 រឿងដីសម្បទានសេដ្ឋកិច្ច ១០០ឆ្នាំ រឿងកោះត្រល់ រឿងកោះគុត/គជ់ រឿងប្រាសាទតាមាន់ ប្រាសាទតាក្របី រឿងកំពង់ផែនាវាចរណ៍ខ្មែរ ដែលចិន គ្រប់គ្រងនៅរាម ជាដើម បានពុះកញ្ជ្រោលជ្រួលច្របល់ក្នុងមជ្ឈដ្ឋានអ្នកនយោបាយជំទាស់ និងសកម្មជនខ្មែរស្នេហាប្រជាធិបតេយ្យ អធិបតេយ្យ ឯករាជ្យជាតិ មួយរយៈកាល ហើយស្ងាត់ជ្រងំទៅវិញ ប្រមុខរាជរដ្ឋាភិបាលបច្ចុប្បន្ន លោក ហ៊ុន ម៉ាណែត អះអាងថា លោកនឹងចុះចេញពីតំណែងនាយករដ្ឋមន្ត្រី ប្រសិនបើរកឃើញតំបន់ណាមួយក្នុងប្រទេសកម្ពុជាមិនទាន់មានការអភិវឌ្ឍ បើប្រៀបធៀបទៅនឹងអំឡុងឆ្នាំ១៩៨០។){kind=link}
បន្ទាប់ពីរឿងតំបន់អភិវឌ្ឍន៍ត្រីកោណ (CLV-DTA) រឿងដីសម្បទានសេដ្ឋកិច្ច ១០០ឆ្នាំ រឿងកោះត្រល់ រឿងកោះគុត/គជ់ រឿងប្រាសាទតាមាន់ ប្រាសាទតាក្របី រឿងកំពង់ផែនាវាចរណ៍ខ្មែរ ដែលចិន គ្រប់គ្រងនៅរាម ជាដើម បានពុះកញ្ជ្រោលជ្រួលច្របល់ក្នុងមជ្ឈដ្ឋានអ្នកនយោបាយជំទាស់ និងសកម្មជនខ្មែរស្នេហាប្រជាធិបតេយ្យ អធិបតេយ្យ ឯករាជ្យជាតិ មួយរយៈកាល ហើយស្ងាត់ជ្រងំទៅវិញ ប្រមុខរាជរដ្ឋាភិបាលបច្ចុប្បន្ន លោក ហ៊ុន ម៉ាណែត អះអាងថា លោកនឹងចុះចេញពីតំណែងនាយករដ្ឋមន្ត្រី ប្រសិនបើរកឃើញតំបន់ណាមួយក្នុងប្រទេសកម្ពុជាមិនទាន់មានការអភិវឌ្ឍ បើប្រៀបធៀបទៅនឹងអំឡុងឆ្នាំ១៩៨០។
លោក ហ៊ុន ម៉ាណែត ប្រៀបធៀបដូច្នេះ ហាក់បីដូចជាលោកមិនបានដឹងសោះអំពីសម័យកាល និងមូលហេតុដែលប្រទេសកម្ពុជារងនូវការដាក់ទណ្ឌកម្ម (sanctions) គ្រប់ជ្រុងពីប្រទេសលោកសេរី ជាពិសេសមហាអំណាចសហរដ្ឋអាមេរិក និងសម្ព័ន្ធមិត្តរបស់គេ បន្ទាប់ពីយុទ្ធមិត្តយៀកណាម វាយលុកលុយទន្ទ្រានឈ្លានពានត្រួតត្រាកាន់កាប់ប្រទេសកម្ពុជា អធិបតេយ្យ បំពានធម្មនុញ្ញសហប្រជាជាតិនាឆ្នាំ១៩៧៩ ដែលប្រទេសជាង ១០០ ជាសមាជិកថ្កោលទោស។ សម័យនោះ ពលរដ្ឋខ្មែរនៃប្រទេសកម្ពុជា រស់នឹងជំនួយពីបក្សសម្ព័ន្ធ វ៉ាសូវី នៃពួកប្រទេសសង្គមនិយមដែលអតីតសហភាពសូវៀត ជាមេខ្លោង ហើយនិងតាមរយៈការរត់ពន្ធទំនិញឆ្លងដែនពីប្រទេសជិតខាង។
ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវផ្លូវជាតិលេខ៣១ ផ្លូវជាតិលេខ៣៣ និងផ្លូវជាតិលេខ៤១ ក្នុងខេត្តតាកែវ នាព្រឹកថ្ងៃទី២៩ ខែមេសា នេះ លោក ហ៊ុន ម៉ាណែត ថាបច្ចុប្បន្ននេះ ប្រទេសកម្ពុជាមិនមែនអភិវឌ្ឍតែក្នុងទីក្រុងភ្នំពេញប៉ុណ្ណោះទេ។ លោកបន្តថា រយៈពេលជាង ៤០ឆ្នាំមកនេះ រដ្ឋាភិបាលបានខិតខំប្រឹងប្រែងអភិវឌ្ឍប្រទេសជាតិជាបន្តបន្ទាប់។
លោកនាយករដ្ឋមន្ត្រី ហ៊ុន ម៉ាណែត អះអាងថា លោកហ៊ានភ្នាល់ដាក់តំណែងជានាយករដ្ឋមន្ត្រី ប្រសិនបើពិតដូចក្រុមមាននិន្នាការប្រឆាំងដែលលើកឡើងថា ក្រោមការដឹកនាំរបស់គណបក្សប្រជាជនកម្ពុជា នៅតាមមូលដ្ឋានភូមិស្រុកនៅតែក្រ គ្មានការអភិវឌ្ឍរីកចម្រើន។
ក្រុមអ្នកឃ្លាំមើលសង្គមបានអះអាងថា លោក ហ៊ុន ម៉ាណែត ឡើងកាន់តំណែងជានាយករដ្ឋមន្ត្រីនាំឲ្យកម្ពុជាធ្លាក់ក្នុងវិបត្តិគ្រប់វិស័យដែលកែលែងបាន។ ក្រុមអ្នកវិភាគអះអាងថា សមិទ្ធផលធំបំផុតរបស់លោក ហ៊ុន ម៉ាណែត គឺទាញទម្លាក់កម្ពុជាពីមានបញ្ហាធំ មកធ្លាក់ក្នុងវិបត្តិ។
ក្រុមអ្នកឃ្លាំមើលសង្គមអះអាងថា លោក ហ៊ុន ម៉ាណែត ត្រូវបង្ហាញជំហរអំពីការធ្វើកំណែទម្រង់នយោបាយ និងប្រព័ន្ធដឹកនាំជាតិ វិលទៅរកស្មារតីនៃកិច្ចព្រមព្រៀងសន្តិភាពទីក្រុងប៉ារីស និងខ្លឹមសាររដ្ឋធម្មនុញ្ញ ស្តីអំពីលទ្ធិប្រជាធិបតេយ្យ សេរីពហុបក្ស គឺការឱ្យតម្លៃលើឆន្ទៈរបស់ពលរដ្ឋ ទើបជាវិធីត្រឹមត្រូវក្នុងការបង្រួបបង្រួម ផ្សះផ្សាខ្មែរ រហូតដល់បានឯកភាពជាតិទាំងមូល។
ចំណែកឯលោក ហ៊ុន សែន ដែលជាឪពុកនាយករដ្ឋមន្ត្រី បានសរសេរអួតអំពីសកម្មភាពរបស់កូននៅលើហ្វេសប៊ុករបស់លោកកន្លងមកថា អ្នកជំនាន់ថ្មីបានដឹកនាំដោយស្វាហាប់ និងការទទួលខុសត្រូវ គឺរក្សាបានសន្តិភាព ស្ថិរភាពនយោបាយ សន្តិសុខសណ្ដាប់ធ្នាប់សង្គម រក្សាបានស្ថិរភាពម៉ាក្រូសេដ្ឋកិច្ច។
កាលពីថ្ងៃទី៧ ខែសីហា ព្រះមហាក្សត្រនៃព្រះរាជាណាចក្រកម្ពុជា បានត្រាស់បង្គាប់ «ចាត់តាំងឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជា សម្រាប់នីតិកាលទី៧ នៃរដ្ឋសភា»។ ព្រះរាជក្រឹត្យដដែលបញ្ជាក់ថា នាយករដ្ឋមន្ត្រីដែលទទួលបានការចាត់តាំងនេះមានភារកិច្ចរៀបចំសមាសភាពរាជរដ្ឋាភិបាល ដើម្បីសុំសេចក្តីអនុម័តទុកចិត្តពីរដ្ឋសភា។
នៅថ្ងៃទី២២ ខែសីហា ឆ្នាំ២០២៣ សមាជិកសភាចំនួន ១២៣រូបក្នុងចំណោម ១២៥រូប បានបោះឆ្នោតគាំទ្រលោក ហ៊ុន ម៉ាណែត ជានាយករដ្ឋមន្ត្រី ហើយនាយករដ្ឋមន្ត្រីវ័យ ៤៥ឆ្នាំរូបនេះចាប់ផ្តើមការងារជាផ្លូវការជាមួយគណៈរដ្ឋមន្ត្រីថ្មីរបស់លោកនៅថ្ងៃទី២៣ ខែសីហា។
គួរកត់សម្គាល់ថា ក្នុងផែនការនៃកិច្ចព្រមព្រៀងតំបន់អភិវឌ្ឍន៍ត្រីកោណជាមួយប្រទេសកម្ពុជា យៀកណាម និងលាវ តាមខេត្តជាប់ព្រំដែនគ្នាចំនួន ១២ខេត្ត រដ្ឋការយៀកណាម បានបោះទុនយ៉ាងតិច ១ពាន់លានដុល្លារកាលពីឆ្នាំ២០១៩។ ចំណែកឯភាគីខ្មែរ និងលាវ គេមិនបានដឹងពិតប្រាកដថាដាក់ទុនចំនួនប៉ុន្មាននោះទេ។
ដោយឡែកពីនោះ គម្រោងអភិវឌ្ឍន៍ពាសពេញប្រទេសនោះ ក៏ភាគច្រើនជាការអភិវឌ្ឍដោយប្រើបំណុលបរទេសដែរ ជាពិសេសចិន រួមទាំងស្ថាប័នហិរញ្ញវត្ថុអន្តរជាតិ៕
© 2025, ឌឹ ខេមបូឌា ដេលី. All rights reserved.