លោក ត្រាំ និងនាយករដ្ឋមន្ត្រីអ៊ីស្រាអែល ឯកភាពដាក់សម្ពាធថ្មីដើម្បីកាត់ផ្ដាច់ការនាំចេញប្រេងរបស់អ៊ីរ៉ង់ ទៅចិន

ប្រធានាធិបតីសហរដ្ឋអាមេរិក ដូណាល់ ត្រាំ និងនាយករដ្ឋមន្ត្រីអ៊ីស្រាអែល Benjamin Netanyahu បានឈានដល់ការឯកភាពគ្នាក្នុងកិច្ចប្រជុំសម្ងាត់មួយនៅសេតវិមាន ដើម្បីបើកយុទ្ធនាការដាក់សម្ពាធថ្មីទៅលើសាធារណរដ្ឋអ៊ីស្លាមអ៊ីរ៉ង់ ដោយផ្ដោតទៅលើការកាត់ផ្ដាច់ការនាំចេញប្រេងរបស់អ៊ីរ៉ង់ ទៅកាន់ប្រទេសចិន។

នេះយោងតាមសេចក្តីរាយការណ៍ពីទីភ្នាក់ងារសារព័ត៌មាន Reuters នៅថ្ងៃសៅរ៍ ទី១៤ ខែកុម្ភៈ ឆ្នាំ២០២៦ នេះ។

នៅក្នុងកិច្ចប្រជុំដែលបានធ្វើឡើងកាលពីថ្ងៃពុធសប្តាហ៍មុន ហើយត្រូវបានទីភ្នាក់ងារសារព័ត៌មាន Reuters ចុះផ្សាយថា មេដឹកនាំទាំងពីរបានឯកភាពនឹងគ្នាថា សហរដ្ឋអាមេរិកនឹងប្រើប្រាស់គ្រប់មធ្យោបាយដើម្បីកាត់បន្ថយការនាំចេញប្រេងរបស់អ៊ីរ៉ង់ មានប្រមាណជាង ៨០% នៃបរិមាណនាំចេញសរុបត្រូវបានលក់ទៅឱ្យប្រទេសចិន។

ប្រភពព័ត៌មានផ្សេងៗទៀត បានផ្សាយអំពីការដឹកជញ្ជូនសព្វាវុធពីរុស្ស៊ី តាមយន្តហោះ ពីចិន តាមនាវា និងពីកូរ៉េខាងជើង ទាំងយប់ទាំងថ្ងៃទៅកាន់ប្រទេសអ៊ីរ៉ង់ ដើម្បីត្រៀមទប់ទល់នឹងការវាយប្រហារបែបណាមួយពីសហរដ្ឋអាមេរិក និងសម្ពន្ធមិត្ត។

ក្រុមអ្នកវិភាគកិច្ចការយោធា និងសន្តិសុខអន្តរជាតិនៅក្រុងវ៉ាស៊ីនតុន មើលឃើញថា បើសហរដ្ឋអាមេរិក និងអ៊ីស្រាអែល វាយប្រហារទៅលើអ៊ីរ៉ង់ ផលវិបាកមានដូចតទៅនេះ៖

កងទ័ពអ៊ីរ៉ង់ ខ្ទប់ច្រកសមុទ្រហ័មូស សម្រាប់កប៉ាល់ដឹកប្រេង ប្រេងសាំងនឹងឡើងថ្លៃប៉ះពាល់សេដ្ឋកិច្ចគ្រប់ៗគ្នា
អ៊ីរ៉ង់ នឹងប្រើមីស៊ីលពី ២ពាន់ទៅ ៣ពាន់គ្រាប់ ផ្លោងផ្តក់មីស៊ីលចម្ងាយជិតឆ្ងាយពី ៣០០គីឡូម៉ែត្រទៅ ២៥០០គីឡូម៉ែត្រ ដាក់មូលដ្ឋានទ័ពអាកាស និងបន្ទាយទាហានអាមេរិកាំងនៅក្នុងប្រទេសជុំវិញអ៊ីរ៉ង់ ចាប់ពីអេហ្ស៊ីប បាហ្សរ៉ែន អ៊ីរ៉ាក់ អ៊ីស្រាអែល ហ្ស៊កដានី គុយវ៉ែត កាតារ អារ៉ាប៊ីសាអ៊ូឌីត អូម៉ាន់ ស៊ីរី និងអារ៉ាប់រួមអេមេរ៉ាត។

ថ្មីៗនេះ ប្រទេសសឹងតែទាំងអស់នោះ លើកលែងតែអ៊ីស្រាអែល ប្រកាសមិនឲ្យសហរដ្ឋអាមេរិកប្រើទឹកដី ដែនអាកាសរបស់ខ្លួនវាយប្រហារប្រទេសអ៊ីរ៉ង់ ដោយខ្លាចទទួលរងផលវិបាកនោះ។ ប្រទេសតួកគី ក៏មិនអនុញ្ញាត។

មន្ត្រីជាន់ខ្ពស់អាមេរិកយ៉ាងតិច ២នាក់បានប្រាប់បណ្ដាញផ្សាយព័ត៌មាន Axios ថា៖ «យើងបានឯកភាពគ្នាថា យើងនឹងដាក់សម្ពាធពេញទំហឹងប្រឆាំងនឹងអ៊ីរ៉ង់ ដែលពាក់ព័ន្ធនឹងការលក់ប្រេងរបស់អ៊ីរ៉ង់ ទៅឱ្យចិន»។

វិធានការនេះត្រូវបានគេមើលឃើញថាធ្វើឡើងជាមួយនឹងបទបញ្ជាប្រតិបត្តិថ្មីមួយដែលលោក ត្រាំ បានចុះហត្ថលេខាកាលពីដើមខែនេះ។ បទបញ្ជាប្រតិបត្តិថ្មីមួយនេះ សហរដ្ឋអាមេរិកដំឡើងពន្ធគយរហូតដល់ ២៥% លើប្រទេសណាដែលនៅតែបន្តធ្វើពាណិជ្ជកម្មជាមួយអ៊ីរ៉ង់។

ដោយលើកឡើងអំពីវិធានការសហរដ្ឋអាមេរិក ក្រសួងការបរទេសចិន បានបញ្ជាក់ថា សហប្រតិបត្តិការពាណិជ្ជកម្មរវាងចិន និងអ៊ីរ៉ង់ ធ្វើឡើងដោយស្ថិតក្នុងក្របខ័ណ្ឌនៃច្បាប់អន្តរជាតិ គឺជាសកម្មភាពស្របច្បាប់ដែលប្រទេសផ្សេងៗគួរតែមិនជ្រៀតជ្រែកកិច្ចការទ្វេភាគីចិន និងអ៊ីរ៉ង់។

ស្ថានការណ៍តានតឹងនៅមជ្ឈិមបូព៌ាកំពុងឡើងកម្ដៅខ្លាំង។ នាវាផ្ទុកយន្តហោះ USS Gerald Ford ត្រូវបានបញ្ជូនទៅកាន់តំបន់មជ្ឈិមបូព៌ា ដើម្បីត្រៀមលក្ខណៈសម្រាប់ប្រតិបត្តិការយោធាដែលអាចអូសបន្លាយពេលច្រើនសប្តាហ៍ ក្នុងករណីដែលកិច្ចចរចាការទូតនៅពុំមានកិច្ចព្រមព្រៀង ដែលគេហៅថាជាបរាជ័យ។

ជាមួយនឹងការឈរជើងនៅសមុទ្រអារ៉ាប់ ដោយនាវាផ្ទុកយន្តហោះ USS Abraham Lincoln ជាការប្រុងប្រៀបវាយប្រហារអ៊ីរ៉ង់ ជាថ្មីម្ដងទៀត។ ចំពោះអ៊ីរ៉ង់ វិញ កាលពីថ្ងៃចន្ទ ទី១៦ ខែកុម្ភៈ នេះបានប្រកាសពីការបើកធ្វើសមយុទ្ធយោធានៅសមុទ្រ Hormuz ដោយកងកម្លាំងឆ្មាំបដិវត្តន៍អ៊ីរ៉ង់។

ទូរទស្សន៍រដ្ឋអ៊ីរ៉ង់ បានរាយការណ៍ថា សមយុទ្ធនេះដែលមិនត្រូវបានបញ្ជាក់រយៈពេល គឺមានគោលដៅត្រៀមលក្ខណៈរបស់កងកម្លាំងឆ្មាំបដិវត្តន៍ ដើម្បីទប់ទល់ការគំរាមកំហែងសន្តិសុខ និងយោធាដែលអាចកើតមានឡើងនៅច្រកសមុទ្រ Hormuz បន្ទាប់ពីសហរដ្ឋអាមេរិក បានដាក់ពង្រាយកម្លាំងជើងទឹកទ្រង់ទ្រាយធំ មានទាំងនាវាផ្ទុកយន្តហោះចម្បាំង មកកាន់មជ្ឈិមបូព៌ា។

ទីក្រុងតេហេរ៉ង់ និងទីក្រុងវ៉ាស៊ីនតោន បើកកិច្ចពិភាក្សាជុំថ្មីទៀតនៅទីក្រុងហ្សឺណែវ នៃប្រទេសស្វីស នាថ្ងៃអង្គារនេះ ដែលសម្របសម្រួលដោយអូម៉ង់។

ប្រធានាធិបតីអាមេរិក លោក ដូណាល់ ត្រាំ កំពុងបង្កើនសម្ពាធឱ្យអ៊ីរ៉ង់ ឈានដល់កិច្ចព្រមព្រៀងមួយជាក់លាក់ បើពុំនោះទេ លោកព្រមានថាវាដល់ពេលត្រូវអនុវត្តជម្រើសយោធា។

សហរដ្ឋអាមេរិក និងសាធារណរដ្ឋអ៊ីស្លាមមួយនេះ ជួបចរចានឹងគ្នាជាថ្មីទៀតនៅទីក្រុងហ្សឺណែវ ប្រទេសស្វីស នៅថ្ងៃអង្គារ ទី១៧ កុម្ភៈ នេះ។ កិច្ចចរចាថ្មីនេះ កើតមានឡើងក្រោយការគំរាមម្តងហើយម្តងទៀតពីសំណាក់លោក ត្រាំ អំពីការធ្វើសកម្មភាពយោធាប្រឆាំងអ៊ីរ៉ង់។

ថ្លែងប្រាប់ក្រុមអ្នកសារព័ត៌មាននៅលើយន្តហោះ Air Force One ឆ្ពោះមកកាន់រដ្ឋធានីវ៉ាស៊ីនតុន លោក ត្រាំ បាននិយាយថា៖ «ខ្ញុំនឹងចូលរួមពាក់ព័ន្ធដោយប្រយោលក្នុងកិច្ចចរចានេះ តែខ្ញុំគិតថា អ៊ីរ៉ង់ក៏មិនចង់ទទួលរងនូវផលវិបាកអ្វីដែរ»៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន