អ្នកឃ្លាំមើលថាការបង្កើតក្រុមសង្កេតការណ៍អន្តរកាលដ៏ឆាប់រហ័ស បង្ហាញពីការប្ដេជ្ញាចិត្តរបស់កម្ពុជាអនុវត្តបទឈប់បាញ់

អ្នកឃ្លាំមើល លើកឡើងថា ការបង្កើតក្រុមសង្កេតការណ៍បណ្ដោះអាសន្ន (IOT) ដ៏ឆាប់រហ័ស គឺបង្ហាញពីការប្ដេជ្ញាចិត្តរបស់កម្ពុជាចំពោះការអនុវត្តបទឈប់បាញ់ឱ្យមានប្រសិទ្ធភាព។

អ្នកតាមដានភូមិសាស្ត្រនយោបាយនៅតំបន់អាស៊ី-ប៉ាស៊ីហ្វិក លោក សេង វណ្ណលី សរសេរលើគណនីហ្វេសប៊ុករបស់ខ្លួននៅថ្ងៃទី១៤ សីហា នេះថា ការបង្កើតក្រុមសង្កេតការណ៍បណ្ដោះអាសន្នដែលមានសមាសភាពអនុព័ន្ធយោធានៃប្រទេសអាស៊ានប្រចាំទីក្រុងភ្នំពេញ មុនប្រទេសថៃ គឺបង្ហាញពីការប្ដេជ្ញាចិត្តរបស់កម្ពុជា ចំពោះការអនុវត្តបទឈប់បាញ់ ខណៈប្រទេសថៃ នៅតែរំលោភបំពានបទឈប់បាញ់នេះឥតឈប់ឈរ។

លោក សេង វណ្ណលី បញ្ជាក់ថា ជំហានបន្ទាប់សម្រាប់កម្ពុជា គឺការជំរុញអាស៊ាន អាមេរិក និងចិន ពន្លឿនបង្កើតក្រុមសង្កេតការណ៍ពិតប្រាកដរបស់អាស៊ានឲ្យបានឆាប់ និងជំរុញឱ្យមានការដាក់សម្ពាធលើថៃ ឲ្យឯកភាពនូវគោលការណ៍ និងក្រុមប្រតិបត្តិរបស់ក្រុមសង្កេតការណ៍អាស៊ានឲ្យបានលឿនបំផុត។

នៅថ្ងៃទី១៤ សីហា នេះ ក្រសួងការពារជាតិកម្ពុជា អះអាងថា ក្រុមអ្នកសង្កេតការណ៍អន្តរកាល (IOT) បានចុះទៅសង្កេតមើលទីតាំងជាក់ស្តែងដើម្បីពិនិត្យមើលស្ថានភាពសន្តិសុខតាមព្រំដែនដែលប៉ះពាល់ដោយផ្ទាល់ក្នុងអំឡុងជម្លោះព្រំដែនកម្ពុជា-ថៃ។

ប្រភពដដែល បញ្ជាក់ថា គោលដៅដែលក្រុមអ្នកសង្កេតការណ៍អន្តរកាលចុះទៅត្រួតពិនិត្យ រួមមាន ខេត្តបាត់ដំបង ដើម្បីស្តាប់របាយការណ៍របស់មេបញ្ជាការភូមិភាគទី៥ លោក ឯក សំអូន ក្រោយបទឈប់បាញ់រវាងកម្ពុជា-ថៃ។ ចំណែកគោលដៅបន្ទាប់ គឺចុះទៅពិនិត្យនៅខេត្តបន្ទាយមានជ័យ ដូចជា ច្រកបឹងត្រកួន ស្រុកថ្មពួក ច្រកអូរបីជាន់ ស្ថិតក្នុងភូមិជោគជ័យ ស្រុកអូរជ្រៅ និងច្រកប៉ោយប៉ែត ក្នុងក្រុងប៉ោយប៉ែត។

ក្រុមអ្នកសង្កេតការណ៍អន្តរកាល (IOT) ដែលដឹកនាំដោយអនុព័ន្ធយោធាម៉ាឡេស៊ី មានតំណាង ៦ប្រទេសចូលរួម ដូចជា ប្រទេសប្រ៊ុយណេ ឥណ្ឌូនេស៊ី ឡាវ មីយ៉ាន់ម៉ា ហ្វីលីពីន និងប្រទេសវៀតណាម។

បេសកកម្មក្រុមអ្នកសង្កេតការណ៍អន្តរកាល (IOT) នេះ កើតចេញពីលទ្ធផលនៃកិច្ចប្រជុំពិសេសនៅថ្ងៃទី២៨ ខែកក្កដា និងកិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា-ថៃ (GBC) កាលពីថ្ងៃទី៧ ខែសីហា ក្នុងប្រទេសម៉ាឡេស៊ី កន្លងទៅ។

កាលពីថ្ងៃទី៧ សីហា កិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា-ថៃ (Extraordinary GBC Meeting) ត្រូវបានធ្វើឡើងនៅប្រទេសម៉ាឡេស៊ី។ ជាលទ្ធផល ភាគីទាំងពីរបានព្រមព្រៀងគ្នាលើប្រការទី១២ ក្នុងចំណោមលក្ខខណ្ឌទាំង ១៣ចំណុច ដើម្បីធានាបទឈប់បាញ់ ត្រូវបង្កើតឱ្យមានក្រុមអ្នកសង្កេតការណ៍បណ្ដោះអាសន្ន (IOT) រួមមាន អនុព័ន្ធយោធានៃរដ្ឋជាសមាជិកអាស៊ាន ដែលដឹកនាំដោយអនុព័ន្ធយោធាម៉ាឡេស៊ី ដោយឯករាជ្យ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន