គណបក្សក្រៅរដ្ឋាភិបាលមួយជំរុញឱ្យនាយករដ្ឋមន្ត្រីបញ្ជូនអនុសញ្ញាស្ដីពីច្បាប់សមុទ្រទៅរដ្ឋសភាផ្ដល់សច្ចាប័ន

គណបក្សកម្លាំងជាតិ ជំរុញឱ្យលោក ហ៊ុន ម៉ាណែត បញ្ជូនអនុសញ្ញាអង្គការសហប្រជាជាតិស្ដីពីច្បាប់សមុទ្រ (UNCLOS) ទៅរដ្ឋសភាជាតិ ដើម្បីផ្តល់សច្ចាប័នឱ្យបានឆាប់ សម្រាប់ធ្វើជាមូលដ្ឋានរឹងមាំក្នុងការការពារបូរណភាពទឹកដី និងការដោះស្រាយជម្លោះព្រំដែនសមុទ្ររបស់កម្ពុជាទៅថ្ងៃក្រោយ។

គណបក្សកម្លាំងជាតិ ចេញសេចក្តីប្រកាសព័ត៌មានកាលពីថ្ងៃចន្ទ ដែលទើបនឹងចេញផ្សាយនៅថ្ងៃទី២០ ឧសភា នេះ បានស្នើឱ្យលោក ហ៊ុន ម៉ាណែត ជួយអន្តរាគមន៍ឱ្យកម្ពុជាទទួលបានច្បាប់អន្តរជាតិការពារដែនសមុទ្រកម្ពុជា ដើម្បីរក្សាបាននូវអធិបតេយ្យ បូរណភាពទឹកដី និងទំនាក់ទំនងដោយស្មើភាពជាមួយប្រទេសក្បែរខាង។

ប្រភពដដែលលើកឡើងថា ច្បាប់អន្តរជាតិមួយនេះ គឺជាមូលដ្ឋានដ៏រឹងមាំសម្រាប់ការពារបូរណភាពព្រំដែនសមុទ្រ ព្រមទាំងជាបទដ្ឋានគតិយុត្តិអន្តជាតិក្នុងការដោះស្រាយជម្លោះព្រំដែនសមុទ្រដោយសន្តិវិធី និងយុត្តិធម៌តាមគោលការណ៍អន្តរជាតិទៀតផង។

គណបក្សកម្លាំងជាតិ បញ្ជាក់ថា ការស្នើសុំនេះ ដោយសារកម្ពុជាកំពុងមានបញ្ហាមិនឯកភាពគ្នាលើដែនដីកោះ និងព្រំដែនសមុទ្រជាមួយប្រទេសជិតខាងជាបន្តបន្ទាប់ ដែលអាចប្រឈមនឹងជម្លោះការទូត ឬហិង្សាជាមួយប្រទេសទាំងនោះជាយថាហេតុផងដែរ។

ច្បាប់សមុទ្រ UNCLOS (United Nations Convention on the Law of the Sea) គឺជាសន្ធិសញ្ញាអន្តរជាតិដែលបានអនុម័តនៅឆ្នាំ១៩៨២ និងចូលជាធរមាននៅឆ្នាំ១៩៩៤ ដែលមានប្រទេសចំនួន ១៧០ នៅលើពិភពលោក បានចុះហត្ថលេខា។

យ៉ាងណាក៏ដោយ ក៏មានប្រទេសជាសមាជិកអង្គការសហប្រជាជាតិចំនួន ១៤ ដែរ ដែលមិនទាន់ផ្តល់សច្ចាប័នលើច្បាប់សមុទ្រនេះនៅឡើយ ក្នុងនោះក៏មានកម្ពុជាមួយដែរ ទោះប្រទេសទាំងនេះបានចុះហត្ថលេខាលើច្បាប់នេះហើយក៏ដោយ។

ជុំវិញបញ្ហានេះ កាលពីថ្ងៃទី៥ ខែឧសភា ឯកអគ្គរដ្ឋទូតបារាំងប្រចាំកម្ពុជា លោក ហ្សាក់ ប៉ឺឡេ (Jacques Pellet) បានស្នើឱ្យរដ្ឋាភិបាលក្រុងភ្នំពេញ ធ្វើសច្ចាប័នលើច្បាប់សមុទ្រ (UNCLOS) ដើម្បីបង្កើនភាពងាយស្រួលក្នុងការដោះស្រាយបញ្ហាព្រំដែនសមុទ្រ និងកោះជាមួយប្រទេសវៀតណាម និងថៃ។

លោក ហ្សាក់ ប៉ឺឡេ (Jacques Pellet) បញ្ជាក់ថា លោកមិនទាន់បានទទួលព័ត៌មានលម្អិតអំពីបញ្ហាព្រំដែនរវាងកម្ពុជា និងប្រទេសជិតខាងនៅឡើយទេរហូតដល់ពេលនេះ៕

គណបក្សក្រៅរដ្ឋាភិបាលមួយជំរុញឱ្យនាយករដ្ឋមន្ត្រីបញ្ជូនអនុសញ្ញាស្ដីពីច្បាប់សមុទ្រទៅរដ្ឋសភាផ្ដល់សច្ចាប័ន

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន