ថៃ គ្រោងសាងសង់របងព្រំដែនប្រវែង ១០គីឡូម៉ែត្រនៅខេត្តស្រះកែវ ជាប់ព្រំដែនជាមួយខេត្តបន្ទាយមានជ័យ របស់កម្ពុជា

ប្រទេសថៃ គ្រោងសាងសង់របងព្រំដែនជាប់ជាមួយប្រទេសកម្ពុជា ប្រវែង ១០គីឡូម៉ែត្រនៅខេត្តស្រះកែវ ជាប់គ្នានឹងខេត្តបន្ទាយមានជ័យ ដែលមានការជួយជ្រោមជ្រែងពីរាជវង្សថៃ ក្រោមមូលនិធិហាថៃធិប (Hathai Thip)។

កាសែត The Nation បានស្រង់សម្ដីរដ្ឋមន្ត្រីក្រសួងការពារជាតិថៃ លោក ណាតាផុន ណាក់ផានិច (Nattaphon Narkphanit) នៅថ្ងៃទី២៦ កញ្ញា នេះថា ថៃគ្រោងចំណាយថវិកាក្នុងការសាងសង់របងនេះប្រមាណជា ៨៧លានបាត ដែលស្មើនឹងប្រមាណជាង ២លានដុល្លារអាមេរិក ក្នុងនោះ ម្ចាស់ក្សត្រី ជូឡាផន ដែលជារាជបុត្រីច្បងរបស់ មហា វ៉ាជីរ៉ាឡុងកន (Maha Vajiralongkorn) ក៏បរិច្ចាគទឹកប្រាក់ប្រមាណជាង ៣ម៉ឺនដុល្លារអាមេរិកដែរ។

ប្រភពដដែល អះអាងថា របងព្រំដែននេះ នឹងសាងសង់តាមបណ្តោយព្រំដែនដែលមានការឯកភាពគ្នារវាងប្រទេសទាំងពីរ ខណៈទីបញ្ជាការកងយោធពលខេមរភូមិន្ទថៃ ត្រូវបានចាត់តាំងជាភ្នាក់ងារដឹកនាំការសាងសង់ និងដើម្បីសម្របសម្រួលជាមួយយោធភូមិភាគទី១ និងទី២ ព្រមទាំងកងទ័ពជើងទឹកថៃ ផងដែរ។

រដ្ឋមន្ត្រីក្រសួងការពារជាតិថៃ រូបនេះ បញ្ជាក់ថា ការសាងសង់របងព្រំដែននេះ អាចអនុវត្តបានភ្លាមនៅពេលដែលថវិការបស់រដ្ឋាភិបាលត្រូវបានពិនិត្យ និងអនុម័តឱ្យប្រើប្រាស់ជាផ្លូវការ។

ជុំវិញការប្រកាសសាងសង់របស់ព្រំដែនខេត្តស្រះកែវ របស់ថៃ ជាប់នឹងខេត្តបន្ទាយមានជ័យ របស់កម្ពុជា នេះ គេសង្កេតឃើញថាប្រជាពលរដ្ឋខ្មែររាប់ម៉ឺននាក់ កំពុងភៀសខ្លួនចាកចោលលំនៅឋាន បន្ទាប់ពីកងកម្លាំងយោធាថៃ បានយកលួសបន្លាទៅព័ទ្ធយកផ្ទះសម្បែង និងដីធ្លីរបស់ពួកគេនៅភូមិព្រៃចាន់ និងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ចាប់តាំងពីថ្ងៃទី១២ ខែសីហា ឆ្នាំ២០២៥ មក។

ព្រំដែនកម្ពុជា-ថៃ មានប្រវែងជាង ៨០០គីឡូម៉ែត្រ ឆ្លងកាត់ខេត្តចំនួន ៧ របស់កម្ពុជា រួមមានខេត្តប៉ៃលិន ខេត្តពោធិ៍សាត់ ខេត្តបាត់ដំបង ខេត្តឧត្ដរមានជ័យ ខេត្តបន្ទាយមានជ័យ ខេត្តកោះកុង និងខេត្តព្រះវិហារ ដែលមានច្រកទ្វារព្រំដែនអន្តរជាតិផ្លូវការចំនួន២៤ សម្រាប់ការធ្វើទំនាក់ទំនង និងធ្វើពាណិជ្ជកម្មជាមួយគ្នា។

អគ្គនាយកដ្ឋានអន្តោប្រវេសន៍កម្ពុជា បានបង្ហាញរបាយការណ៍កាលពីអំឡុងខែកក្កដា ឆ្នាំ២០២៥ នេះថា៖

ខេត្តព្រះវិហារ របស់ប្រទេសកម្ពុជា មានភូមិសាស្ត្រជាប់ជាមួយខេត្តស៊ីសាកេត និងខេត្តអ៊ូប៊ុនរជ្ជធានី របស់ប្រទេសថៃ លើខ្សែព្រំដែនសរុបប្រវែងជាង ១០០គីឡូម៉ែត្រ (១៤០គីឡូម៉ែត្រ)។
ខេត្តប៉ៃលិន ជាប់ជាមួយខេត្តចំនួនពីររបស់ថៃ គឺខេត្តច័ន្ទបុរី និងខេត្តត្រាត លើខ្សែព្រំដែនប្រវែងជិត ៥០គីឡូម៉ែត្រ (៤៨គីឡូម៉ែត្រ)។
ខេត្តបាត់ដំបង ជាប់ជាមួយខេត្តចំនួន៣ របស់ថៃ គឺខេត្តច័ន្ទបុរី ខេត្តត្រាត និងស្រះកែវ លើខ្សែបន្ទាត់ព្រំដែនប្រវែងជាង ១០០គីឡូម៉ែត្រ (១៣៧គីឡូម៉ែត្រ)។
ខេត្តបន្ទាយមានជ័យ ជាប់ជាមួយខេត្តចំនួន២ របស់ប្រទេសថៃ គឺខេត្តស្រះកែវ និងខេត្តបុរីរ៉ាំ លើខ្សែព្រំដែនប្រវែងជិត ២០០គីឡូម៉ែត្រ (១៨៧គីឡូម៉ែត្រ)។
ខេត្តឧត្តរមានជ័យ ជាប់ជាមួយខេត្តចំនួន៣ របស់ថៃ គឺខេត្តបុរីរ៉ាំ ខេត្តសុរិន្ទ និងខេត្តស៊ីសាកេត លើខ្សែព្រំដែនប្រវែងជាង ២០០គីឡូម៉ែត្រ (២៣០គីឡូម៉ែត្រ)។
ខេត្តកោះកុង មានភូមិសាស្ត្រជាប់ជាមួយនឹងខេត្តត្រាត ប្រទេសថៃ លើបន្ទាត់ព្រំដែនប្រវែង ៥០គីឡូម៉ែត្រ។
ខេត្តពោធិ៍សាត់ ក៏មានភូមិសាស្ត្រជាប់ខេត្តត្រាត របស់ថៃ ដែរ ដែលស្ថិតលើខ្សែព្រំដែនប្រវែង ៥៣គីឡូម៉ែត្រ។

ទាក់ទិននឹងបញ្ហានេះ អ្នកឃ្លាំមើលសង្គម លោក វ៉ន ចាន់ឡូត លើកឡើងនៅថ្ងៃទី២៦ កញ្ញា នេះថា ពាក្យថា «សង្គ្រាមមិនអាចបញ្ចប់ដោយសង្គ្រាម» និង «បន្ទាត់ព្រំដែនមិនអាចផ្លាស់ប្ដូរដោយកម្លាំងយោធា» គឺជាគំនិតរបស់មនុស្សទន់ខ្សោយប៉ុណ្ណោះ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន