28 C
Phnom Penh

មនុស្ស​១៦នាក់​ស្លាប់​ក្នុង​គ្រោះ​ថ្នាក់​ក្រឡាប់​​​រថយន្ត​នៅ​ខេត្ត​ឧត្តរ​មាន​ជ័យ​

ដោយ ឌឹ ខេមបូឌា ដេលី

បទវិភាគ

យោង​​​តាម​​​នគ​​​របាល​​​បាន​​​ឲ្យដ​​​ឹង​​​ថា មនុស្ស​​​ ១៦​​​នាក់​​​បាន​​​ស្លាប់​​​ នៅ​​​ពេល​​​រថយន្ត មួយ​​​គ្រឿ​ង​​​​ ​​​ដឹក​​​មនុស្ស​​​ពេញ​​​មក​​​ពីរាជ​​​ធានីភ្នំពេញ​​​ បាន​​​ធ្លាក់ចំណោត​​​នៅ​​​តំបន់​​​ជួរ​​​ភ្នំ​​​ដង​​​រែក​​​ក្នុង​​​ខេត្ត​​​ឧត្តរ​​​មាន​​​ជ័យ​​​កាល​​​ពី​​​ព្រឹក​​​ម្សិលមិញ បន្ទាប់​​​ពី​​អ្នកបើក​បរ​ជាន់​​​ហ្វ្រាំង​​​មិន​​​​​​ស៊ី។

នគរ​​​បាល​​​ និង​​​អ្នក​​​ភូមិ​​​​​​ទៅ​​​មើល​​​កន្លែង​​​គ្រោះ​​​ថ្នាក់ក្រឡាប់​​​​​​រថយន្ត​​​នៅ​​​តំបន់​​​​​​ជួរ​​​ភ្នំ​​​ក្រវាញ​​​ ក្នុង​​​ខេត្ត​​​ឧត្ត​​​រ​​​មាន​​​ជ័យ​​​ ដែល​​​បាន​​​បណ្តាល​​​ឲ្យ​​​មនុុស្ស​​​១៦​​​នាក់​​​ស្លាប់​​​ និង​​​២៣​​​នាក់​​​ទៀត​​​រង​​​របួស​​​ធ្ងន់​​​។ រូបថតៈ កាសែត​​​នគរ​​​បាល​​​ជាតិ​​​
នគរ​​​បាល​​​ និង​​​អ្នក​​​ភូមិ​​​​​​ទៅ​​​មើល​​​កន្លែង​​​គ្រោះ​​​ថ្នាក់ក្រឡាប់​​​​​​រថយន្ត​​​នៅ​​​តំបន់​​​​​​ជួរ​​​ភ្នំ​​​ក្រវាញ​​​ ក្នុង​​​ខេត្ត​​​ឧត្ត​​​រ​​​មាន​​​ជ័យ​​​ ដែល​​​បាន​​​បណ្តាល​​​ឲ្យ​​​មនុុស្ស​​​១៦​​​នាក់​​​ស្លាប់​​​ និង​​​២៣​​​នាក់​​​ទៀត​​​រង​​​របួស​​​ធ្ងន់​​​។ រូបថតៈ កាសែត​​​នគរ​​​បាល​​​ជាតិ​​​

យោ​​​ង​​​តាម​​​លោក នៅ សំអន អនុប្រធាន​​​មន្ទីរ​​​ពេទ្យ​​​បង្អែក​​​ស្រុក​ដែល​អ្នក​ដំណើរ​រង​​​របួសបាន​​​ទទួល​​​ការ​​​​ព្យាបាល​បឋម​​​ បាន​​​ឲ្យ​​​​​​ដឹង​​​ថា អ្នក​​​នៅ​​​រស់​​​ទាំង​​​២៣​​​នាក់​​​​​​ក្នុង​​​គ្រោះ​​​ថ្នាក់​​​នៅ​ស្រុក​​​អន្លង់​​​វែង​​​​​​​​ដែល​​​មាន​​​​​​ទាំង​​​​​​​​​អ្នក​​​បើក​​​បរផង​​​ សុទ្ធ​​​តែ​​​​​​រង​​​របួស​​​ធ្ងន់​​​ធ្ងរ​​​ ដោយ​​​ក្នុង​​​នោះ ​​​ក៏​​​មានបាក់​​​ឆ្អឹង​​​ឆ្អែង​​​​​​ផង​​​ដែរ​​​​​​​​​។

លោក​បាន​ឲ្យ​ដឹង​ថា  ក្រោយ​​​មកមនុស្ស​​ចំនួន​​​២២​​​នាក់​​​​​​ត្រូវ​​​បាន​​​បញ្ជូន​​​បន្ត​​ទៅ​មន្ទីរ​​​ពេទ្យ​​​ បង្អែក​​​ខេត្ត​​​សៀម​​​រាប ​​​ចំណែក​​​ស្ត្រី​​​ម្នាក់​​​ត្រូវ​​​បាន​​​សម្រេច​​​ បញ្ជូន​​​ទៅ​​​ព្យាបា​​​ល​​​នៅ​​​ក្រុង​​​បាង​​​កក​​​។

លោក ប៉ែន ផល​​​្គុណ ប្រធាន​​​មន្ទីរ​​​ពេទ្យ​​​បង្អែក​​​ខេត្ត​​​សៀម​​​រាប​​​បាន​​​មាន​​​ប្រសាសន៍​​​ថា “ខ្ញុំ​​​អា​​​ចជម្រាប​​​​បាន​​​ថា ចំនួន​​​អ្នក​​​​​​ស្លាប់​​​​​​អា​​​ច​​​កើន​​​​​​ឡើង​​​”។ លោក​​​បាន​​​បន្ថែម​​​ថា លោក​​​បាន​​​​ពន្យារ​​​ពេល​មក​​បំពេញ​បេសកកម្ម​​នៅ​​​រាជ​ធានី​ភ្នំពេញ​​​ ​​​ដើម្បី​ដោះ​ស្រាយ​​​​​បញ្ហា​អ្នក​ស្លាប់​ និង​របួស​​​ទាំង​នេះ​ដោយ​ផ្ទាល់​។

លោក អៀប ប៊ុន​​​លឿន អនុប្រធាន​​​មន្ទីរ​​​សុខាភិបាល​​​ខេត្ត​​​សៀម​​​រាប បាន​​​មាន​​​ប្រសា​សន៍​​​ថា អ្នក​​​រង​​​របួស​​​ម្នាក់​​​នៅ​​​សន្លប់​​​នៅ​​​ឡើយ​​​​​​គិត​​​មក​​ទល់​ម៉ោង​​​៦​​​ល្ងាច​​​យប់​​​មិញ ហើយ​​​ថា អ្នក​​​ដំណើរ​​​ដែល​​​រង​​​របួស​​​ធ្ងន់​​​ប្រាំ​​​នាក់​​​ត្រូវ​​​បាន​​​បញ្ជូន​​​​​​បន្ត​​​មក​​​​​​រាជធានីភ្នំពេញ​​​ដើម្បី​ព្យាបាល​​​បន្ថែម​។

លោក ធូ សុភា នាយ​​​ការិយាល័យ​​​នគ​​​របាល​​​​​​ចរាចរណ៍​​​ខេត្ត​​​ឧត្តរ​​​មាន​​​ជ័យ​​​បាន​​​មាន​​​ប្រសា​សន៍​​​ ថា រថយន្ត​​​នេះ​ដែល​​​​​​​បើក​​​បរ​​​មក​​​ពី​​​រាជធានី​ភ្នំពេញ​​​ឆ្ពោះទៅ​​​ខេត្ត​​​ព្រះ​​​វិហារ​​​ បាន​​​បើក​​​​​​ដើរ​​​​​​មើល​​​ទេស​​​ភាព​​​​​​នៅ​​​តំបន​​​់ជួរ​​​ភ្នំ​​​ដង​​​រែក​​​ ស្ថិត​​​ក្នុង​​​ខេត្ត​​​ឧត្តរ​​​មាន​​​ជ័យ​​​ ស្រាប់​​​តែ​​​ពេល​​​នោះ​​​អ្នក​​​បើក​​​បរ​​​បាន​​​បាត់​​​បង់​​​ម្ចាស់​​​ការ​​​។

លោក​​​ថ្លែង​​​ថា”ពួក​​​គាត់​បាន​​​បន្ត​​​ដំណើរ​ទៅ​​​ច្រក​​​ព្រំដែន​​​អន្តរ​​​ជាតិ​​​ជាំ​​​សាងាំ ដើម្បី​​​រក​​​ទិញ​​​របស់រ​​​បរ​​​ និង​ដើរ​​​មើល​​​ទេស​​​ភាព​​​នៅ​​​តាម​​​ព្រំដែន​​​។ នៅពេល​​​ពួក​​​គាត់​​​ត្រឡប់​​​មក​​​វិញ ​​រថយន្ត​​​បាន​​​បើក​​បរ​ក្នុង​ល្បឿន​​​​លឿនណាស់  ​​​ហើយ​​​មិន​​​អាច​​​បន្ថយ​​​ល្បឿន​​ត្រង់​​​​​កន្លែង​​​ផ្លូវ​​​កោង​​​បាន​​​។ លោក សុភា បាន​​​លើក​​​ឡើង​​​ថា ​​​បន្ទាប់​​​ពី​​​ការ​​​សិក្សា​​​​នៅ​កន្លែង​​​កើត​​​ហេតុ​​​ រួម​​​ទាំង​​​ផ្លូវ​​​​រអិល​​​​​ប្រវែង១០​​០​​​ម៉ែត្រ​​​ ឆ្ពោះ​​​ទៅ​​​ទី​​​តាំង​​​ដែល​​​រថ​​​យន្ត​​​ធ្លាក់​​​ផ្លូវផង​​​​​​ លោក​​​សន្និ​​​ដ្ឋាន​​​ថា រថយន្ត​​​នេះ​ បើក​​​បរ​​​ក្នុង​​​ល្បឿន​​​១១៩​​​គីឡូ​​​ម៉ែត្រ​​​ក្នុង​​​មួយ​​​ម៉ោង​​​ នៅ​​​ពេល​​​អ្នក​​​បើក​​​បរ​​​បាន​​​​​​បាត់​​​បង់​​​ម្ចាស់​​​ការ​​​។ល្បឿន​​​កំណត់​​​នៅ​​​តាម​​​ផ្លូវ​​​នេះ​​​ គឺ​​​៩០​​​គឺ​​​ឡូម៉ែត្រ​​​​​​ក្នុង​​​មួយ​​​ម៉ោង​​​។

លោក​​​បាន​​​​​​មាន​​​ប្រសាសន៍​​​ថា “ការ​​​សន្និ​​​ដ្ឋាន​​​ដំបូង​​​របស់​​​យើង​​​គឺ​​​ថា គ្រោះ​​​ថ្នាក់​​​នេះ​​​គឺ​​​ដោយ​​​សារ​​​ជាន់​​​ហ្វ្រាំង​​​មិន​​​ស៊ី។ ​​​អ្នក​​​បើក​​​បរ​​​ទំនង​​​ជា​​​​បាន​​​ជាន់​​​ហ្វ្រាំង ​​​ខណៈ​​​ពេល​​​បើក​​​បរ​​​ក្នុង​​​​​​ល្បឿន​​​លឿន ធ្វើ​ឲ្យ​​​ជាន់​​​មិន​​​ស៊ី​​​”។

លោក​​​បាន​​​ថ្លែង​​​ថា សាក​​​សព​​​ចំនួន​​​១៦​​​ត្រូវ​​​​​​​បាន​​​ដឹក​​​ទៅ​​​កាន់​​​វត្ត​​​អន្លង់​​​វែង​​​ ហើយ​​​ ត្រូវ​​ទុក​​​រហូត​​​​​​​ដល់​​​សាច់​​​ញាតិ​​​របស់​​​សព​​​មក​​​ទទួល​​​យក​​​។

យោង​​​តាម​​​លោក​​​ ម៉ែន លី ស្នង​​​ការ​​​នគរ​​​បាល​​​ខេត្ត​​​​​នេះ​បាន​​​ឲ្យ​​​ដឹង​​​ថា រថយន្ត​​​នេះ​​​ត្រូវ​​​បាន​​​​​​​​​អ្នក​​​ភូមិ​​​ជួល​​​មក​​​ពីរាជធានីភ្នំពេញ​​​។ លោក​​​បាន​​​​​​​​លើក​​​ឡើង​​​ថា នៅ​​​ក្នុង​​​​​​រថ​យន្ត​​​ ​គ្មាន​អ្វី​​បញ្ជាក់​​​​ថា រថយន្ត​​​នេះ​​​ជា​​​របស់​​​ក្រុមហ៊ុន ណា​​​ឡើយ​ ហើយ​​​​ថា គេ​​​មិន​​​ច្បាស់​​​ថា តើ​​​អ្នក​​​បើក​​​បរ​​​ជា​​​ម្ចាស់​​​រថយន្ត​ ឬ​​​យ៉ាង​​​ណា​​​នោះឡើយ​​​។

អ្នក​​​ស្រី នាង ឧប្បល អាយុ​​​៤៥​​​ឆ្នាំ​​​ជា​​​អ្នក​​​នៅ​​​រស់​​​​​ដែល​​​កំពុង​​​សម្រាក​​​ព្យាបាល​​​នៅ​​​មន្ទីរ​​​ពេទ្យ​​​អន្លង​​​់​​​វែងបាន​និយាយ​ថា មនុស្ស​ទាំង​​​​​​អស់​​​​មក​​​ពី​​​ខណ្ឌ​​​ដង្កោ​​​ រាជធានី​​​ភ្នំពេញ​​​​​​ បាន​​​ជួល​​​រថយន្ត នេះ​​​​មក​កាន់​​​ប្រាសាទ​​​តាមាន់ និង​​​តា​​​ក្របី ក្នុង​​​ខេត្ត​​​ព្រះវិហារសម្រាប់​ពិធី​ចូល​ព្រះវស្សា​ ដែលគ្រោង​ធ្វើ​នៅ​រសៀល​ម្សិល​មិញ។

អ្នក​​​ស្រី​​​បាន​​​រៀប​​​រាប់​​​ពី​​​ហេតុការណ៍​​​មុន​​​ពេល​​​មាន​​​គ្រោះ​​​ថ្នាក់​​​ថា “វា​​​ជា​​​ផ្លូវ​​​កោង​​​ហើយ ​​​ចោតទៀត​​​។ អ្នក​​​ស្រី​​​អង្គុយ​​​ក្បែរ​​​អ្នក​​​បើក​​​បរ ​​​ដែល​​​អ្នក​​​ស្រី​​​មិន​​​ស្គាល់​​​ឈ្មោះ​​​។

អ្នក​​​ស្រី​​​បាន​​​បន្ថែម​​​ថា “ខ្ញុំ​​​អង្គុយ​​​ខាង​​​ស្តាំ​​​ជាប់​​​គាត់​​​ ហើយ​​​យើង​​​បាន​​​ប្រាប់​​​អ្នក​​​បើក​​​បរ​​​ថា គាត់​​​បើ​​​ក​​​លឿន​​​ណាស់​​​ ប៉ុន្តែ អ្នក​​​បើក​​​បរ​​​នៅ​​​តែ​​​បើក​​​លឿន​​ដដែល”។អ្នកស្រី ​​​បាន​​​និយាយ​​​ថា ​​​ហេតុ​​​ការណ៍​​​ចុង​​​ក្រោយ​​​ដែល​​​គាត់​ចាំ​​​បាន​​​ គឺ​​​រថយន្ត​​​ បាន​​​ក្រឡាប់​​​។ខ្ញុំ​​​មិន​​​ដឹង​​​ថា តើ​​​រថយន្ត​​​ក្រឡាប់​​​ប៉ុន្មាន​​​ត្រឡប់​​​ឡើយ ​​​ប៉ុន្តែ ​​​នៅ​​​ពេល​​​ខ្ញុំ​​​ដឹង​​​ខ្លួន ខ្ញុំ​​​​​​​​​នៅ​​​ខាង​​​ក្រៅ​​​រថយន្ត​​​ទៅ​​​ហើយ​​​។ខ្ញុំ​​​មិន​​​ដឹង​​​ថា ​​​ខ្ញុំ​​​ចេញ​​​ពី​​​រថយន្ត​​​ដោយ​​​របៀប​​​ណា​​​ឡើយ​​​”៕ សារុន​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស