នាយករដ្ឋមន្ត្រីថៃ បង្ហាញលក្ខខណ្ឌបួនចំណុចឱ្យកម្ពុជាអនុវត្ត បន្ទាប់ពីលោក ត្រាំ ចង់ឃើញភាគីជម្លោះចូលតុចរចា

នាយករដ្ឋមន្ត្រីថៃ លោក អនុធីន ឆានវីរៈគុល (Anutin Charnvirakul) អះអាងថា ប្រធានាធិបតីសហរដ្ឋអាមេរិក លោក ដូណាល់ ត្រាំ បានផ្ញើលិខិតមួយមកកាន់រូបលោក ក្នុងបំណងចង់ឃើញថៃ និងកម្ពុជា ដោះស្រាយជម្លោះព្រំដែនដែលកំពុងមានភាពតានតឹងនាពេលនេះ។

ទីភ្នាក់ងារព័ត៌មាន AFP បានចេញផ្សាយនៅថ្ងៃទី៩ តុលា នេះ ដោយស្រង់សម្ដីនាយករដ្ឋមន្ត្រីថៃ លោក អនុធីន ឆានវីរៈគុល (Anutin Charnvirakul) ថា លោកនឹងឆ្លើយតបអំពីជំហររបស់ថៃ ទៅកាន់អាមេរិក វិញ ដោយសំអាងថា ថៃបានត្រៀមខ្លួនរួចជាស្រេចហើយក្នុងការធ្វើតាមដំណើរការចរចានេះ ប្រសិនបើកម្ពុជា អនុវត្តតាម។

នាយករដ្ឋមន្ត្រីថៃ រូបនេះ បញ្ជាក់ថា ថៃនឹងចូលរួមចរចាបញ្ចប់ជម្លោះ ប្រសិនបើកម្ពុជា ដកអាវុធធុនធ្ងន់ចេញពីតំបន់ព្រំដែន ដោះមីន បង្ក្រាបអំពើឆបោកតាមអ៊ីនធឺណិត និងជម្លៀសពលរដ្ឋរបស់ខ្លួននៅព្រំដែនដែលកំពុងរស់នៅលើទឹកដីរបស់ថៃ។

លិខិតនេះធ្វើឡើងបន្ទាប់ពីលោក អនុធីន ឆានវីរៈគុល បានដាក់លក្ខខណ្ឌទៅអាមេរិក ក្រោយពីលោក ដូណាល់ ត្រាំ ស្នើសម្របសម្រួលជម្លោះកម្ពុជា-ថៃ ក្នុងកិច្ចប្រជុំកំពូលអាស៊ាននៅចុងខែតុលា នេះ។

កាលពីថ្ងៃទី០៦ ខែតុលា ឆ្នាំ២០២៥ សារព័ត៌មានអន្តរជាតិ The Politico បានចុះផ្សាយថា ប្រធានាធិបតីអាមេរិក លោក ដូណាល់ ត្រាំ គ្រោងនឹងចូលរួមក្នុងកិច្ចប្រជុំកំពូលអាស៊ាន ដែលនឹងធ្វើឡើងក្នុងប្រទេសម៉ាឡេស៊ី ចាប់ពីថ្ងៃទី២៦ ដល់ថ្ងៃទី២៨ ខែតុលា ខាងមុខ ប្រសិនបើលោកអាចធ្វើជាអធិបតីក្នុងពិធីចុះហត្ថលេខាលើកិច្ចព្រមព្រៀងសន្តិភាពរវាងកម្ពុជា-ថៃ។

ជុំវិញបញ្ហានេះ កាសែតថៃ Bangkok Post បានស្រង់សម្ដីនាយករដ្ឋមន្ត្រីថៃ លោក អនុធីន ឆានវីរៈគុល កាលពីថ្ងៃទី៩ ខែតុលា ថា បើទោះបីជាកាយវិការរបស់លោក ដូណាល់ ត្រាំ បង្ហាញពីសុឆន្ទៈក៏ដោយ តែកិច្ចចរចាទាំងអស់ត្រូវតែប្រកាន់ខ្ជាប់នូវគោលការណ៍ដែលបានព្រមព្រៀងពីមុនមក។

យ៉ាងណាក៏ដោយ មន្ត្រីជាន់ខ្ពស់គណបក្សសង្គ្រោះជាតិ លោក ហ៊ីង សុខសាន្ត បានសរសេរលើទំព័រហ្វេសប៊ុករបស់ខ្លួននៅថ្ងៃទី៩ តុលា នេះ ដោយចាត់ទុកសម្ដីនាយករដ្ឋមន្ត្រីថៃ លោក អនុធីន ឆានវីរៈគុល ដែលថាថៃ គឺជាជនរងគ្រោះពីការឈ្លានពានរបស់កម្ពុជា គឺជាចេតនាពង្រីកជម្លោះដើម្បីទម្លាក់កំហុសលើកម្ពុជា ប៉ុណ្ណោះ។

ពាក់ព័ន្ធបញ្ហានេះ លោក ម៉ៃឃើល ប៊ើរី អាល់ហ្វារ៉ូ (Michael B Alfaro) ទីប្រឹក្សាប្រធានាធិបតីអាមេរិក លោក ដូណាល់ ត្រាំ (Donald J Trump) បានលើកឡើងក្នុងកិច្ចសម្ភាសន៍ពិសេសក្នុងកម្មវិធី Idea Talk នៃសារព័ត៌មាន The Cambodia Daily ជុំវិញជម្លោះព្រំដែនកម្ពុជា-ថៃ កាលពីដើមខែកញ្ញា ថា ប្រទេសថៃ បានឈ្លានពានទឹកដីកម្ពុជា ដែលមិនអាចប្រកែកបានឡើយ។

លោក ម៉ៃឃើល ប៊ើរី អាល់ហ្វារ៉ូ បញ្ជាក់ថា អ្វីដែលថៃ បានធ្វើលើកម្ពុជា គឺជាអំពើឧក្រិដ្ឋកម្មមនុស្សជាតិសុទ្ធសាធ ព្រោះការទម្លាក់គ្រាប់បែក MK ការប្រើយន្តហោះប្រយុទ្ធ F-16 និងយន្តហោះ Griphen រួមទាំងផ្សែងពុលពណ៌ស (white phosphorus) ជាដើម សុទ្ធតែរំលោភបំពានច្បាប់អន្តរជាតិ ខណៈថៃ ក៏បានសារភាពពីការប្រើប្រាស់អាវុធទាំងនេះដែរ៕

នាយករដ្ឋមន្ត្រីថៃ បង្ហាញលក្ខខណ្ឌបួនចំណុចឱ្យកម្ពុជាអនុវត្ត បន្ទាប់ពីលោក ត្រាំ ចង់ឃើញភាគីជម្លោះចូលតុចរចា

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន