កងទ័ពអ៊ីស្រាអែល អះអាងថាបានសម្លាប់ប្រធានក្រុមប្រឹក្សាសន្តិសុខជាតិរបស់អ៊ីរ៉ង់ និងមេបញ្ជាការប៉ារ៉ា

កងទ័ពអ៊ីស្រាអែល អះអាងនៅថ្ងៃអង្គារ ទី១៧ ខែមីនា ថា កងទ័ពអាកាសរបស់ខ្លួនបានសម្លាប់ប្រធានក្រុមប្រឹក្សាសន្តិសុខជាតិអ៊ីរ៉ង់ លោក Ali Larijani និងមេបញ្ជាការរបស់កងកម្លាំងប៉ារ៉ា Basij នៃកងឆ្មាំបដិវត្តន៍អ៊ីរ៉ង់ ក្នុងការវាយប្រហារកំណត់គោលដៅច្បាស់លាស់មួយលើទីក្រុងតេហេរ៉ង់ កាលពីរំលងអាធ្រាត្រចូលថ្ងៃទី១៧ មីនា។ នេះបើតាមការចេញផ្សាយដោយសារព័ត៌មានលោកខាងលិច។

កងយោធាអ៊ីស្រាអែល បានបញ្ជាក់ថា កាលពីយប់ថ្ងៃចន្ទ ទី១៦ មីនា នេះ កងទ័ពអាកាសអ៊ីស្រាអែល បានធ្វើសកម្មភាពយ៉ាងសកម្មដោយផ្អែកលើព័ត៌មានចារកម្ម បានកំណត់គោលដៅវាយប្រហារកម្ចាត់បុគ្គល ២រូបមានឈ្មោះ Ali Larijani ជាប្រធានក្រុមប្រឹក្សាសន្តិសុខជាតិអ៊ីរ៉ង់ និងឧត្ដមសេនីយ៍ Gholamreza Soleimani ជាមេបញ្ជាការកងទ័ពប៉ារ៉ា ដែលបានបម្រើក្នុងមុខតំណែងមេបញ្ជាការកងកម្លាំង Basij នៃកងឆ្មាំបដិវត្តន៍អ៊ីរ៉ង់ រយៈពេល ៦ឆ្នាំ។

ខណៈដែលសង្គ្រាមចូលដល់សប្ដាហ៍ទី៣ អ៊ីស្រាអែលប្រកាសផែនការបន្តធ្វើសង្គ្រាម ៣សប្តាហ៍ទៀត។

សង្គ្រាមរបស់អាមេរិក រួមនឹងអ៊ីស្រាអែល ទៅលើអ៊ីរ៉ង់ ឥឡូវនេះកំពុងឈានចូលសប្តាហ៍ទី៣ ដោយមិនទាន់មានសញ្ញាបញ្ចប់នៅឡើយ។

អ្នកនាំពាក្យយោធាអ៊ីស្រាអែល លោកវរសេនីយ៍ទោ Nadav Shoshani បានបញ្ជាក់ថា គោលបំណងអ៊ីស្រាអែល គឺចង់ធ្វើឱ្យរបបនេះចុះខ្សោយ និងបំផ្លាញសមត្ថភាពយោធាពួកគេ រួមទាំងហេដ្ឋារចនាសម្ព័ន្ធមីស៊ីលផ្លោង កន្លែងនុយក្លេអ៊ែរ និងទីតាំងយុទ្ធសាស្ត្រកងឆ្មាំបដិវត្តន៍អ៊ីរ៉ង់។

ក្នុងសង្គ្រាមវាយលុកយ៉ាងខ្លាំងពីសំណាក់កងទ័ពជើងអាកាសអ៊ីស្រាអែល សហការជាមួយអាមេរិក កងឆ្មាំបដិវត្តន៍ឥស្លាមអ៊ីរ៉ង់ បានសម្រេចបិទច្រកសមុទ្រហ័រមូស (Hormuz) ដែលជាផ្លូវឆ្លងកាត់សម្រាប់ប្រេង និងឧស្ម័ន ២៧ភាគរយនៃពិភពលោក ដោយកងឆ្មាំបដិវត្តន៍អ៊ីរ៉ង់ បានរុញច្រានតម្លៃប្រេងឱ្យឡើងថ្លៃ និងបង្កក្តីបារម្ភអំពីការកើនឡើងនៃអតិផរណាសកល។

ក្នុងស្ថានភាពនេះ ប្រធានាធិបតីអាមេរិក លោក ដូណាល់ ត្រាំ បានអំពាវនាវឱ្យមានក្រុមចម្រុះវាយបើកផ្លូវទឹកដ៏សំខាន់នេះឡើងវិញ តែលោក ត្រាំ ព្រមានអង្គការណាតូ (NATO) ថា នឹងជួបអនាគត «អាក្រក់បំផុត» ប្រសិនបើសម្ពន្ធមិត្តមិនព្រមជួយទីក្រុងវ៉ាស៊ីនតោន។

មកទល់ពេលនេះ ពុំទាន់មានប្រទេសក្នុងសម្ពន្ធមិត្តណាតូណាមួយបានបញ្ជូននាវាតាមសំណើលោក ត្រាំ ទៅជួយបើកច្រកសមុទ្រ Hormuz នោះទេ។

អតីតអគ្គលេខាធិការអង្គការសម្ពន្ធភាពណាតូ លោក Jen Stoltenberg រំឭកសហរដ្ឋអាមេរិកថា ធម្មនុញ្ញណាតូចែងអំពីតែកិច្ចការពារប៉ុណ្ណោះ មិនមែនចែងអំពីការធ្វើចម្បាំងនោះទេ។

រដ្ឋមន្ត្រីកិច្ចការបរទេសអាល្លឺម៉ង់ Johann Wadephul ថ្លែងពេលថ្មីៗនេះថា លោកមើលមិនឃើញនាទីសមាជិកណាតូលូកដៃក្នុងសង្គ្រាមនៅអ៊ីរ៉ង់ នោះទេ។

ឧត្ដមសេនីយ៍ Dan Cane នាយអគ្គសេនាធិការកងអង្គភាពចម្រុះ បានព្យាករ ហើយប្រាប់ប្រធានាធិបតី ត្រាំ តាំងពីដើមទីថា បើវាយប្រហារប្រទេសអ៊ីរ៉ង់ ក្រុងតេហេរ៉ង់ នឹងច្បាស់បិទច្រកសមុទ្រ Hormuz ហើយសហរដ្ឋអាមេរិកមិនអាចបើកច្រកនោះបានដោយខ្លួនឯងទេ។

នៅថ្ងៃអង្គារ ទី១៧ ខែមីនា នេះដែរ មន្ត្រីអាមេរិកាំងម្នាក់ក្នុងរដ្ឋាភិបាលលោក ត្រាំ ជានាយកការិយាល័យប្រឆាំងភេរវកម្ម លោក Joseph Kent បានសរសេរទៅលោក ត្រាំ ដាក់ពាក្យសុំលាលែងពីតំណែង ដោយលើកហេតុផលពីរយ៉ាងបញ្ជាក់ថា៖ «តាមមនសិការ លោកមិនអាចសម្ងំធ្វើតាមការសម្រេចចិត្តធ្វើសង្គ្រាមជាមួយអ៊ីរ៉ង់ នោះទេ។ អ៊ីរ៉ង់គ្មានអាវុធគំរាមវាយប្រហារលើសហរដ្ឋអាមេរិកនោះទេ។»

គិតត្រឹមថ្ងៃអង្គារ ទី១៧ ខែមីនា នេះ អ៊ីរ៉ង់នៅតែបន្តវាយប្រហារទៅលើប្រទេសក្នុងសម្ពន្ធភាពសហរដ្ឋអាមេរិក ខណៈប្រកាសបើកច្រកឲ្យនាវាដឹកប្រេងប្រទេសឯទៀតចេញចូល លើកលែងតែសហរដ្ឋអាមេរិក និងអ៊ីស្រាអែល។ អ៊ីរ៉ង់ ប្រាប់ប្រទេសឥណ្ឌា បើចង់បានប្រេង ត្រូវគិតថ្លៃជាប្រាក់យ័ន មិនយកដុល្លារឡើយ។

ជាមួយគ្នានេះ អ៊ីរ៉ង់បានបន្តវាយប្រហារដោយដ្រូន បង្កឱ្យមានអគ្គិភ័យលើទីក្រុងកំពង់ផែ Fujairah ប្រទេសអារ៉ាប់រួម ដែលជាប្រទេសនាំប្រេងចេញដ៏សំខាន់ ហើយក៏ជាទីតាំងបូមប្រេងក្រុមហ៊ុនរដ្ឋ ADNOC ដែលត្រូវផ្អាក។ វាលកំណប់ឧស្ម័នធម្មជាតិ Shah ស្ថិតនៅចម្ងាយប្រហែល ១៨០គីឡូម៉ែត្រភាគនិរតីទីក្រុង Abu Dhabi និងជាប្រភពប្រេងដ៏ធំបំផុតនៅតំបន់មជ្ឈិមបូព៌ា ក៏ស្ទះ។

ប្រទេសអារ៉ាប់ទាំងអស់នៅឈូងសមុទ្រពែក្ស បានអនុញ្ញាតឲ្យកងទ័ពអាមេរិកាំងមានមូលដ្ឋានប្រចាំការហាក់បីដូចជាប្រឈមមុខឡោមព័ទ្ធប្រទេសអ៊ីរ៉ង់ ពីទិសទក្សិណ។

ទិន្នផលប្រេងឆៅប្រចាំថ្ងៃពីក្រុមហ៊ុនផលិតប្រេងលំដាប់ទី៣ របស់អង្គការ OPEC មួយនេះ បានធ្លាក់ចុះជាងពាក់កណ្តាល តាំងពីជម្លោះផ្ទុះឡើង ដោយការបិទច្រកសមុទ្រ Hormuz បង្ខំឱ្យ ADNOC អនុវត្តការបិទផលិតកម្មយ៉ាងទូលំទូលាយ។ ការដឹកជញ្ជូនប្រេងឆៅពីក្រុមហ៊ុន ADNOC នៅតែផ្អាកក្នុងទីក្រុងកំពង់ផែ Fujairah។ កំពង់ផែ Fujairah និងតំបន់វាលឧស្ម័ន Shah ជាប្រភពផ្គត់ផ្គង់ប្រេងឆៅ Murban ជាង ១លានបារ៉ែល ឬធុង ១៦០លីត្រ។

ទោះជាអ៊ីស្រាអែល និងសហរដ្ឋអាមេរិក បញ្ជាក់ថានឹងបន្តសង្គ្រាមរហូត ៦សប្ដាហ៍ក៏ដោយ ចំពោះរដ្ឋមន្ត្រីការបរទេសអ៊ីរ៉ង់ លោក Abbas Araqchi បញ្ជាក់ថា ទីក្រុងតេហេរ៉ង់ មិនបានស្នើសុំឲ្យមានបទឈប់បាញ់គ្នាអ្វីឡើយ គឺតស៊ូប្រយុទ្ធរហូតដល់សហរដ្ឋអាមេរិក ដើរចេញពីសង្គ្រាមដោយខ្លួនឯង។ លោកថា សង្គ្រាមនឹងចប់ លុះត្រាណាតែមានការធានាថា «គ្មានការវាយប្រហារជាថ្មីនៅអនាគត»៕

កងទ័ពអ៊ីស្រាអែល អះអាងថាបានសម្លាប់ប្រធានក្រុមប្រឹក្សាសន្តិសុខជាតិរបស់អ៊ីរ៉ង់ និងមេបញ្ជាការប៉ារ៉ា

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន