រដ្ឋាភិបាលកម្ពុជាប្រកាសប្ដឹងថៃ ទៅតុលាការព្រហ្មទណ្ឌអន្តរជាតិពីបទឧក្រិដ្ឋកម្មសង្គ្រាមនិងប្រឆាំងមនុស្សជាតិ

រដ្ឋាភិបាលកម្ពុជា ប្រកាសប្ដឹងថៃ ទៅកាន់តុលាការព្រហ្មទណ្ឌអន្តរជាតិ (ICC) ពីបទឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិ។

បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា សរសេរលើគណនីហ្វេសប៊ុករបស់លោកនៅថ្ងៃទី១១ ធ្នូ ថា កម្ពុជាកំពុងប្រមូលភស្តុតាងពីការវាយប្រហាររបស់កងទ័ពថៃ មកលើកម្ពុជា ដើម្បីដាក់ពាក្យប្តឹងទៅកាន់តុលាការព្រហ្មទណ្ឌអន្តរជាតិ (ICC) ក្នុងនាមកម្ពុជាជារដ្ឋសមាជិក។

បណ្ឌិត គិន ភា អះអាងថា ការប្រើប្រាស់អាវុធធុនធ្ងន់ និងគ្រប់ប្រភេទ រួមទាំងយន្តហោះទម្លាក់គ្រាប់បែកវាយប្រហារមកលើទីតាំងស៊ីវិលនៅកម្ពុជា គឺជាសកម្មភាពឈ្លានពានមកលើដែនអធិបតេយ្យ និងបូរណភាពទឹកដីកម្ពុជាយ៉ាងធ្ងន់ធ្ងរ។

មន្ត្រីរដ្ឋាភិបាលរូបនេះបញ្ជាក់ថា ទង្វើរបស់យោធាថៃ ដែលបានប្រព្រឹត្តទាំងកម្រោលមកលើកម្ពុជានាពេលនេះ គឺជាឧក្រិដ្ឋសង្គ្រាម និងជាឧក្រិដ្ឋកម្មប្រឆាំងមនុស្សជាតិយ៉ាងពិតប្រាកដ។

ការអះអាងនេះ ធ្វើឡើងបន្ទាប់ពីយោធាថៃ បានបើកការវាយប្រហារមកលើទឹកដីកម្ពុជា ទាំងជនស៊ីវិល និងកងទ័ព អស់រយៈពេល ៤ថ្ងៃកន្លងមកនេះ។

ក្រសួងការពារជាតិកម្ពុជា ចេញសេចក្តីប្រកាសព័ត៌មាននៅថ្ងៃទី១១ ខែធ្នូ នេះ ថា នៅវេលាម៉ោង ០៣ និង ៤៥នាទី យោធាថៃ បានសម្រុកប្រើប្រាស់យន្តហោះចម្បាំង F-16 ទម្លាក់គ្រាប់បែកចំនួន ៣គ្រាប់ក្នុងភូមិសាស្ត្រអូរភ្លុកដំរី ក្នុងខេត្តពោធិ៍សាត់។

ក្រសួងការពារជាតិកម្ពុជា បញ្ជាក់ថា ចាប់តាំងពីម៉ោង ០៤ និង ៤០នាទីព្រឹក នៅថ្ងៃទី១១ ខែធ្នូ នេះ ថៃ បានបើកការវាយប្រហារមកលើកម្ពុជា ចំនួន ៨លើក ដោយប្រើកាំភ្លើងធំ រថក្រោះ និងយន្តហោះ F-16 ផងដែរ ទៅលើប្រាសាទខ្នារ ថ្មដូន តំបន់មុខតាស៊ឹម អូរស្មាច់ ប្រាសាទតាក្របី និងភូមិសាស្ត្រអូរភ្លុកដំរី ក្នុងខេត្តពោធិ៍សាត់។

ក្រសួងការពារជាតិកម្ពុជា បានបង្ហាញរបាយការណ៍នៅថ្ងៃទី១១ ធ្នូ ថា រយៈពេល ៣ថ្ងៃនៃការវាយប្រហាររបស់កងទ័ពថៃ បានបណ្តាលឱ្យជនស៊ីវិលកម្ពុជា ស្លាប់បាត់បង់ជីវិតកើនឡើងដល់ទៅ ១០នាក់ ហើយក្នុងនោះក៏មានកុមារ ១នាក់ផងដែរ ខណៈអ្នករងរបួសបានកើនឡើងដល់ ៦០នាក់ក្នុងខេត្តចំនួន៣ គឺខេត្តឧត្ដរមានជ័យ ៨នាក់ ខេត្តព្រះវិហារ ១នាក់ និងខេត្តបន្ទាយមានជ័យ ៥នាក់ ដែលសុទ្ធសឹងតែជាជនស៊ីវិលទាំងអស់។

ដោយឡែកពលរដ្ឋភៀសសឹកពីការវាយប្រហារនេះ បានកើនឡើងដល់ទៅជាង ៥ម៉ឺនគ្រួសារហើយ (៥៥៧៤៣នាក់) ដែលមានពលរដ្ឋរងគ្រោះសរុបជិត ២សែននាក់ (១៩២១៧៣នាក់) មកពីខេត្តចំនួន៦។

ជុំវិញបញ្ហានេះ ក្រសួងអប់រំ យុវជន និងកីឡា អះអាងនៅថ្ងៃទី១១ ធ្នូ ថា សាលារៀនជាង ៣០០កន្លែង (៣៧៧កន្លែង) ក្នុងខេត្តជាប់ព្រំដែនចំនួន៤ រួមមាន ខេត្តឧត្ដរមានជ័យ ខេត្តបន្ទាយមានជ័យ ខេត្តព្រះវិហារ និងខេត្តពោធិ៍សាត់ ត្រូវបានបិទទ្វារផ្អាកការសិក្សាទាំងស្រុង ដែលធ្វើឱ្យប៉ះពាល់ដល់សិស្សជិត ៨ម៉ឺននាក់ (៧៨៥៨៥នាក់) និងគ្រូបង្រៀនជាង ៣ពាន់នាក់ផងដែរ (៣១៩៧នាក់)។

កាលពីថ្ងៃទី១០ ខែធ្នូ ឆ្នាំ២០២៥ យោធាថៃ បានបើកការវាយប្រហារមកលើកម្ពុជា ចំនួន ១១លើកទាំងការបាញ់ផ្លោងកាំភ្លើងធំ ការប្រើដ្រូនទម្លាក់គ្រាប់បែក និងយន្តហោះចម្បាំង F-16។

ខណៈថ្ងៃទី៩ ខែធ្នូ ទាហានថៃ ក៏បានបើកការវាយប្រហារមកលើកម្ពុជា ចំនួន ២លើកដែរ ប៉ុន្តែនៅថ្ងៃទី៨ ខែធ្នូ កងទ័ពថៃ បានបាញ់ប្រហារលើកងកម្លាំងកម្ពុជា និងជនស៊ីវិលរហូតដល់ទៅ ១៥លើកឯណោះ។

ដោយឡែកនៅថ្ងៃទី៧ ខែធ្នូ ដែលជាថ្ងៃដំបូងនៃការវាយប្រហាររបស់ថៃ មកលើកម្ពុជា ក៏មានចំនួន ៣លើកដែរ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន