 ហើយនៅថ្ងៃចន្ទ ទី៤ កញ្ញា នេះ ក្រោមហេតុផលដោយសារតែលោកមានភារកិច្ចចាំបាច់ផ្ទាល់ខ្លួន។){kind=link}
លោក ប៉ា ងួនទៀង ប្រកាសលាលែងពីតួនាទីជានាយកប្រតិបត្តិដែលជាប្រធាននៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) ហើយនៅថ្ងៃចន្ទ ទី៤ កញ្ញា នេះ ក្រោមហេតុផលដោយសារតែលោកមានភារកិច្ចចាំបាច់ផ្ទាល់ខ្លួន។
ប្រធានមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ លោក ប៉ា ងួនទៀត បានដាក់លិខិតលាឈប់ពីតួនាទីជូនក្រុមប្រឹក្សាភិបាលនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ កាលពីថ្ងៃទី១ ខែកក្កដា ឆ្នាំ២០២៣ និងត្រូវបានផ្សព្វផ្សាយនៅថ្ងៃទី៤ កញ្ញា នេះថា លោកបានអស់សុពលភាពពីតួនាទីចាប់តាំងពីថ្ងៃទី៣១ ខែសីហា ឆ្នាំ២០២៣ មកម្ល៉េះ ដែលជាថ្ងៃបញ្ចប់កិច្ចសន្យាការងារជាផ្លូវការរវាងរូបលោកជាមួយមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM)។
លោក ប៉ា ងួនទៀង អះអាងថា លោកពិតជាមានមោទនភាពដោយបានបង្កើត និងបានដឹកនាំមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) នាពេលកន្លងមក ហើយក៏មានមោទនភាពចំពោះទឹកចិត្ត និងការខិតខំគ្រប់បែបយ៉ាងរបស់បុគ្គលិក និងថ្នាក់ដឹកនាំគ្រប់គ្នារបស់ស្ថាប័ននេះរហូតមកផងដែរ។
ប្រធានមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យរូបនេះសម្ដែងនូវការអរគុណដល់ម្ចាស់ជំនួយ និងដៃគូផ្តល់ជំនួយទាំងអស់ ដែលបាន និងបន្តផ្ដល់មូលនិធិគាំទ្រដល់មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ដើម្បីលើកស្ទួយការគោរពសិទ្ធិមនុស្ស និងប្រជាធិបតេយ្យនៅកម្ពុជា។
លោក ប៉ា ងួនទៀង ក៏ថ្លែងអំណរអរគុណដល់សមាជិកទាំងអស់នៃក្រុមប្រឹក្សាភិបាល CCIM ផងដែរ ដែលបានបំពេញការងារតាមតួនាទី និងភារកិច្ចរៀងខ្លួនក្នុងបេសកកម្មរបស់មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យរហូតដល់សព្វថ្ងៃនេះ និងបន្តទៅមុខទៀត។
មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) ត្រូវបានបង្កើតឡើងនៅឆ្នាំ២០០៧ និងបានចុះបញ្ជីនៅក្រសួងមហាផ្ទៃជាអង្គការក្រៅរដ្ឋាភិបាលក្រោមការបង្កើតឡើង និងដឹកនាំដោយលោក ប៉ា ងួនទៀង ដែលជាអតីតអនុប្រធានមជ្ឈមណ្ឌលសិទ្ធិមនុស្សកម្ពុជា ដោយទទួលបានការឧបត្ថម្ភពីម្ចាស់ជំនួយភាគច្រើនមកពីបណ្តាប្រទេសនៅអឺរ៉ុប ដូចជាអង់គ្លេស ស៊ុយអែត និងអាល្លឺម៉ង់ ជាដើម។
បន្ទាប់ពីបង្កើត និងដឹកនាំមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យបានប្រមាណជា ២ឆ្នាំ លោក ប៉ា ងួនទៀង បានដាក់ពាក្យសុំអាជ្ញាប័ណ្ណទៅក្រសួងព័ត៌មាន ដើម្បីដំណើរការវិទ្យុ វីអូឌី ដែលមានឈ្មោះពេញថា «វិទ្យុសំឡេងប្រជាធិបតេយ្យ ឬ Voice of Democracy» បន្ថែមទៀតដែលបានដំណើរការផ្សាយនៅអំឡុងឆ្នាំ២០០៩ ដើម្បីលើកកម្ពស់អភិបាលកិច្ចតាមបែបប្រជាធិបតេយ្យ និងការអនុវត្តសិទ្ធិមនុស្សនៅក្នុងប្រទេសកម្ពុជា ប៉ុន្តែជាអកុសល វិទ្យុសំឡេងប្រជាធិបតេយ្យនេះត្រូវបានរដ្ឋាភិបាលកម្ពុជាបិទជាស្ថាពរនៅចុងឆ្នាំ២០២២ ក្រោយពីលោក ប៉ា ងួនទៀង បានភៀសខ្លួនមករស់នៅសហរដ្ឋអាមេរិកផងដែរ បន្ទាប់ពីលោករងនូវការគាបសង្កត់សិទ្ធិសេរីភាពពីរដ្ឋាភិបាលកម្ពុជានាពេលកន្លងមក៕