រដ្ឋាភិបាលថៃរងការរិះគន់ពីការប្រើផ្សារជួញដូរជនភៀសខ្លួនជាមួយរដ្ឋាភិបាលនៃប្រទេសក្បែរខាងខ្លួន

អង្គការឃ្លាំមើលសិទ្ធិមនុស្សអន្តរជាតិ (Human Rights Watch) បានលាតត្រដាងថា ប្រទេសថៃ ហាក់ដូចជាផ្សារជួញដូរមួយ ឬ Swap Mart ដែលកំពុងត្រូវបានកំណត់ជាទីតាំងគោលដៅក្នុងការដោះដូរជនភៀសខ្លួន ឬអ្នកដែលស្វែងរកសិទ្ធិជ្រកកោននយោបាយពីប្រទេសជិតខាង ដោយចាត់វិធានការខុសច្បាប់ដើម្បីធ្វើឲ្យពួកគេគ្មានសុវត្ថិភាពក្នុងការភៀសខ្លួនពីការធ្វើទុក្ខបុកម្នេញពីរដ្ឋាភិបាលរបស់ពួកគេ។

Human Rights Watch បានចេញរបាយការណ៍របស់ខ្លួននៅថ្ងៃទី១៦ ឧសភា នេះថា អាជ្ញាធរថៃ កំពុងជួយរដ្ឋាភិបាលប្រទេសជិតខាង ដូចជាប្រទេសកម្ពុជា វៀតណាម ឡាវ និងភូមា ជាដើម ដើម្បីចាត់វិធានការខុសច្បាប់លើជនភៀសខ្លួន និងអ្នកប្រឆាំងមកពីបរទេស ដែលធ្វើឲ្យប្រទេសថៃ កាន់តែគ្មានសុវត្ថិភាពសម្រាប់អ្នកដែលភៀសខ្លួនពីការធ្វើទុក្ខបុកម្នេញពីរដ្ឋាភិបាលរបស់ពួកគេ។

របាយការណ៍ដដែលនេះបង្ហាញថា គោលដៅនៃការគាបសង្កត់ឆ្លងដែនដែលមានការសហការជាមួយប្រទេសជិតខាង ត្រូវបានកំណត់ក្នុងផ្សារដោះដូរដែលអ្នកប្រឆាំងបរទេសរត់ភៀសខ្លួនទៅរស់នៅក្នុងប្រទេសថៃ ត្រូវបានគេជួញដូរយ៉ាងមានប្រសិទ្ធភាពជាមួយនឹងអ្នករិះគន់រដ្ឋាភិបាលថៃ ដែលភៀសខ្លួនទៅរស់នៅឯបរទេស។

ត្រង់ចំណុចនេះ គឺមានន័យថា អ្នករិះគន់រដ្ឋាភិបាលកម្ពុជាដែលគេចខ្លួនទៅរស់នៅប្រទេសថៃ និងអ្នករិះគន់រដ្ឋាភិបាលថៃ ហើយរត់គេចខ្លួនទៅរស់នៅប្រទេសកម្ពុជា ជាដើម នឹងត្រូវបានដោះដូររវាងអាជ្ញាធរនៃប្រទេសទាំងពីរ។

នាយកប្រចាំតំបន់អាស៊ីនៃអង្គការឃ្លាំមើលសិទ្ធិមនុស្ស អ្នកស្រី Elaine Pearson លើកឡើងថា អាជ្ញាធរថៃ បានបង្កើនការចូលរួមនៅក្នុង «ផ្សារជួញដូរ» ជាមួយរដ្ឋាភិបាលប្រទេសជិតខាង ដើម្បីផ្លាស់ប្ដូរអ្នកប្រឆាំងគ្នាទៅវិញទៅមកដោយខុសច្បាប់។

អ្នកស្រីបន្ថែមថា នាយករដ្ឋមន្ត្រីថៃ លោក ស្រេតថា ថាវីស៊ីន គួរតែទម្លាយការអនុវត្តនេះ ហើយកាត់ទោសមន្ត្រីថៃ ដែលសហការខុសច្បាប់ជាមួយរដ្ឋាភិបាលបរទេសដែលប្រព្រឹត្តលើដីថៃសព្វថ្ងៃនេះ។

ការអះអាងនេះ ធ្វើឡើងស្របពេលដែលមានករណីផ្ទុះឡើងនូវការចាប់ខ្លួនជនភៀសខ្លួន ឬអ្នកដែលស្វែងរកសិទ្ធិជ្រកកោននយោបាយក្នុងប្រទេសថៃ ដែលត្រូវបានចាប់ខ្លួនពីអាជ្ញាធរថៃ ជាបន្តបន្ទាប់សព្វថ្ងៃនេះ។

ទិន្នន័យសង្គមស៊ីវិល បង្ហាញថា សកម្មជនថៃ មួយចំនួន ត្រូវបានសម្លាប់ ឬបាត់ខ្លួននៅក្នុងប្រទេសកម្ពុជា ឡាវ និងវៀតណាម ជាដើម នាពេលកន្លងមក ហើយការបាត់ខ្លួននេះ ត្រូវគេសង្ស័យថាបានធ្វើឡើងតាមរយៈផ្សារជួញដូររវាងរដ្ឋាភិបាលនៃប្រទេសទាំងនេះ។

“Swap mart” ឬផ្សារជួញដូរ ត្រូវបានបង្កើតឡើងក្រោមរដ្ឋាភិបាលយោធានៃក្រុមប្រឹក្សាជាតិដើម្បីសន្តិភាព និងសណ្ដាប់ធ្នាប់របស់ប្រទេសថៃ ក្រោយថ្ងៃរដ្ឋប្រហារកាលពីអំឡុងខែឧសភា ឆ្នាំ២០១៤ និងបានបន្តប្រើប្រាស់ក្រោមរដ្ឋាភិបាលរបស់អតីតនាយករដ្ឋមន្ត្រីយោធាថៃ លោក ប្រាយុទ្ធ ចាន់អូរចា ចាប់ពីឆ្នាំ២០១៩ មក។

ទាក់ទិននឹងបញ្ហានេះ កាលពីពាក់កណ្តាលខែកញ្ញា ឆ្នាំ២០២១ ទីប្រឹក្សាផ្ទាល់របស់លោក ហ៊ុន សែន គឺលោក សុខ សុក្រឹត្យា បានស្នើឱ្យរដ្ឋមន្ត្រីក្រសួងយុត្តិធម៌ថៃ លោក Somsak Tepsuthin ចាត់វិធានការលើសកម្មជនបក្សប្រឆាំងដែលកំពុងរស់នៅ និងធ្វើការនៅប្រទេសថៃ។

ការធ្វើបែបនេះ ក្នុងបំណងដើម្បីជួយទប់ស្កាត់សកម្មភាពរបស់សកម្មជនបក្សប្រឆាំងដែលកំពុងរស់នៅប្រទេសថៃ ដែលតែងធ្វើសកម្មភាពរិះគន់រដ្ឋាភិបាលកម្ពុជា តាមបណ្ដាញសង្គម និងបណ្ដាញសារព័ត៌មានពីក្នុងទឹកដីថៃ កន្លងមក។

លោក សុខ សុក្រឹត្យា អះអាងថា រដ្ឋមន្ត្រីក្រសួងយុត្តិធម៌ថៃ លោកបានបញ្ជាក់ថា រាជរដ្ឋាភិបាលថៃ និងកម្ពុជា មានទំនាក់ទំនង និងកិច្ចសហប្រតិបត្តិការល្អនឹងគ្នា ហើយថៃ គ្មាននយោបាយគាំទ្រ ឬផ្តល់ទឹកដីឱ្យជនណាធ្វើសកម្មភាពប្រឆាំងនឹងរាជរដ្ឋាភិបាលកម្ពុជា លើទឹកដីរបស់ខ្លួន ដែលនាំឱ្យប៉ះពាល់ដល់ទំនាក់ទំនងល្អរវាងប្រទេសទាំងពីរឡើយ។

ជាលទ្ធផលក្រោយកិច្ចព្រមព្រៀងនេះ ជនភៀសខ្លួនខ្មែរដែលជាសកម្មជនបក្សប្រឆាំង ដូចជា លោក ផាន់ ផាណា, លោក គង់ រ៉ៃយ៉ា និងលោក ឡឹម សុខា និងក្រុមគ្រួសាររបស់ពួកគេ ត្រូវបានអាជ្ញាធរថៃ ចាប់ខ្លួនកាលពីដើមខែកុម្ភៈ ឆ្នាំ២០២៤ នេះ បន្ទាប់ពីសកម្មជននយោបាយទាំងនោះភៀសខ្លួនទៅរស់នៅប្រទេសថៃ ដើម្បីស្វែងរកសិទ្ធិជ្រកកោននយោបាយ ដោយសារបារម្ភអំពីការធ្វើទុក្ខបុកម្នេញពីរដ្ឋាភិបាលកម្ពុជា។

ជុំវិញបញ្ហានេះ ក្នុងដំណើរទស្សនកិច្ចទៅកាន់ប្រទេសថៃ កាលពីថ្ងៃទី៧ ខែកុម្ភៈ ឆ្នាំ២០២៤ លោក ហ៊ុន ម៉ាណែត បានថ្លែងអំណរគុណដល់នាយករដ្ឋមន្ត្រីថៃ លោក ស្រេតថា ថាវីស៊ីន ចំពោះការបង្ក្រាបសកម្មជននយោបាយដែលបានប្រើប្រាស់ទឹកដីថៃ ប្រឆាំងនឹងរដ្ឋាភិបាលកម្ពុជាកន្លងមក។

ទិន្នន័យសង្គមស៊ីវិល បង្ហាញថា គិតត្រឹមចុងខែធ្នូ ឆ្នាំ២០២៣ កន្លងទៅ សកម្មជនសង្គម និងសកម្មជននយោបាយខ្មែរចំនួន ៧នាក់ហើយដែលជ្រកកោននៅប្រទេសថៃ ត្រូវបានអាជ្ញាធរថៃ ចាប់ខ្លួន និងឃុំខ្លួន បើទោះពួកគេមានបណ្ណស្នាក់នៅបណ្ដោះអាសន្នក្នុងនាមជាជនភៀសខ្លួនដែលចេញដោយឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សហើយ (UNHCR) ក៏ដោយ៕

រដ្ឋាភិបាលថៃរងការរិះគន់ពីការប្រើផ្សារជួញដូរជនភៀសខ្លួនជាមួយរដ្ឋាភិបាលនៃប្រទេសក្បែរខាងខ្លួន

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

រដ្ឋបាលខេត្តប៉ៃលិន ច្រានចោលព័ត៌មានដែលថាទាហានថៃ ឈ្លានពានចូលកាន់កាប់ទឹកដីរបស់ខ្លួន

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន