ចាងហ្វាងកាសែត CCN ត្រូវបានដោះលែងឱ្យមានសេរីភាពវិញ បន្ទាប់ពីភរិយាចេញមុខសុំទោស

ចាងហ្វាងកាសែត CCN លោក មាស សារ៉ា ត្រូវបានសមត្ថកិច្ចដោះលែងឲ្យមានសេរីភាពវិញហើយ ក្រោយពីភរិយារបស់លោកចេញមុខសុំទោស និងអង្វរសុំឱ្យប្រធានព្រឹទ្ធសភា លោក ហ៊ុន សែន និងនាយករដ្ឋមន្ត្រីកម្ពុជា លោក ហ៊ុន ម៉ាណែត ដោះលែងស្វាមីរបស់ខ្លួនឱ្យមានសេរីភាពឡើងវិញ។

ភរិយារបស់លោក មាស សារ៉ា គឺអ្នកស្រី សេក គង់យី ដែលទើបនឹងសម្រាលកូនបាន ៧ថ្ងៃ ចេញមុខសុំទោសលោក ហ៊ុន សែន និងលោក ហ៊ុន ម៉ាណែត ទាំងទឹកភ្នែក ដោយដៃទាំងពីរបីកូនដែលទើបនឹងសម្រាលរួច រួមទាំងកូនស្រីអាយុប្រហែល ៦ឆ្នាំម្នាក់ទៀត លើកដៃសំពះសុំឱ្យដោះលែងលោក មាស សារ៉ា ឱ្យមានសេរីភាពវិញ។

អ្នកស្រី សេក គង់យី រៀបរាប់ថា បើលោក មាស សារ៉ា ជាប់ពន្ធនាគារ គ្មាននរណាមើលការខុសត្រូវ ឬរ៉ាប់រងបន្ទុកគ្រួសារឡើយ ព្រោះអ្នកស្រីក្នុងពេលនេះមិនទាន់អាចមើលថែកូនបានទេ ដោយសារខ្លួនទើបនឹងសម្រាលកូនហើយ។

កាលពីថ្ងៃទី២៦ ខែសីហា ចាងហ្វាងកាសែត CCN ដែលទើបនឹងបាត់បង់អាជ្ញាបណ្ណ លោក មាស សារ៉ា ត្រូវបានសមត្ថកិច្ចឃាត់ខ្លួនអំឡុងពេលចុះយកព័ត៌មានក្នុងនាមបុគ្គលឯកជន នៅទីតាំងដែលពលរដ្ឋខ្មែរប្រឆាំងនឹងការរាយលួសបន្លារបស់ទាហានថៃ នៅភូមិជោគជ័យ ខេត្តបន្ទាយមានជ័យ។

ជុំវិញបញ្ហានេះ កាលពីថ្ងៃទី២១ ខែសីហា ឆ្នាំ២០២៥ ក្រសួងព័ត៌មាន បានសម្រេចលុបអាជ្ញាបណ្ណសារព័ត៌មាន CCN Online TV របស់លោក មាស សារ៉ា បន្ទាប់ពីចាងហ្វាងសារព័ត៌មានរូបនេះធ្វើសេចក្តីរាយការណ៍អំពីបញ្ហាព្រំដែននៅខេត្តបន្ទាយមានជ័យ កាលពីអំឡុងថ្ងៃទី២០ ខែសីហា កន្លងទៅ ដែលបានផ្សាយពីការបាត់បង់ផ្ទះរបស់ពលរដ្ឋ និងប៉ុស្តិ៍យាមរបស់ទាហានខ្មែរ ដោយការរាយបន្លាលួសពីសំណាក់យោធាថៃ។

យ៉ាងណាក៏ដោយ បន្ទាប់ពីត្រូវក្រសួងព័ត៌មាន លុបអាជ្ញាបណ្ណ នៅថ្ងៃទី២១ ខែសីហា ដដែលនោះ លោក មាស សារ៉ា បញ្ជាក់ថា លោកនឹងមិនរាយការណ៍ក្នុងនាមជាអ្នកសារព័ត៌មានទៀតទេ ប៉ុន្តែនឹងរាយការណ៍ក្នុងនាមជាពលរដ្ឋ និងយុវជនដែលស្រឡាញ់ប្រទេសជាតិវិញម្តង៕

ចាងហ្វាងកាសែត CCN ត្រូវបានដោះលែងឱ្យមានសេរីភាពវិញ បន្ទាប់ពីភរិយាចេញមុខសុំទោស

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

សង្គមស៊ីវិលព្រមានថា កង្វះការរាយការណ៍ដោយឯករាជ្យ កម្ពុជាត្រូវបានគ្របដណ្ដប់ដោយព័ត៌មានមិនពិតនិងក្លែងបន្លំ

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

ចាងហ្វាង​កាសែត CCN ត្រូវ​បាន​ដោះលែង​ឱ្យ​មាន​សេរីភាព​វិញ បន្ទាប់ពី​ភរិយា​ចេញ​មុខ​សុំទោស

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

ចាងហ្វាងកាសែត CCN ត្រូវបានដោះលែងឱ្យមានសេរីភាពវិញ បន្ទាប់ពីភរិយាចេញមុខសុំទោស