28 C
Phnom Penh

តុលាការ​ធម្មនុញ្ញ​ថៃ​សម្រេច​ឱ្យ​លោក ប្រាយុទ្ធ កាន់​តំណែង​នាយករដ្ឋមន្ត្រី​បន្ត​ទៀត ខណៈ​បាតុកម្ម​ផ្ទុះ​ពេញ​ក្រុង​បាងកក

ដោយ ឌឹ ខេមបូឌា ដេលី

បទវិភាគ

នៅ​ថ្ងៃ​សុក្រ ទី​៣០ ខែ​កញ្ញា ទីក្រុង​បាងកក ស្ថិត​ក្នុង​ភាព​រំជើបរំជួល​ជា​ខ្លាំង។ ពលរដ្ឋ និង​អ្នក​នយោបាយ​រង់ចាំ​អ៊ុត​សេចក្ដី​សម្រេច​របស់​តុលាការ​ធម្មនុញ្ញ អំពី​ជោគវាសនា​របស់​លោក ប្រាយុទ្ធ ចាន់អូចា ថា​តើ​អតីត​មេ​រដ្ឋប្រហារ​រូប​នេះ​អាច​ត្រូវ​បាន​អនុញ្ញាត​ឲ្យ​បន្ត​កាន់​តំណែង​ជា​នាយករដ្ឋមន្ត្រី​ទៅ​មុខ​ទៀត ឬ​មួយ​ត្រូវ​បញ្ចប់​តំណែង។

ទីបំផុត តុលាការ​ធម្មនុញ្ញ​បាន​សម្រេច​ឲ្យ​លោក ប្រាយុទ្ធ បន្ត​កាន់​តំណែង​នាយករដ្ឋមន្ត្រី​បន្ត​ទៀត។ យោង​តាម​ការ​ចុះផ្សាយ​របស់​កាសែត​បាងកក​ប៉ុស្តិ៍ តុលាការ​ធម្មនុញ្ញ​បាន​សម្រេច​ថា រដ្ឋធម្មនុញ្ញ​ត្រូវ​បាន​បង្កើត​នៅ​ឆ្នាំ​២០១៧ ដែល​នាំ​ឲ្យ​លោក ប្រាយុទ្ធ មិន​បាន​កាន់​តំណែង​ហួស​អាណត្តិ​កំណត់ ៨​ឆ្នាំ​នោះ​ទេ។ មាន​ន័យ​ថា តុលាការ​មិន​បាន​រាប់​ថយក្រោយ​នោះ​ទេ ដែល​ការពិត លោក ប្រាយុទ្ធ បាន​កាន់​តំណែង​ជា​នាយករដ្ឋមន្ត្រី​នៅ​ថ្ងៃទី​២៤ ខែ​សីហា ឆ្នាំ​២០១៤ គឺ​ក្រោយ​រយៈពេល​ជាង ២​ខែ​ប៉ុណ្ណោះ។

បើ​យោង​តាម​រដ្ឋធម្មនុញ្ញ​ឆ្នាំ​២០១៧ មាន​ន័យ​ថា លោក ប្រាយុទ្ធ នៅ​បន្ត​ឈរ​ជា​បេក្ខជន​នាយករដ្ឋមន្ត្រី​បាន​ទៀត​សម្រាប់​ការ​បោះឆ្នោត​នៅ​ខែ​មីនា ឆ្នាំ​២០២៣។

ប្រសិនបើ​លោក​ឡើង​កាន់​តំណែង​បាន​ទៀត គឺ​យ៉ាងតិច​ជិត ៣​ឆ្នាំ​ទើប​លោក ប្រាយុទ្ធ ផុត​អាណត្តិ​រយៈពេល ៨​ឆ្នាំ។ រដ្ឋប្រហារ​នៅ​ថ្ងៃទី​២២ ខែ​ឧសភា ឆ្នាំ​២០១៤ ដឹកនាំ​ដោយ​លោក ប្រាយុទ្ធ ដែល​នៅ​ពេល​នោះ​លោក​គឺជា​មេ​បញ្ជាការ​កងទ័ព​ជើងគោក។

តាម​ដំណឹង​ចុងក្រោយ​នេះ បាតុកម្ម​ប្រឆាំង​លោក ប្រាយុទ្ធ កំពុង​ផ្ទុះ​ពេញ​ក្រុង​បាងកក។ ក្រុម​អ្នកគាំទ្រ​បក្ស​ប្រឆាំង និង​ចលនា​និស្សិត​ប្រជាធិបតេយ្យ បាន​ប្រមូលផ្ដុំ​គ្នា​ច្រើន​ក្រុម​នៅ​ក្រុង​បាងកក។ ពួកគេ​បាន​ទាមទារ​ឱ្យ​លោក ប្រាយុទ្ធ ចុះ​ចេញពី​តំណែង ព្រោះ​បាតុករ​ចាត់ទុក​លោក ប្រាយុទ្ធ ជា​មេ​រដ្ឋប្រហារ ហើយ​ឆក់​យក​អំណាច​នៅ​ឆ្នាំ​២០១៩ ក៏​អាច​កើត​ចេញពី​រដ្ឋប្រហារ​ផង​ដែរ។

អ្នក​សង្កេតការណ៍​គិត​ថា ចាប់ពី​ថ្ងៃ​នេះ​ទៅ ទីក្រុង​បាងកក ស្ថិត​ក្នុង​ភាព​រំជើបរំជួល​នយោបាយ និង​បាតុកម្ម​ប្រឆាំង​លោក ប្រាយុទ្ធ រហូត​ដល់​ថ្ងៃ​បោះឆ្នោត​នៅ​ខែ​មីនា ឆ្នាំ​២០២៣៕

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស