27 C
Phnom Penh

លោក សម រង្ស៊ី ​ទាមទារឲ្យ​លោក​ ហ៊ុន  សែន ​ចុះចេញ​ពី​តំ​ណែង​

ដោយ ឌឹ ខេមបូឌា ដេលី

បទវិភាគ

​ក្រុង​សៀមរាប​-លោក សម រង្ស៊ី ​មេ​ដឹ​ក​នាំ​​គណបក្ស​ប្រឆាំង​ កាលពីម្សិលមិញ​ទទួ​ល​បាន​ការស្វាគមន៍​ ពីសំណាក់​អ្នក​គាំទ្រចំនួន​​​១៥.០០០​នាក់​ នេះជាលើក​ដំបូង​ដែលបាន​ធ្វើការ​ជួប​ជុំ​​​នៅ​ខេត្ត​សៀម​រាប បន្ទាប់ពី​ព្រឹត្តិការណ៍​បោះឆ្នោត​ជាតិ​បា​ន​កន្លង​មក​។ នៅ​ទីនោះ ជា​ថ្មីម្តង​ទៀត ​​លោ​ក​បាន​ទាមទារឲ្យ​លោក​​នាយក​រដ្ឋ​មន្ត្រី​ ហ៊ុន សែ​ន ចុះ​ចេ​ញពី​តំណែង​​​​។

លោក សម រង្ស៊ី ​មេ​ដឹ​ក​នាំ​​គណបក្ស​ប្រឆាំង​​ទទ​ួ​ល​បាន​ការស្វាគមន៍​ពី​សំ​ណាក់​អ្នក​គាំទ្រនៅ​សួន​សេ​រិី​ភាព​កាល​ពីម្សិលមិញ។ Lauren Crothers
លោក សម រង្ស៊ី ​មេ​ដឹ​ក​នាំ​​គណបក្ស​ប្រឆាំង​​ទទួ​ល​បាន​ការស្វាគមន៍​ពី​សំ​ណាក់​អ្នក​គាំទ្រនៅ​សួន​សេ​រីភាព​កាល​ពីម្សិលមិញ។ Lauren Crothers

​នៅពេល​ទៅដល់​ខេត្ត​សៀម​រាប​តាម​ជើង​យន្ត​ហោះ​ពីរាជធានីភ្នំពេញ​ តាម​កា​រ​គ្រោង​ទុក​លោក​ សម រង្ស៊ី ​បានចុះនៅ​ឧ​ទ្យាន​​អង្គរ ឃ្យុងយូ​ នៅ​ជាយ​​ក្រុង​សៀមរា​ប​ ដោយ ​មាន​សំឡេង​អបអរសាទរ​យ៉ាង​ច្រើ​ន​នៅ​ម៉ោង​ប្រហែល​៤​រសៀ​​ល​។

អ្នក​ដើរ​អម​លោក​ សម រង្ស៊ី ​មិនមែ​ន​ជា​លោក​ កឹម សុខា ​អនុ​ប្រធាន​គណបក្ស​ស​ង្គ្រោះ​ ជាតិ​ទេ គឺ​លោកស្រី ​ជូឡុង ​សូ​មូ​រ៉ា ​ភរិយា​របស់​​លោក​ ហើយ​នៅពេល​នោះ​ លោក​បាន​​ឡើង​​​​ទៅលើ​ឆាក ​និង​បាន​សូម​អភ័យ​ទោស​​សម្រាប់ ​អវត្តមាន​គ្មាន​ការ​ពន្យ​ល់មូល​ហេតុរបស់​លោក​អនុ​ប្រធាន​គណ​បក្ស​ ក៏ប៉ុន្តែ លោក​បាន​លើក​សរសើរ​វត្ត​មា​ន​អ្នក​ចូលរួម​ដ៏ច្រើន​នៅ​ឧទ្យាន​នោះ​។

លោក​ សម រង្ស៊ី ​បាន​មានប្រសាសន៍​ថា  “អ្នកខ្លះ​និយាយថា ​នៅពេល​យើង​អប​អរ​ទិវា​​សិទ្ធិមនុស្ស​អន្តរជាតិ​ ការ​​រៀប​ចំពិ​ធី​នៅ​ទីនេះប្រហែលជាគ្មាន​ប្រយោ​ជន៍​ទេ​ពី​ព្រោះ ​មិនមាន​មនុស្ស​គ្រប់គ្រាន់​មក​ចូ​លរួម​ទេ​។ ដូច្នេះ ពិធីនេះ​គួរត្រូវបាន​រៀ​បចំ​នៅ​រាជធានី​​​ភ្នំពេញ ទើប​មាន​អ្នកចូលរួម​គ្រ​ប់​គ្រាន់​”។

​លោក​បាន​មានប្រសា​សន៍​បន្ថែមទៀ​ត​ថា “ក៏ប៉ុន្តែ មើលចុះ​ អ្នកចូលរួម​នៅ​ទី​នេះ​មានច្រើន​ដូច​នៅ​ភ្នំពេញ​ដែរ​ក្នុង​ថ្ងៃនេះ​។ យើង​បានជួប​ជុំគ្នា​នៅ​លើ​វាលស្រែ​ក៏ប៉ុន្តែ ​អ្នកចូលរួម​នៅទី​នេះ​មានចំនួន​ដូច​នៅ​ទីក្រុង​ភ្នំពេញ​ដែរ​”។ ​លោក សម រង្ស៊ី ​បាន​សន្យា​ធ្វើ​បាតុ​ក​ម្ម​នា​ពេល​អនាគត​ទាំង​នៅ​ខេត្ត​សៀមរាប​ ទាំង​នៅ​រាជធានីភ្នំពេញ​ ហើយ​លោក​បាន​​លើក​ឡើង​ថា សំឡេង​ប្រឆាំង​នឹង​លោក​ ហ៊ុន សែន ​ក្រោយ​ពេល​បោះឆ្នោត​ជាតិ​យ៉ាង​ចម្រូង​ចម្រាស​កាលពីខែ​កក្កដា​ ពិត​ជា​មាន​គ្រប់​គ្រាន់​សម្រាប់​រក្សា​សកម្មភាព​តវ៉ា​ទូទាំង​ប្រទេស​។

ថ្លែង​បន្ត​អំពី​សាច់រឿង​មួយ​ ដែល​តែ​ង​តែ​ ត្រូវ​បានលើកឡើង​នៅ​ក្នុង​កម្មវិធី​ជួប​ជុំរបស់​គណបក្ស​ប្រឆាំង ​លោក​ សម រង្ស៊ី​ បាន​បង្វែង​ការចាប់អារម្មណ៍​ ទៅ​លើ​បញ្ហា​​ទន្ទ្រាន​យកដី ​និង​ការធ្វើ​ចំណូលស្រុក​រប​ស់​ប្រជាជន​វៀត​ណាម​ មក​កាន់​ប្រទេស​ក​ម្ពុជា​។ លោក​បាន​ថ្លែង​ទៅកាន់​ក្រុម​អ្ន​ក​គាំទ្រ​ ដោយ​ប្រើ​ពាក្យ​មួយ​សំដៅទៅលើ​ប្រ​ជាជន​វៀតណាម​ ដែល​​ ជារឿយៗ​ត្រូវ​បា​ន​ចាត់​ទុក​ជា​ពាក្យ​មើល​​​ងាយ​​​ថា “យួន​ និ​ង​ជន​បរទេស​ជាច្រើន​មក​យក​ការ​​​ងារ ​ពីប្រ​ជាជនខ្មែរ​ ​និង​យក​ដីខ្មែរ​”។ លោក​បាន​បន្តថា “ពួកគេ​ជំរុញ​ឲ្យ​ប្រ​ជា​ជន​ខ្មែរ​ទៅ​ប្រទេស​ថៃជំនួសវិញ។ ប្រ​​ជាជន​ជាច្រើន​បាន​ទៅ ​ហើយ​ពួកគេ​សប្បា​យ​ចិត្ត​ណាស់ ហើយ​បន្ទាប់​មក​ពួកគេ​យក​យួ​ន​ចូល​មក​ជំនួសប្រជាជនខ្មែរ​។ ដូច្នេះ​ យើ​ង​បោះ​ឆ្នោត​ដើម្បី​ផ្លាស់ប្តូរ​!”។

បន្ទាប់​ម​កទៀត ​មេដឹកនាំគណបក្ស​ប្រឆាំង រូប​នេះ​បាន​អំពាវ​នាវ​ឲ្យ​លោក ហ៊ុន សែ​ន​ ចុះ​ចេញពី​តំណែង ឬក៏​បោះឆ្នោត​ឡើ​ងវិញ​ ដោយ​​លោក​បាន​លើកឡើងអំពី​ព្រឹត្តិការណ៍​ថ្មីៗ​នៅ​ប្រទេស​ថៃ ដើម្បីធ្វើ​ជា​គំរូ​ដែល​គួរ​អនុវត្តតាម​។

លោក​ សម រង្ស៊ី បានមា​នប្រសា​សន៍ថា  “ខ្ញុំ​សូម​អំ​ពា​វ​ ឲ្យ​លោក​នាយករដ្ឋ​មន្ត្រី ហ៊ុន សែន​។ ​លោក ហ៊ុន សែន អើយ ​កុំ​ខ្សោយ​ជាង​​​​មនុស្ស​ស្រី​”​។​​ ​លោក​ សម រង្ស៊ី ​បាន​មានប្រសាសន៍​​ នៅ​ពេល​ក្រុម​អ្នក​គាំទ្រ​សើច​ខ្លាំងៗ​​ថា “នា​យក​រដ្ឋមន្ត្រី​ស្ត្រី​នៅប្រទេស​ថៃឈ្មោះ​ យី​ង​ឡាក់​ ស៊ីណា​វ៉ាត្រា​ (Ying​luck ​Shina​watra) ​។ ​

សូម​កោត​សរសើរ​លោកស្រី ​យី​ងឡាក់ ស៊ីណា​វ៉ាត្រា​។ ប្រជាជន​បាន​តវ៉ា​ទាមទា​រ​ឲ្យ​លោក​ ស្រីចុះ​ចេញពីតំណែង​​ ហើយ​លោកស្រី​យល់​ព្រម​ឲ្យមាន​ការ​រៀ​បចំ​កា​រ​បោះឆ្នោត​ឡើងវិញ​។ ហេតុ​អ្វី​បាន​ជា​លោ​ក​ ហ៊ុន សែន ​អន់ជាង​មនុស្ស​ស្រីអ៊ី​ចឹង​?” ​​នៅ​វេលា​ម៉ោង​ ៤និង​៣០នាទី​រសៀ​ល​ ​លោក​ សម រង្ស៊ី ​បាន​អាន​បញ្ជី​ឈ្មោះ​តំ​ណាងរាស្ត្រ​ជាប់​ឆ្នោត​ របស់​គណបក្ស​ស​ង្គ្រោះ​ជាតិ​ ដែលមាន​វត្ត​មាន​នៅ​ក្នុង​ពិធី​ជួ​ប​ជុំ​នេះ ​និងបានប្រកាស​ការ​ចាប់​ផ្តើម​វគ្គទី​២នៃ​ការ​ដើរ​ក្បួន​ នា​ថ្ងៃ​ម្សិលមិញ​។​

លោក​ សម រង្ស៊ី ​ដែល​មាន​ភរិយា​ដើរ​អម​ជាថ្មីម្តង​ទៀតនោះ ​បាន​ដឹកនាំ​ការ​ដើ​រ​ក្បួន​សំដៅ​ទៅកាន់​ផ្លូវជាតិ​លេខ​៦ ដែល​មាន​កម្លាំង​កង​រាជអាវុធ​ហត្ថកំពុង​រង់ចាំ​ ​និ​ង​កម្លាំង​នគរ​បាលក្រុង​ឈរ​ជាជួរ​ នៅចំ​កណ្តាល​ផ្លូវ​ ដើម្បី​គ្រប់គ្រង​ចរាចរណ៍​ នៅ​ជុំវិញ​ក្រុម​អ្នក​ដើរ​ក្បួន​។ ទាក់ទង​ទៅនឹង​ពិធីជួប​ជុំនេះ អាជ្ញាធ​រ​ខេត្ត​ សៀមរាប​បាន​លើកឡើងថា ​ពួកគេ​​មិន​អនុ​ញ្ញាត​ឲ្យ​ការដើរ​ក្បួនទេ​ ក៏ប៉ុន្តែ ​ស្ថា​នភាព​មាន​ភាព​ស្ងប់​ស្ងាត់រវាង​ភាគីទាំងពីរ​ ពោលគឺ​ ក្រុម​អ្នក​ដើរ​ក្បួន​បានទះដៃតិច​ៗសម្តែងការ​ពេញ​ចិត្ត​ចំពោះ​ក្រុម​មន្ត្រី​នគរ​​បាល​ដែល​នៅពី​ក្រោយ​ ​និង​បាន​និយាយ​ថា អរគុណ​។​

​ក្រុម​អ្នកគាំទ្រ​គណបក្ស​ប្រឆាំង​ ជា​រឿ​យៗ​ បាន​ស្រែក​ថា “ហ៊ុន សែន​ អន់ជាង​ស្ត្រី​!” ខណៈ​​​ដែល​ពួកគេ​ដើរ​តាមផ្លូវវាង​ឆ្ល​ង​កាត់​តំបន់​ខាង​លិច​នៃក្រុង​សៀម​រាប​ ឆ្ល​ង​ទន្លេតូច ​និង​ដើរ​ចូល​ទៅកាន់​តំបន់​អ្នក​ទេសចរ​។

​ពេល​ដើរ​ទៅដល់​ផ្លូវ ស៊ីវុ​ត្ថា ​ដែលជា​ផ្លូវ​មាន​ ភ្ញៀវទេសចរ​យ៉ាងច្រើ​ន​មួយ​លោក ​សម រង្ស៊ី ​ទទួល​បាន​ការស្វា​គ​មន៍​ពីសំណាក់បុគ្គលិក​ភោជនីយដ្ឋាន ​និង​ផ្ទះសំណាក់​នានា ព្រម​ទាំង​​ភ្ញៀវ​ទេស​ចរ​ ដែល​បង្ហាញ​ប្រតិកម្មភាំង​​ នៅពេ​ល​ឃើញ​បែបនេះ​។ ​លោក​បាន​ចាប់​ដៃ​របស់​បុគ្គលិ​ក​ដែល​កំពុង​ឈរ​រង់ចាំ​នៅ​តាម​​ដងផ្លូវហើ​យ​មាន​ស្ត្រីមួយក្រុម​បាន​ព្យាយាម​ឆ្លង​កាត់​ក្រុម​អង្គរក្ស​របស់​លោក សម រង្ស៊ី ​ដើម្បី​ទា​ញ​លោក​រំលង​កង់​ចត​ជាជួរ​ យក​មក​ឱប​ និង​ថើប​។

នៅពេល​ឆ្លង​ផុត​តំបន់ភ្ញៀវ​ទេសច​រ​​ដើរ​ ដែលមាន​ភ្លើង​ភ្លឺ​ចិញ្ចាំង​ចិ​ញ្ចាច​ ​​និង​ហាក់​ដូច​ជា​ទទួល​បាន​ការ​ចាប់​អារម្មណ៍​កា​ន់តែច្រើន​ពីសំណាក់​ប្រជាជន​ ការដើរ​ក្បួ​ន​នេះ​បាន​ទៅដល់​សួន​រាជា ​ដែលជា​គោ​ល​ដៅ​ចុង​ក្រោយ​​នៃការ​ដើរ​ក្បួន​នេះ​ នៅ​វេលា​ម៉ោង​៦និង​៣០នាទី​ល្ងាច​ ក្រោម​ផ្ទៃ​មេឃ​ងងឹត​។

​លោក ​សម រង្ស៊ី ​បាន​អុជធូប ​បួងសួ​ង​ និង​បំពាក់​កម្រង​ផ្កា​​លើ​រូប​សំណាក​ទាំ​ង​ពី​រ​​ រូប​សំណាកព្រះអង្គ​ចេក​ ព្រះអង្គ​ចម ដែ​ល​ស្ថិត​នៅ​ក្នុង​ទីធ្វើ​សក្ការបូជា​ ដើម្បី​ផ្សង​សំណាង​ មុន​ពេល​ឡើង​រថយន្ត​ SUV ​កំពុ​ងរង់ចាំ​ និងធ្វើ​ដំណើរ​ចាកចេញ​ទៅ​។​​

​លោក គួយ ប៊ុនរឿន ​តំណាង​រាស្ត្រ​ជា​ប់​ឆ្នោត​របស់​គណបក្ស​សង្គ្រោះ​ជាតិ​​បា​ន​ឲ្យ​ដឹងថា ​លោក សម រង្ស៊ី ​និង​លោក​ស្រី ​សូ​មូរ៉ា ​បានធ្វើ​ដំណើរ​ទៅ​ខេត្ត​កំពង់​ធំ​ ដើ​ម្បីចូលរួម ​ជាមួយ​សមាជិក​គណបក្សប្រឆាំ​ងទៀត​ នា​ថ្ងៃ​នេះក្នុង​សកម្មភាព​ចុះទៅ​មើ​ល​ព្រៃ​ឡង់​ដែល​ ត្រូវ​បាន​កាប់​បំផ្លាញ​៕ សុធា​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស