រដ្ឋាភិបាលប្រទេសមិកស៊ិក បង្កើនកម្លាំងទ័ពទប់ទល់អំពើហិង្សាក្រោយសម្លាប់មេគ្រឿងញៀន

ប្រទេសមិកស៊ិក ជាប់នឹងសហរដ្ឋអាមេរិកប៉ែកខាងត្បូង បានដាក់ពង្រាយកងទ័ពប្រមាណ ១០០០០នាក់ ដើម្បីបង្ក្រាបអំពើហិង្សាដែលផ្ទុះឡើងបន្ទាប់ពីការស្លាប់នៃមេខ្លោងក្រុមរត់ពន្ធគ្រឿងញៀនដ៏មានឥទ្ធិពលម្នាក់។ នេះបើយោងតាមការផ្សាយតាមបណ្ដាញព័ត៌មាន Channel News Asia។

អាជ្ញាធរបានឲ្យដឹងកាលពីថ្ងៃចន្ទ ទី២៣ កុម្ភៈ ថា មេខ្លោងគ្រឿងញៀនរូបនោះមានឈ្មោះ Nemesio Oseguera Cervantes ឬ El Mencho ជាមេដឹកនាំនៃក្រុម Jalisco New Generation Cartel (CJNG) ដែលបានរងរបួសកាលពីថ្ងៃអាទិត្យក្នុងការបាញ់ប្រហារជាមួយកងទ័ពនៅទីក្រុង Tapalpa រដ្ឋ Jalisco ហើយត្រូវបានបាត់បង់ជីវិត ខណៈអាជ្ញាធរកំពុងបញ្ជូនបុរសនោះតាមយន្តហោះទៅកាន់ទីក្រុងម៉ិកស៊ីកូ (Mexico)។

ដំណឹងនៃមរណភាពរបស់ El Mencho បានបង្កឱ្យមានអំពើហិង្សារីករាលដាលយ៉ាងឆាប់រហ័ស ដោយសមាជិកក្រុមជួញដូរគ្រឿងញៀន Cartel បានបិទផ្លូវនៅក្នុងរដ្ឋចំនួន ២០ និងបានដុតបំផ្លាញរថយន្ត ក៏ដូចជាទីតាំងអាជីវកម្មជាច្រើនកន្លែង។ ក្រោយមានអំពើហិង្សាសងសឹកសមាជិកក្រុមជួញដូរគ្រឿងញៀន អាជ្ញាធរបានបន្តពង្រឹងសន្តិសុខដើម្បីទប់ស្កាត់ការប៉ះទង្គិចបន្ថែម និងរក្សាស្ថិរភាពសាធារណៈ។

អាជ្ញាធរបានរាយការណ៍ថា ក្នុងអំឡុងពេលប្រតិបត្តិការវាយឆ្មក់លើមេខ្លោងជួញដូរគ្រឿងញៀន Nemesio Oseguera Cervantes ឬ El Mencho និងការប៉ះទង្គិចបន្តបន្ទាប់ យ៉ាងហោចណាស់សមាជិកកងកម្លាំងសន្តិសុខ ២៧នាក់ ឧក្រិដ្ឋជនសង្ស័យ ៤៦នាក់ និងជនស៊ីវិលម្នាក់បានស្លាប់។ ជាមួយគ្នានេះក៏មានការរាយការណ៍ថា ការវាយប្រហារលើពន្ធនាគារមួយក្នុងរដ្ឋ Jalisco បានបណ្តាលឲ្យអ្នកទោសយ៉ាងហោចណាស់ ២៣នាក់រត់គេចខ្លួន បន្ទាប់ពីមានការបាញ់ប្រហារដោយក្រុមឧក្រិដ្ឋជន។ នេះបើយោងតាមលេខាធិការសន្តិសុខរដ្ឋ។

សហរដ្ឋអាមេរិក បានប្រកាសផ្តល់នូវរង្វាន់លើកទឹកចិត្តក្នុងទំហំថវិកា ១៥លានដុល្លារអាមេរិកចំពោះជនណាដែលអាចនាំទៅរកការចាប់ខ្លួនលោក Nemesio Oseguera ឬ El Mencho។

បន្ទាប់ពីអំពើហិង្សាបានផ្ទុះឡើង និងស្ថានការណ៍ជ្រួលច្របល់មួយភាគនៃប្រទេសមិកស៊ិក អាជ្ញាធរក៏បានព្រមានអំពីការធ្វើដំណើរពីចក្រភពអង់គ្លេស កាណាដា និងសហរដ្ឋអាមេរិក ទៅកាន់មិកស៊ិក ខណៈអូស្ត្រាលី បានជំរុញឱ្យពលរដ្ឋរបស់ខ្លួនអនុវត្តការប្រុងប្រយ័ត្ន។ ចំពេលមានស្ថានការណ៍គ្រោះថ្នាក់បែបនេះ ជើងហោះហើរពីអាមេរិក និងកាណាដា រាប់សិប ត្រូវបានគេដឹងថាបានលុបចោលជាបណ្ដោះអាសន្ន។

Nemesio Oseguera Cervantes ឬ El Mencho អាយុ ៥៩ឆ្នាំ ត្រូវបានគេចាត់ទុកថាជាមេខ្លោងគ្រឿងញៀនជំនាន់ចុងក្រោយដែលមានឥទ្ធិពលខ្លាំង បន្ទាប់ពីការចាប់ខ្លួនបុរស ២នាក់ជាមេខ្លោងឧក្រិដ្ឋកម្មគ្រឿងញៀន គឺលោក Joaquin Guzman និង Ismael Zambada Garcia នៃក្រុម Sinaloa Cartel។

បុរស El Mencho ជាសមាជិកស្ថាបនិកនៃ Jalisco New Generation Cartel (CJNG) ដែលបង្កើតឡើងឆ្នាំ២០០៩ ហើយបានវិវត្តទៅជាក្រុមឧក្រិដ្ឋកម្មដ៏ឃោរឃៅបំផុតមួយក្នុងប្រទេសមិកស៊ិក។ កូនប្រុសរបស់គាត់ឈ្មោះ Ruben Oseguera Gonzalez ត្រូវបានកាត់ទោសដោយតុលាការសហព័ន្ធនៅទីក្រុងវ៉ាស៊ីនតោន កាលពីខែកញ្ញា ហើយការណ៍នេះបានធ្វើឱ្យអ្នកជំនាញព្រមានថា អវត្តមាននៃការស្នងតំណែងមេដឹកនាំ អាចនាំឱ្យមានការប្រកួតប្រជែងផ្ទៃក្នុងនៃក្រុម Sinaloa Cartel។

អាជ្ញាធរមិកស៊ិក បាននិយាយថា ប្រតិបត្តិការដើម្បីចាប់ខ្លួន Nemesio Oseguera Cervantes ឬ El Mencho ត្រូវបានណែនាំដោយព័ត៌មានបន្ថែមពីអាជ្ញាធរអាមេរិក។

អ្នកនាំពាក្យសេតវិមាន អ្នកស្រី Karoline Leavitt បានបញ្ជាក់ថា ទីក្រុងវ៉ាស៊ីនតោន បានផ្តល់ការគាំទ្រផ្នែកស៊ើបការណ៍សម្ងាត់ ប៉ុន្តែប្រធានាធិបតី Claudia Sheinbaum នៃប្រទេសមិកស៊ិក បានអះអាងថាគ្មានកងកម្លាំងអាមេរិកណាចូលរួមដោយផ្ទាល់ក្នុងប្រតិបត្តិការនោះទេ។

រដ្ឋមន្ត្រីការពារជាតិប្រទេសមិកស៊ិក Ricardo Trevilla បាននិយាយថា មិត្តស្រីរបស់លោក Nemesio Oseguera Cervantes ឬ El Mencho គឺជាគន្លឹះក្នុងការកំណត់ទីតាំងរបស់គាត់ បន្ទាប់ពីចារកម្មមិកស៊ិក ដោយមានការគាំទ្រពីយោធាអាមេរិក បានតាមដានការជួបប្រជុំមួយ និងប្រើព័ត៌មាននោះដើម្បីស្វែងរកគាត់នៅកសិដ្ឋានមួយក្នុងរដ្ឋ Jalisco។

កងទ័ពបានឲ្យដឹងថា សមាជិកក្រុមជួញដូរគ្រឿងញៀនពីរនាក់ត្រូវបានចាប់ខ្លួន និងអាវុធជាច្រើនត្រូវបានរឹបអូស រួមទាំងគ្រាប់រ៉ុក្កែតដែលអាចបំផ្លាញយន្តហោះ និងរថពាសដែក។

អាជ្ញាធរក៏បានប្រកាសពីការស្លាប់ដៃស្តាំរបស់គាត់ គឺលោក Hugo H ឬ El Tuli ផងដែរ។ ទីក្រុងវ៉ាស៊ីនតោន បានចាត់ថ្នាក់ CJNG និង Sinaloa Cartel ជាអង្គការភេរវកម្ម និងចោទប្រកាន់ថាក្រុមនេះបាននាំចូលកូកាអ៊ីន ហេរ៉ូអ៊ីន មេតំហ្វេតាមីន និងហ្វេនតានីល ទៅកាន់សហរដ្ឋអាមេរិក។

ប្រតិបត្តិការនេះកើតឡើងក្នុងបរិបទសម្ពាធនយោបាយពីលោក ដូណាល់ ត្រាំ (Donald Trump) ដែលបានជំរុញឲ្យមិកស៊ិក ទប់ស្កាត់លំហូរគ្រឿងញៀន បើមិនដូច្នោះទេ នឹងប្រឈមមុខនឹងពន្ធគយដ៏ធ្ងន់ធ្ងរពីសហរដ្ឋអាមេរិក៕

រដ្ឋាភិបាលប្រទេសមិកស៊ិក បង្កើនកម្លាំងទ័ពទប់ទល់អំពើហិង្សាក្រោយសម្លាប់មេគ្រឿងញៀន

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

រដ្ឋាភិបាល​ប្រទេស​មិកស៊ិក បង្កើន​កម្លាំង​ទ័ព​ទប់ទល់​អំពើ​ហិង្សា​ក្រោយ​សម្លាប់​មេ​គ្រឿងញៀន

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

រដ្ឋាភិបាលប្រទេសមិកស៊ិក បង្កើនកម្លាំងទ័ពទប់ទល់អំពើហិង្សាក្រោយសម្លាប់មេគ្រឿងញៀន