លោក នីកូឡាស ម៉ាឌូរ៉ូ គ្រងឈុតទាហានដោយដៃកាន់ដាវ ប្រកាសត្រៀមប្រឆាំងនឹងការប៉ុនប៉ងណាមួយផ្ដួលរំលំលោក

ប៉ុន្មានថ្ងៃចុងក្រោយនេះ ប្រធានាធិបតីវេណេហ្ស៊ុយអេឡា ម៉ាឌូរ៉ូ ដែលលោក ដូណាល់ ត្រាំ ប្រធានាធិបតីសហរដ្ឋអាមេរិក និងរដ្ឋការរបស់លោក ដាក់ផែនការតាមចាប់ខ្លួនពាក់ព័ន្ធនឹងក្រុមឧក្រិដ្ឋកម្មគ្រឿងញៀន បានស្រែកប្រាប់ពិភពលោកថា លោកនៅតែប្រយុទ្ធរហូតដល់ដំណាក់កាលចុងក្រោយ ដើម្បីការពារអធិបតេយ្យភាពនៃប្រទេសរបស់លោក។

ប្រធានាធិបតីអាមេរិក លោក ដូណាល់ ត្រាំ បានថ្លែងថា ពេលវេលានៃការលើកទ័ពចូលទៅវេណេហ្ស៊ុយអេឡា គឺជាជម្រើសចុងក្រោយក្នុងដៃរបស់លោក។

លោក ត្រាំ ប្រាប់ថា លោក នីកូឡាស ម៉ាឌូរ៉ូ (Nicolas Maduro) បើមិនរត់ចោលប្រទេសទេ អាមេរិកនឹងលើកទ័ពបញ្ចប់អំណាចរបបផ្ដាច់ការរបស់លោក ព្រោះជារបបឧក្រិដ្ឋកម្មគ្រឿងញៀន។ តែយ៉ាងណា បុរសខ្លាំងវេណេហ្ស៊ុយអេឡា ចុងក្រោយនេះប្រកាសថាលោកមិនបានចុះចាញ់ការគំរាមកំហែងរបស់លោក ត្រាំ នោះទេ។

ជាក់ស្ដែង លោក ម៉ាឌូរ៉ូ បានព្រមានថា លោកនឹងប្រឆាំងរាល់ការប៉ុនប៉ងណាមួយរបស់សហរដ្ឋអាមេរិក ដែលចង់ផ្តួលរំលំរដ្ឋាភិបាលរបស់លោក ហើយក៏បានផ្ញើសារប្រាប់ទៅកាន់អ្នកគាំទ្រលោកថា បរាជ័យមិនមែនជាជម្រើសរបស់ពួកយើងនោះទេ។

បុរសខ្លាំងវ័យ ៦៣ឆ្នាំរូបនេះ បានថ្លែងដូចនេះក្នុងឯកសណ្ឋានជាទាហានដោយក្នុងដៃកាន់ដាវមួយដើម។ លោក ម៉ាឌូរ៉ូ បានប្រកាសយ៉ាងម៉ឺងម៉ាត់ថា លោកត្រៀមខ្លួនរួចរាល់ហើយដើម្បីការពារទឹកដីពីគ្រោះថ្នាក់ ឬការឈ្លានពានរបស់ចក្រពត្តិនិយម ដែលមិនថាមកពីទីណានោះឡើយ។

ចាប់តាំងពីខែកញ្ញា មក សហរដ្ឋអាមេរិកបានបន្តប្រតិបត្តិការវាយប្រហារលើកាណូតដែលសង្ស័យថាបានដឹកជញ្ជូនគ្រឿងញៀនចេញពីវេណេហ្ស៊ុយអេឡា សំដៅទៅកាន់សហរដ្ឋអាមេរិក ដែលបណ្ដាលឱ្យមនុស្សយ៉ាងតិច ៨៣នាក់បានបាត់បង់ជីវិត។ ប្រតិបត្តិការរបស់កងកម្លាំងសហរដ្ឋអាមេរិកនេះ ត្រូវបានរដ្ឋាភិបាលរបស់លោក ម៉ាឌូរ៉ូ និងលោក ម៉ាឌូរ៉ូ ផ្ទាល់ថាជាសកម្មភាពរំលោភបំពានលើអធិបតេយ្យភាពវេណេហ្ស៊ុយអេឡា យ៉ាងច្បាស់។

របាយការណ៍ជាច្រើនបានបង្ហាញថា សហរដ្ឋអាមេរិកកំពុងរៀបចំសកម្មភាពថ្មីបន្ថែមទៀតក្នុងប្រតិបត្តិការបង្ក្រាបគ្រឿងញៀននៅតំបន់សមុទ្រការីបៀន ជាពិសេសគឺទៅលើប្រទេសវេណេហ្ស៊ុយអេឡា ក្នុងពេលឆាប់ៗនេះ។

លោក ម៉ាឌូរ៉ូ និងមន្ត្រីជាន់ខ្ពស់របស់លោក ត្រូវបានចោទប្រកាន់ជាថ្មីម្ដងទៀតអំពីការរំលោភសិទ្ធិមនុស្ស ការសម្លាប់ និងចាប់ខ្លួនគូប្រកួតនយោបាយ។

កាលពីដើមសប្តាហ៍នេះ សហរដ្ឋអាមេរិកបានដាក់ក្រុម Cartel de los Soles ឬ Cartel of the Sunsនៃប្រទេសវេណេហ្ស៊ុយអេឡា ជាអង្គការភេរវករអន្តរជាតិ ពាក់ព័ន្ធនឹងការរត់ពន្ធគ្រឿងញៀនខុសច្បាប់ទៅកាន់សហរដ្ឋអាមេរិក។ រដ្ឋការលោក ត្រាំ បានអះអាងថាលោក ម៉ាឌូរ៉ូ គឺជាឧក្រិដ្ឋជនគ្រឿងញៀននេះ ប៉ុន្តែមន្ត្រីវេណេហ្ស៊ុយអេឡា បានច្រានចោលការចោទប្រកាន់នេះ ហើយថាវាជាការបង្កើតរឿងដ៏គួរឲ្យអស់សំណើចដែលមិនមានមូលដ្ឋានច្បាស់លាស់។

នៅពេលធ្វើដំណើរលើយន្តហោះ Air Force One ទៅរដ្ឋផ្លរីដា ដើម្បីចូលរួមពិធី Thanksgiving លោកប្រធានាធិបតី ត្រាំ ផ្ដល់បទសម្ភាសន៍ដល់អ្នកសារព័ត៌មានថា លោកប្រហែលជាចង់ពិភាក្សាជាមួយលោក ម៉ាឌូរ៉ូ ហើយប្រសិនបើលោកអាចជួយសង្គ្រោះជីវិតអ្នកណាមួយបាន ឬអាចដោះស្រាយបញ្ហាដោយវិធីងាយៗបាន នោះវាគឺជារឿងល្អ តែបើត្រូវមានវិធានការក្ដៅប្រឆាំងបណ្ដាញឧក្រិដ្ឋកម្មគ្រឿងញៀន។

លោក Carlos Diaz Rosillo អតីតជំនួយការរដ្ឋមន្ត្រីការពារជាតិអាមេរិក ក្នុងរដ្ឋការលោក ត្រាំ នៅអាណត្តិទី១ បាននិយាយថា លោកមិនជឿថាអាមេរិកនឹងធ្វើសង្គ្រាមជាមួយវេណេហ្ស៊ុយអេឡា នោះទេ។

លោកថាអ្វីដែលមើលឃើញនេះ គឺជាយុទ្ធសាស្ត្រដាក់សម្ពាធលើរបបលោក ម៉ាឌូរ៉ូ តែប៉ុណ្ណោះ ហើយប្រសិនបើមានការផ្លាស់ប្ដូរណាមួយ វាត្រូវតែផ្ទុះចេញពីផ្ទៃក្នុងកងកម្លាំងយោធាវេណេហ្ស៊ុយអេឡា ផ្ទាល់៕

លោក នីកូឡាស ម៉ាឌូរ៉ូ គ្រងឈុតទាហានដោយដៃកាន់ដាវ ប្រកាសត្រៀមប្រឆាំងនឹងការប៉ុនប៉ងណាមួយផ្ដួលរំលំលោក

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន