អ្នកជំនាញច្បាប់និងឧក្រិដ្ឋកម្មអន្តរជាតិ៖ នយោបាយការទូតមុខពីររបស់ថៃ កំពុងបង្កបញ្ហាដល់អ្នកជិតខាងនិងពិភពលោក

អ្នកជំនាញច្បាប់ និងឧក្រិដ្ឋកម្មអន្តរជាតិ លោក ឆាំង យុ លើកឡើងថា នយោបាយការទូតមុខពីររបស់យោធាថៃ និងរដ្ឋាភិបាលថៃ កំពុងបង្កបញ្ហាដល់ប្រទេសក្បែរខាងខ្លួន និងពិភពលោកផងដែរសម្រាប់កិច្ចការបរទេសនៃប្រទេសមួយនេះ។

ប្រធានមជ្ឈមណ្ឌលឯកសារកម្ពុជា (DCCAM) លោក ឆាំង យុ លើកឡើងកាលពីថ្ងៃទី១៤ សីហា នេះថា ទោះរដ្ឋាភិបាលថៃ និងយោធាថៃ អះអាងថាខ្លួនឈរលើជំហររួបរួមតែមួយក៏ដោយ ក៏ប៉ុន្តែការពិតជាក់ស្តែង ប្រទេសនេះមានទស្សនៈយល់ឃើញ និងឥរិយាបថ ព្រមទាំងសំឡេងពីរខុសពីគ្នាដាច់ស្រឡះទៅហើយ។

លោកបន្តថា ប្រទេសថៃ កំពុងប្រឈមគោលនយោបាយមុខពីរ ដែលមួយផ្នែកកើតចេញពីខាងរដ្ឋាភិបាល និងមួយផ្នែកកើតចេញពីខាងយោធា ហើយបញ្ហានេះបានស្តែងឱ្យឃើញនូវការបែងចែកជាពីរបក្សផ្សេងគ្នានៅក្នុងការអនុវត្តយុទ្ធសាស្ត្រការទូតរបស់ខ្លួន។

នាយកមជ្ឈមណ្ឌលឯកសារកម្ពុជា រូបនេះ លើកឡើងថា ការបែកខ្ញែករវាងរដ្ឋាភិបាល និងយោធាថៃ បានចោទជាបញ្ហាប្រឈម មិនមែនចំពោះតែប្រទេសជិតខាងខ្លួនក្នុងការបកស្រាយអំពីចេតនាពិតប្រាកដរបស់ខ្លួនតែប៉ុណ្ណោះទេ ប៉ុន្តែថែមទាំងចំពោះប្រទេសលោកខាងលិច និងពិភពលោកថែមទៀតផង ក្នុងការស្វែងយល់អំពីសកម្មភាពរបស់ថៃ ដោយផ្អែកទៅលើទង្វើដែលប្រទេសនេះបានបង្កឡើងនោះ។

លោកបន្តថា វត្តមានក្រុមយោធាថៃ ប្រកាន់ជំហរជ្រុលហួសហេតុនៅផ្នែកម្ខាង និងរដ្ឋាភិបាលស៊ីវិលថៃ ដែលប្រកាន់ជំហរការទូតនៅផ្នែកម្ខាងទៀត គឺពិតជាពិបាកក្នុងការយល់ដឹងថា តើភាគីមួយគ្រប់គ្រងនៅពេលណាខ្លាំងណាស់ ហើយក៏ពិបាកដឹងថាតើប្រតិកម្មតបគួរធ្វើឡើងចំពោះភាគីមួយ ឬយ៉ាងដូចម្តេចផងដែរ។

លោក ឆាំង យុ បញ្ជាក់ថា សន្តិភាពអាចសម្រេចទៅបាន លុះត្រាតែមានភាពស្មោះត្រង់ តម្លាភាព និងការប្ដេជ្ញាចិត្ត ប៉ុន្តែបញ្ហាដែលកំពុងកើតមានក្នុងប្រទេសថៃ នាពេលនេះ បានបង្កជាការលំបាកក្នុងការសម្រេចបាននូវសន្តិភាព នៅពេលដែលមានភាគីទាំងពីរកំពុងប្រកួតប្រជែងគ្នាដែលត្រូវបង្ហាញនូវតម្លៃរួមគ្នាដើម្បីឆ្ពោះទៅមុខនោះ។

ប្រធានព្រឹទ្ធសភាកម្ពុជា លោក ហ៊ុន សែន ធ្លាប់បានលើកឡើងកាលពីថ្ងៃទី២៤ ខែមិថុនា ឆ្នាំ២០២៥ ក្រោយផ្ទុះជម្លោះតាមព្រំដែនជាមួយប្រទេសថៃ ថា ថៃកំពុងផ្ទេរពីជម្លោះផ្ទៃក្នុងមកជាជម្លោះជាមួយកម្ពុជា ហើយជម្លោះដណ្តើមអំណាចនេះ ទោះប្រឹងដោះស្រាយកម្រិតណា ក៏មិនអាចដោះស្រាយបានដែរ។

ជាក់ស្តែង សារព័ត៌មាន ខៅស៊ុត (Khaosod) បានចុះផ្សាយពីការមិនពេញចិត្តរបស់នាយករដ្ឋមន្ត្រីស្ដីទីថៃ លោក ភូមថាំ វេឆាយ៉ាឆៃ ចំពោះសកម្មភាពមេបញ្ជាការភូមិភាគ២ លោក ប៊ុនស៊ីន ផាតក្លាង ដែលបានប្រកាសរៃអង្គាសថវិកាពីប្រជាជន ដើម្បីទិញខ្សែលួសបន្លាសម្រាប់ព័ទ្ធជារបងជាមួយកម្ពុជា កាលពីថ្ងៃទី១៣ ខែសីហា កន្លងទៅនោះ។

ជុំវិញបញ្ហានេះ អតីតអ្នកសារព័ត៌មានវិទ្យុផ្សាយសំឡេងសហរដ្ឋអាមេរិក (VOA) លោក ម៉ែន គឹមសេង សរសេរគណនីហ្វេសប៊ុករបស់ខ្លួននៅថ្ងៃទី១៥ សីហា នេះថា ការប៉ះទង្គិចព្រំដែនជាមួយប្រទេសកម្ពុជា នាពេលថ្មីៗនេះ បានធ្វើឱ្យនយោបាយរបស់ប្រទេសថៃ មានភាពវឹកវរ និងជួយបង្កើនអំណាចដ៏ធំធេងដល់មេដឹកនាំយោធា ខណៈរដ្ឋាភិបាលស៊ីវិលក្នុងទីក្រុងបាងកក គឺជាអ្នកខាតបង់៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន