អ្នកឃ្លាំមើលជំរុញឱ្យពលរដ្ឋខ្មែរនៅក្រៅប្រទេសនាំគ្នាចេញតវ៉ានៅមុខរដ្ឋសភានៃប្រទេសនីមួយៗបង្ហាញពីការឈ្លានពានរបស់ថៃ

អ្នកឃ្លាំមើលសង្គម ជំរុញឲ្យមេដឹកនាំនយោបាយទាំងអស់ គួរតែនាំគ្នាដាក់ញត្តិទៅកាន់ស្ថានទូតប្រទេសធំៗនៅកម្ពុជា ដើម្បីឱ្យជួយដាក់សម្ពាធប្រទេសថៃ បញ្ឈប់ការឈ្លានពានលើប្រទេសកម្ពុជា។

អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ បានប្រាប់សារព័ត៌មាន The Cambodia Daily នៅថ្ងៃទី១០ ធ្នូ នេះថា កម្ពុជាគួរដល់ពេលរៀបចំឯកសារ និងភស្តុតាងដើម្បីប្តឹងថៃ ចំពោះការរំលោភបំពានដែនអធិបតេយ្យភាព និងការបង្កគ្រោះថ្នាក់ដល់ជនស៊ីវិលកម្ពុជា ដោយគ្មានការគោរពច្បាប់អន្តរជាតិ និងការមិនគោរពតាមគោលការណ៍សិទ្ធិមនុស្សជាសកលនោះ ទៅតុលាការអន្តរជាតិ ជុំវិញជម្លោះព្រំដែនជាច្រើនខែមកនេះ។

លោក សេក សុជាតិ អំពាវនាវឱ្យពលរដ្ឋខ្មែរដែលនៅក្រៅប្រទេស នាំគ្នាចេញតវ៉ានៅខាងមុខវិមានរដ្ឋសភានៃប្រទេសដែលពួកគេកំពុងរស់នៅ ដើម្បីបង្ហាញពីការឈ្លានពានរបស់ថៃ លើកម្ពុជា ដែលកំពុងសម្លាប់ជនស៊ីវិលដោយគ្មានការគោរពច្បាប់អន្តរជាតិពីសំណាក់ភាគីថៃ នាពេលនេះ។ ចំណែកយុវជនកម្ពុជា ក៏គួរត្រៀមខ្លួនសម្រាប់ការចូលរួមជាមួយកងទ័ពជាតិប្រឆាំងការឈ្លានពាននេះដែរ ក្នុងពេលដែលប្រទេសជាតិកំពុងប្រឈមបញ្ហាដ៏គ្រោះថ្នាក់នាពេលនេះ។

អ្នកឃ្លាំមើលរូបនេះ ស្នើឱ្យមេដឹកនាំនយោបាយទាំងអស់អត់ធ្មត់ និងគាំទ្រខ្មែរដូចគ្នាឱ្យបានខ្លាំងក្លាជាងការអត់ធ្មត់ចំពោះបរទេសឈ្លានពាន ខណៈមេដឹកនាំកម្ពុជាក៏គួរដល់ពេលដែលត្រូវទម្លាក់ចោលការចោទប្រកាន់លើយុវជនខ្មែរដែលកំពុងជាប់ឃុំដែរ ដើម្បីបង្ហាញពីការបង្រួបបង្រួមជាតិពីគ្រប់និន្នាការក្នុងស្ថានភាពដ៏លំបាកនេះ។

ការអះអាងនេះ ធ្វើឡើងបន្ទាប់ពីសង្គ្រាមកម្ពុជា-ថៃ បានផ្ទុះឡើងសាជាថ្មីនាពេលនេះ ខណៈកម្ពុជាក៏មិនទាន់មានវិធានការផ្លូវច្បាប់អន្តរជាតិណាមួយទៅលើភាគីថៃ នោះទេ។

ប៉ុន្មានថ្ងៃចុងក្រោយនេះ សារព័ត៌មានបរទេសធំៗ ដូចជា CNA, CNN, BBC, AP, Reuters, CGTN, Al Jazeera, Nikkei Asia, DW និង France 24 ជាដើម បានចុះផ្សាយអំពីការប្រើយន្តហោះ F-16 របស់ថៃ វាយប្រហារតាមអាកាសលើអធិបតេយ្យភាពរបស់កម្ពុជាជាបន្តបន្ទាប់នាពេលនេះ។

កាសែតទាំងនោះបានរាយការណ៍ថា ប្រទេសថៃ បានចាប់ផ្តើមការវាយប្រហារតាមផ្លូវអាកាសប្រឆាំងនឹងកម្ពុជា ខណៈការវាយប្រហារនេះ បានបង្ហាញពីសញ្ញានៃការដួលរលំផែនការសន្តិភាពក្រោមអធិបតីភាពប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) កាលពីចុងខែតុលា កន្លងទៅ។

ជុំវិញបញ្ហានេះ អង្គការក្រៅរដ្ឋាភិបាលចំនួនបីក្នុងប្រទេសអូស្ត្រាលី រួមមានអង្គការប្រជាធិបតេយ្យខ្មែរ ក្រុមអ្នកតស៊ូមតិកម្ពុជា និងអង្គការ ២៣ តុលា កាលពីថ្ងៃទី៩ ខែធ្នូ នេះ បានអំពាវនាវឱ្យសហគមន៍អន្តរជាតិ ថ្កោលទោសទង្វើថៃ ឈ្លានពានដែលកំពុងគំរាមកំហែងដល់ជីវិតជនស៊ីវិលកម្ពុជា នាពេលនេះ។

អង្គការទាំងនេះបញ្ជាក់ថា ការប្រើប្រាស់កម្លាំងដោយមិនសមហេតុផលរបស់ប្រទេសថៃ មកលើប្រទេសកម្ពុជា គឺជាទង្វើឈ្លានពានដែលកំពុងបង្កការគំរាមកំហែងដោយផ្ទាល់លើសុវត្ថិភាពជនស៊ីវិល និងសន្តិភាពក្នុងតំបន់។

យ៉ាងណាក៏ដោយ កាលពីថ្ងៃទី៩ ខែធ្នូ មេដឹកនាំបក្សកាន់អំណាច លោក ហ៊ុន សែន បានបញ្ជាឱ្យកងទ័ពខ្មែរវាយបកទៅកងទ័ពថៃ វិញពីគ្រប់ទីតាំងដែលថៃ ទន្ទ្រានចូលក្នុងទឹកដីរបស់ខ្លួន ក្រោយពីកម្ពុជាបានអត់ធ្មត់លើស ២៤ម៉ោង ដើម្បីគោរពនូវបទឈប់បាញ់ និងការពន្យារពេលជម្លៀសប្រជាជនចេញពីតំបន់រងគ្រោះ។

លោក ហ៊ុន សែន បញ្ជាក់ថា កម្ពុជាបានវាយបកត្រឡប់ទៅភាគីថៃ វិញកាលពីល្ងាចថ្ងៃទី៨ ខែធ្នូ និងបន្តវាយបកបន្ថែមទៀតកាលពីយប់ថ្ងៃចន្ទ និងព្រឹកថ្ងៃអង្គារ ទី៩ ធ្នូ ព្រោះកម្ពុជាត្រូវប្រើសិទ្ធិការពារទឹកដីរបស់ខ្លួន៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន