ព្រឹទ្ធសភាអាមេរិកទាត់ចោលដំណោះស្រាយពីរដ្ឋសភាដែលរាំងខ្ទប់លោក ត្រាំ ប្រើទ័ពក្នុងសង្គ្រាមគ្រឿងញៀនវាយវេណេហ្ស៊ុយអេឡា

ព្រឹទ្ធសភាសហរដ្ឋអាមេរិក ទាត់ចោលដំណោះស្រាយសមាជិកសភាដែលបង្គាប់ឱ្យលោក ដូណាល់ ត្រាំ សុំការយល់ព្រមពីសភាក្នុងសង្គ្រាមគ្រឿងញៀនសំដៅលើកទ័ពអាមេរិកវាយប្រហារវេណេហ្ស៊ុយអេឡា។

ដំណោះស្រាយនេះបរាជ័យក្នុងសំឡេង ៤៩ ទល់នឹង ៥១សំឡេង។ មានន័យថា សំឡេងគាំទ្រដំណោះស្រាយរបស់សភាមាន ៤៦សំឡេង ហើយសំឡេងមិនគាំទ្រមាន ៥១សំឡេង ដែលជាការទាត់ចោលការបង្គាប់ទៅរដ្ឋការលោក ដូណាល់ ត្រាំ របស់សមាជិកសភាដែលថាត្រូវសុំគោលការណ៍ពីសភាជាមុនសិន មុននឹងសម្រេចលើកទ័ពវាយចូលទៅលើទឹកដីប្រទេសវេណេហ្ស៊ុយអេឡា។

គេបានដឹងថាមានសមាជិកសភាមកពីគណបក្សសាធារណរដ្ឋចំនួនពីររូប គឺអ្នកស្រី Lisa Murkowski of Alaska និងលោក Rand Paul of Kentucky ដែលចូលរួមបោះឆ្នោតគណបក្សប្រជាធិបតេយ្យ។ បន្ទាប់ពីព្រឹទ្ធសភារៀបចំការបោះឆ្នោតរួច រដ្ឋមន្ត្រីក្រសួងសង្គ្រាម លោក Pete Hegseth បានប្រកាសឱ្យដឹងពីការវាយប្រហារថ្មីមួយទៀតលើទូកដែលចោទប្រកាន់ពីការជួញដូរគ្រឿងញៀននៅសមុទ្រការីបៀន។

គិតមកទល់ពេលនេះ រដ្ឋការអាមេរិកបានវាយប្រហារចំនួន ១៧ករណី និងបានសម្លាប់មនុស្ស ៦៩រូប។ កាលពីខែមុននេះ លោក ត្រាំ បាននិយាយថា លោកមិនត្រូវការសភាក្នុងការអនុម័តការវាយប្រហារទៅលើក្រុមជួញដូរគ្រឿងញៀននោះទេ។ ជំនួសមកវិញ លោកនិយាយថា អាមេរិកនឹងសម្លាប់អ្នកនាំគ្រឿងញៀនចូលក្នុងប្រទេសអាមេរិក ។

សមាជិកសភាមួយរូបឈ្មោះ Todd Young បានរិះគន់ថាការវាយប្រហារណាមួយដែលមិនមានការស្នើសុំពីសភា គឺជារឿងខុសច្បាប់។ លោកថាវាជាបញ្ហានៃគោលនយោបាយដែលលោកមានការសង្ស័យលើប្រតិបត្តិការចម្លែកមួយនេះ ព្រោះប្រជាជនអាមេរិកភាគច្រើនមិនចង់ឱ្យទាហានអាមេរិកពាក់ព័ន្ធនឹងជម្លោះ។

សមាជិកសភាអាមេរិកផ្សេងទៀតកាលពីខែមុន បានបង្ហាញការព្រួយបារម្ភដូចគ្នានេះលើរដ្ឋការលោក ត្រាំ ដែលមិនចែករំលែកព័ត៌មាននៃការវាយប្រហារ ហើយក្រោយមក រដ្ឋការលោក ត្រាំ បានត្រឹមធ្វើការសង្ខេបជូនសមាជិកគណបក្សសាធារណរដ្ឋដោយគ្មានសមាជិកមកពីខាងគណបក្សប្រជាធិបតេយ្យណាមួយឡើយ ដែលបង្កឱ្យមានការសង្ស័យ។

កាលពីខែមុន ដំណោះស្រាយស្រដៀងគ្នានេះក៏ត្រូវបានផ្ដួចផ្ដើមផងដែរ តែត្រូវបរាជ័យក្រោមសំឡេង ៤៨ ទល់នឹង ៥១សំឡេង ហើយសមាជិកមកពីបក្សសាធារណរដ្ឋពីររូបនេះជាអ្នកចូលគាំទ្រដំណោះស្រាយរបស់សភាបក្សប្រជាធិបតេយ្យ ដែលមានផែនការរាំងខ្ទប់សង្គ្រាមគ្រឿងញៀនរបស់លោក ដូណាល់ ត្រាំ។

ការលើកទ័ពអាមេរិកទៅដាក់ពង្រាយនៅតំបន់សមុទ្រការីបៀន ក៏មានការបញ្ចេញព័ត៌មានថា អ្នកស្រីមេបក្សប្រឆាំងជ័យលាភីណូបែលសន្តិភាពឆ្នាំ២០២៥ បានបញ្ជូនជំនួយការ និងទីប្រឹក្សារបស់អ្នកស្រីទទួលជួបទីប្រឹក្សាសន្តិសុខរបស់លោក ដូណាល់ ត្រាំ។

ការពិត លោក ត្រាំ មានការវាយប្រហារលើបណ្ដាញគ្រឿងញៀនតាមសំណើរបស់អ្នកស្រី Maria Corina Machado ដោយបានជួបគ្នាតាំងពីមុនលោក ត្រាំ ចូលទៅនៅសេតវិមានវិញជាផ្លូវការនៅថ្ងៃទី២០ ខែមករា ឆ្នាំ២០២៥។ លទ្ធផលនៃជំនួប បានផ្ដើមឱ្យមានយុទ្ធនាការសង្គ្រាមគ្រឿងញៀនរបស់លោក ត្រាំ នៅអាមេរិកខាងត្បូង ដែលកំពុងឈានដល់ការលើកទ័ពក្នុងគោលដៅធ្វើរដ្ឋប្រហារទម្លាក់លោក ម៉ាឌូរ៉ូ។

មន្ត្រីបួននាក់នៃក្រុមប្រឹក្សាមេដឹកនាំបក្សប្រឆាំងវេណេហ្ស៊ុយអេឡា លោកស្រី Machado ត្រូវបានអនុញ្ញាតឱ្យចូលក្នុងមន្ទីររដ្ឋសភា Capitol Hill ដោយបានជួបសមាជិកសភាអាមេរិកច្រើននាក់ ហើយក្នុងនោះ ពួកគាត់បានទៅជួបលោក Mike Waltz ទីប្រឹក្សាសន្តិសុខជាតិអាមេរិកនៃអនាគតរដ្ឋការលោក ដូណាល់ ត្រាំ។ ជំនួបនេះ ធ្វើឡើងនៅមុនលោក ត្រាំ ស្បថចូលកាន់តំណែងប្រធានាធិបតីអាណត្តិថ្មីទី២ របស់លោក នៅថ្ងៃទី២០ ខែមករា ឆ្នាំ២០២៥ ក្រោយពីលោកបានឈ្នះការបោះឆ្នោតប្រធានាធិបតីនៅដើមសប្ដាហ៍ទី១ នៃខែវិច្ឆិកា ឆ្នាំ២០២៤។

នៅពេលនោះ អ្នកស្រី Machado បានចេញមុខជួបផ្ទាល់នឹងលោក Mike Waltz ទីប្រឹក្សាសន្តិសុខជាតិ តែលោក Mike Waltz បានជួបតាមរយៈវីដេអូ Call ពីកន្លែងលាក់ខ្លួនរបស់លោកស្រីនៅក្នុងប្រទេសវេណេហ្ស៊ុយអេឡា។

ក្រុមទីប្រឹក្សារបស់អ្នកស្រី Machado អះអាងប្រាប់លោក Mike Waltz ទីប្រឹក្សាលោក ត្រាំ ថា ប្រធានាធិបតីវេណេហ្ស៊ុយអេឡា លោក Nicolás Maduro មានទំនាក់ទំនងយ៉ាងជិតស្និទ្ធនឹងក្រុមឧក្រិដ្ឋជនគ្រឿងញៀននៅក្នុងតំបន់អាមេរិកខាងត្បូង ព្រោះថាជាការគំរាមកំហែងដល់សន្តិសុខជាតិរបស់សហរដ្ឋអាមេរិក។

ក្រុមអង្គការភេរវករគ្រឿងញៀនវេណេហ្ស៊ុយអេឡា Tren de Aragua ដែលនៅពីក្រោយផ្ទាល់ដោយប្រធានាធិបតីវេណេហ្ស៊ុយអេឡា លោក Nicolás Maduro កំពុងជាមុខសញ្ញាត្រូវបានទ័ពអាមេរិកដែលថាអំណាចរបស់លោក ម៉ាឌូរ៉ូ អាចគ្រោះថ្នាក់ បើលោក ត្រាំ បញ្ជាទ័ពវាយចូលទឹកដីវេណេហ្ស៊ុយអេឡា ហើយខណៈនេះ លោក ត្រាំ អាចនឹងលើកទ័ពទៅវេណេហ្ស៊ុយអេឡា ព្រោះព្រឹទ្ធសភាហាក់កំពុងបើកផ្លូវឱ្យលោក ត្រាំ ប្រើសិទ្ធិអំណាចជាប្រធានាធិបតី៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន