ្ញាណក្ខន្ធប្រធានាធិបតី លោក Ebrahim Raisi ដែលបានបាត់បង់ជីវិត។

លោក Khamenei បានថ្លែងក្នុងសេចក្តីថ្លែងការណ៍មួយដោយបានប្រកាសឱ្យមានការកាន់ទុក្ខជាសាធារណៈរយៈពេល ៥ថ្ងៃ ហើយលោកសូមសម្ដែងការចូលរួមរំលែកទុក្ខទៅកាន់ប្រជាជនអ៊ីរ៉ង់។ លោក Khamenei បានបន្តថា ដោយស្របតាមមាត្រា១៣១ នៃរដ្ឋធម្មនុញ្ញរបស់អ៊ីរ៉ង់ អនុប្រធានាធិបតី លោក Mohammad Mokhber នឹងត្រូវទទួលបន្ទុកជាស្តីទីដឹកនាំស្ថាប័ននីតិប្រតិបត្តិ ហើយលោក Mokhber ក៏ត្រូវធ្វើការជាមួយប្រធានស្ថាប័ននីតិប្បញ្ញត្តិ និងស្ថាប័នតុលាការ ដើម្បីរៀបចំឱ្យមានការបោះឆ្នោតជ្រើសរើសប្រធានាធិបតីថ្មីនៅក្នុងរយៈពេល ៥០ថ្ងៃ ចាប់ពីពេលនេះទៅ។

បណ្តាប្រទេសក្នុងតំបន់មជ្ឈិមបូព៌ា បានចូលរួមកាន់ទុក្ខជាមួយប្រជាជនអ៊ីរ៉ង់។ ប្រទេសជាច្រើនទៀតក៏បានបញ្ចេញប្រតិកម្មជុំវិញការស្លាប់ប្រធានាធិបតីអ៊ីរ៉ង់ ផងដែរ។ ប្រធានាធិបតីចិន លោក ស៊ី ជីនពីង ហៅការស្លាប់លោក Ebrahim Raisi ជាការបាត់បង់ដ៏ធំធេងរបស់ប្រជាជនអ៊ីរ៉ង់។ ប្រធានាធិបតីរុស្ស៊ី វ៉្លាឌីមៀ ពូទីន បានហៅលោក Ebrahim Raisi ថាជាមិត្តស្មោះត្រង់នឹងរុស្ស៊ី ដែលបានចូលរួមចំណែកដ៏ធំធេងក្នុងការពង្រឹងទំនាក់ទំនងមិត្តភាពទ្វេភាគី។

តាមការចុះផ្សាយរបស់បណ្ដាញផ្សាយព័ត៌មាន CNN ឧទ្ធម្ភាគចក្រដែលដឹកប្រធានាធិបតីអ៊ីរ៉ង់ ជាប្រភេទ Bell-212 ផលិតនៅសហរដ្ឋអាមេរិក សម្រាប់ប្រើប្រាស់ក្នុងរជ្ជកាលព្រះចៅ Shah Mohammad Reza Pahlavi ដែលមានវ័យចំណាស់ តាំងពីទសវត្សរ៍១៩៦០ ហើយរើរោងចក្រទៅផលិតនៅប្រទេសកាណាដា នាឆ្នាំ១៩៨៦៕

ប្រធានាធិបតីសាធារណរដ្ឋអ៊ីរ៉ង់ ស្លាប់ក្នុងគ្រោះថ្នាក់ធ្លាក់ឧទ្ធម្ភាគចក្រ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

ប្រធានាធិបតី​សាធារណរដ្ឋ​អ៊ីរ៉ង់ ស្លាប់​ក្នុង​គ្រោះថ្នាក់​ធ្លាក់​ឧទ្ធម្ភាគចក្រ

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

ប្រធានាធិបតីសាធារណរដ្ឋអ៊ីរ៉ង់ ស្លាប់ក្នុងគ្រោះថ្នាក់ធ្លាក់ឧទ្ធម្ភាគចក្រ