អង្គការសិទ្ធិមនុស្សប្រចាំតំបន់អាស៊ី ថាបញ្ហាគ្រាប់មីនក្នុងជម្លោះព្រំដែនកម្ពុជា-ថៃ កំណត់វាសនាទាហានខ្មែរទាំង ១៨នាក់

<a href="https://rss.com/podcasts/dailynewskh/2331448">មន្រ្តីសិទ្ធិមនុស្សរឿងមីន និង ទាហានខ្មែរ១៨នាក់ ខណៈអ្នកសង្កេតការណ៍អាស៊ានចុះពិនិត្យ</a>

ប្រធានអង្គការគាំពារសិទ្ធិមនុស្ស និងការងារប្រចាំតំបន់អាស៊ី (Asia Human Rights and Labor Advocates) លោក ហ្វីល រ៉ូបឺតសុន (Phil Robertson) លើកឡើងថា បញ្ហាគ្រាប់មីនក្នុងជម្លោះព្រំដែនប្រទេសកម្ពុជា-ថៃ នាពេលនេះ គឺជារឿងសំខាន់ក្នុងការកំណត់ជោគវាសនាទាហានខ្មែរទាំង ១៨នាក់ ថាត្រូវបានដោះលែង ឬយ៉ាងណានោះ។

លោក ហ្វីល រ៉ូបឺតសុន សរសេរលើគណនីហ្វេសប៊ុករបស់ខ្លួននៅថ្ងៃទី១៤ វិច្ឆិកា ថា បញ្ហាគ្រាប់មីនដែលលេចឡើងក្នុងជម្លោះព្រំដែនកម្ពុជា-ថៃ នាពេលនេះ គឺត្រូវការភាគីទាំងសងខាងបង្ហាញភស្តុតាងជាក់លាក់ដែលមិនមែនត្រឹមតែជាការបង្ហាញទស្សនៈរៀងៗខ្លួននោះទេ។

ប្រភពដដែល លើកឡើងថា បញ្ហាគ្រាប់មីនត្រូវតែមានការស៊ើបអង្កេតពីភាគីឯករាជ្យ គឺក្រុមអ្នកសង្កេតការណ៍យោធាអាស៊ាន ដើម្បីផ្តល់យុត្តិធម៌ ក្នុងនោះបើរកឃើញថាគ្រាប់មីនដែលផ្ទុះកន្លងមកជាគ្រាប់មីនថ្មី នោះគឺជាការរំលោភយ៉ាងធ្ងន់ធ្ងរលើកិច្ចព្រមព្រៀងនានាដែលភាគីទាំងសងខាងបានឯកភាពគ្នា។ លោកបន្តថា ផ្ទុយទៅវិញ បើគ្រាប់មីនដែលផ្ទុះនោះ គឺជាគ្រាប់មីនចាស់សល់ពីសង្គ្រាមកាលពីទសវត្សរ៍ឆ្នាំ១៩៨០ នោះបញ្ហាគឺស្ថិតនៅត្រង់ថា តើគ្រាប់មីនទាំងនោះត្រូវយកចេញដោយវិធីណា ដើម្បីបញ្ចប់ជម្លោះរវាងប្រទេសទាំងពីរ។

លោក ហ្វីល រ៉ូបឺតសុន បញ្ជាក់ថា ក្នុងពេលនេះ ប្រទេសថៃ កំពុងបោះជំហានទៅរកការរៀបចំការបោះឆ្នោតសកល ស្របពេលដែលក្រុមយោធាកំពុងគ្រប់គ្រងគោលនយោបាយព្រំដែន ដូច្នេះឱកាសដែលអាចកើតមាន គឺតិចតួចបំផុតដែលថៃ នឹងលះបង់ជំហររបស់ពួកគេសម្រួលតាមការចង់បាននៃប្រទេសកម្ពុជា នោះ។

កាលពីថ្ងៃទី១០ ខែវិច្ឆិកា កាសែតថៃ ខៅស៊ុត (Khaosod) បានស្រង់សម្ដីរដ្ឋមន្ត្រីការពារជាតិថៃ លោក ណាថាផន ណាក់ផានិត (Nattapon Nakpanit) ថា គម្រោងដោះលែងទាហានកម្ពុជា ទាំង ១៨នាក់ដែលគ្រោងនឹងធ្វើឡើងនៅថ្ងៃទី១២ ខែវិច្ឆិកា នឹងត្រូវពន្យារពេលវិញ បន្ទាប់ពីទាហានថៃ ២នាក់បានរងរបួសដោយសារគ្រាប់មីនកាលពីថ្ងៃចន្ទ ដើមសប្តាហ៍នេះ។

ជុំវិញបញ្ហានេះ ទីភ្នាក់ងារព័ត៌មានជាតិប្រទេសម៉ាឡេស៊ី Bernama បានចុះផ្សាយសម្ដីរដ្ឋមន្ត្រីការបរទេសម៉ាឡេស៊ី លោក មហាមេត ហាស់សាន (Mohamad Hasan) កាលពីថ្ងៃទី១៣ ខែវិច្ឆិកា នេះថា ក្រុមអ្នកសង្កេតការណ៍អាស៊ាន (AOT) រាយការណ៍ឲ្យដឹងថា មីនដែលផ្ទុះនាំឲ្យរបួសទាហានថៃ គឺជាមីនចាស់ ខណៈម៉ាឡេស៊ី ក៏ត្រៀមខ្លួនសម្របសម្រួលការពិភាក្សាគ្នាជុំវិញបញ្ហានេះដែរ។

យ៉ាងណាក៏ដោយ កាសែត ខៅស៊ុត (Khaosod) រាយការណ៍នៅថ្ងៃទី១៤ វិច្ឆិកា ថា ទីភ្នាក់ងារព័ត៌មានម៉ាឡេស៊ី Bernama បានចុះផ្សាយខុសពីខ្លឹមសារដើមនូវប្រសាសន៍របស់រដ្ឋមន្ត្រីការបរទេសម៉ាឡេស៊ី អំពីមីនដែលទាហានថៃ បានជាន់កាលពីថ្ងៃទី១០ ខែវិច្ឆិកា កន្លងទៅនេះ។ ក្រោយការតវ៉ានេះ ទីភ្នាក់ងារព័ត៌មាន Bernama នៅថ្ងៃទី១៤ វិច្ឆិកា បានកែសម្រួលខ្លឹមសារអត្ថបទរបស់ខ្លួនវិញថា មីនដែលទាហានថៃ បានជាន់កាលពីពេលថ្មីៗនេះ គឺជាមីនថ្មី៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន