35 C
Phnom Penh

លោក ហ៊ុន សែន អំពាវ​​​នាវ​​​ឲ្យ​​​ប្រទេស​​​អ្នក​​​មាន​​​អនុវត្ត​​​កិច្ច​​​សន្យា​​​ផ្តល់​​​ជំនួយ​​​

ដោយ ឌឹ ខេមបូឌា ដេលី

បទវិភាគ

កាល​​​ពី​​​ថ្ងៃ​​​សៅរ៍ លោក​​​នាយក​​​រដ្ឋ​​​មន្ត្រី  ហ៊ុន សែន បាន​​​ថ្លែង​​​សុន្ទរកថា​​​ទៅ​​​កាន់​​​មហា​​​សន្និបាត​​​អង្គការ​​​សហប្រជាជាតិដោយ​​​អំពាវ​​​នាវ​​​ឲ្យ​​​បណ្តា​​​ប្រទេស​​​អភិវឌ្ឍ​​​ន៍​​​អនុវត្ត​​​កិច្ច​​​សន្យា​​​របស់​​​ខ្លួន​​​ក្នុង​​​ការ​​​ផ្តល់​​​ជំនួយ​​​បរទេស​​​ក្នុង​​​ទំហំ​​​​​​យ៉ាង​​​តិច​​​០,៧​​​ភាគ​​​រយ​​​នៃ​​​ចំណូល​​​ជាតិ​​​សរុប​​​របស់​​​ពួកគេ​​​​​​។

cam-photo-hun-sen1ថ្លែង​​​នៅ​​​ក្នុង​​​កិច្ច​​​ប្រជុំ​​​កំពូល​​​ស្តី​​​អំពី​​​គោល​​​ដៅ​​​អភិវឌ្ឍន៍​​​របស់​​​អង្គការ​​​សហប្រជាជាតិ​​​លោក ហ៊ុន សែន បានមាន​​​ប្រសាសន៍​​​ថា វា​​​មាន​​​​​​សារៈសំខាន់​​​ដែល​បណ្តា​​​​​ប្រទេស​​​​​​អ្នក​​​មាន​​​គោរ​​​ព​​​កាតព្វកិច្ច​​​របស់​​​ខ្លួន​​​ក្នុង​​​ការ​​​ផ្តល់​​​ជំនួយ​​​អភិវឌ្ឍន៍​​​ផ្លូវ​​​ការ​​​។

លោក​​​បាន​​​មាន​​​​ប្រសាសន៍​​​ថា​​​ “ការ​​​សម្រេច​​​​​​បាន​​​នូវ​​​កុង​​​សង់សុីស​​​លើ​​​របៀប​​​វារៈ​​​អភិ​​​វឌ្ឍន៍​​​ ​​​ក្រោយ​​​ឆ្នាំ​​​២០១៥ គឺជា​​​សមិទ្ធផល​​​ដ៏​​​សំខាន់​​​របស់​​​មេ​​​ដឹក​​​នាំ​​​ពិភព​​​លោក​​​នា​​​ពេល​​​នេះ​​​។ ​​​ក៏ប៉ុន្តែ​​​​​ការ​​​ធានា​​​ឲ្យ​​​បាន​​​ថា របៀប​​​វារៈ​ដែល​​​ត្រូវ​​​បាន​​​ដាក់​​​ចេញ​​​មក​​​នេះ​​​ពិត​​​ជានឹង​​​សម្រេច​​​បាន​​​ជា​​​លទ្ធផល​​​ជាក់​​​ស្តែង​​​តាម​​​ការ​​​រំពឹង​​​ទុក​​​នោះ គឺ​​​កំពុង​​​តែ​​​ស្ថិត​​​ជា​​​បញ្ហា​​​ប្រឈម​​​របស់​​​យើង​​​ទាំង​​​អស​​​់​​​គ្នា​​​នៅ​​​ឡើយ​​​”។

លោក​​​បាន​​​មាន​​​ប្រសាសន៍​​​បន្ថែម​​​ថា ​​​”ហេតុ​​​​​​នេះ​​​ខ្ញុំ​​​យល់​​​ឃើញ​​​ថា មាន​​​កិច្ច​​​ការ​​​ជា​​​គន្លឹះ​​​មួយ​​​ចំនួន​​​​​​ដែល​​​យើង​​​ទាំង​​​អស់​​​គ្នា​​​ត្រូវ​​​ខិត​​​ខំ​​​​​​រួម​​​គ្នា​​​ធ្វើ​​​គឺ១​​​ធានា​​​សម្រេច​​​ឲ្យ​​​បាននូវ​ការ​​​អនុវត្ត​​​កិច្ច​​​សន្យា​​​បន្ត​​ផ្តល់​​​ជំនួយ​​​អភិវឌ្ឍ​​ន៍​​​​ផ្លូវ​​​ការ​​​​​​ពី​​​សំណាក់​​​ប្រទេស​​​អ្នក​​​ផ្តល់​​​ជំនួយ​​​ក្នុង​​​ទំហំ​​​០,៧​​​ភាគ​​​រយ​​​នៃ​​​ចំណូល​​​ជាតិ​​​សរុប​​​​​​ទៅ​​​ដល់​​​ប្រទេស​​​កំពុ​​​ងអភិវឌ្ឍន៍​​​ និង​​​ក្នុង​​​ទំហំ​​​​​​០,១៥​​​​ ​​​ដល់​​​ ០,២០​​​ភាគ​​​រយ​​​នៃ​​​ចំណូល​​​ជាតិ​​​សរុប​​​​​​ ទៅ​​​ដល់​​​ប្រទេស​​​មាន​​​ការ​​​អភិវឌ្ឍ​​​តិច​​​តួច​​​”។

មាន​​​ប្រទេស​​​តែ​​​បន្តិច​​​បន្តួច​​​ប៉ុណ្ណោះ​​​ដែល​​​​​​​​​សម្រេច​​​នូវ​​​គោល​​​ដៅ​​​សម្រាប់​​​ជំនួយ​​​ដែល​​​​​​​​​ត្រូវ​​​បាន​​​យល់​​​ព្រម​​​ផ្តល់​​​ជា​​​លើក​​​ដំបូង​​​ដោយ​​មហា​​​សន្និបាត​​​នេះ​​​​ក្នុង​​​ឆ្នាំ​​​១៩៧០។ ប៉ុន្តែ ​​​លោក ​​​ហ៊ុន សែន បាន​​​​​​លើក​​​ឡើង​​​ថា ប្រទេស​​​កម្ពុជា​​មាន​​​ការវិវឌ្ឍ​ជាមួយ​​នឹង​​​ជំនួយដែល​​​ខ្លួន​​​បាន​​​ទទួល​​​​​​ចាប់​​​តាំង​​​ពី​​​សន្តិភាព​​​ត្រូវ​​​បាន​​​ស្តារ​​​ឡើង​​​វិញ​​​​​​ក្នុង​​​ទសវត្សរ៍​​​ឆ្នាំ​​​១៩៩០​​​មក​​​។

លោក​​​បាន​​​មាន​​​ប្រសាសន៍​​​ថា “ក្នុង​​​រយៈ​​​ពេល​​​ពីរ​​​ទសវត្សរ៍​​​កន្លង​​​មក​​​នេះ​​​ កម្ពុជា​​​សម្រេច​​​ ​​​បាន​​​នូវ​​​ការ​​​វិវឌ្ឍ​​​ប្រែប្រួល​​​គួរ​​​ជា​​​ទី​​​មោទនៈ ​​​ពិសេស​​​​​ការ​​​រក្សា​​​បា​​​ន​​​នូវ​​​សន្តិភាព​​​ពេញ​​​លេញ​​​ ​​​ស្ថិរភាព​​​នយោបាយ​​​រឹង​​​មាំ​​​ សន្តិសុខ​​​ និង​​​សណ្តាប់ ​​​ធ្នាប់​​​សាធារណៈ​​​ល្អប្រសើរ​​​ ព្រម​​​ទាំង​​​កំណើន​​​ សេដ្ឋកិច្ច​​​ខ្ពស់​​​ ក្នុង​​​អត្រា​​​ជា​​​មធ្យម ​​​៧,៧​​​ភាគ​​​រយ​​​ក្នុង​​​មួយ​​​ឆ្នាំ”​​​។

លោក​​​បាន​​​មាន​​​ប្រសាសន៍​​​បន្ថែម​​​ថា ​​​”អត្រា​​​​​​នៃ​​​ភាព​​​ក្រីក្រ​​​បាន​​​ធ្លាក់​​​ចុះ​​​យ៉ាង​​​លឿន​​​ពីជាង​​​៥៣​​​ភាគ​​​រយ​​​ក្នុង​​​ឆ្នាំ​​​២០០៤​​​ មក​​​ត្រឹម​​​១៦​​​ភា​​គ​​​រយ​​​នៅ​​​ឆ្នាំ​​​២០១៣​​​ ដែល​​ធ្វើ​​​ឲ្យ​​​កម្ពុជា​​​​​​សម្រេច​​​បាន​​​នូវ​​​គោល​​​ដៅ​​​អភិវឌ្ឍន៍​​​សហស្សវត្សរ៍​លើ​​​ការ​​​កាត់​​​បន្ថយ​​​ភាព​​​ក្រីក្រ​​​។​​​ចំណែក​​​ឯ​​​គោល​​​ដៅ​​​សេស​​​សល់​​​ ក៏​​​ត្រូវ​​​បាន​​​រំពឹង​​​ថា នឹង​​​អាច​​​សម្រេច​​​បាន​​​នូវ​​​ដំណាច់​​​ឆ្នាំ​​​២០១៥​​​នេះ​​​ដែរ​​”។

បច្ចុប្បន្ន​​​កម្ពុជា​​​កំពុង​​​ស្ថិត​​​ក្នុង​​​ដំណាក់​​​កាល​​​នៃ​​​ការ​​​ប្រែ​​​ប្រួល​​​ការ​​​កំណត់​​​ចំណូល​​​ជាតិ​​​​​​សរុប​​​​​​​​​១.០៤៦​​​ដុល្លារ​​​របស់​​​មនុស្ស​​​ម្នាក់​​​ៗ ដែល​​​​​​ បែង​​​ចែក​​​ការ​​​កំណត់​ចំណាត់​​​ថ្នាក់​​​ប្រាក់​​​ចំណូល​​​ទាប​​​ និង​​​ប្រាក់​​​​ចំណូល​​​ក្រោម​​​មធ្យម​​​របស់​​​ធនាគារ​​​ ពិភព​​​លោក​​​​​​ ដោយ​​​​​តាមការកត់ត្រា​បង្ហាញថា​ប្រាក់ ចំ​​​ំណូល​​​របស់​​​ពល​​​រដ្ឋ​​​ម្នាក់​ៗ​​គឺ​​​១.០២០​​​ដុល្លារ​​​នៅ​​​ដំណាច់​​​ឆ្នាំ​​​២០១៤។

ការ​​​កើន​​​ឡើង​​​នេះ​​​នឹង​​​​ធ្វើ​​​ឲ្យ​​​កម្ពុជា​​​មាន​​​ប្រាក់​​​ចំណូល​​​ដូច​​​ប្រទេស​​​វៀតណាម​​​ដែល​​​ចំណូល​​​ជាតិ​​​សរុប​​​របស់​​​ពល​​​រដ្ឋ​​​ម្នាក់​​​ក្នុង​​​ប្រទេស​​​នេះ​​​កើន​​​ពី​​​២៦០​​​ដុល្លារ​​​កាល​​​ពីឆ្នាំ​​​១៩៩៥ [ពេល​​​ដែល​ចំណូល​​​ជាតិ​​​សរុ​​​ប​​​របស់​​​ពល​​​រដ្ឋ​​​​​ខ្មែរ​ម្នាក់​​​ៗ​​​គឺ​​​៣០០​​​ដុល្លារ]​​​ ដល់​​​១.៨៩០​​​ ​​​ដុល្លារ​​​ក្នុង​​​ពេល​​​បច្ចុប្បន្ន​​​ នេះ​​​បើ​​​យោង​​​តាម​​​ទិន្នន័យ​​​របស់​​​ធនាគារ​​​ពិភព​​​លោក​​​។

លោក ទូច វិបុល​​​ ប្រធាន​​​មូល​​​និធិ​​​សង្គ្រោះ​​​ ជាតិ​​​ខ្មែរ ជា​​​ក្រុម​​​​​​​​​អាណិកជន​​​ខ្មែរ​​​របស់​​​នៅ​​​សហរដ្ឋ​​​អាមេរិកដែល​​​​​​​គាំទ្រ​​​គណបក្ស​​​ប្រឆាំង​​​និង​​​​​​​​​​ដែល​ធ្វើការ​​​​តវ៉ា​​​នៅ​​​ខាងក្រៅ​​​អង្គការ​​​សហប្រជាជាតិ​​​អំឡុង​​​​ដំណើរ​បំពេញ​​​​​​ការងារ​​​របស់​​​លោក ហ៊ុន សែន បាន​​​និយាយ​​​តាម​​​ទូរស័ព្ទ​​​ថា លោក​​​​​​ជឿ​​​ថា ស្ថិតិ​​​របស់​​​លោក​​​នាយក​​​រដ្ឋ​​​មន្ត្រី​​​​​​មិនបាន​​បង្ហាញឲ្យឃើញ​​ពី​​​​​​​​វិសមភាព​ដ៏ធំធេង​​ឡើយ​​​​។

លោក​​​បាន​​​មាន​​​ប្រសាសន៍​​​ថា “ជា​​​ការ​​​ពិត​​​ យើង​​​ឃើញ​​​មាន​អគារ​​​ខ្ពស់​​​ៗ​​​ និង​​​ស្ពាន​​​ខ្ពស់​ៗ​​​​មួយ​​​ចំនួន​​​ ប៉ុន្តែ សូម​ក្រឡេក​មើល​​​ទី​​​ជន​​​បទ​​​វិញ​​​ ជាទីដែល​មាន​​​​ពល​​​រដ្ឋ​​​​ធ្វើចំណាក​ស្រុក​ទៅប្រទេស​​​ថៃ​​​ កូរ៉េ​​​ខាង​​​ត្បូង និង​​​ប្រទេស​​​ម៉ាឡេស៊ី​​​ដើម្បី​​​ស្វែង​​​រក​​​ការ​​​ងារ​​​ធ្វើ​​​ ទៅបីជា​ ពល​​​រដ្ឋ​​​របស់​​​យើង​​​ត្រូ​​​វបាន​​​គេ​​​រំលោភ​​​បំពាន​​​​នៅ​​​ទី​​​នោះ​​​​ក៏ដោយ​”។

លោក​​​បាន​​​មាន​​​ប្រសាសន៍បន្ថែម​​​ទៀត​​​ថា “នៅ​​​កម្ពុជា​​ ​​​អ្វី​​​ៗ​​​​មើល​​​ហាក់​​​ប​​​ី​​​ដូច​​​ជា​​​​​​អស្ចារ្យ​​​ ខ្លាំង​​​ណាស់​​​ ដូច​​​ជា​​​ឋាន​​​សួគ៌​​​អ៊ីចឹង ប្រសិន​​​បើ​​​​​​យើង​​​រស់​​​នៅ​​​ក្នុង​​​រាជធានី​​ភ្នំពេញ​​​​​​ ប៉ុន្តែ នៅ​​​តាម​​​ទី​​​ជន​​​បទ​​​វិញ​​​ ពល​​​រដ្ឋ​​​គ្មាន​​​ការ​​​ងារ​​​ធ្វើ​​​ទេ​​​។ ​​​វា​​​ផ្ទុយ​​​ទៅ​​​នឹង​​​អ្វី​​​ដែល​​​លោក ហ៊ុន សែន បាន​​​ព្យាយាម​​​បញ្ចុះ​​​បញ្ចូល​​​មេ​​​ដឹក​​​នាំ​​​អន្តរជាតិ​​​​​​​​​​​​នៅ​​​ទី​​​នេះ​​​”៕ ស៊ុយឈាង​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស