ក្នុងចំណោមមន្ត្រីចំនួន២៩នាក់ ដែលលោកនាយករដ្ឋមន្ត្រី ហ៊ុន សែន បានតែងតាំងឧត្តមសេនីយ៍ផ្កាយបួន កាលពីថ្ងៃទី ៣០ ខែ មករា ហើយនាយនគរបាលក្រសួងមហាផ្ទៃចំនួនប្រាំមួយនាក់ទៀតក៏ត្រូវបានតែងតាំងផងដែរនូវឋានន្តរស័ក្តិកំពូលដូចគ្នាកាលពីចុងខែមុន។
រាជក្រឹត្យមួយកាលពីថ្ងៃទី២២ ខែមករាដែលទទួលបានកាលពីម្សិលមិញ បានតែងតាំងឧត្តមសេនីយ៍ឯកនៅក្នុងជួរកងកម្លាំងនគរបាលឲ្យមានឋានន្តរស័ក្តិជាន់ខ្ពស់នៅក្នុងក្រសួងមហាផ្ទៃ។ ក្រឹត្យនេះមានខ្លឹមសារថា “ខ្ញុំបញ្ជាឲ្យមានឋានន្តរស័ក្តិឧត្តមសេនីយ៍ផ្កាយបួនជូនឧត្តមសេនីយ៍នគរបាលទាំ ងនេះក្នុងនគរបាលជាតិរបស់ក្រសួងមហាផ្ទៃ។នាយករដ្ឋមន្ត្រី ហ៊ុន សែន នឹងទទួលអនុវត្តរាជក្រឹត្យនេះចាប់តាំងពីព្រះរាជហត្តលេខានេះទៅ”។
ឧត្តមសេនីយ៍ផ្កាយបួនដែលត្រូវបានតែង តាំងថ្មីៗនេះ រួមមានលោក អ៊ុក គីមលេខ រដ្ឋលេខាធិការក្រសួងមហាផ្ទៃ លោក ខៀវ សុភ័គ អគ្គលេខាធិការ និងលោក ម៉ៅ ប៊ុណ្ណារិន អគ្គនាយកភ័ស្តុភា និងហិរញ្ញវត្ថុ។ ឧត្តមសេនីយ៍ចំនួនបីរូបទៀត គឺលោក ច័ន្ទ អន លោក ម៉ៅ ច័ន្ទតារា និងលោក សុខ ផល ជាអគ្គនាយកនៃស្នងការនគរបាលជាតិ។
ទាំងលោក ខៀវ សុភ័គ ជាអ្នកនាំពាក្យ ក្រសួងមហាផ្ទៃ ទាំងឧត្តមសេនីយ៍ថ្មីចំនួនប្រាំនាក់ទៀត មិនអាចទាក់ទងសុំធ្វើសេចក្តីអត្ថាធិប្បាយបានទេ។
ក្នុងចំណោមមន្ត្រីកងយោធពលខេមរភូមិន្ទចំនួន២៩រូប ដែលត្រូវបានតែងតាំងថ្មីៗនេះជាឧត្តមសេនីយ៍ផ្កាយបួននោះ គឺលោក ទៀ វិញ មេបញ្ជាការទ័ពជើងទឹក និងជាបងប្អូនប្រុសរបស់លោកឧត្តមសេនីយ៍ទៀ បាញ់ និងលោក ដុំ ហាក់ ដែលត្រូវបានចាប់ខ្លួនតាមការចោទប្រកាន់ពីបទជួញដូរគ្រឿងញៀនក្នុងឆ្នាំ២០០៣ ប៉ុន្តែត្រូវបានដោះលែងវិញដោយសារគ្មានភ័ស្តុតាង។
ក៏មានការតែងតាំងលោកឧត្តមសេនីយ៍ឯកកងយោធពលខេមរភូមិន្ទ គៀង សាវុធ ដែលទទួលបន្ទុកកងរាជអាវុធហត្ថក្នុងឆ្នាំ១៩៩៧ផងដែរ ដែលពេលនោះលោកថូម៉ាស់ ហាម៉ាបឺជ (Thomas Hammarberg) ប្រេសិតសិទ្ធិមនុស្សអង្គការសហប្រជាជាតិប្រចាំប្រទេសកម្ពុជា បានលើកឡើងថា ចេនដាម៉េរី (Gendamerie ) ជាសាខានៃកងរាជអាវុធហត្ថមិនគួរត្រូវបានរំសាយ ក្នុងករណីការរំលោភសិទ្ធិមនុស្សធ្ងន់ធ្ងររបស់ខ្លួនទេ។
រដ្ឋាភិបាលរបស់លោក ហ៊ុន សែន បានវែកញែកថា ការតែងតាំងកងរាជអាវុធហត្ថជារឿយៗ ត្រូវបានធ្វើឡើងយ៉ាងហ្មត់ចត់ ដើម្បីបំពេញតំណែងទំនេរ និងផ្តល់រង្វាន់សម្រាប់ការងារល្អ។ ទោះជាយ៉ាងណា ក្រុមអ្នកវិភាគនិងអ្នកសង្កេតការណ៍លើកឡើងថា ការបន្តតែងតាំងឋានន្តរស័ក្តិកំពូលៗនៃកងកម្លាំងប្រដាប់អាវុធ គឺជាវិធីដែល លោក ហ៊ុន សែន ប្រើក្នុងការផ្គាប់ផ្គុនចំណោម អ្នករាជានិយមរបស់ខ្លួនក្នុងផ្នែកយោធា។
ក្នុងឆ្នាំ២០១០ យោធាកម្ពុជាមានឧត្តមសេនីយ៍ចំនួនច្រើនជាងនៅសហរដ្ឋអាមេរិក ដែលមានយោធាដ៏មានអំណាចបំផុតក្នុងពិភពលោករហូតដល់ទៅពីរដង។ ការតែងតាំងមន្ត្រីជាន់ខ្ពស់នេះធ្វើឡើងផងដែរចំពេលមានការប្រឈមមុខគ្នាខាងនយោបាយដ៏តានតឹងមួយរវាងគណបក្សប្រជាជនកម្ពុជា និងគណបក្សប្រឆាំង ដែល កំពុងបដិសេធមិនទទួលស្គាល់ជ័យជម្នះផ្លូវការរបស់គណបក្សប្រជាជនកម្ពុជាក្នុងការបោះឆ្នោតជាតិកាលពីឆ្នាំមុន និងបន្ទាប់ពីបានដឹកនាំមហាបាតុកម្មអំពាវនាវឲ្យលោក ហ៊ុន សែន ចុះពីតំណែង។
លោកស្រី មូរ សុខហួរ ប្រធានកិច្ចការសាធារណៈគណបក្ស សង្គ្រោះជាតិ បានលើកឡើងថា ពេលវេលា និងឋានៈជាន់ខ្ពស់ នៃការតែងតាំងថ្មី នឹងមានបញ្ហាដោយសារតែប្រវត្តិមិនប្រាកដរបស់ឧត្តមសេនីយ៍ថ្មីមួយចំនួន។ លោកស្រីបានថ្លែងថា “យើងព្រួយណាស់អំពីឯករាជភាព និងគុណភាពរបស់កងកម្លាំងប្រដាប់អាវុធ និងគុណសម្បត្តិរបស់អ្នកនឹងត្រូវតែងតាំង និងទាំងនេះមិនមែនជាតួនាទីតូចៗឡើយ ពួកគេមានតួនាទីខ្ពស់បំផុត”។
លោកស្រី សុខហួរ បានមានប្រសាសន៍ថា ការដំឡើងឋានន្តរស័ក្តិនេះ គឺជាការប៉ុនប៉ង មួយដើម្បីបញ្ចៀសការរត់ចេញក្នុងយោធា បន្ទាប់ពីការបង្ហាញនូវលទ្ធផលបោះឆ្នោតដ៏អាក្រក់របស់គណបក្សប្រជាជនកម្ពុជាក្នុងរយៈពេល២០ឆ្នាំនេះ។ មេបញ្ជាការយោធាជាន់ខ្ពស់របស់គណបក្សប្រជាជនកម្ពុជា បច្ចុប្បន្ននេះបានជំរុញឲ្យកងទ័ពការពារមិនត្រឹមតែប្រទេសប៉ុណ្ណោះទេ ប៉ុន្តែថែមទាំងជាពិសេសតំណែងរបស់លោក ហ៊ុន សែនទៀតផង។ លោកស្រី សុខហួរ បានឲ្យដឹងទៀតថា “សកម្មភាពទាំងនេះ ខ្ញុំគិតថា ជាការកសាងកងកម្លាំងមួយ មិនមែនសម្រាប់តែការពារប្រទេសនោះទេ ក៏ប៉ុន្តែសម្រាប់ការពារមនុស្សមួយក្រុម”៕ ប៊ុននី
(រាយការណ៍បន្ថែមដោយ Zsombor Peter)