អ្នកជំនាញ៖ ការផ្សាយថាលោក ត្រាំ ស្នើធ្វើអធិបតីចុះហត្ថលេខាសន្តិភាពកម្ពុជា-ថៃ ទំនងជាការធ្វើតេស្ដចិន

អ្នកជំនាញផ្នែកវិទ្យាសាស្ត្រនយោបាយ ដាក់ការសង្ស័យថា ការផ្សព្វផ្សាយចុះហត្ថលេខាលើកិច្ចព្រមព្រៀងសន្តិភាពកម្ពុជា-ថៃ ដែលស្នើដោយប្រធានាធិបតីអាមេរិក លោក ដូណាល់ ត្រាំ ទំនងជាការធ្វើតេស្ដចិន ដូច្នេះដើម្បីចៀសវាងការប៉ះពាល់ដល់មហាអំណាចទាំងពីរ កម្ពុជាគួរតែរក្សាភាពស្ងៀមស្ងាត់។

អ្នកជំនាញផ្នែកវិទ្យាសាស្ត្រនយោបាយ បណ្ឌិត ឥន សុផល សរសេរលើគណនីហ្វេសប៊ុករបស់ខ្លួននៅថ្ងៃទី១០ តុលា នេះថា តាមការសង្កេតរហូតដល់ពេលនេះ ពុំមានប្រភពផ្លូវការណាមួយបញ្ជាក់ថា ប្រធានាធិបតីអាមេរិក លោក ដូណាល់ ត្រាំ (Donald Trump) ចង់ធ្វើសាក្សីក្នុងកិច្ចព្រមព្រៀងសន្តិភាពរវាងកម្ពុជា-ថៃ អំឡុងពេលនៃកិច្ចប្រជុំកំពូលអាស៊ាន (ASEAN) នៅប្រទេសម៉ាឡេស៊ី នាចុងខែតុលា នេះនៅឡើយទេ។ ជាងនេះទៀត ក៏ពុំមានសេចក្ដីថ្លែងការណ៍ផ្លូវការណាមួយអះអាងថា លោក ដូណាល់ ត្រាំ មិនចង់ឱ្យចិន ចូលរួមនៅក្នុងពិធីនោះដែរ។ ចំណែកប្រធានអាស៊ានប្តូរវេន លោក អាន់វ៉ា អ៊ីប្រាហ៊ីម ដែលជានាយករដ្ឋមន្ត្រីប្រទេសម៉ាឡេស៊ី ក៏មិនបានចេញមកបញ្ជាក់ជាផ្លូវការថែមទៀត។

បណ្ឌិត ឥន សុផល លើកឡើងថា នៅក្នុងវិស័យការទូត គេពុំដែលនិយាយត្រង់ៗថា ប្រធានាធិបតីអាមេរិកមិនចង់ឱ្យចិន ចូលរួមបែបនេះទេ ព្រោះជាភាសាខ្វះក្រមសីលធម៌ការទូតផង និងជាការមើលងាយត្រង់ៗទៅលើភាគីចិន ផងដែរ ដែលអាចប៉ះពាល់ដល់ទំនាក់ទំនងការទូតរវាងមហាអំណាចទាំងពីរកាន់តែខ្លាំងថែមទៀត។

អ្នកជំនាញផ្នែកវិទ្យាសាស្ត្រនយោបាយរូបនេះ បញ្ជាក់ថា ផ្ទុយទៅវិញ ប្រសិនបើមានកិច្ចព្រមព្រៀងសន្តិភាពបែបនេះមែន ភាគីពាក់ព័ន្ធទាំងអស់ត្រូវការពេលវេលាសិក្សាពិនិត្យលើខ្លឹមសារនៃកិច្ចព្រមព្រៀងនោះឱ្យបានល្អិតល្អន់បំផុត មុននឹងឈានដល់ការចុះហត្ថលេខាឯកភាពគ្នា ពុំមែននៅសុខៗ ដឹកដៃគ្នាទៅចុះហត្ថលេខានោះទេ។

កាលពីថ្ងៃទី០៦ ខែតុលា ឆ្នាំ២០២៥ សារព័ត៌មានអន្តរជាតិ The Politico បានចុះផ្សាយថា ប្រធានាធិបតីអាមេរិក លោក ដូណាល់ ត្រាំ គ្រោងនឹងចូលរួមក្នុងកិច្ចប្រជុំកំពូលអាស៊ាន ដែលនឹងធ្វើឡើងក្នុងប្រទេសម៉ាឡេស៊ី ចាប់ពីថ្ងៃទី២៦ ដល់ថ្ងៃទី២៨ ខែតុលា ខាងមុខ ប្រសិនបើលោកអាចធ្វើជាអធិបតីក្នុងពិធីចុះហត្ថលេខាលើកិច្ចព្រមព្រៀងសន្តិភាពរវាងកម្ពុជា-ថៃ។

ជុំវិញបញ្ហានេះ នាយកកាសែតដើមអម្ពិល (DAP NEWS) លោក សយ សុភាព បានសរសេរលើទំព័រហ្វេសប៊ុករបស់ខ្លួនកាលពីថ្ងៃទី០៩ ខែតុលា នេះថា គ្មានការចុះហត្ថលេខាណាមួយដោយអវត្តមានមហាមិត្តចិន ដាច់ខាត បើផ្អែកលើភូមិសាស្ត្រនយោបាយ។

យ៉ាងណាក៏ដោយ មន្ត្រីជាន់ខ្ពស់គណបក្សសង្គ្រោះជាតិ លោក ហ៊ីង សុខសាន្ត បានសរសេរលើគណនីហ្វេសប៊ុករបស់ខ្លួនកាលពីថ្ងៃទី០៩ តុលា ដែរថា ក្នុងពិធីចុះហត្ថលេខានេះ ទោះមាន ឬមិនមានវត្តមានចិន គឺដូចតែគ្នាទេ ព្រោះចិន ក៏គ្មានឥទ្ធិពលបញ្ឈប់សកម្មភាពឈ្លានពានរបស់ថៃ លើកម្ពុជា ដែរ៕

អ្នកជំនាញ៖ ការផ្សាយថាលោក ត្រាំ ស្នើធ្វើអធិបតីចុះហត្ថលេខាសន្តិភាពកម្ពុជា-ថៃ ទំនងជាការធ្វើតេស្ដចិន

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន