ចិនអំពាវនាវឱ្យភាគីទាំងអស់ចរចាគ្នា ខណៈអ៊ីរ៉ង់ ទាមទារឱ្យចិន ថ្កោលទោសសហរដ្ឋអាមេរិកនិងអ៊ីស្រាអែល

រដ្ឋមន្ត្រីការបរទេសចិន លោក វ៉ាង យី (Wang Yi) អំពាវនាវដល់ភាគីទាំងអស់ចាប់យកឱកាសដើម្បីចរចារកសន្តិភាពឱ្យបានឆាប់តាមដែលអាចធ្វើទៅបាន។

លោក វ៉ាង យី (Wang Yi) បានថ្លែងដូច្នេះនៅពេលលោកសន្ទនាតាមទូរសព្ទជាមួយរដ្ឋមន្ត្រីការបរទេសអ៊ីរ៉ង់ លោក Abbas Araqchi កាលពីថ្ងៃអង្គារ ទី២៤ ខែមីនា នេះ។

តាមសេចក្តីថ្លែងការណ៍របស់ក្រសួងការបរទេសចិន លោក វ៉ាង យី បានប្រាប់លោក Araqchi ថា ការចរចាតែងតែប្រសើរជាងការប្រយុទ្ធគ្នា។ លោក វ៉ាង យី ទទូចថារាល់បញ្ហាដែលមិនយល់ស្របហ្នឹង គួរតែត្រូវបានដោះស្រាយដោយការសន្ទនា និងចរចា មិនត្រូវឆ្លងកាត់សង្គ្រាមនោះទេ។

ចំណែកលោក Araqchi បានឆ្លើយតបទៅកាន់លោក វ៉ាង យី ដោយលើកឡើងអំពីស្ថានភាពនៅតំបន់មជ្ឈិមបូព៌ា។ ប្រមុខការទូតអ៊ីរ៉ង់ បន្តថា ការរំពឹងទុករបស់អ៊ីរ៉ង់ គឺភាគតិចណាស់។ លោកពន្យល់លោក វ៉ាង យី ថា អាមេរិកចង់បានបទឈប់បាញ់ តែសម្រាប់អ៊ីរ៉ង់ គឺត្រូវការបញ្ចប់សង្គ្រាម។

លោក Araqchi បានទាមទារឱ្យចិន ថ្កោលទោសការឈ្លានពានរបស់សហរដ្ឋអាមេរិក និងអ៊ីស្រាអែល យ៉ាងខ្លាំង។

បើតាមទីភ្នាក់ងារសារព័ត៌មានចិន ស៊ីនហួរ រដ្ឋមន្ត្រីការបរទេសចិន លោក វ៉ាង យី បានលើកឡើងថាពិភពលោកត្រូវស្ថិតក្រោមច្បាប់អន្តរជាតិ ហើយត្រូវគោរពអធិបតេយ្យភាពដោយមិនត្រូវប្រើប្រាស់កម្លាំងទ័ពឈ្លានពាននោះទេ។

ការជំរុញរបស់ប្រមុខការទូតចិន ធ្វើឡើងស្របពេលប្រធានាធិបតីអាមេរិក លោក ដូណាល់ ត្រាំ បាននិយាយនៅថ្ងៃអង្គារ ទី២៤ ខែមីនា ថា សហរដ្ឋអាមេរិកកំពុងធ្វើឱ្យមានភាពរីកចម្រើនក្នុងកិច្ចខិតខំប្រឹងប្រែងចរចាបញ្ចប់សង្គ្រាមជាមួយអ៊ីរ៉ង់ រួមទាំងការទទួលបានសម្បទានធំមួយពីទីក្រុងតេហេរ៉ង់។

តែជាមួយគ្នានេះ មានសេចក្តីរាយការណ៍ថា រដ្ឋការលោក ដូណាល់ ត្រាំ បានបញ្ជូនសំណើដំណោះស្រាយចំនួន ១៥ចំណុចទៅកាន់អ៊ីរ៉ង់ ហើយរដ្ឋាភិបាលសាធារណរដ្ឋឥស្លាមអ៊ីរ៉ង់ អះអាងថាខ្លួនកំពុងសិក្សាសំណើរបស់សហរដ្ឋអាមេរិក។

កាសែតអាមេរិក New York Times បានរាយការណ៍ថា រដ្ឋការលោក ត្រាំ បានបញ្ជូនសំណើ ១៥ចំណុចទៅអ៊ីរ៉ង់ ដើម្បីបញ្ចប់សង្គ្រាម។

លោក ត្រាំ បានប្រាប់ក្រុមអ្នកសារព័ត៌មាននៅឯសេតវិមានថា អាមេរិកកំពុងនិយាយជាមួយមេដឹកនាំម្នាក់នៃរបបសាធារណរដ្ឋឥស្លាមអ៊ីរ៉ង់ ដើម្បីឈានដល់កិច្ចព្រមព្រៀងបញ្ចប់ជម្លោះនេះ។ លោក ត្រាំ បានគូសបញ្ជាក់ថា ឥឡូវនេះកំពុងតែចរចា ហើយមានភាពរីកចម្រើនទៀតផង។

ការចរចាអ៊ីរ៉ង់-អាមេរិក ក្នុងពេលសង្គ្រាម រំពឹងថានឹងប្រព្រឹត្តទៅលើទឹកដីនៃប្រទេសប៉ាគីស្ថាន។

នាយករដ្ឋមន្ត្រីប៉ាគីស្ថាន លោក Shehbaz Sharif បានប្រកាសថា ប្រទេសរបស់លោកមានបំណងជាខ្លាំងការធ្វើជាម្ចាស់ផ្ទះរៀបចំកិច្ចចរចារវាងសហរដ្ឋអាមេរិក និងអ៊ីរ៉ង់ ដើម្បីស្វែងរកដំណោះស្រាយបញ្ចប់សង្គ្រាមនៅក្នុងតំបន់មជ្ឈិមបូព៌ា។

លោក Shehbaz Sharif បានបន្ថែមថា ប្រសិនបើមានការយល់ព្រមពីសំណាក់សហរដ្ឋអាមេរិក និងអ៊ីរ៉ង់ គឺប៉ាគីស្ថាន មានកិត្តិយស និងត្រៀមខ្លួនរួចជាស្រេចដើម្បីសម្របសម្រួលកិច្ចចរចាដ៏មានអត្ថន័យ និងឈានទៅរកការបញ្ចប់ជម្លោះដ៏គ្រោះថ្នាក់នេះ។

ទោះជាបែបនេះ ប្រព័ន្ធផ្សព្វផ្សាយរដ្ឋអ៊ីរ៉ង់ បានស្រង់សម្ដីអ្នកនាំពាក្យកងទ័ពនៃកងឆ្មាំបដិវត្តន៍ឥស្លាមអ៊ីរ៉ង់ ដោយចំអកថា ជាការពិត សហរដ្ឋអាមេរិកកំពុងតែចរចាជាមួយខ្លួនឯងតែម្នាក់ឯង គឺភាគីអ៊ីរ៉ង់ មិនបានដឹងឮអ្វីនោះទេ។

នៅថ្ងៃពុធទី២៥ ខែមីនា នេះ លោក Ebrahim Zolfaqari អ្នកនាំពាក្យទីបញ្ជាការកណ្តាលនៃកងឆ្មាំបដិវត្តន៍ឥស្លាមអ៊ីរ៉ង់ បាននិយាយទៅកាន់សហរដ្ឋអាមេរិក ដោយចំអកថា៖ «តើកម្រិតនៃការតស៊ូរបស់អ្នកឯងបានឈានដល់ដំណាក់កាលនិយាយចរចាតែជាមួយខ្លួនឯងមែនឬ? ហើយមនុស្សដូចជាពួកជាកងទ័ព គ្មានថ្ងៃអាចត្រូវរ៉ូវជាមួយអ្នកឈ្លានពាននោះទេ។»

លោក Zolfaqari ព្រមានថា តម្លៃថាមពលប្រេងឥន្ធនៈនឹងមិនអាចវិលត្រឡប់ដូចដើមជាដាច់ខាត បើទីក្រុងវ៉ាស៊ីនតោន មិនទទួលស្គាល់ឯករាជភាពនៃប្រទេសអ៊ីរ៉ង់។

ជាមួយគ្នានេះ កងកម្លាំងឆ្មាំបដិវត្តន៍ឥស្លាមអ៊ីរ៉ង់ បានអះអាងថា ខ្លួនបានបើកការវាយប្រហារមីស៊ីលជុំថ្មីទី៨០ ប្រឆាំងអ៊ីស្រាអែល និងបានវាយប្រហារថែមទៀតទៅលើមូលដ្ឋានកងទ័ពអាមេរិក នៅក្នុងតំបន់មជ្ឈិមបូព៌ា។

មកដល់ពេលនេះ សង្គ្រាមសហរដ្ឋអាមេរិករួមដៃជាមួយអ៊ីស្រាអែល វាយប្រហារលើអ៊ីរ៉ង់ មានរយៈពេល ២៦ថ្ងៃហើយ។

បណ្ដាញផ្សាយព័ត៌មានអ៊ីរ៉ង់ Iran International បានចុះផ្សាយថា កងយន្តហោះចម្បាំងអ៊ីស្រាអែល និងសហរដ្ឋអាមេរិក នៅតែបន្តបើកការវាយប្រហារយ៉ាងខ្លាំងនៅទូទាំងប្រទេសអ៊ីរ៉ង់ ជាពិសេសគឺកងយន្តហោះចម្បាំងអ៊ីស្រាអែល វាយប្រហារទៅលើរដ្ឋធានីតេហេរ៉ង់ ស្ទើរពេញមួយយប់នៅយប់ថ្ងៃអង្គារ ទី២៤ ខែមីនា រហូតដល់ព្រឹកថ្ងៃពុធ ទី២៥ ខែមីនា នេះ ដោយវាយសំដៅទៅទីតាំងយុទ្ធសាស្ត្រនៃរបបសាធារណរដ្ឋឥស្លាមអ៊ីរ៉ង់៕

ចិនអំពាវនាវឱ្យភាគីទាំងអស់ចរចាគ្នា ខណៈអ៊ីរ៉ង់ ទាមទារឱ្យចិន ថ្កោលទោសសហរដ្ឋអាមេរិកនិងអ៊ីស្រាអែល

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន