មេបញ្ជាការថៃភូមិភាគ២ ចោទកម្ពុជារំលោភបទឈប់បាញ់និងសន្ធិសញ្ញាអូតាវ៉ា ក្រោយទាហានថៃបន្តជាន់មីនដាច់ជើង

មេបញ្ជាការភូមិភាគ២ របស់ថៃ ចោទប្រកាន់កម្ពុជាថាបានរំលោភកិច្ចព្រមព្រៀងឈប់បាញ់ និងសន្ធិសញ្ញាអូតាវ៉ាស្តីអំពីមីន បន្ទាប់ពីទាហានថៃម្នាក់បានជាន់មីនដាច់ជើងម្ខាងក្បែរប្រាសាទតាក្របី នៅថ្ងៃពុធ នេះ។

សារព័ត៌មានថៃ ខៅស៊ុត (Khaosod) បានចុះផ្សាយនៅថ្ងៃទី២៧ សីហា នេះថា មេបញ្ជាការភូមិភាគ២ ថៃ ឧត្ដមសេនីយ៍ឯក ប៊ុនស៊ីន ផាតក្លាង (Boonsin Padklang) បានថ្កោលទោសកម្ពុជាយ៉ាងធ្ងន់ធ្ងរចំពោះការបន្តរំលោភលើកិច្ចព្រមព្រៀងឈប់បាញ់ និងអនុសញ្ញាអូតាវ៉ាស្តីអំពីមីន។

មេបញ្ជាការភូមិភាគ២ រូបនេះ អះអាងថា ថ្ងៃនេះទាហានថៃ បានប្រើឧបករណ៍រាវរកមីនដែរ ប៉ុន្តែមិនអាចរកឃើញ ដោយសារជាមីនប្លាស្ទិក ហើយជាមីនដែលទើបនឹងត្រូវបានគេដាក់បង្កប់ថ្មី ខណៈថៃ ក៏បានត្រៀមផែនការយោធាក្នុងការតវ៉ាចំពោះកម្ពុជាដែរ។

លោក ប៊ុនស៊ីន ផាតក្លាង បញ្ជាក់ថា ព្រឹត្តិការណ៍នេះបានកើតឡើងនៅពេលដែលទាហានថៃ បំពេញបេសកកម្មនៅតំបន់ប្រាសាទតាក្របី ក្នុងស្រុក ភ្នំដងរែក (Phanom Dong Rak) ខេត្តសុរិន្ទ ខណៈភ្នំ៣៥០ ក្បែរប្រាសាទតាក្របី គឺជាតំបន់ដែលមានកម្លាំងទាហានកម្ពុជាច្រើន និងមានគ្រាប់មីននៅជុំវិញនោះ។

ក្នុងសន្និសីទសារព័ត៌មានជុំវិញការចោទប្រកាន់របស់ភាគីថៃ អំពីមីន កាលពីថ្ងៃទី១៨ ខែសីហា ឆ្នាំ២០២៥ អនុប្រធានទី១ នៃអាជ្ញាធរមីនកម្ពុជា លោក លី ធុជ លើកឡើងថា តំបន់ដែលទាហានថៃ រងគ្រោះដោយសារមីន គឺជាតំបន់អតីតសមរភូមិពីជំនាន់សង្គ្រាមស៊ីវិលផ្ទៃក្នុងរបស់កម្ពុជា។

អាជ្ញាធរមីនកម្ពុជារូបនេះបញ្ជាក់ថា ចំពោះគ្រោះថ្នាក់របស់ទាហានថៃ ដែលបណ្តាលមកពីគ្រាប់មីន គឺដោយសារតែក្រុមទាហានទាំងនោះនាំគ្នាឈ្លានពានចូលក្នុងដែនអធិបតេយ្យរបស់ប្រទេសកម្ពុជា ប៉ុណ្ណោះ។

សារព័ត៌មាន The Cambodia Daily មិនទាន់អាចទាក់ទងលោក ប៉ែន បូណា អ្នកនាំពាក្យរាជរដ្ឋាភិបាលកម្ពុជា សុំការបំភ្លឺជុំវិញការជាន់មីនពីសំណាក់ទាហានថៃ បាននៅឡើយទេរហូតដល់ម៉ោងផ្សាយនេះ៕

មេបញ្ជាការថៃភូមិភាគ២ ចោទកម្ពុជារំលោភបទឈប់បាញ់និងសន្ធិសញ្ញាអូតាវ៉ា ក្រោយទាហានថៃបន្តជាន់មីនដាច់ជើង

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន