សហរដ្ឋអាមេរិកបញ្ជូននាវាចម្បាំងទ្រង់ទ្រាយធំដាក់ពង្រាយនៅតំបន់មជ្ឈិមបូព៌ាក្បែរប្រទេសអ៊ីរ៉ង់

នាវាផ្ទុកយន្តហោះចម្បាំងសហរដ្ឋអាមេរិកមួយគ្រឿង USS Abraham Lincoln អមដំណើរដោយនាវាពិឃាដជាច្រើនគ្រឿង បានទៅដល់តំបន់មជ្ឈិមបូព៌ាហើយ ជាការជួយពង្រឹងសមត្ថភាពប្រធានាធិបតីអាមេរិក លោក ដូណាល់ ត្រាំ ដើម្បីការពារកងកម្លាំងអាមេរិកាំង ឬក៏ចាត់វិធានការយោធាណាមួយវាយប្រហារលើរបបសាធារណរដ្ឋឥស្លាមអ៊ីរ៉ង់ ដែលគេថាជាការសងសឹក ព្រោះកងសន្តិសុខអ៊ីរ៉ង់ វាយប្រហារសម្លាប់បាតុករយ៉ាងរង្គាល។

នេះបើតាមការចេញផ្សាយដោយទីភ្នាក់ងារសារព័ត៌មាន AP នៅថ្ងៃទី២៧ ខែមករា ឆ្នាំ២០២៦។

នាវាផ្ទុកយន្តហោះចម្បាំង USS Abraham Lincoln ដែលបានមកដល់តំបន់មជ្ឈិមបូព៌ានៅពេលនេះធ្វើតាមការបញ្ជារបស់លោក ត្រាំ ឱ្យមកដាក់ពង្រាយនៅតំបន់មជ្ឈិមបូព៌ា ខណៈភាពតានតឹងរវាងសហរដ្ឋអាមេរិក និងអ៊ីរ៉ង់ ឡើងកម្ដៅខ្លាំង បន្ទាប់ពីការបង្ក្រាបយ៉ាងសាហាវលើក្រុមបាតុករនៅទូទាំងប្រទេសអ៊ីរ៉ង់ ក្នុងរយៈពេល ៣ថ្ងៃ ពីថ្ងៃទី៨ ដល់ថ្ងៃទី១០ មករា ដែលលោក ត្រាំ និងប្រទេសអ៊ីស្រាអែល ជាអ្នកបញ្ឆេះ ដោយមានមនុស្សចូលរួមប្រមាណជា ៦លាននាក់នៅទូទាំងប្រទេស ក្នុងនោះរដ្ឋធានីតេហេរ៉ង់ មានបាតុករដល់ទៅ ១លាន ៥សែននាក់។ ក្នុងពេលនោះ កងសន្តិសុខអ៊ីរ៉ង់ បានបាញ់សម្លាប់បាតុករជាតិសាសន៍ខ្លួនឯងស្លាប់យ៉ាងរង្គាល ដែលគេថាជាការបញ្ជាពីកំពូលមេដឹកនាំ Ayatollah Ali Khmamenei។

លោក ត្រាំ បានគំរាមម្ដងហើយម្ដងទៀតថា នឹងធ្វើអន្តរាគមន៍ ប្រសិនបើអ៊ីរ៉ង់ នៅតែបន្តសម្លាប់បាតុករ តែស្ថានការណ៍បាតុកម្មនៅទូទាំងប្រទេសអ៊ីរ៉ង់ ទោះជាមានការថមថយពិតមែន តែបាតុករនៅតែស្លាប់ដោយសារការវាយប្រហាររបស់កងសន្តិសុខជារៀងរាល់ថ្ងៃ។

ប្រធានាធិបតីអ៊ីរ៉ង់ Masoud Pezheskian ចោទសហរដ្ឋអាមេរិក និងអ៊ីស្រាអែល ថាជាអ្នកនៅពីក្រោយបាតុកម្មហិង្សានៅប្រទេសអ៊ីរ៉ង់ បន្ទាប់ពីចាប់បានភ្នាក់ងារចារកម្មអ៊ីស្រាអែល Mossad។

តាមសេចក្ដីរាយការណ៍ចុងក្រោយ ក្រៅតែពីបញ្ជូននាវាផ្ទុកយន្តហោះចម្បាំង និងនាវាពិឃាដ សហរដ្ឋអាមេរិកក៏បានដាក់ពង្រាយផងដែរយន្តហោះចម្បាំង និងប្រព័ន្ធខែលប្រឆាំងមីស៊ីលទៅកាន់តំបន់មជ្ឈិមបូព៌ា។ លោក ដូណាល់ ត្រាំ គំរាមថា វត្តមាននាវាចម្បាំងលើកនេះមានទ្រង់ទ្រាយធំ។

អ្នកនាំពាក្យក្រសួងការបរទេសអ៊ីរ៉ង់ លោក អ៊ីស្មាអេល បាហ្គាអ៊ី (Esmaeil Baghaei) បានប្រកាសនៅថ្ងៃចន្ទនេះថា ទីក្រុងតេហេរ៉ង់ នឹងផ្តល់ការឆ្លើយតបគ្រប់ជ្រុងជ្រោយ និងធ្វើឱ្យអាមេរិកមានការសោកស្តាយចំពោះរាល់ការឈ្លានពានរបស់ខ្លួន។

លោក បាហ្គាអ៊ី បានបញ្ជាក់ថា អ៊ីរ៉ង់បាននិងកំពុងប្រឈមមុខនឹងសង្គ្រាមកូនកាត់ បន្ទាប់ពីការឈ្លានពានរបស់អ៊ីស្រាអែល កាលពីខែមិថុនា ឆ្នាំ២០២៥ ហើយនៅពេលនេះ អ៊ីរ៉ង់ប្រឈមនឹងការគំរាមកំហែងថ្មីៗពីសហរដ្ឋអាមេរិក និងអ៊ីស្រាអែល ថែមទៀត។

អ្នកនាំពាក្យក្រសួងការបរទេសអ៊ីរ៉ង់ ពន្យល់ថា អសន្តិសុខគឺជាជំងឺឆ្លង តែសម្រាប់អ៊ីរ៉ង់ ប្រទេសនានាគួរតែដឹងថា អ៊ីរ៉ង់មិនមែនជាគោលដៅតែមួយគត់នៃអសន្តិសុខក្នុងតំបន់នោះទេ។

ជាការពិត អ៊ីរ៉ង់តែងតែជំរុញឱ្យប្រទេសដែលគោរពច្បាប់អន្តរជាតិ បង្ហាញជំហរច្បាស់លាស់ប្រឆាំងនឹងការគំរាមកំហែងរបស់អាមេរិក។

ចំពោះវត្តមានកងនាវាផ្ទុកយន្តហោះអាមេរិកនៅក្បែរប្រទេសអ៊ីរ៉ង់ លោក បាហ្គាអ៊ី បាននិយាយថា ដូចជាមិនប៉ះពាល់ដល់អធិបតេយ្យអ៊ីរ៉ង់ ធ្ងន់ធ្ងរទេ តែលោកថាអ៊ីរ៉ង់មានការប្ដេជ្ញាចិត្តដ៏ម៉ឺងម៉ាត់របស់ខ្លួនក្នុងការការពារអធិបតេយ្យជាតិ សេចក្តីថ្លៃថ្នូរ និងសន្តិសុខជាតិ។

ទន្ទឹមគ្នានេះ លោកបានបញ្ជាក់ថា កងកម្លាំងប្រដាប់អាវុធអ៊ីរ៉ង់ កំពុងតាមដានស្ថានការណ៍យ៉ាងដិតដល់ និងកែលំអសមត្ថភាពរបស់ខ្លួនជាប្រចាំ។ ចំពោះលទ្ធភាពនៃការចរចា លោកបានបន្ថែមថា អ៊ីរ៉ង់មិនដែលស្វាគមន៍សង្គ្រាមទេ ហើយក៏មិនដែលគេចវេះពីការទូតដែរ។

មន្ត្រីអាមេរិកាំងនិយាយកាលពីថ្ងៃចន្ទ ទី២៦ ខែមករា ថា សហរដ្ឋអាមេរិកបើកចំហទ្វារចរចា ប្រសិនបើអ៊ីរ៉ង់ ចង់ទាក់ទងជាមួយទីក្រុងវ៉ាស៊ីនតោន ដោយភាពស្មោះត្រង់។

កាលពីសង្គ្រាម ១២ថ្ងៃក្នុងខែមិថុនា ឆ្នាំ២០២៥ អ៊ីស្រាអែលបានបើកការវាយប្រហារលើអ៊ីរ៉ង់ ដោយកងយន្តហោះចម្បាំងរាប់រយគ្រឿង ប៉ុន្តែសង្គ្រាមនាពេលនោះ អាមេរិកចូលជួយអ៊ីស្រាអែល តែមួយថ្ងៃប៉ុណ្ណោះ ដោយការទម្លាក់គ្រាប់បែកទម្ងន់ជាង ១៣តោនជាច្រើនគ្រាប់ ទម្លាក់ចេញពីយន្តហោះទម្លាក់គ្រាប់បែកយុទ្ធសាស្ត្រ B-2 Spirit ទៅលើទីតាំងរោងចក្រនុយក្លេអ៊ែររបស់អ៊ីរ៉ង់ បណ្ដាលឱ្យរោងចក្រនោះរងការខូចខាតយ៉ាងធ្ងន់ធ្ងរ។

អ៊ីរ៉ង់ ដែលជាជនរងគ្រោះព្រមទទួលយកសំណើពីលោក ត្រាំ ព្រមបញ្ចប់សង្គ្រាមនឹងអ៊ីស្រាអែល បើទោះជាអ៊ីរ៉ង់ មានសមត្ថភាពបាញ់មីស៊ីលលើអ៊ីស្រាអែល វិញក៏ដោយ៕

សហរដ្ឋអាមេរិកបញ្ជូននាវាចម្បាំងទ្រង់ទ្រាយធំដាក់ពង្រាយនៅតំបន់មជ្ឈិមបូព៌ាក្បែរប្រទេសអ៊ីរ៉ង់

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន