ព្រះមហាក្សត្រថៃ ដូរមេបញ្ជាការយោធាភូមិភាគ២ លោក ផាតក្លាង ជំនួសដោយលោក វីរ៉ាយុទ្ធ រ៉ាកស៊ីល

ស្ថាប័នមហាក្សត្រថៃ សម្រេចតែងតាំងមេបញ្ជាការរងភូមិភាគ២ លោក វីរ៉ាយុទ្ធ រ៉ាកស៊ីល (Weerayuth Raksil) ជាមេបញ្ជាការភូមិភាគ២ ដែលនឹងត្រូវដឹកនាំបញ្ជាការដ្ឋានភូមិភាគ២ នៅដើមខែតុលា ខាងមុខនេះជំនួសលោក ប៊ុនស៊ីន ផាតក្លាង (Boonsin Padklang)។

សារព័ត៌មាន ខៅស៊ុត (Khaosod) របស់ថៃ បានចុះផ្សាយថា គេហទំព័រព្រះរាជកិច្ចថៃ (Royal Gazette) ដែលបានចេញផ្សាយសេចក្តីប្រកាសស្ដីពីការតែងតាំងមន្ត្រីយោធាថៃ នៅថ្ងៃទី៥ កញ្ញា ថា មន្ត្រីយោធាថៃ សរុបជិត ៩០០នាក់ (៨៦២នាក់) ក្នុងនោះក៏មានទាំងមេបញ្ជាការធំៗផងដែរដែលនឹងត្រូវតែងតាំងឱ្យចូលកាន់តំណែងជាផ្លូវការ ចាប់ពីថ្ងៃទី១ ខែតុលា ឆ្នាំ២០២៥ ខាងមុខនេះតទៅ។

គួរបញ្ជាក់ថា មេបញ្ជាការយោធាថៃ ត្រូវដោះដូរតំណែងតាមជំនាន់សិស្សសាលាយោធារៀងរាល់ឆ្នាំនៅខែតុលា។

ប្រភពដដែល រាយការណ៍ថា សម្រាប់មេបញ្ជាការកងទ័ពជើងគោក រួមមាន ឧត្ដមសេនីយ៍ Worayos Lueangsuwann ដែលជាមេបញ្ជាការរងយោធភូមិភាគទី១ ត្រូវបានដំឡើងឋានៈជាមេបញ្ជាការភូមិភាគ១។ ចំណែកឧត្ដមសេនីយ៍ Weerayuth Raksil មេបញ្ជាការរងយោធភូមិភាគទី២ ត្រូវបានដំឡើងឋានៈជាមេបញ្ជាការភូមិភាគ២ រីឯឧត្ដមសេនីយ៍ Woratep Bunya មេបញ្ជាការរងយោធភូមិភាគទី៣ ត្រូវបានដំឡើងឋានៈជាមេបញ្ជាការភូមិភាគ៣ ខណៈឧត្ដមសេនីយ៍ Norathip Poynok មេបញ្ជាការរងយោធភូមិភាគទី៤ ក៏ត្រូវបានដំឡើងឋានៈជាមេបញ្ជាការភូមិភាគ៤ ផងដែរ។ ដោយឡែកឧត្ដមនាវីឯក Pairot Fuangchan នាយអគ្គសេនាធិការកងទ័ពជើងទឹកថៃ ត្រូវបានដំឡើងឋានៈជាមេបញ្ជាការកងទ័ពជើងទឹក និងជំនួយមេបញ្ជាការកងទ័ពអាកាស ខណៈឧត្ដមសេនីយ៍ Seksan Kantha ក៏ត្រូវបានតែងតាំងជាមេបញ្ជាការកងទ័ពអាកាសផងដែរ។

កាសែតថៃ ដដែលបញ្ជាក់ថា ចំណែកឯឧត្ដមសេនីយ៍ Tharapong Malakham អគ្គលេខាធិការរងក្រសួងការពារជាតិ ត្រូវបានដំឡើងឋានៈជាអគ្គលេខាធិការក្រសួងការពារជាតិ និងឧត្ដមសេនីយ៍ Ukridt Buntanont មេបញ្ជាការរងកងកម្លាំងការពារជាតិ ក៏ត្រូវបានដំឡើងឋានៈជាមេបញ្ជាការកងកម្លាំងការពារជាតិដែរ។

ការផ្លាស់ប្ដូរមន្ត្រីយោធាជាន់ខ្ពស់របស់ប្រទេសថៃ នាពេលនេះ ធ្វើឡើងស្របពេលដែលជម្លោះព្រំដែនរវាងប្រទេសថៃ និងកម្ពុជា កំពុងផ្ទុះឡើងសន្ធោសន្ធៅនាពេលនេះ។

កាលពីថ្ងៃទី១០ ខែសីហា សារព័ត៌មានរបស់ថៃ បានស្រង់សម្ដីមេបញ្ជាការយោធភូមិភាគ២ របស់ថៃ ឧត្ដមសេនីយ៍ឯក ប៊ុនស៊ីន ផាតក្លាង (Boonsin Padklang) ថា លោកនឹងចូលនិវត្តន៍នៅចុងខែកញ្ញា នេះ ដែលមានន័យថា អាជីពយោធារបស់លោកនឹងផុតកំណត់នៅដើមខែតុលា ឆ្នាំ២០២៥ ខាងមុខ។

យ៉ាងណាក៏ដោយ មេបញ្ជាការយោធភូមិភាគ២ ថៃ រូបនេះ បញ្ជាក់ថា មុននឹងចូលនិវត្តន៍រយៈពេល ១ខែ ២១ថ្ងៃ លោកប្ដេជ្ញាថានឹងទាមទារយកប្រាសាទតាក្របី មកគ្រប់គ្រងដោយកងទ័ពថៃ វិញឱ្យបាន ហើយនឹងបិទប្រាសាទតាមាន់ធំ ឱ្យបានថែមទៀត។

ជុំវិញបញ្ហានេះ អតីតរដ្ឋមន្ត្រីក្រសួងព័ត៌មានកម្ពុជា លោក ខៀវ កាញារីទ្ធ លើកឡើងកាលពីពេលថ្មីៗនេះថា ជម្លោះព្រំដែនកម្ពុជា-ថៃ ដែលថៃ ព្យាយាមបញ្ឆេះឱ្យកាន់តែខ្លាំងរហូតមកនោះ មិនមែនត្រឹមតែដើម្បីស្ដារឥទ្ធិពលកងទ័ពថៃ ទេ ប៉ុន្តែក៏ដើម្បីអនាគតមេបញ្ជាការភូមិភាគ២ ថៃ លោក ប៊ុនស៊ីន ផាតក្លាង (Boonsin Padklang) ក្រោយពេលចូលនិវត្តន៍ដែរ។

លោក ខៀវ កាញារីទ្ធ លើកឡើងថា នៅពេលដែលលោក ប៊ុនស៊ីន ផាតក្លាង ចូលនិវត្តន៍ គាត់មានសង្ឃឹមតិចណាស់ក្នុងការទទួលបានតំណែងជារដ្ឋមន្ត្រីក្នុងរដ្ឋាភិបាលថៃ ដូច្នេះទិសដៅធំបំផុតរបស់គាត់ គឺការចាប់តំណែងក្នុងឧត្ដមក្រុមប្រឹក្សាព្រះមហាក្សត្រថៃ សម្រាប់អនាគតទៅមុខ ព្រោះគាត់នឹងមានសង្ឃឹមច្រើន បើប្រឹងបញ្ចេញចង្កូមបង្កជម្លោះជាមួយកម្ពុជា ឱ្យកាន់តែខ្លាំង៕

ព្រះមហាក្សត្រថៃ ដូរមេបញ្ជាការយោធាភូមិភាគ២ លោក ផាតក្លាង ជំនួសដោយលោក វីរ៉ាយុទ្ធ រ៉ាកស៊ីល

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ពលរដ្ឋថៃជិត ៣០០០នាក់ ចូលទស្សនាប្រាសាទតាក្របី និងភ្នំ៣៥០ មុនការបិទជាបណ្តោះអាសន្ន

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

ព្រះមហាក្សត្រ​ថៃ ដូរ​មេបញ្ជាការ​យោធា​ភូមិភាគ​២ លោក ផាតក្លាង ជំនួស​ដោយ​លោក វីរ៉ាយុទ្ធ រ៉ាកស៊ីល

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

ព្រះមហាក្សត្រថៃ ដូរមេបញ្ជាការយោធាភូមិភាគ២ លោក ផាតក្លាង ជំនួសដោយលោក វីរ៉ាយុទ្ធ រ៉ាកស៊ីល