29 C
Phnom Penh

​​​អតីតប្រធាន​​​សាលាដំបូង​​​រាជធានី​​​ត្រូវ​បញ្ជូន​ទៅ​​​សាលា​​​ដំបូង​​​ខេត្ត​​​កណ្តាល

ដោយ ឌឹ ខេមបូឌា ដេលី

បទវិភាគ

ក្រុម​​​មន្ត្រី​​​​​​និយាយ​​​ថា កាល​​​ពី​​​ម្សិល​​​មិញ ​​​អង្គភាព​​​ប្រឆាំង​​​អំពើ​​​ពុករលួយ​​​ (ACU) បាន​​​បញ្ជូន​​​លោក អាំង​​​​​ មាលតី អតីត​​​ប្រធាន​​​សាលា​​​​​​​​​ដំបូង​​​រាជ​​​ធានី​​​ភ្នំពេញ​​​ ទៅ​​​សាលា​​​ដំបូង​​​ខេត្ត​​​កណ្តាល​​​ ទី​​​ដែល​​​ព្រះ​​​រាជ​​​អាជ្ញា​​​​​​បាន​​​ចោទ​​​ប្រកាន់​​​​​​​​​លោក​​​​​​​​​ជា​​​បណ្តោះ​​​អាសន្ន​​​ពី​​​បទ​​​គៃ​​​បំបាត់​​​​​​ចំពោះ​​​ការ​​​រឹប​​​អូស​​​​​រថយន្ត​​​ទំនើប​​​មួយ​​​គ្រឿង​​​​​​​​​ពី​​​អ្នក​​​ជួញ​​​ដូរ​​គ្រឿង​​​​​​ញៀន​​​​​​ម្នាក់ ហើយ​​​បាន​​​ប្រគល់​​​រថយន្ត​​​​​​​​​​​​​​​នោះ​​​ទៅ​​​កូនប្រុស​​​របស់​​​លោក​​​។

cam-mealaktei1-channa
ប៉ូលិស​នាំខ្លួន​លោក អាំង​ មាលតី ​អតីត​ប្រធាន​តុលាការ​ក្រុង​ភ្នំពេញចូល​​តុលាការ​ខេត្ត​កណ្តាល​កាលពី​ម្សិលមិញ​។ រូបថតៈ ស៊ីវ ចាន់ណា​/The Cambodia Daily

លោក អាំង​​​ មាលតី​​​ ត្រូវ​​​បាន​​​ចាប់ខ្លួន​​​នៅ​​​ទីស្នាក់ការ​​​​​​ អ.ប.ព. ក្នុង​​​រាជធានី​​​ភ្នំពេញ​​​នៅ​​​ម៉ោង​​​​​​​​​​​​១២ និង​​​១០នាទី​​​ថ្ងៃត្រង់ ថ្ងៃសុក្រ រយៈពេល​​​ប្រហែល​​​៦ខែ​​​បន្ទាប់ពី​​​ លោក​​​ត្រូវ​​​បាន​​​បណ្តេញ​​​​​​​​​ចេញ​​​ពី​​​​​​សាលា​​​ដំបូង​​​រាជធានី​​​ភ្នំពេញ ហើយ​​​បាន​​​​​​ទទួល​​​តួនាទី​​​​​​​​នៅ​​​ក្រសួង​​​យុត្តិធម៌។

លោក ឱម យ៉ិនទៀង ប្រធាន​​​អង្គភាព ​​​អ.ប.ព. បាន​​​លើកឡើង​​​តាម​​​សារ​​​ជា​​​អក្សរ​​​កាល​​​​​​ពី​​​ម្សិល​​​មិញ​​​ថា សាលា​​​ដំបូង​​​ខេត្ត​​​កណ្តាល​​​​​​​​​​​​នឹង​​​សាក​​​សួរ​​​​​​លោក អាំង​​​ មាលតី ជុំវិញ​​​អ្វី​​​ដែល​​​បាន​​​​​​​​​កើត​​​ឡើង​​​ចំពោះ​​​រថយន្ត​​​​​​អូឌី (Audi) ដែល​​​ត្រូវ​​​បាន​​​រឹបអូស​​​​​​ជា​​​ផ្នែក​​​មួយ​​​​​​នៃ​​​ការ​​​ស៊ើប​​​​​​​​​​​​​​​អង្កេត​​​របស់​​​សាលា​​​ដំបូង​​​រាជ​​​ធានី​​​ភ្នំពេញ​​​ពី​​​អ្នក​​​ជួញ​​​ដូរ​​គ្រឿង​​​ញៀន ឈ្មោះ ថាវ ថាវី។

លោក ឱម យ៉ិនទៀង បាន​​​លើក​​​ឡើង​​​ថា ​​​”​​​យើង​​​បាន​​​រក​​​ឃើញ​​​ថា លោក ​​​ថាវ ថាវី ​​​ដែល​​​​​​ពី​​​ដំបូង​​​​​ត្រូវ​​​បាន​​​ចាប់ខ្លួន​​​​​​​​​កាល​​​ពី​​​ថ្ងៃ​​​ទី​​​២៥ ខែ​​​វិច្ឆិកា ឆ្នាំ​​​ ២០១៤ ហើយ​​​ត្រូវ​​​បាន​​​ដោះ​​​លែង​​​​​​​​ឲ្យ​​​នៅ​​​ក្រៅ​​​ឃុំ​​​​​​កាលពី​​​ថ្ងៃ​​​ទី​​​៦ ខែ​​​កុម្ភៈ ឆ្នាំ​​​២០១៥​​​​​​​​​នោះ បាន​​​ជាប់​​​ពាក់​​​ព័ន្ធ​​​ជាមួយ​​​លោក ​​​អាំង មាលតី ​​​ក្នុង​​​ការ​​​ប្រើ​​​ប្រាស់​​​​​​រថយន្ត​​​អូឌី ​​​​​​មិន​​​ត្រឹមត្រូវ​​​កាលពី​​​ឆ្នាំ​​​២០១០ ដែល​​​មាន​​​តម្លៃ​​​៦៧​​​.០០០​​​ដុល្លារ​​​ ហើយ​​​ [លោក​​​ អាំង ​​​មាលតី] បាន​​​​​​រឹបអូស​​​យក​​​រថយន្ត​​​នោះ​​​​​​ដើម្បី​​​ជា​​​ប្រយោជន៍​​​ផ្ទាល់​​​ខ្លួន”។

កាលពី​​​ថ្ងៃ​​​សៅរ៍ លោក ឱម ​​​យ៉ិនទៀង ​​​បាន​​​​​​​​​មាន​​​ប្រសាសន៍​​​ថា ​​​អ.ប.ព. ​​​បាន​​​ចាប់​​​ខ្លួន​​​អតីត​​​ប្រធាន​​​​​​​​​តុលាការ​​​រូប​​​នេះ​​​ បន្ទាប់ពី​​​លោក​​​ត្រូវ​​​បាន​​​​​​សាកសួរ​​​​​​នៅ​​​​​​ទីស្នាក់ការ​ អ.ប.ព. និង​​​ដោយ​​​សារ​​​​​​ចម្លើយ​​​របស់​​​គាត់​​​​​​ស៊ី​​​គ្នា​​​នឹង​​​ភ័ស្តុ​​​តាង​​​ដែល​​​​​​​​​​​​ក្រុម​​​ស៊ើបអង្កេត​​​បាន​​​​​​ប្រមូល​​​រួច​​​ហើយ​​​។

លោក​​​បាន​​​​​​លើក​​​ឡើង​​​នៅ​​​ពេល​​​នោះ​​​ថា ​​​”​​​សូម​​​កុំ​​​យល់​​​ច្រឡំ៖ ​​​យើង​​​​​​មិន​​​បាន​​​ចាប់​​​ខ្លួន​​​គាត់​​​​​​​​​​​​នៅ​​​តាម​​​ផ្លូវ​​​ទេ។ យើង​​​បាន​​​អញ្ជើញ​​​គាត់​​​មក​​​​​ដើម្បី​​​​​​ស្ដាប់​​​ការ​​​បក​​​ស្រាយ​​​របស់​​​គាត់​​​នៅ អ.ប.ព.។

លោក លឹម សុគន្ថា ព្រះរាជអាជ្ញា​​​សាលា​​​​​​​​​ដំបូង​​​ខេត្ត​​​កណ្ដាល​​​បាន​​​មាន​​​ប្រសាសន៍​​​​​​​​​កាលពី​​​ម្សិលមិញ​​​ថា លោក​​​បាន​​​​​​ចោទ​​​ប្រកាន់​​​លោក ​​​អាំង មាលតី ​​​​​​ជា​​​បណ្ដោះ​​​អាសន្ន​​​ពី​​​បទ​​​គៃ​​​បំបាត់​​​ដោយ​​​​​​ចេតនា​​​ ជា​​​ការ​​​ចោទ​​​ប្រកាន់​​​​​​​​​​​​តែ​​​មួយ​​​​​​ដែ​​ល​​​​​​ត្រូវ​​​មាន​​​ទោស​​​ជាប់​​​ពន្ធនាគារ​​​រហូត​​​ដល់​​​១០​​​ឆ្នាំ។

​​​ព្រះរាជអាជ្ញារូប​​​នេះ​​​​​​បាន​​​មាន​​​ប្រសាសន៍​​​ថា​​​​​​”​​​ខ្ញុំ​​​បាន​​​ចោទ​​​​​​​​​​​​​​​ប្រកាន់​​​គាត់​​​… ហើយ​​​បាន​​​ប្រគល់​​​គាត់​​​ឲ្យ​​​ចៅក្រម​​​​​​​​​​​​ស៊ើបសួរ​​​ អុី សុវណ្ណ ដើម្បី​​​បន្ត​​​នីតិវិធី​​​”។ ​​​លោក​​​​​​​​​បន្ថែម​​​ថា “​​​ខ្ញុំ​​​មិន​​​ដឹង​​​ថា តើ​​​ចៅក្រម​​​រូប​​​នេះ​​​​​​​​​បាន​​​​​​សម្រេច​​​ឃុំខ្លួន​​​គាត់​​​ឬ​​​យ៉ាង​​​ណា​​​នោះ​​​ឡើយ”។

លោក លឹម សុគន្ថា ​​​មិន​​​បាន​​​​​​លើក​​​ឡើង​​​ថា ​​​​​​តើ​​​ចៅក្រម សុវណ្ណ បាន​​​ចោទ​​​​​​ប្រកាន់​​​លោក ​​​​​​អាំង មាលតី ​​​ឬ​​​អត់​​​ឡើយ​​​។ ចៅក្រម​​​រូប​​​នេះ​​​មិន​​​អាច​​​​​​ទាក់​​​ទង​​​សុំ​​​អត្ថាធិប្បាយ​​​បាន​​​ទេ។

លោក​​​ អាំង មាលតី ត្រូវ​​​បាន​​​ដក​​​ចេញពី​​​តួនាទី​​​របស់​​​លោក​​​នៅ​​​​​​សាលា​​​ដំបូង​​​រាជធានី​​​​​​កាល​​​ពី​​​ថ្ងៃ​​​ទី​​​១៧ ខែ​​​កុម្ភៈ តែ​​​ប៉ុន្មាន​​​ម៉ោង​​​ប៉ុណ្ណោះ​​​បន្ទាប់ពី​​​លោក​​​នាយក​​​រដ្ឋមន្ត្រី​​​ ហ៊ុន ​​​សែន បាន​​​លើ​​ក​​​ឡើង​​​នៅ​​​​​ក្នុង​​​សុន្ទរកថា​​​មួយ​​​ថា មន្ត្រី​​​តុលាការ​​​​​​បាន​​​ទទួល​​​សំណូក​​​​​​រាប់​​​លាន​​​ដុល្លារ​​​​ក្នុងការ​​​​ដោះលែង​​​​​​ឪពុក​​​ម្ដាយ​​​​​​លោក ​​​ថោង សារ៉ាត់ មន្ត្រី​​​​​​ក្រសួង​​​ការ​​​ពារ​​​ជាតិ​​​​​​ដែល​​​ប្រឈម​​​ការ​​​ចោទ​​​ប្រកាន់​​​ពី​​​បទ​​​រៀបចំ​​​​​​ការ​​​ធ្វើ​​​ឃាត​​​ឧកញ៉ា អុឹង ម៉េងជឺ កាលពី​​​​​​ខែ​​​វិច្ឆិកា។

កាលពី​​​ចុង​​​ខែ​​​កុម្ភៈ នគរ​​​បាល​​​​​​ជាតិ​​​បាន​​​បង្ហោះ​​​សេចក្ដី​​​ថ្លែងការណ៍​​​​​​មួ​​យ​​​​​​នៅ​​​ក្នុង​​​​​​គេហ​​​ទំព័រ​​​របស់​​​ខ្លួន​​​​​​​​​ ដោយ​​​ចោទ​​​ប្រកាន់​​​លោក ​​​អំាង ​​​​​​​​​មាលតី ថា​​​បាន​​ឲ្យ​​​រថយន្ត​​​ទំនើប​​​របស់​​​លោក ​​​ថាវ ថាវី ​​​ទៅ​​​កូន​​​ប្រុស​​​របស់​​​ខ្លួន​​​ដែល​​​ជា​​​អធិការ​​​​​​​​​​​​​​​រង​​​នគរ​​​បាល​​​​​​ខណ្ឌ​​​៧មករា។

កាលពី​​​ថ្ងៃ​​​ទី​​​៧ ខែ​​​សីហា សាលា​​​​​​ដំបូង​​​រាជ​​​ធាន​​ី​​​ភ្នំពេញ​​​បាន​​​ផ្ដន្ទាទោស​​​លោក ថាវ ថាវី ​​​ពី​​​បទ​​​ជួញដូរ​​​ថ្នាំញៀន​​​មេតំ​​​ហ្វេតាមីន​​​ឲ្យ​​​ជាប់​​​ពន្ធនាគារ​​​២ឆ្នាំ ប៉ុន្តែ​​​​​​បាន​​​តម្រូវ​​​ឲ្យ​​​អនុវត្ត​​​ទោស​​​តែ​​​៨ខែ​​​ប៉ុណ្ណោះ។

​​​រយៈ​​​ពេល​​​ប៉ុន្មាន​​​ខែ​​​​​​បន្ទាប់ពី​​​​​​ដក​​​លោក ​​​អាំង ​​​​​​មាលតី​​​ ចេញ អ.ប.ព. បាន​​​លើក​​​ឡើង​​​ថា ​​​ខ្លួន​​​កំពុង​​​​​​​​​​​​ប្រមូល​​​ភ័ស្តុ​​​តាង​​​​​​​​​ប្រឆាំង​​​រូប​​​គាត់ ប៉ុន្តែ​​​ដំណើរ​​​ការ​​​នេះ​​​ត្រូវ​​​បាន​​​រក្សា​​​ជា​​​ការ​​​សម្ងាត់។

មន្ត្រី​​​មួយ​​​ចំនួន​​​ រួម​​​ទាំង​​​លោក ផៃ ​​​ស៊ីផាន ​​​អ្នក​​​នាំ​​​ពាក្យ​​​ទីស្ដីការ​​​គណៈរដ្ឋមន្ត្រី​​​​​​ផង​​​បាន​​​លើក​​​ឡើង​​​​​​​​​​​​ថា ទំនាក់​​​ទំនង​​​លក្ខណៈ​​​បុគ្គល​​​​​​ជិត​​​ស្និទ្ធ​​​រវាង​​​លោក អាំង មាលតី និង​​​លោក​​​ ឱម ​​​​​​យ៉ិន​​​ទៀង រារាំង​​​ដល់​​​ការ​​​ស៊ើបអង្កេត​​​។

លោក អំ សំអាត អ្នក​​​គ្រប់​​​គ្រង​​​បច្ចេក​​​ទេស​​​​​​​​​​​​នៅ​​​អង្គការ​​​សិទ្ធិ​​មនុស្ស​​​លី​​​កា​​​ដូ ​​​មាន​​​ប្រសាសន៍​​​​​​​​​កាលពី​​​ម្សិលមិញ​​​ថា សំណុំរឿង​​​​​​របស់​​​លោក ​​​អាំង មាលតី ទំនង​​​ជា​​​ត្រូវ​​​​​​​​​បញ្ជូន​​​ទៅ​​​សាលា​​​ដំបូង​​​ខេត្ត​​​កណ្ដាល ពីព្រោះ​​​​​​គាត់​​​អាច​​​ទទួល​​​បាន​​​​​​​​​ការ​​​​​​​​​អនុគ្រោះ​​​ពីសំណាក់​​​​​​អតីត​​​សហ​​​សេវិក​​​របស់​​​គាត់​​​ ប្រសិន​​​បើ​​​​​​​​​សំណុំរឿង​​​នេះ​​​​​​ ​​​​​​​​​​​​ត្រូវ​​​បាន​​​​​​​​​​​​បញ្ជូន​​​ទៅ​​​សាលា​​​​​​ដំបូង​​​រាជធានី​​​។

លោក​​​បាន​​​មាន​​​ប្រសាសន៍​​​ថា “​​​ខ្ញុំ​​​គិ​​ត​​​ថា ​​​អាជ្ញាធរ​​​មិន​​​បាន​​​​​​បញ្ជូន​​​គាត់​​​ទៅ​​​សាលា​​​ដំបូង​​​រាជធានី​​​ភ្នំពេញ​​​ទេ ពីព្រោះ​​​នឹង​​​បណ្ដាល​​​ឲ្យ​​​មាន​​​​​​​​​ទំនាស់​​​​​​ផល​​​ប្រយោជន៍​​​។ អាជ្ញាធរ​​​បាន​​​បញ្ជូន​​​គាត់​​​ទៅ​​​សាលា​​​ដំបូង​​​ខេត្ត​​​កណ្ដាល​​​វិញ ពីព្រោះ​​​មន្ត្រី​​​តុលាការ​​​​​​ដែល​​​ទទួល​​​ខុស​​​ត្រូវ​​​សំណុំរឿង​​​នេះ​​​នៅ​​​ទីនោះ​​​​​​​​​ នឹង​​​អាច​​​​​​ដាក់​​​សម្ពាធ​​​​​​​​​អំឡុង​​​ការ​​​សាកសួរ​​​”៕ សារុន​​​​​​​​​​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស