អ្នកសង្កេតការណ៍ថាកម្ពុជានៅតែត្រូវការយន្តការអន្តរជាតិក្នុងការដោះស្រាយជម្លោះព្រំដែនជាមួយថៃ

អ្នកសង្កេតការណ៍ លើកឡើងថា គណៈកម្មាធិការព្រំដែនទូទៅកម្ពុជា-ថៃ (GBC) គ្រាន់តែជាគណៈកម្មាធិការអនុវត្តិកិច្ចព្រមព្រៀងបទឈប់បាញ់រវាងកម្ពុជា-ថៃ ប៉ុណ្ណោះ មិនមែនជាគណៈកម្មាធិការឯកភាពកំណត់ព្រំដែនរវាងប្រទេសទាំងពីរឡើយ ដូច្នេះកម្ពុជា នៅតែត្រូវការយន្តការអន្តរជាតិក្នុងការដោះស្រាយជម្លោះព្រំដែនជាមួយថៃ។

អ្នកតាមដានភូមិសាស្ត្រនយោបាយនៅតំបន់អាស៊ី-ប៉ាស៊ីហ្វិក លោក សេង វណ្ណលី សរសេរលើគណនីហ្វេសប៊ុករបស់ខ្លួននៅថ្ងៃទី៨ សីហា ថា ថ្វីបើថៃ អាចគ្រប់គ្រងតំបន់ភាគច្រើនបាននៅមុនបទឈប់បាញ់ចូលជាធរមាន ប៉ុន្តែការឯកភាពរក្សាស្ថានភាពទីតាំងឈរជើងនៃកងទ័ពទាំងពីរក្នុងកិច្ចចរចានៅប្រទេសម៉ាឡេស៊ី នាពេលនេះ គ្រាន់តែជាជំហានមួយឆ្ពោះទៅរកការអនុវត្តបទឈប់បាញ់ឲ្យបានពេញលេញប៉ុណ្ណោះ មិនមែនជាការឯកភាពបញ្ចប់ជម្លោះ ឬដំណោះស្រាយនៃការកំណត់ព្រំដែនឡើយ។

លោក សេង វណ្ណលី បញ្ជាក់ថា ប្រសិនបើកម្ពុជា នៅតែបន្តរៀបចំដាក់ពាក្យបណ្តឹងទៅតុលាការអន្តរជាតិ (ICJ) នោះលទ្ធភាពនៃពាក្យបណ្ដឹងរបស់កម្ពុជា អាចនឹងត្រូវបានយកទៅពិចារណាកាន់តែខ្ពស់ ត្បិតជម្លោះប្រដាប់អាវុធម្តងនេះ បានបង្កឲ្យមានការខូចខាត និងបាត់បង់អាយុជីវិតជនស៊ីវិល និងកងទ័ព សម្បត្តិបេតិកភណ្ឌពិភពលោក និងរំលោភសន្ធិសញ្ញា និងអនុសញ្ញាអន្តរជាតិនានាថែមទៀត។

កាលពីថ្ងៃទី៧ សីហា កិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា-ថៃ (Extraordinary GBC Meeting) ត្រូវបានធ្វើឡើងនៅប្រទេសម៉ាឡេស៊ី ដោយមានការចូលរួមសង្កេតការណ៍ពីប្រទេសម៉ាឡេស៊ី សហរដ្ឋអាមេរិក និងសាធារណរដ្ឋប្រជាមានិតចិន។

កិច្ចប្រជុំនេះ បានព្រមព្រៀងគ្នាលើលក្ខខណ្ឌចំនួន ១៣ចំណុចដែលសុទ្ធសឹងតែជាយន្តការធានាឱ្យមានបទឈប់បាញ់ រួមមាន កម្ពុជា-ថៃ ព្រមព្រៀងរក្សាស្ថានភាពទ័ពដូចមុនពេលវេលាចូលជាធរមាននៃបទឈប់បាញ់ នៅម៉ោង ២៤:០០នាទី ថ្ងៃទី២៨ ខែកក្កដា ឆ្នាំ២០២៥ កន្លងទៅ។

ជាងនេះទៀត ភាគីទាំងពីរឯកភាពឱ្យមានយន្តការតាមដានត្រួតពិនិត្យបទឈប់បាញ់របស់ក្រុមសង្កេតការណ៍អាស៊ានផងដែរ។ បន្ថែមពីនេះ គណៈកម្មាធិការព្រំដែនទូទៅ (GBC) នឹងរៀបចំកិច្ចប្រជុំនៅក្នុងរយៈពេល ១ខែក្រោយកិច្ចប្រជុំនៅថ្ងៃទី៧ ខែសីហា នេះ។

លើសពីនេះ ក៏ភាគីទាំងពីរបានឯកភាពគ្នាមិនផ្សព្វផ្សាយព័ត៌មានមិនពិត និងយល់ព្រមរក្សាស្ថានភាពបច្ចុប្បន្ននៃការដាក់ពង្រាយកងទ័ព ដោយមិនមានការចល័តបន្ថែមទៀតក្រោយបទឈប់បាញ់ចូលជាធរមាន រួមទាំងមិនត្រូវឱ្យមានការចល័តកងទ័ព រាប់បញ្ចូលទាំងការល្បាតសំដៅទៅកាន់ទីតាំងភាគីម្ខាងទៀតផងដែរ។

អ្នកឃ្លាំមើលសង្គម លោក អ៊ាប សេង លើកឡើងថា ពេលនេះ កម្ពុជាបានគ្រប់គ្រងតំបន់ជម្លោះជាមួយថៃ បានអស់ហើយ ដូច្នេះការអនុវត្តកិច្ចព្រមព្រៀងសន្តិភាពទីក្រុងប៉ារីស គឺជាវិធីដោះស្រាយដោយសន្តិវិធី ដើម្បីការពារបូរណភាពទឹកដីដែលភាគីថៃ បានចុះហត្ថលេខាដែរនោះ។

លោក អ៊ាប សេង បញ្ជាក់ថា បើកម្ពុជា ចង់ចរចាទ្វេភាគីដើម្បីឱ្យភាគីថៃ មកគ្រប់គ្រងតំបន់ទាំងនោះរួមគ្នាដូចមុនវិញ នោះគឺមានន័យថារដ្ឋាភិបាលបក្សកាន់អំណាចកំពុងតែយកជីវិតយុទ្ធជនខ្មែរមកកំដរល្បែងនយោបាយក្តោបក្តាប់អំណាចរបស់ពួកគេប៉ុណ្ណោះ។

គិតត្រឹមថ្ងៃទី៨ ខែសីហា នេះ ការប្តឹងថៃ លើតំបន់ទាំងបួន រួមមាន តំបន់ប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅតុលាការអន្តរជាតិ គឺស្ងាត់ឈឹង ចាប់តាំងពីនាយករដ្ឋមន្ត្រីកម្ពុជា លោក ហ៊ុន ម៉ាណែត ប្រកាសពីការប្រគល់លិខិតផ្លូវការរបស់កម្ពុជាជូនក្រឡាបញ្ជី Philippe Gautier នៅតុលាការយុត្តិធម៌អន្តរជាតិ (ICJ) កាលពីថ្ងៃទី១៦ ខែមិថុនា ឆ្នាំ២០២៥៕

អ្នកសង្កេតការណ៍ថាកម្ពុជានៅតែត្រូវការយន្តការអន្តរជាតិក្នុងការដោះស្រាយជម្លោះព្រំដែនជាមួយថៃ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន