អ្នកជំនាញបញ្ជាក់ថាតុលាការព្រហ្មទណ្ឌអន្តរជាតិមានយុត្តាធិការគ្រប់គ្រាន់ចាត់វិធានការច្បាប់លើប្រទេសថៃ

អ្នកជំនាញច្បាប់ និងឧក្រិដ្ឋកម្មអន្តរជាតិ លោក ឆាំង យុ លើកឡើងថា ពិតមែនតែថៃ មិនមែនជាសមាជិកនៃតុលាការព្រហ្មទណ្ឌអន្តរជាតិ (ICC) ប៉ុន្តែកម្ពុជា គឺជាសមាជិកតុលាការនេះ ដូច្នេះការវាយប្រហារលើសមាជិករបស់ខ្លួន តុលាការព្រហ្មទណ្ឌអន្តរជាតិមានយុត្តាធិការគ្រប់គ្រាន់ក្នុងការចាត់វិធានការលើប្រទេសថៃ។

ប្រធានមជ្ឈមណ្ឌលឯកសារកម្ពុជា លោក ឆាំង យុ លើកឡើងកាលពីចុងសប្តាហ៍នេះថា យុត្តាធិការរបស់តុលាការឧក្រិដ្ឋកម្មអន្តរជាតិ កាត់សេចក្តីលើឧក្រិដ្ឋកម្មមួយដែលបានកើតមានឡើងនៅក្នុងដែនដីនៃរដ្ឋជាសមាជិករបស់ខ្លួន។

លោកបន្តថា ពិតមែនតែប្រទេសថៃ មិនមែនជាសមាជិករបស់តុលាការឧក្រិដ្ឋកម្មអន្តរជាតិ ប៉ុន្តែប្រទេសកម្ពុជា គឺជាសមាជិកនៃតុលាការនេះ ហើយការវាយប្រហារមកលើរដ្ឋដែលជាសមាជិកនៃតុលាការឧក្រិដ្ឋកម្មអន្តរជាតិ អាចបង្កើតឱ្យមានយុត្តាធិការសម្រាប់តុលាការឧក្រិដ្ឋកម្មអន្តរជាតិយ៉ាងពេញលេញ។

លោកថា យុត្តាធិការនេះគឺក្រោមហេតុផលថា ការវាយប្រហារនេះគឺបានជាប់ពាក់ព័ន្ធទៅនឹងឧក្រិដ្ឋកម្មដែលកំណត់ដោយលក្ខន្តិកៈទីក្រុងរ៉ូម ដូចជាឧក្រិដ្ឋកម្មសង្គ្រាម ឧក្រិដ្ឋកម្មប្រឆាំងមនុស្សជាតិ អំពើប្រល័យពូជសាសន៍ ឬការឈ្លានពាន ជាដើម ខណៈរដ្ឋាភិបាលថៃ មិនបានប្ដេជ្ញាចិត្តគោរពទៅតាមច្បាប់មនុស្សធម៌អន្តរជាតិឱ្យបានពេញលេញនោះទេ ជុំវិញជម្លោះព្រំដែនជាមួយកម្ពុជា នាពេលនេះ។

លោក ឆាំង យុ អះអាងថា ការបំពានទៅលើអនុសញ្ញាអន្តរជាតិ គឺជាកំហុសធ្ងន់ធ្ងរបំផុត ដែលទាមទារឱ្យមានការស៊ើបអង្កេតយ៉ាងល្អិតល្អន់ស៊ីជម្រៅលើអង្គហេតុ និងការត្រួតពិនិត្យដោយយកចិត្តទុកដាក់លើភស្តុតាង នៅមុនពេលទាញចេញជាសេចក្តីសន្និដ្ឋានអំពីរឿងនេះ។

លោកបញ្ជាក់ថា ការឈ្លានពានព្រំដែន ឬឧក្រិដ្ឋកម្មអន្តរជាតិ ដែលកើតមានរវាងថៃ និងកម្ពុជា ទំនងជាត្រូវបើកសវនាការនៅតុលាការយុត្តិធម៌អន្តរជាតិចំពោះសំណុំរឿងរវាងរដ្ឋ និងរដ្ឋ។

ជាងនេះទៀត សវនាការនេះក៏អាចនឹងដំណើរការចំពោះការទទួលខុសត្រូវកម្រិតបុគ្គលផងដែរ ប្រសិនបើឧក្រិដ្ឋកម្មទាំងនេះបានកើតឡើងនៅក្នុងប្រទេសកម្ពុជា ឬតាមរយៈការបញ្ជូនសំណុំរឿងដោយក្រុមប្រឹក្សាសន្តិសុខអង្គការសហប្រជាជាតិ។

នៅថ្ងៃទី២៥ ខែសីហា នេះ តំណាងរាស្ត្រអូស្ត្រាលីដើមកំណើតខ្មែរប្រចាំរដ្ឋវិចតូរីយ៉ា លោក តាក់ ម៉េងហ៊ាង បង្ហោះវីដេអូឃ្លីបមួយដោយសរសេរថា សមាជិកសភាសហព័ន្ធ និងជាអតីតរដ្ឋមន្ត្រីក្រសួងយុត្តិធម៌អូស្ត្រាលី លោក ម៉ាក ដ្រេហ្វើស បានធ្វើសេចក្តីថ្លែងការណ៍លើករណីថៃ បំពានបូរណភាពទឹកដីកម្ពុជា។

ក្នុងវីដេអូឃ្លីបនេះ លោក ម៉ាក ដ្រេហ្វើស បានលើកឡើងថា សន្តិភាពមិនមែនគ្រាន់តែអវត្តមានសង្គ្រាមនោះទេ តែវាត្រូវមាននូវវត្តមានយុត្តិធម៌ កិត្តិយស ហើយពលរដ្ឋម្នាក់ៗត្រូវមានសិទ្ធិរស់នៅដោយគ្មានភាពភ័យខ្លាច។

ជុំវិញជម្លោះព្រំដែនកម្ពុជា-ថៃ ក្នុងពេលនេះ សារព័ត៌មានថៃ ខៅស៊ុត (Khaosod) បានស្រង់សម្ដីរបស់នាយករដ្ឋមន្ត្រីស្ដីទីថៃ លោក ភូមិថាំ វេឆាយ៉ាឆៃ កាលពីថ្ងៃទី១៩ សីហា ថា ក្រុមប្រឹក្សាសន្តិសុខជាតិថៃ បានចាត់តាំងឱ្យក្រុមមេធាវី និងប៉ូលិស រៀបចំពាក្យបណ្ដឹងរដ្ឋប្បវេណី និងព្រហ្មទណ្ឌ ដើម្បីដាក់ទៅតុលាការថៃ ប្ដឹងលោក ហ៊ុន សែន និងនាយករដ្ឋមន្ត្រីកម្ពុជា លោក ហ៊ុន ម៉ាណែត ពីបទប្រើប្រាស់កម្លាំងទ័ពវាយប្រហារលើប្រទេសថៃ រួចរាល់ហើយ។

នាយករដ្ឋមន្ត្រីស្ដីទីថៃរូបនេះ បញ្ជាក់ថា ប្រទេសថៃ មិនអាចប្ដឹងមេដឹកនាំកម្ពុជាទៅតុលាការព្រហ្មទណ្ឌអន្តរជាតិ (ICC) បានទេ ដោយសារតែប្រទេសថៃ មិនបានទទួលស្គាល់យុត្តាធិការរបស់តុលាការអន្តរជាតិមួយនេះ៕

អ្នកជំនាញបញ្ជាក់ថាតុលាការព្រហ្មទណ្ឌអន្តរជាតិមានយុត្តាធិការគ្រប់គ្រាន់ចាត់វិធានការច្បាប់លើប្រទេសថៃ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

រដ្ឋបាលខេត្តប៉ៃលិន ច្រានចោលព័ត៌មានដែលថាទាហានថៃ ឈ្លានពានចូលកាន់កាប់ទឹកដីរបស់ខ្លួន

អ្នកឃ្លាំមើលថាស្ដេចថៃបច្ចុប្បន្នកំពុងក្បត់ដូនតាខ្លួនឯង ដោយសារមិនទទួលស្គាល់សន្ធិសញ្ញាបារាំង-សៀម

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន