លោក ត្រាំ ប្រកាសបញ្ជូនទ័ពជើងគោកវាយអ៊ីរ៉ង់ ប្រសិនបើចាំបាច់ ខណៈរដ្ឋមន្ត្រីសង្គ្រាមថាមិនទុកឱ្យសង្គ្រាមនេះរ៉ាំរ៉ៃឡើយ

ប្រធានាធិបតីសហរដ្ឋអាមេរិក លោក ដូណាល់ ត្រាំ ប្រកាសពីការមិនច្រានចោលលទ្ធភាពនៃការបញ្ជូនកងទ័ពជើងគោកអាមេរិកវាយចូលប្រទេសអ៊ីរ៉ង់។

លោកបានថ្លែងដូចនេះកាលពីថ្ងៃចន្ទ ទី២ ខែមីនា ឆ្នាំ២០២៦ ដែលបញ្ជាក់ថា លោកនឹងពិចារណាលើចំណាត់ការនេះ ប្រសិនបើចាំបាច់ ដើម្បីសម្រេចគោលដៅយោធារបស់សហរដ្ឋអាមេរិក។

ក្នុងបទសម្ភាសន៍ជាមួយសារព័ត៌មាន New York Post លោក ត្រាំ បាននិយាយថា លោកមិនមានការស្ទាក់ស្ទើរច្រើនទេក្នុងការប្រើប្រាស់កម្លាំងទ័ពជើងគោក គឺមិនដូចប្រធានាធិបតីសហរដ្ឋអាមេរិកមុនៗនោះទេ។ លោកបញ្ជាក់ថា នៅពេលដែលចាំបាច់ គឺត្រូវអូសទ័ពជើងគោកចូលប្រយុទ្ធហើយ តែលោក ត្រាំ សង្កត់ធ្ងន់ថា គោលដៅធំបំផុត គឺការកម្ទេចសមត្ថភាពមីស៊ីល បំផ្លាញកងទ័ពជើងទឹករបស់អ៊ីរ៉ង់ ឲ្យខ្ទេចខ្ទី បញ្ឈប់មហិច្ឆតានុយក្លេអ៊ែរ និងអំណាចផ្ដាច់ការ ដែលផ្តល់មូលនិធិដល់កងទ័ពភេរវករនៅក្រៅប្រទេស។

លោក ត្រាំ អះអាងថា កងទ័ពអាមេរិកបានវាយកម្ទេចនាវាចម្បាំងរបស់អ៊ីរ៉ង់ បាន ៩គ្រឿងហើយ។

សាររបស់លោក ត្រាំ ដែលបញ្ជាក់ពីប្រតិបត្តិការ Epic Fury ឬមានន័យថា «មហាកំហឹង» របស់សហរដ្ឋអាមេរិក ត្រូវតែធ្វើឱ្យបានជោគជ័យ។

លោក ត្រាំ បានហៅពេលវេលានេះថាជាប្រតិបត្តិការដ៏ធំធេង។ លោកបានប្រាប់អ្នកយកព័ត៌មានថា សង្គ្រាមនេះអាចអូសបន្លាយពេលពី ៤ ទៅ ៥សប្ដាហ៍ ទើបអាចបិទបញ្ចប់ ឬមួយអ៊ីរ៉ង់ ត្រូវមានការផ្លាស់ប្ដូររបបដឹកនាំថ្មី។

យ៉ាងណា រដ្ឋមន្ត្រីនៃក្រសួងសង្គ្រាម លោក Pete Hegseth និងនាយអគ្គសេនាធិការចម្រុះ ឧត្ដមសេនីយ៍ Dan Caine បានសង្កត់ធ្ងន់ថា បេសកកម្មកម្ទេចមហិច្ឆតានុយក្លេអ៊ែរ និងហេដ្ឋារចនាសម្ព័ន្ធយោធាអ៊ីរ៉ង់ គឺជា «ការងារដ៏លំបាក និងស្មុគស្មាញ» ដែលមិនអាចកំណត់ពេលវេលាច្បាស់លាស់បានឡើយ។

លោក Pete Hegseth និងនាយអគ្គសេនាធិការចម្រុះ ឧត្ដមសេនីយ៍ Dan Caine បានបើកសន្និសីទសារព័ត៌មានរួមគ្នាមួយនៅមន្ទីរបញ្ចកោណ កាលពីថ្ងៃចន្ទ ទី២ ខែមីនា ដើម្បីបញ្ជាក់ពីវឌ្ឍនភាពនៃប្រតិបត្តិការយោធារបស់សហរដ្ឋអាមេរិក និងអ៊ីស្រាអែល ក្នុងប្រតិបត្តិការសឹកវាយប្រហារទៅលើប្រទេសអ៊ីរ៉ង់។

លោក Pete Hegseth បានសង្កត់ធ្ងន់ថា ប្រតិបត្តិការនេះមានគោលដៅកម្ទេចសមត្ថភាពមីស៊ីលកងទ័ពជើងទឹក និងហេដ្ឋារចនាសម្ព័ន្ធសន្តិសុខរបស់ទីក្រុងតេហេរ៉ង់ ដើម្បីលុបបំបាត់ការគំរាមកំហែងដល់សហរដ្ឋអាមេរិក និងសម្ពន្ធមិត្ត តែលោកអះអាងថាមិនមែនជាសង្គ្រាមរ៉ាំរ៉ៃនោះទេ។

បើតាមលោករដ្ឋមន្ត្រីនៃក្រសួងសង្គ្រាម វាមិនមែនជាសង្គ្រាមនៅអ៊ីរ៉ាក់ ទេ ហើយក៏មិនមែនជាសង្គ្រាមដែលគ្មានទីបញ្ចប់ដែរ តែលោកថាសហរដ្ឋអាមេរិកវាយប្រហារដើម្បីឈ្នះ និងបញ្ចប់ការគំរាមកំហែងដោយមិនពន្យារពេលយូរអង្វែងឡើយ។

ចំណែកឧត្ដមសេនីយ៍ Dan Caine បានលើកឡើងថា ទោះបីជាអាមេរិកទទួលបានឧត្តមភាពលើអាកាសក៏ដោយ ក៏ប្រតិបត្តិការនេះមិនមែនជារឿងងាយស្រួលដែលអាចបញ្ចប់ត្រឹមមួយយប់នោះទេ។

លោកព្រមានថា នឹងអាចមានការបាត់បង់ជីវិតកងទ័ពអាមេរិកបន្ថែមទៀត ខណៈដែលបច្ចុប្បន្នមានកងទ័ពអាមេរិកចំនួន ៤នាក់ហើយបានស្លាប់ និងច្រើននាក់ទៀតរងរបួស។

ការវាយប្រហារតាមអាកាសរួមគ្នារវាងកងទ័ពអាកាសសហរដ្ឋអាមេរិក និងអ៊ីស្រាអែល បានឈានចូលដល់ថ្ងៃទី៤ ហើយ ដោយបានកំណត់គោលដៅលើទីតាំងយោធាសំខាន់ៗជាច្រើនក្នុងប្រទេសអ៊ីរ៉ង់ រួមមានទីក្រុងតេហេរ៉ង់ តំបន់ Isfahan ជាទីតាំងរោងចក្រនុយក្លេអ៊ែរ និងតំបន់ផ្សេងៗទៀត។

កាលពីយប់ថ្ងៃចន្ទ ទី២ ខែមីនា រដ្ឋធានីតេហេរ៉ង់ បានរងនូវការវាយប្រហារយ៉ាងសន្ធប់ពីកម្លាំងទ័ពអាកាសអ៊ីស្រាអែល។

ទោះជាបែបនេះក្ដី សម្រាប់អ៊ីរ៉ង់ ក៏បានបាញ់មីស៊ីល និងដ្រូនរាប់ពាន់គ្រាប់វាយទៅលើគោលដៅសំខាន់ៗនៃប្រទេសអ៊ីស្រាអែល ដូចជា ទីក្រុង Tel Aviv និង Jerusalem និងមូលដ្ឋានទ័ពអាមេរិកនៅក្នុងតំបន់ រួមនឹងការដាក់គោលដៅបាញ់លើស្ថានទូតអាមេរិកនៅតាមបណ្ដាប្រទេសដែលមានមូលដ្ឋានកងទ័ពអាមេរិក។

ប៉ុន្តែការបាញ់មីស៊ីលរបស់អ៊ីរ៉ង់ មិនត្រឹមសំដៅវាយប្រហារផលប្រយោជន៍អាមេរិកនោះទេ គឺសូម្បីទីតាំងរោងចក្រចម្រាញ់ប្រេងនៅប្រទេសអារ៉ាប៊ីសាអ៊ូឌីត ក៏បង្កឱ្យផ្ទុះអណ្ដាតភ្លើងយ៉ាងខ្លាំង ហើយប្រទេសអារ៉ាប់ជាច្រើនទៀតក៏រងការវាយប្រហារពីអ៊ីរ៉ង់ ផងដែរ ហើយដែលបញ្ហានេះវាជាការរុញប្រទេសអារ៉ាប់ ទាំងនោះ ឲ្យចាប់ផ្ដើមថ្កោលទោសអ៊ីរ៉ង់ យ៉ាងខ្លាំង៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន