អ្នកសង្កេតការណ៍ថាបដិវត្តន៍នឹងផ្ទុះឡើង ឱ្យតែរដ្ឋាភិបាលកម្ពុជានៅតែបដិសេធមិនព្រមដោះស្រាយសំណើពលរដ្ឋ

អ្នកនាំពាក្យក្រុមអ្នកតស៊ូមតិកម្ពុជា ព្រមានថា បដិវត្តន៍នឹងផ្ទុះឡើងនៅកម្ពុជាដោយចៀសពុំរួច ប្រសិនបើរដ្ឋាភិបាលមិនព្រមដោះស្រាយរាល់សំណើរបស់ពលរដ្ឋ ជាពិសេសការទាមទារឱ្យរដ្ឋាភិបាលប្តឹងប្រទេសថៃ ទៅតុលាការអន្តរជាតិជុំវិញបញ្ហាកោះគុត ជាដើម។

សកម្មជនសហគមន៍ខ្មែរក្នុងទីក្រុងឡងប៊ិច លោក មួង ណារ៉េត លើកឡើងនៅថ្ងៃទី៣ មីនា នេះថា ពលរដ្ឋខ្មែរមានជម្រើសជាច្រើនក្នុងនាមជាម្ចាស់ប្រទេសដែលប្រកាន់របបប្រជាធិបតេយ្យ ដើម្បីជំរុញឱ្យរដ្ឋាភិបាលដោះស្រាយនូវកង្វល់របស់ខ្លួន ព្រោះសំណើ និងការទាមទារទាំងឡាយសុទ្ធតែបានចែងក្នុងរដ្ឋធម្មនុញ្ញដែលជាច្បាប់កំពូលរបស់ប្រទេស។

លោក មួង ណារ៉េត លើកឡើងថា នៅពេលដែលពលរដ្ឋមានបញ្ហា ពលរដ្ឋអាចប្តឹងទៅស្ថាប័នតុលាការដើម្បីឱ្យជួយដោះស្រាយ ប៉ុន្តែបើស្ថាប័នតុលាការដោះស្រាយមិនកើតដោយសារស្ថិតក្រោមឥទ្ធិពលនយោបាយ នោះពលរដ្ឋមានជម្រើសមួយទៀត គឺត្រូវតែផ្លាស់ប្ដូររដ្ឋាភិបាលតាមរយៈនៃការបោះឆ្នោត ប៉ុន្តែបើការបោះឆ្នោតមិនអាចរកយុត្តិធម៌បានទៀតនោះ ជម្រើសកាន់តែធ្ងន់ធ្ងរជាងនេះ គឺមានតែធ្វើបដិវត្តន៍ផ្លាស់ប្ដូរការដឹកនាំតែម្តង។

អ្នកនាំពាក្យក្រុមអ្នកតស៊ូមតិកម្ពុជារូបនេះបញ្ជាក់ថា រដ្ឋាភិបាលកម្ពុជាដែលមិនអើពើនឹងសំណើរបស់ពលរដ្ឋខ្លួន គឺបង្ហាញពីទង្វើរំលោភបំពានលើរដ្ឋធម្មនុញ្ញដែលជាច្បាប់កំពូលរបស់ជាតិយ៉ាងធ្ងន់ធ្ងរ ហើយរដ្ឋាភិបាលមួយដែលហ៊ានប្រព្រឹត្តទង្វើប្រឆាំងនឹងច្បាប់កំពូលរបស់ជាតិបែបនេះ សបញ្ជាក់ឱ្យឃើញយ៉ាងច្បាស់ថាមិនមែនជារដ្ឋាភិបាលដែលបម្រើផលប្រយោជន៍ឱ្យពលរដ្ឋឡើយ។

ប្រធានចលនាយុវជនគណបក្សសង្គ្រោះជាតិប្រចាំប្រទេសកូរ៉េខាងត្បូង លោក មាស ពិសាល ប្រាប់សារព័ត៌មាន The Cambodia Daily នៅថ្ងៃទី៣ មីនា នេះដែរថា ការធ្វើបាតុកម្មស្ដីពីបញ្ហាកោះគុត កាលពីថ្ងៃអាទិត្យនេះ គឺទទួលបានជោគជ័យលើសពីការរំពឹងទុក ព្រោះតែមានការចូលរួមពីពលករខ្មែរច្រើនលើសលប់។

ប្រភពដដែលឱ្យដឹងថា ជុំវិញការធ្វើបាតុកម្មនេះ ក្រុមបាតុករក៏បានដាក់ញត្តិទៅកាន់ស្ថានទូតបារាំងប្រចាំប្រទេសកូរ៉េខាងត្បូង ផងដែរ ព្រោះបារាំងធ្លាប់ជាអាណាព្យាបាលរបស់កម្ពុជា ហើយបារាំងក៏ជាប់ពាក់ព័ន្ធ និងបានចូលរួមដឹងឮជុំវិញបូរណភាពទឹកដីរបស់កម្ពុជាដែរ។

លោក មាស ពិសាល ព្រមានថា បើរដ្ឋាភិបាលលោក ហ៊ុន ម៉ាណែត មិនដោះស្រាយតាមសំណើរបស់ពលរដ្ឋក្នុងការលើកយកករណីកោះគុតប្តឹងទៅតុលាការអន្តរជាតិទេ ការធ្វើបាតុកម្មនឹងនៅតែធ្វើបន្តទៀត ហើយការធ្វើបាតុកម្មនេះមិនមែនប្រឆាំងនឹងរដ្ឋាភិបាលទេ គឺដើម្បីចូលរួមជាមួយរដ្ឋាភិបាលក្នុងការការពារទឹកដីកម្ពុជាប៉ុណ្ណោះ។

កាលពីថ្ងៃទី០២ ខែមីនា ឆ្នាំ២០២៥ ពលរដ្ឋខ្មែរដែលធ្វើការ និងរស់នៅប្រទេសកូរ៉េខាងត្បូង ប្រមាណជា ៣ពាន់នាក់ បានប្រមូលផ្តុំគ្នាធ្វើបាតុកម្មនៅទីក្រុងសេអ៊ូល (Seoul) ដើម្បីទាមទារឱ្យរដ្ឋាភិបាលកម្ពុជាប្តឹងប្រទេសថៃ លើករណីកោះគុតទៅតុលាការយុត្តិធម៌អន្តរជាតិ (ICJ)។ ជាងនេះទៀត បាតុកម្មនេះក៏ដើម្បីទាមទារឲ្យរដ្ឋាភិបាលត្រកូលហ៊ុន ស្ដារលទ្ធិប្រជាធិបតេយ្យនៅកម្ពុជាឡើងវិញផងដែរ៕

អ្នកសង្កេតការណ៍ថាបដិវត្តន៍នឹងផ្ទុះឡើង ឱ្យតែរដ្ឋាភិបាលកម្ពុជានៅតែបដិសេធមិនព្រមដោះស្រាយសំណើពលរដ្ឋ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

បណ្តាអង្គទូតបរទេសខកចិត្តចំពោះសេចក្តីសម្រេចរបស់សាលាឧទ្ធរណ៍លើសំណុំរឿងលោក កឹម សុខា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន