អ៊ីរ៉ង់សងសឹកដោយការបាញ់នាវាដឹកប្រេងអាមេរិក ក្រោយពីអាមេរិកបាញ់ពន្លិចនាវាចម្បាំងអ៊ីរ៉ង់នៅតំបន់សមុទ្រឥណ្ឌា

កងកម្លាំងឆ្មាំបដិវត្តន៍អ៊ីរ៉ង់ អះអាងថា កងទ័ពជើងទឹករបស់ខ្លួនបានវាយប្រហារនាវាដឹកប្រេងរបស់សហរដ្ឋអាមេរិក នៅភាគខាងជើងតំបន់ឈូងសមុទ្រពែក្ស នៅកាលពីព្រឹកថ្ងៃព្រហស្បតិ៍ ទី៥ មីនា នេះ។

កងឆ្មាំបដិវត្តន៍ប្រកាសថា នាវាយោធា និងនាវាពាណិជ្ជកម្មដែលជាកម្មសិទ្ធិរបស់អាមេរិក ឬអ៊ីស្រាអែល និងបណ្តាប្រទេសអឺរ៉ុបមួយចំនួន នឹងមិនត្រូវបានអនុញ្ញាតឱ្យឆ្លងកាត់ឡើយ។ កងកម្លាំងឆ្មាំបដិវត្តន៍អ៊ីរ៉ង់ បញ្ជាក់ថា «ប្រសិនបើនាវាទាំងនោះត្រូវបានប្រទះឃើញកំពុងបើកឆ្លងកាត់ច្រកសមុទ្រ Hormuz ឬតំបន់សមុទ្រពែក្ស ពួកវានឹងរងការវាយប្រហារ។»

តាមទីភ្នាក់ងារព័ត៌មាន Tasnim របស់អ៊ីរ៉ង់ ឲ្យដឹងថា កងកម្លាំងឆ្មាំបដិវត្តន៍អ៊ីរ៉ង់ ធ្លាប់បាននិយាយពីមុនមកហើយថា ផ្អែកលើច្បាប់ និងដំណោះស្រាយអន្តរជាតិ នៅពេលមានសង្គ្រាម អ៊ីរ៉ង់មានសិទ្ធិដើម្បីគ្រប់គ្រងការឆ្លងកាត់ច្រកសមុទ្រ Hormuz។

អ៊ីរ៉ង់ បាញ់នាវាដឹកប្រេងអាមេរិក ជាការសងសឹកចំពោះអាមេរិកដែលបាញ់ពន្លិចនាវាចម្បាំងអ៊ីរ៉ង់ នៅតំបន់សមុទ្រឥណ្ឌា កាលពីថ្ងៃទី៤ ខែមីនា ដោយនាវាមុជទឹករបស់សហរដ្ឋអាមេរិក ដែលសម្លាប់មនុស្សជាង ៨០នាក់។

ក្រោយពីការវាយប្រហារភ្លាម រដ្ឋមន្ត្រីការពារជាតិអាមេរិក លោក Pete Hegseth ប្រកាសថា នាវាមុជទឹកអាមេរិក បានបាញ់ពន្លិចនាវាចម្បាំងអ៊ីរ៉ង់ IRIS Dena មួយគ្រឿងនៅក្បែរឆ្នេរសមុទ្រភាគខាងត្បូងប្រទេសស្រីលង្កា នៃតំបន់សមុទ្រឥណ្ឌា ដោយប្រើប្រាស់គ្រាប់មីស៊ីល Torpedo ដែលលោក Pete Hegseth ចាត់ទុកថាជា «ការស្លាប់ដោយស្ងៀមស្ងាត់បំផុត»។

អនុរដ្ឋមន្ត្រីការបរទេសនៃប្រទេសស្រីលង្កា បានបញ្ជាក់ថា មនុស្សយ៉ាងហោចណាស់ ៨៣នាក់ បានស្លាប់ក្នុងហេតុការណ៍នេះ ខណៈនាវារងគ្រោះកំពុងធ្វើដំណើរត្រឡប់ពីសមុទ្រឥណ្ឌា ឆ្ពោះទៅអ៊ីរ៉ង់ វិញ បន្ទាប់ពីទើបបញ្ចប់ការចូលរួមសមយុទ្ធកងទ័ពជើងទឹកនៅតំបន់ឈូងសមុទ្រ Bengal ចន្លោះថ្ងៃទី១៨ ដល់ថ្ងៃទី២៥ ខែកុម្ភៈ ជាមួយនឹងប្រទេសស្រីលង្កា។

ប៉ុន្តែអ្នកសង្កេតការណ៍បានហៅការបាញ់ពន្លិចនាវាចម្បាំងអ៊ីរ៉ង់ ដោយនាវាមុជទឹកសហរដ្ឋអាមេរិក ថាការបញ្ជូនសារព្រមានដ៏ច្បាស់លាស់មួយរបស់ទីក្រុងវ៉ាស៊ីនតោន បង្ហាញពីការពង្រីកវិសាលភាពសង្គ្រាមខាងក្រៅតំបន់មជ្ឈិមបូព៌ា។

ជាមួយគ្នានេះ មេទ័ពម្នាក់របស់អ៊ីរ៉ង់ ប្រកាសមិនចុះចាញ់សង្គ្រាមដាច់ខាត ដោយសច្ចាធ្វើសង្គ្រាមរហូតអាមេរិក ទទួលស្គាល់ថាខ្លួនមានកំហុស។

ឧត្ដមសេនីយ៍ Kioumars Heydari បានប្រកាសប្ដេជ្ញាថា អ៊ីរ៉ង់នឹងមិនបោះបង់ចោលសង្គ្រាមនាពេលនេះឡើយ រហូតទាល់តែសម្រេចគោលដៅ ហើយធ្វើឱ្យអាមេរិកទទួលស្គាល់ចំពោះទង្វើរបស់ខ្លួនដែលបានរំលោភច្បាប់អន្តរជាតិ។

ឧត្ដមសេនីយ៍ Kioumars Heydari គឺជាមេបញ្ជាការរងនៃទីបញ្ជាការកណ្តាល Khatam al-Anbia របស់កងកម្លាំងប្រដាប់អាវុធអ៊ីរ៉ង់។ លោកបញ្ជាក់ថា បើទោះជាសង្គ្រាមនេះនឹងបន្តអូសបន្លាយពេលយូរប៉ុនណា ក៏អ៊ីរ៉ង់នៅតែបន្តប្រយុទ្ធជានិច្ច។

លោក Kioumars Heydari អួតថា អ៊ីរ៉ង់នឹងបញ្ចប់សង្គ្រាមនេះ លុះត្រាតែសម្រេចបានគោលដៅទាំងអស់ ហើយសត្រូវត្រូវតែស្តាយក្រោយ និងទួញសោកចំពោះទង្វើរបស់ខ្លួន។

តែជាមួយគ្នានេះ រដ្ឋមន្ត្រីការពារជាតិអ៊ីស្រាអែល លោក Israel Katz អះអាងថា សមភាគីអាមេរិក លោក Pete Hegseth បានបញ្ជាក់ប្រាប់លោកថា ទីក្រុងវ៉ាស៊ីនតោន នៅតែបន្តគាំទ្រយ៉ាងរឹងមាំចំពោះប្រតិបត្តិការយោធារួមគ្នារវាងប្រទេសទាំងពីរប្រឆាំងទៅនឹងអ៊ីរ៉ង់ គឺបន្តប្រតិបត្តិការនេះរហូតដល់ទីបញ្ចប់។

បើតាមលោក Pete Hegseth សហរដ្ឋអាមេរិក ត្រូវវាយឱ្យឈ្នះសង្គ្រាមមួយនេះទាល់តែបាន។

សង្គ្រាមនៅមជ្ឈិមបូព៌ា បានបន្តដល់ថ្ងៃទី៦ ហើយ គិតចាប់តាំងពីអ៊ីស្រាអែល និងអាមេរិក បានរួមដៃគ្នាបើកការវាយប្រហារតាមផ្លូវអាកាសយ៉ាងខ្លាំងក្លាលើប្រទេសអ៊ីរ៉ង់ កាលពីថ្ងៃទី២៨ ខែកុម្ភៈ ដែលបណ្តាលឱ្យស្លាប់មេដឹកនាំកំពូលរបស់អ៊ីរ៉ង់ គឺលោក អាយ៉ាតូឡា អាលីខេមេនៃ និងឧត្ដមសេនីយ៍ជាច្រើននាក់។

ប៉ុន្តែជាការសងសឹក អ៊ីរ៉ង់បានវាយប្រហារតបវិញដោយបាញ់មីស៊ីលរាប់រយគ្រាប់ និងដ្រូនជាច្រើនពាន់គ្រឿងទៅលើលើអ៊ីស្រាអែល និងទៅលើបណ្តាប្រទេសក្នុងតំបន់ណាដែលមានវត្តមានទ័ពសហរដ្ឋអាមេរិក។

ក្នុងស្ថានភាពសង្គ្រាមដែលគេមើលឃើញអ៊ីរ៉ង់រងគ្រោះយ៉ាងខ្លាំង មន្ត្រីយោធាអ៊ីរ៉ង់ម្នាក់ព្រមានវាយប្រហារទៅលើទីតាំងនុយក្លេអ៊ែរ Dimona របស់អ៊ីស្រាអែល ប្រសិនបើអ៊ីស្រាអែល និងសហរដ្ឋអាមេរិក ព្យាយាមផ្លាស់ប្ដូររបបដឹកនាំតេហេរ៉ង់។

ទាំងនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ និងប្រធានាធិបតីអាមេរិក លោក ដូណាល់ ត្រាំ និយាយថាគោលដៅនៃសង្គ្រាម នោះគឺបង្កើតលក្ខខណ្ឌមួយឱ្យប្រជាជនអ៊ីរ៉ង់ ឈានដល់ការផ្ដួលរំលំ និងផ្លាស់ប្ដូររបបដឹកនាំនៅអ៊ីរ៉ង់។

បើតាមសារព័ត៌មាន The Jerusalem Post លោក ត្រាំ អះអាងពីការវាយឱ្យឈ្នះ ហើយបិទបញ្ចប់សង្គ្រាមនៅប៉ុន្មានថ្ងៃខាងមុខនេះ តែចំពោះក្រុមមន្ត្រីជាន់ខ្ពស់អ៊ីស្រាអែល បានអះអាងថា អាមេរិកនឹងបន្តប្រយុទ្ធរហូតទាល់តែមានការផ្លាស់ប្ដូររបបដឹកនាំនៅអ៊ីរ៉ង់។

យោងតាមអង្គការសិទ្ធិមនុស្សអ៊ីរ៉ង់ HRANA ដែលមានមូលដ្ឋាននៅសហរដ្ឋអាមេរិក ជនស៊ីវិលដែលបានស្លាប់កើនដល់ ១១១៤នាក់ ភាគច្រើននៅក្នុងប្រទេសអ៊ីរ៉ង់ ចាប់តាំងពីអាមេរិក និងអ៊ីស្រាអែល បានរួមគ្នាបើកប្រតិបត្តិការទម្លាក់គ្រាប់បែកយ៉ាងខ្លាំងក្លា ហើយបង្កជាសង្គ្រាមរីករាលដាលនៅមជ្ឈិមបូព៌ា។ អង្គការ HRANA បានបន្ថែមថា ក្នុងនោះមានកុមារ ១៨៣នាក់៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន