 សម្រាប់ដឹកជញ្ជូនពលរដ្ឋទៅលេងស្រុកកំណើតក្នុងឱកាសបុណ្យភ្ជុំបិណ្ឌប្រពៃណីជាតិខ្មែរ ដោយមិនបង់ប្រាក់ចំនួន ៦ថ្ងៃ ចាប់ពីថ្ងៃទី២០ ដល់ថ្ងៃទី២៥ ខែកញ្ញា ឆ្នាំ២០២៥។){kind=link}
លោក ហ៊ុន ម៉ាណែត ប្រកាសបញ្ចេញរថយន្តក្រុងជិត ៦០០គ្រឿង (៥៩៧គ្រឿង) សម្រាប់ដឹកជញ្ជូនពលរដ្ឋទៅលេងស្រុកកំណើតក្នុងឱកាសបុណ្យភ្ជុំបិណ្ឌប្រពៃណីជាតិខ្មែរ ដោយមិនបង់ប្រាក់ចំនួន ៦ថ្ងៃ ចាប់ពីថ្ងៃទី២០ ដល់ថ្ងៃទី២៥ ខែកញ្ញា ឆ្នាំ២០២៥។
លោក ហ៊ុន ម៉ាណែត បានសរសេរលើទំព័រហ្វេសប៊ុករបស់ខ្លួននៅថ្ងៃទី១១ កញ្ញា នេះថា រដ្ឋាភិបាលបានត្រៀមរៀបចំរថយន្តក្រុងចំនួន ៥៩៧គ្រឿងសម្រាប់បម្រើសេវាដឹកជញ្ជូនពលរដ្ឋក្នុងរាជធានីភ្នំពេញប្រចាំថ្ងៃ និងសម្រាប់ដឹកជញ្ជូនពលរដ្ឋទៅលេងស្រុកកំណើតក្នុងឱកាសបុណ្យភ្ជុំបិណ្ឌ។
លោក ហ៊ុន ម៉ាណែត អះអាងថា រថយន្តក្រុងចំនួន ១០០គ្រឿងប្រើប្រាស់សម្រាប់បម្រើសេវាដឹកជញ្ជូនពលរដ្ឋប្រចាំថ្ងៃក្នុងរាជធានីភ្នំពេញ និងសេវារថយន្តក្រុងសាធារណៈទៅកាន់អាកាសយានដ្ឋានអន្តរជាតិក្រុងតាខ្មៅ។ ចំណែករថយន្តក្រុងចំនួន ៤៩៧គ្រឿងទៀត ប្រើប្រាស់សម្រាប់ដឹកជញ្ជូនពលរដ្ឋពីរាជធានីភ្នំពេញ ទៅលេងស្រុកកំណើត និងការវិលត្រឡប់មកវិញ។
នាយករដ្ឋមន្ត្រីកម្ពុជារូបនេះសង្ឃឹមថា ការរៀបចំនេះនឹងអាចជួយសម្រួល និងសម្រាលបន្ទុកខ្លះក្នុងការធ្វើដំណើររបស់ពលរដ្ឋក្នុងឱកាសបុណ្យភ្ជុំបិណ្ឌប្រពៃណីជាតិខ្មែរនាពេលខាងមុខនេះ។
រដ្ឋបាលរាជធានីភ្នំពេញ ចេញសេចក្តីជូនដំណឹងនៅថ្ងៃទី១១ កញ្ញា នេះថា រថយន្តក្រុងចំនួន ៤៩៧គ្រឿងដែលត្រៀមដឹកជញ្ជូនពលរដ្ឋពីរាជធានីភ្នំពេញទៅលេងស្រុកកំណើត និងការវិលត្រឡប់មកវិញនៅគោលដៅទាំង ៧ រួមមា៖
- គោលដៅទី១ ពីរាជធានីភ្នំពេញ ទៅខេត្តព្រៃវែង និងខេត្តស្វាយរៀង។
- គោលដៅទី២ គឺពីភ្នំពេញ ទៅខេត្តកណ្តាល និងខេត្តតាកែវ។
- គោលដៅទី៣ ពីភ្នំពេញ ទៅខេត្តកែប ខេត្តកំពត ខេត្តកំពង់ស្ពឺ ខេត្តព្រះសីហនុ និងខេត្តកោះកុង។
- គោលដៅទី៤ គឺពីភ្នំពេញ ទៅខេត្តកំពង់ឆ្នាំង និងខេត្តពោធិ៍សាត់។
- គោលដៅទី៥ គឺពីភ្នំពេញ ទៅខេត្តបាត់ដំបង ខេត្តបន្ទាយមានជ័យ និងខេត្តប៉ៃលិន។
- គោលដៅទី៦ គឺពីភ្នំពេញ ទៅខេត្តកំពង់ធំ ខេត្តសៀមរាប ខេត្តឧត្ដរមានជ័យ និងខេត្តព្រះវិហារ
- គោលដៅទី៧ គឺពីភ្នំពេញ ទៅខេត្តកំពង់ចាម ខេត្តត្បូងឃ្មុំ ខេត្តក្រចេះ ខេត្តស្ទឹងត្រែង ខេត្តមណ្ឌលគិរី និងខេត្តរតនគិរី។
ប្រភពដដែល បញ្ជាក់ថា ការដឹកជញ្ជូនទៅកាន់គោលដៅទាំង ៧ នេះ ក៏នឹងដឹកជញ្ជូនពីគោលដៅទាំង ៧ នោះ ទៅកាន់ទីក្រុងភ្នំពេញដោយឥតគិតថ្លៃវិញដែរ ដើម្បីជួយសម្រួលការចំណាយរបស់ពលរដ្ឋក្នុងឱកាសបុណ្យប្រពៃណីជាតិខ្មែរនាពេលនេះ៕
© 2025, ឌឹ ខេមបូឌា ដេលី. All rights reserved.