លោកស្រី ហ៊ីលឡារី គ្លីនតុន(Hillary Clinton) រដ្ឋមន្ត្រីការបរទេសអាមេរិក កាលពីថ្ងៃព្រហស្បតិ៍ បានគូសបញ្ជាក់ពីជំហររបស់អាមេរិក អំពីបញ្ហាជម្លោះរវាងរដ្ឋជាសមាជិកអាស៊ាន និងប្រទេសចិនអំពីបញ្ហាសមុទ្រចិនខាងត្បូងនោះ លោកស្រីក៏បានលើកឡើងបញ្ជាក់ពីទស្សនអំពីភាពជិតស្និទ្ធជាមួយប្រទេសកម្ពុជាថែមទៀតអំពីអត្ថប្រយោជន៍ដែលប្រទេសកម្ពុជា ទទួលសម្រាប់ការអភិវឌ្ឍន៍របស់អាមេរិកបាន។
លោកស្រី ហ៊ីលឡារី គ្លីនតុន បានថ្លែងទៅកាន់អ្នកយកពត៌មាននៅពិធីបិទកិច្ចប្រជុំកំពូលរដ្ឋមន្ត្រីអាស៊ានក្នុងរាជធានីភ្នំពេញថាបើសិននិយាយអំពីជំនួយរបស់ប្រទេសចិនចំពោះកម្ពុជា ដែលកំពុងមានការកើនឡើងយ៉ាងលឿនក្នុងរយៈពេលប៉ុន្មានឆ្នាំថ្មីៗនេះនិងបានក្លាយជាប្រទេសដែលផ្តល់ជំនួយធំបំផុតសម្រាប់កម្ពុជា។ លោកស្រី គ្លីនតុន មានប្រសាសន៍បន្តទៀតថា “ឥឡូវពេលនេះការផ្តល់ជំនួយសហរដ្ឋអាមេរិកត្រូវផ្អាកបន្តិចសិន ខ្ញុំទទួលស្គាល់ ជាការពិតជាងនោះទៅទៀត ពីព្រោះយើងមានប្រព័ន្ធជំនួយរបស់យើងបានផ្តល់ ទៅតាមលទ្ធភាពដែលអាចធ្វើទៅបានជូនទៅប្រជាជនដោយផ្ទាល់។យើងចង់ឲ្យប្រជា ជនទទួលបាននូវអាហារថែមទៀត។យើងចង់ឲ្យពួកគេទទួលបានសុខភាពល្អ។យើង
ចង់ឲ្យបុរស និងស្ត្រី និងជាពិសេសកុមារទទួល បាននូវជីវិតដ៏ប្រសើរ។ ដូច្នេះយើងមិនអាចគ្រាន់តែចង្អុលបង្ហាញពីអាគារធំមួយ ដែលយើងបានកសាងប៉ណ្ណោះទេ ប៉ុន្ដែ យើងអាច ចង្អុលបង្ហាញពីកុមារជាច្រើននិងអ្នកផ្ទុកមេរោគអេដស៍ និងអ្នកជំងឺអេដស៍ដែលនៅ រស់រានមានជីវិត សង្គ្រោះស្ដ្រីមានគភ៌ពេលសម្រាល ហើយយើងនឹងបន្ដធ្វើអ្វីគ្រប់យ៉ាងដែលយើងអាចជួយដល់ប្រជាជនកម្ពុជា ដើម្បីទទួលបាននូវអនាគតរបស់ពួកគេ”។
ខណៈដែលលោកស្រី គ្លីនតុន មិនមានប្រសាសន៍សំដៅជាពិសេសទៅលើចិនតែលោកស្រីសំដៅលើក្រុងប៉េកាំងហាក់សំដៅទៅលើអគារទីស្ដីការគណៈរដ្ឋមន្ដ្រីដែលក្រុងប៉េកាំងបានកសាងបញ្ចប់រួចរាល់ក្នុងឆ្នាំ២០០៩ ហើយចំណាយទឹកប្រាក់អស់៣០លានដុល្លារ ដែលជាមូលនិធិរបស់ប្រទេសចិន និងមានទីតាំងស្ថិតជាប់អគារខុទ្ទកាល័យ លោកនាយករដ្ឋមន្ត្រី ហ៊ុន សែន។
បើតាមអ្នកវិភាគបាននិយាយថា ជំហរសហរដ្ឋអាមេរិកនិងជំហរប្រទេសចិន ដែលប្រទេសទាំងពីរមានឥទ្ធិពលលើតំបន់អាស៊ី ត្រូវបានគេមើលឃើញថា ជាយុទ្ធសាស្ដ្រដ៏សំខាន់មិនគ្រាន់តែជាសក្តានុពលសេដ្ឋកិច្ចប៉ុណ្ណោះទេ ប៉ុន្ដែវាក៏ មានទីតាំងភូមិសាស្ត្រសំខាន់របស់ពួគគេដែរ និងជាផ្លូវនាវាចរណ៍សំខាន់ និងការផ្ដល់ហរិញ្ញវត្្ថុរបស់ ប្រទេសចិនឲ្យរដ្ឋាភិបាលក្រុងភ្នំពេញ ធ្វើឲ្យកម្ពុជាស្ថិតក្រោមការគ្រប់គ្រងរបស់ខ្លួន។
គម្រោងកសាងផ្លូវ ស្ពាន និងវារីអគិ្គសនីត្រូវបានកសាងឡើងដោយមូលនិធិរបស់ប្រទេសចិន។ ប៉ុន្ដែ លោកស្រី គ្លីនតុន បានមានប្រសាសន៍ថា សហរដ្ឋអាមេរិក បានលៃលកជំនួយក្នុងតំបន់ដែលផ្ដល់អត្ថប្រយោជន៍ផ្ទាល់ដល់ប្រជាជនទូទៅ។
លោកស្រី គ្លីនតុន បានមានប្រសាន៍ថា “សហរដ្ឋអាមេរិកបានសហការនិងបន្តការគាំទ្រដល់កម្ពុជា។ ជំនួយអភិវឌ្ឍន៍របស់យើងបានកើនឡើងទ្វេដងកាលពីទសវត្សរ៍មុន។ឥឡូវនេះ គឺមាន៧៥លានដុល្លារហើយ”។
លោក ជាម យៀប តំណាងរាស្ត្រគណបក្សប្រជាជនកម្ពុជា ស្វាគមន៍ជំនួយរបស់សហរដ្ឋអាមេរិកមកឲ្យកម្ពុជា ដោយថ្លែងថា ទោះជំនួយនោះជាជំនួយប្រទេសណាក៏ដោយ ដូចជាប្រទេសចិនជាដើម។លោក ជាម យៀប ថ្លែងថា “ពិតណាស់កម្ពុជាត្រូវការជំនួយនិងស្វាគមន៍រាល់ជំនួយទាំងអស់ ដែលចង់ជួយដល់កុមារ៕
ប្រែសម្រួលដោយ លី ដារ៉ូ