ប្រធានាធិបតីអាមេរិកអញ្ជើញប្រទេស ៦០ ចូលជាសមាជិកគំនិតផ្ដួចផ្ដើមក្រុមអភិបាលសន្តិភាព

ប្រធានាធិបតីសហរដ្ឋអាមេរិក លោក ដូណាល់ ត្រាំ នៅថ្ងៃព្រហស្បតិ៍ ទី២២ ខែមករា បានចុះហត្ថលេខាលើការបង្កើតធម្មនុញ្ញនៃក្រុមអភិបាលសន្តិភាពជាផ្លូវការ នៅឯវេទិកាសេដ្ឋកិច្ចពិភពលោក ក្នុងទីក្រុងដាវ៉ូស (Davos) ប្រទេសស្វីស។ នេះបើតាមការចេញផ្សាយដោយបណ្ដាញផ្សាយព័ត៌មាន CNN នៅថ្ងៃទី២២ ខែមករា ឆ្នាំ២០២៦។

លោក ត្រាំ បានផ្ញើលិខិតទៅកាន់មេដឹកនាំប្រទេសចំនួន ៦០ ដើម្បីអញ្ជើញពួកគេឱ្យចូលរួមក្នុងក្រុមអភិបាលសន្តិភាព ហើយក្នុងនោះមានប្រទេសខ្លះបានទទួលយកការអញ្ជើញស្ម័គ្រចូលជាសមាជិក ខ្លះបដិសេធ និងខ្លះទៀតមិនទាន់ឆ្លើយតបដោយស្ទាក់ស្ទើរ។

តាមទីភ្នាក់ងារព័ត៌មាន Associated Press (AP) ប្រទេសដែលបានទទួលសេចក្តីអញ្ជើញពីលោក ត្រាំ ហើយសុខចិត្តចូលជាសមាជិក រួមមាន៖

អារ៉ាប់រួម អេមីរ៉ាត
បាហរ៉ែន
អេហ្ស៊ីប
ប៉ាគីស្ថាន
ម៉ារ៉ុក
កូសូវ៉ូ
អាហ្សង់ទីន
កាហ្សាក់ស្ថាន
អាមីនីញ៉ា
អាហ្សឺបាចាន
បេឡារុស្ស
ហុងគ្រី
និងវៀតណាម។

ចំណែកប្រទេសបានទទួលសេចក្តីអញ្ជើញ ប៉ុន្តែមិនទាន់សម្រេចចិត្តនាពេលនេះ រួមមាន បារាំង ស៊ុយអែត ន័រវែស។

រីឯប្រទេសដែលមិនប្ដេជ្ញាចិត្តចូលរួម រួមមាន៖

ចិន
អង់គ្លេស
ក្រូអាត
អាល្លឺម៉ង់
អ៊ីតាលី
ផ្នែកខ្លះនៃសហភាពអឺរ៉ុប
ប៉ារ៉ាហ្គាយ
រុស្ស៊ី
សិង្ហបុរី
ស្លូវើនៀ
តួកគី
និងអ៊ុយក្រែន។

មកទល់ថ្ងៃនេះមានប្រទេសប្រមាណ ២០ ចូលរួម។

តាមធម្មនុញ្ញនៃក្រុមអភិបាលសន្តិភាពនេះ លោក ដូណាល់ ត្រាំ នឹងកាន់តំណែងជាប្រធានមួយជីវិត ដោយចែងអំពីភារកិច្ចជួយលើកកម្ពស់សន្តិភាព និងជួយដោះស្រាយជម្លោះនៅជុំវិញពិភពលោកតាមមធ្យោបាយទន់ភ្លន់ យល់ជម្រៅកិច្ចការ ដោយផ្តើមពីតំបន់ហ្កាហ្សា ដែនដីប៉ាឡេស្ទីន។

ក្នុងក្រុមអភិបាលសន្តិភាព រដ្ឋជាសមាជិកនឹងត្រូវបានកំណត់អាណត្តិត្រឹម ៣ឆ្នាំ ហើយអាចនៅជាសមាជិកអចិន្ត្រៃយ៍ បើបង់វិភាគទាន ១ពាន់លានដុល្លារជាប្រាក់សុទ្ធពីដើមដំបូង។

ក្រុមអ្នកវិភាគនយោបាយនៅរដ្ឋធានីវ៉ាស៊ីនតុន ខ្លះពោលថាគំនិតផ្ដួចផ្ដើមពីលោក ត្រាំ នេះ គឺចង់ដើរតួជំនួសអង្គការសហប្រជាជាតិដើម្បីជួយដោះស្រាយវិវាទក្នុងពិភពលោក ប៉ុន្តែអ្នកខ្លះពោលថា សហរដ្ឋអាមេរិកមិនគួរបង្កើតអង្គការទៅជំនួសអង្គការសហប្រជាជាតិនោះទេ គួរជួយទ្រទ្រង់អង្គការសហប្រជាជាតិឲ្យមានប្រសិទ្ធភាពវិញប្រសើរជាង ខណៈដែលលោក ត្រាំ កំពុងធ្វើឲ្យសម្ពន្ធមិត្តណាតូ (NATO) មិនសប្បាយចិត្ត ឬឈានទៅរកការបែកបាក់សម្ពន្ធភាពយោធាដែលមានអាយុ ៧៦ឆ្នាំនោះ។

អ្នកវិភាគខ្លះទៀតមិនជឿថាលោក ត្រាំ គិតអំពីបញ្ហាពិភពលោកទេ។ គេថាគាត់គិតអំពីរឿងបណ្ដាក់ទុនក្រោយពីលោកបំផុសគំនិតចង់យកដែនដីហ្កាហ្សា ប៉ាឡេស្ទីន ស្ថាបនាតំបន់ទេសចរណ៍ អគារខ្ពស់ស្កឹមស្កៃ កាស៊ីណូ រមណីយដ្ឋាន ជាមួយកូនប្រសា ដោយជម្លៀសជនជាតិអារ៉ាប់ប៉ាឡេស្ទីន ចេញពីមាតុភូមិទៅនៅទឹកដីអាហ្វ្រិក ដូចជាប្រទេសអេហ្ស៊ីប យេមែន ឬស៊ូដង់ វិញ។

ថ្មីៗនេះ លោក ត្រាំ បានធ្វើឲ្យមេដឹកនាំដាណឺម៉ាក ក្តៅក្រហាយ ព្រោះលោកចង់ប្រើកម្លាំងទ័ពទៅយកដែនដី Greenland នៅតំបន់សមុទ្រអាកទិកខាងជើង ដែលពិភពលោកទទួលស្គាល់ថាជាបូរណភាពដែនដីរាជាណាចក្រដាណឺម៉ាក បន្ទាប់ពីលោកប្រើកម្លាំងទ័ពចាប់មេដឹកនាំវេណេហ្ស៊ុយអេឡា គ្រប់គ្រងប្រេងកាត និងចំណូលពីប្រេងកាតដោយរូបលោកផ្ទាល់។

ការស្ទង់មតិពលរដ្ឋអាមេរិកាំងអំពីគោលនយោបាយលោកប្រធានាធិបតី ដូណាល់ ត្រាំ (Donald Trump) ផ្សាយនៅថ្ងៃពុធ ទី២១ ខែមករា ក្នុងទូរទស្សន៍ MSNOW បង្ហាញថា ពលរដ្ឋ ៨៦% គិតថាលោកដឹកនាំខុសទិស៕

ប្រធានាធិបតីអាមេរិកអញ្ជើញប្រទេស ៦០ ចូលជាសមាជិកគំនិតផ្ដួចផ្ដើមក្រុមអភិបាលសន្តិភាព

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

ប្រធានាធិបតី​អាមេរិក​អញ្ជើញ​ប្រទេស ៦០ ចូល​ជា​សមាជិក​គំនិត​ផ្ដួចផ្ដើម​ក្រុម​អភិបាល​សន្តិភាព

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

ប្រធានាធិបតីអាមេរិកអញ្ជើញប្រទេស ៦០ ចូលជាសមាជិកគំនិតផ្ដួចផ្ដើមក្រុមអភិបាលសន្តិភាព