32 C
Phnom Penh

មន្ត្រី​​​កង​​​រាជ​​​អាវុធ​​​ហត្ថ​​​និង​​​ទាហាន​​​ចូល​​​និវត្ត​​​ម្នាក់​​​វាយ​​​អ្នក​​​រើស​​​អេតចាយ

ដោយ ឌឹ ខេមបូឌា ដេលី

បទវិភាគ

ក្រុម​មន្ត្រី​បាន​និយាយ​កាលពី​មិ្សល​​​មិញ​ថា មន្ត្រី​កង​រាជ​​​អាវុធ​ហត្ថ​ម្នាក់ និង​ទាហាន​កង​យោធពល​ខេមរ​​​ភូមិន្ទ​ចូល​និវត្ត​ម្នាក់​ត្រូវ​បាន​ឃុំខ្លួន​នៅ​​ទី​​​បញ្ជា​​​ការដ្ឋាន​​កង​រាជ​​​អាវុធ​​​ហត្ថ​ខេត្ត​បាត់​ដំបង បន្ទាប់ពី​វាយ​អ្នក​រើស​អេត​ចាយ​មួយ​ក្រុម​មាន​គ្នា​១១​នាក់​ ដែល​តាម​ចោទ​ថា​បាន​​លួច​សម្លៀក​ពាក់​ឈុត​ក្នុង​ប្រពន្ធ​របស់​ខ្លួន។

លោក ឡាយ ផាន់នី នាយ​ប៉ុស្តិ៍​សង្កាត់​ស្វាយ​ប៉ោ ក្រុង​បាត់ដំបង បាន​មាន​ប្រសាសន៍​ថា បុរស​ពីរ​នាក់​​​នេះ​​​​ដែល​លោក​មិន​ស្គាល់​ឈ្មោះ​ទំនង​ជា​ស្រវឹង​ស្រា​នៅ​ពេល​​​ពួកគេ​វាយ​មនុស្ស​មួយ​ក្រុម​​​នេះ​​​​កាលពី​រសៀល​ថ្ងៃសៅរ៍។

លោក ផាន់​​នី បាន​​​មាន​ប្រសាសន៍​ថា “ពួកគេ​បាន​ចាប់​ផ្ដើម​វាយ​មនុស្ស​គ្រប់​គ្នា​ដែល​ពួកគេ​បាន​ជួប​ ហើយ​ពួកគេ​មិន​ខ្វល់​ថា ជា​មនុស្ស​ចាស់​ឬ​​​ក្មេង​ឡើយ​ ពួកគេ​វាយ​ដៃ ជើង និង​ខ្នង”។ លោក​បាន​បន្ថែម​ថា ស្ត្រី​មាន​ផ្ទៃ​ពោះ​ម្នាក់​ត្រូវ​បាន​វាយ​ចំក្បាល ​ហើយ​​បាន​ធូរស្រាល​ហើយ​នៅ​​​ក្នុង​​​​មន្ទីរ​​​ពេទ្យ​។

លោក​បាន​មាន​ប្រសាសន៍​ថា “ក្មេង​​​មួយ​ចំនួន​ត្រូវ​បាន​វាយ​ដំ ចំណែក​អ្នក​ដែល​មាន​សំណាង​មួយ​​​ចំនួន​​​ទៀត​បាន​រត់​គេច​ខ្លួន​ដើម្បី​សុវត្ថិភាព​ ហើយ​មិន​បាន​រង​របួស​ឡើយ​”។

លោក​ ផាន់នី បាន​​​មាន​ប្រសាសន៍​ថា មន្ត្រី​កង​រាជ​​​អាវុធ​ហត្ថ​​រូប​​​នេះ​​​បាន​ចោទ​ប្រកាន់​អ្នក​រើស​អេត​ចាយ​មួយ​ក្រុម​ដែល​រស់​នៅ​ក្នុង​តំបន់​អនាធិបតេយ្យ​តាម​ផ្លូវ​រថភ្លើង​​ខាង​ក្រោយ​ផ្ទះ​របស់​គាត់​ថា បាន​លួច​សម្លៀក​បំពាក់​ឈុត​ក្នុង​​​ពី​​​ផ្ទះ​​​របស់​​​លោក​​​​​។

លោក អ៊ុក គឹម ចៅសង្កាត់​ស្វាយ​​​ប៉ោ បាន​​​មាន​ប្រសាសន៍​ថា មន្ត្រី​រូប​នេះ​ និង​ទាហាន​ចូល​និវត្ត​ត្រូវ​បាន​ថ្នាក់​លើ​​​របស់​​​ខ្លួន​​​​ហៅ​មក​អប់រំ ហើយ​សន្យា​ថា​នឹង​មិន​វាយ​ដំ​នរណា​​​ម្នាក់​​​ទៀត​​​ឡើយ​​​នៅ​ពេល​អនាគត។

លោក អ៊ុក គឹម បាន​​​មាន​ប្រសាសន៍​ថា “ពួកគេ​ត្រូវ​បាន​អប់រំ​កុំ​ឲ្យ​ធ្វើ​​​ដូច​​​នេះ​ទៀត ហើយ​បញ្ហា​នេះ​ត្រូវ​បាន​ដោះ​ស្រាយ​រវាង​ពួកគេ​និង​អ្នក​រង​​​របួស​ ដោយ​ការ​​​សន្យា​ថា​ពួកគេ​នឹង​មិន​ធ្វើ​រឿង​នេះ​ទៀត​ឡើយ​។

ទោះ​ជា​​​យ៉ាង​​​ណា លោក ខេង ទីតូ អ្នក​នាំ​​​ពាក្យ​កង​រាជ​​​អាវុធ​​​ហត្ថ​បាន​មាន​ប្រសាសន៍​ថា បុរស​ទាំង​ពីរ​នាក់​នេះ​កំពុង​ត្រូវ​ឃុំខ្លួន​នៅ​ទី​​​បញ្ជា​​​ការ​​​ដ្ឋាន​កង​រាជ​​​អាវុធហត្ថ​ខេត្ត​នៅ​ឡើយ​កាលពី​ម្សិលមិញ ហើយ​នឹង​ត្រូវ​បញ្ជូន​ទៅ​សាលា​ដំបូង​ខេត្ត​​ដើម្បី​សាកសួរ​នៅ​ថ្ងៃ​នេះ។

លោក ខេង ទីតូ បាន​​​មាន​ប្រសាសន៍​ថា “ជនសង្ស័យ​ទាំង​ពីរ​នាក់​នេះ​នឹង​ត្រូវ​បញ្ជូន​ទៅ​តុលាការ​នៅ​ថ្ងៃស្អែក តែ​លោក​បាន​បដិសេធ​មិន​ប្រាប់​ឈ្មោះ​ ឬ​​​ឋានន្តរ​​​ស័ក្ដិ​បុរស​​​ទាំង​ពីរ​នាក់​​​​​​​នេះ​ឡើយ​”៕​​​សារុន​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស