រដ្ឋមន្ត្រីការបរទេសកម្ពុជាជួបបណ្ដាអង្គទូតប្រចាំកម្ពុជា ដើម្បីពន្យល់ពីការវិវឌ្ឍនៃបញ្ហាព្រំដែនកម្ពុជា-ថៃ

រដ្ឋមន្ត្រីការបរទេស និងសហប្រតិបត្តិការអន្តរជាតិ លោក ប្រាក់ សុខុន នៅព្រឹកថ្ងៃទី១៧ ខែមិថុនា នេះ បាបជួបជាមួយបណ្ដាអង្គទូតប្រចាំនៅកម្ពុជា ដើម្បីពន្យល់ពីការវិវឌ្ឍនៃស្ថានការណ៍បញ្ហាព្រំដែនកម្ពុជា-ថៃ ហើយកម្ពុជាក៏បានពន្យល់អំពីការបញ្ជូនសំណុំរឿងប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅកាន់តុលាការយុត្តិធម៌អន្តរជាតិ (ICJ) ផងដែរ។

យោងតាមហ្វេសប៊ុករបស់ក្រសួងការបរទេសកម្ពុជា នៅថ្ងៃអង្គារ ទី១៧ ខែមិថុនា នេះ បានសរសេរថា លោក ប្រាក់ សុខុន បានពន្យល់ពីការវិវឌ្ឍនៃជម្លោះព្រំដែនកម្ពុជា-ថៃ ទៅកាន់បណ្តាអង្គទូតបរទេសចំនួន ២៧ ប្រចាំនៅកម្ពុជា។ លោកក៏បានរៀបរាប់ឡើងវិញពីសារបាននៃព្រឹត្តិការណ៍ថ្ងៃទី២៨ ខែឧសភា ឆ្នាំ២០២៥ ដែលទាហានថៃ បានចូលឈ្លានពាននៅលេណដ្ឋានកម្ពុជា នៅតំបន់មុំបី ក្នុងខេត្តព្រះវិហារ ដែលបណ្តាលឲ្យទាហានខ្មែរម្នាក់ស្លាប់បាត់បង់ជីវិត។

ប្រភពដដែលអះអាងថា លោក ប្រាក់ សុខុន ក៏បានលើកឡើងពីវិធានការ និងសកម្មភាពជាឯកតោភាគីរបស់ថៃ ដូចជាការបំពាន និងគំរាមកំហែងមកលើកម្ពុជា ដូចជាការបន្ថយម៉ោងបើកច្រកទ្វារព្រំដែន ការផ្តាច់អ៊ីនធឺណិត និងឈប់ផ្គត់ផ្គង់អគ្គិសនី ជាដើម។

លោក ប្រាក់ សុខុន បញ្ជាក់ទៀតថា ដោយសារតែការបំពាន និងការគំរាមរបស់ភាគីថៃ យ៉ាងដូច្នេះ រដ្ឋាភិបាលកម្ពុជាបានសម្រេចដាក់ចេញនូវវិធានការចាំបាច់មួយចំនួនតាមរយៈយោធា ការទូត និងផ្លូវច្បាប់ ដើម្បីការពារនូវភាពយុត្តិធម៌ សេចក្តីត្រឹមត្រូវ សុចរិតភាព ប្រយោជន៍ និងសេចក្តីថ្លៃថ្នូររបស់ជាតិ និងប្រជាជនកម្ពុជា។

ស្ថានការណ៍ព្រំដែនកម្ពុជា-ថៃ កាន់តែមានភាពតានតឹងខ្លាំងចាប់ពីថ្ងៃទី២៨ ខែឧសភា ឆ្នាំ២០២៥ ដោយសារទ័ពថៃ បានឈ្លានពានទឹកដីកម្ពុជានៅតំបន់មុំបី ហើយផ្ដើមបាញ់ទាហានកម្ពុជា បណ្ដាលឱ្យស្លាប់ម្នាក់។ ករណីនេះ កម្ពុជាថ្កោលទោសយ៉ាងខ្លាំង។ បន្ទាប់មក ថៃបន្តបំពាន និងគំរាមកំហែងកម្ពុជាជាបន្តបន្ទាប់ រហូតរីករាលដាលដល់ការបង្រួមម៉ោងចេញចូលតាមច្រកព្រំដែន ព្រោះតែថៃ សម្រេចបិទច្រកព្រំដែនជាឯកតោភាគី ហើយថែមទាំងគំរាមក្នុងការផ្តាច់អ៊ីនធឺណិត និងឈប់ផ្គត់ផ្គង់អគ្គិសនីជាមួយកម្ពុជាថែមទៀត។

ករណីនេះ នៅថ្ងៃទី១៦ ខែមិថុនា កម្ពុជាបានដាក់លិខិតផ្លូវការរបស់ខ្លួនទៅកាន់តុលាការយុត្តិធម៌អន្តរជាតិ (ICJ) ដើម្បីស្នើសុំឲ្យ ICJ ជួយស្វែងរកដំណោះស្រាយជុំវិញវិវាទព្រំដែននៅតំបន់ប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន