គណៈកម្មាធិការសិទ្ធិមនុស្សកម្ពុជាខកចិត្តនឹងអង្គការសហប្រជាជាតិករណីកងទ័ពថៃបណ្ដេញពលរដ្ឋខ្មែរចេញពីលំនៅឋាន

គណៈកម្មាធិការសិទ្ធិមនុស្សកម្ពុជា សម្ដែងការខកចិត្តចំពោះភាពស្ងៀមស្ងាត់របស់អ្នករាយការណ៍ពិសេសទទួលបន្ទុកសិទ្ធិលំនៅឋានសមរម្យនៃការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស (OHCHR) ជុំវិញការបណ្តេញពលរដ្ឋខ្មែរចេញពីលំនៅឋានដោយកងទ័ពថៃ។

គណៈកម្មាធិការសិទ្ធិមនុស្សកម្ពុជា (គ.ស.ម.ក.) បានចេញលិខិតមួយទៅកាន់លោក Balakrishnan Rajagopal អ្នករាយការណ៍ពិសេសទទួលបន្ទុកសិទ្ធិលំនៅឋានសមរម្យ នៃការិយាល័យឧត្ដមស្នងការអង្គការសហប្រជាជាតិ នៅថ្ងៃទី៩ តុលា នេះ ដោយលាតត្រដាងអំពីការគំរាមកំហែងលើសិទ្ធិទទួលបានលំនៅឋានសមរម្យរបស់ពលរដ្ឋកម្ពុជា តាមព្រំដែនកម្ពុជា-ថៃ។

ប្រភពដដែល រៀបរាប់ថា កងទ័ពថៃ មានគម្រោងប្រើប្រាស់ច្បាប់អាជ្ញាសឹកដើម្បីបណ្តេញប្រជាជនកម្ពុជា ចេញដោយបង្ខំពីផ្ទះសម្បែង និងដីស្រែចម្ការរបស់ពួកគេ ដែលស្ថិតក្នុងដែនដីកម្ពុជា ខណៈពលរដ្ឋខ្មែរដែលត្រូវបានបណ្តេញចេញដោយបង្ខំរួចហើយ និងអ្នកដែលកំពុងរងការគំរាមកំហែងពីការបណ្តេញចេញដោយបង្ខំនោះ កំពុងទទួលរងនូវការឈឺចាប់ និងទុក្ខលំបាកជាទម្ងន់។

គណៈកម្មាធិការសិទ្ធិមនុស្សកម្ពុជា បញ្ជាក់ថា ពលរដ្ឋខ្មែររងគ្រោះទាំងនេះបានរស់នៅលើទីតាំងនោះជាច្រើនជំនាន់មកហើយ។ ពួកគេមិនត្រឹមតែបានកសាងជាផ្ទះសម្បែងប៉ុណ្ណោះទេ ថែមទាំងបានកសាងជាសហគមន៍ និងជាកន្លែងប្រកបរបរចិញ្ចឹមជីវិតថែមទៀត ខណៈអត្តសញ្ញាណវប្បធម៌ក៏បានចាក់ឫសគល់យ៉ាងជ្រៅនៅកន្លែងនោះដែរ។

ផ្ទាំងបដាធំៗដែលមានអក្សរថៃ ខ្មែរ និងអង់គ្លេស កំពុងត្រូវបានដាក់បង្ហាញក្នុងភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ចាប់តាំងពីថ្ងៃទី២៨ ខែកញ្ញា ឆ្នាំ២០២៥ មក ដែលជាបទបញ្ជារបស់រដ្ឋបាលខេត្តស្រះកែវ ប្រទេសថៃ ដោយព្រមានឱ្យពលរដ្ឋខ្មែរដែលរស់នៅក្នុងភូមិទាំងពីរនេះ ចាកចេញពីតំបន់នេះជាកំហិត។

ខ្លឹមសារលើបដានោះ សរសេរថា «គ្រប់បុគ្គល ឬក្រុមដែលកំពុងធ្វើសកម្មភាពឈ្លានពាន កាប់ឆ្ការ ឬសង់សំណង់នៅក្នុងតំបន់ព្រៃព្រំដែន ឬតំបន់ដែលបានកំណត់ ត្រូវតែចាកចេញដោយគ្មានលក្ខខណ្ឌ ហើយគ្រប់អ្នកឈ្លានពានទាំងអស់ ត្រូវតែរុះរើ និងចាកចេញពីទីតាំងទាំងនោះត្រឹមថ្ងៃទី១០ ខែតុលា ឆ្នាំ២០២៥។ ជាងនេះទៀត ប្រសិនបើបុគ្គលណាមិនព្រមចាកចេញ លើសថ្ងៃកំណត់ អាជ្ញាធរថៃ នឹងចាត់វិធានការចាប់បញ្ជូនខ្លួនទៅតុលាការតាមនីតិវិធីច្បាប់ជាធរមាន។»

ជុំវិញបញ្ហានេះ អង្គភាពសារព័ត៌មាន SBT News បានធ្វើសេចក្តីរាយការណ៍ពីភូមិព្រៃចាន់ នៅថ្ងៃទី៩ តុលា នេះថា ប្រជាពលរដ្ឋនៅភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ មិនមានការភ័យស្លន់ស្លោ ឬរៀបចំបង្វេចអីវ៉ាន់ចាកចេញពីលំនៅឋានតាមការព្រមានរបស់ភាគីថៃ ឡើយ៕

គណៈកម្មាធិការសិទ្ធិមនុស្សកម្ពុជាខកចិត្តនឹងអង្គការសហប្រជាជាតិករណីកងទ័ពថៃបណ្ដេញពលរដ្ឋខ្មែរចេញពីលំនៅឋាន

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន