អ្នកជំនាញច្បាប់ឧក្រិដ្ឋកម្មអន្តរជាតិជំរុញឱ្យភាគីថៃ បញ្ឈប់ការបង្វែរប្រធានបទទៅរកបញ្ហាគ្រាប់មីន

អ្នកជំនាញច្បាប់ និងឧក្រិដ្ឋកម្មអន្តរជាតិ លោក ឆាំង យុ លើកឡើងថា យោធាថៃ ពុំបានធ្វើការរួមគ្នាជាធ្លុងមួយជាមួយនឹងរដ្ឋាភិបាលថៃ ទេ ខណៈបញ្ហាគ្រាប់មីន និងយុទ្ធភណ្ឌមិនទាន់ផ្ទុះ គ្រាន់តែជាសមាសធាតុផ្សំមួយផ្នែកនៃបញ្ហាជាយុទ្ធសាស្ត្ររបស់ថៃ ក្នុងជម្លោះជាមួយប្រទេសកម្ពុជា ប៉ុណ្ណោះ។

លោក ឆាំង យុ លើកឡើងនៅថ្ងៃទី២៨ សីហា នេះថា រដ្ឋាភិបាលថៃ បានបង្កើនការយកចិត្តទុកដាក់ទៅលើបញ្ហាគ្រាប់មីន និងយុទ្ធភណ្ឌមិនទាន់ផ្ទុះនៅតាមបណ្ដោយព្រំដែនជាមួយកម្ពុជា។ លោកថា ការធ្វើបែបនេះ មិនមែនជារឿងខុសឆ្គងទេ ព្រោះវាជាបញ្ហាដែលកើតមានជាច្រើនទសវត្សរ៍កន្លងមកហើយ ដែលបន្សល់ទុកពីសង្គ្រាម និងបានសម្លាប់ ឬបង្កជាពិការភាពលើប្រជាជនស្លូតត្រង់រាប់ពាន់នាក់ក្នុងប្រទេសទាំងពីរនោះ។

គួរកត់សម្គាល់ថា សេចក្តីរាយការណ៍ Socio-Economic Survey 2004 ប្រជាពលរដ្ឋខ្មែរប្រមាណ ៧សែននាក់ជាជនពិការ។

លោកបន្ថែមថា ផ្អែកទៅលើស្ថានការណ៍នៅតាមបណ្ដោយព្រំដែននាពេលបច្ចុប្បន្ន បញ្ហាគ្រាប់មីន និងយុទ្ធភណ្ឌមិនទាន់ផ្ទុះ មិនមែនជាបញ្ហាចម្បងបំផុតដែលរារាំងដល់ដំណើរការសន្តិភាពនោះទេ ព្រោះការយកបញ្ហាគ្រាប់មីន និងយុទ្ធភណ្ឌមិនទាន់ផ្ទុះ មកធ្វើជាប្រធានបទ គ្រាន់តែជាយុទ្ធសាស្ត្ររបស់ថៃ ប៉ុណ្ណោះ។

លោក ឆាំង យុ អះអាងថា ក្នុងស្ថានភាពនេះ ប្រទេសទាំងពីរត្រូវធ្វើការរួមគ្នាក្នុងការដោះស្រាយបញ្ហាដែលកំពុងប្រឈម ហើយដើម្បីដំណោះស្រាយបាន លុះត្រាតែភាគីទាំងសងខាងមានភាពស្មោះត្រង់ តម្លាភាព និងការប្ដេជ្ញាចិត្តដោយសុចរិត។

អ្នកជំនាញច្បាប់ឧក្រិដ្ឋកម្មអន្តរជាតិរូបនេះ ជំរុញឱ្យរដ្ឋាភិបាលថៃ បញ្ឈប់ការបង្វែរប្រធានបទទៅរកបញ្ហាមីនដែលជាបញ្ហាបន្ទាប់បន្សំ ដោយងាកទៅដោះស្រាយបញ្ហាចម្បងនៅចំពោះមុខវិញ គឺការប្ដេជ្ញាចិត្តប្រកបដោយតម្លាភាព ស្មោះត្រង់ និងឥតលក្ខខណ្ឌ ដើម្បីសម្រេចបាននូវសន្តិភាពតាមបណ្តោយព្រំដែនរវាងប្រទេសទាំងពីរ។

កាលពីថ្ងៃទី២៧ ខែសីហា សារព័ត៌មានថៃ ខៅស៊ុត (Khaosod) បានចុះផ្សាយថា មេបញ្ជាការភូមិភាគ២ របស់ថៃ ឧត្ដមសេនីយ៍ឯក ប៊ុនស៊ីន ផាតក្លាង (Boonsin Padklang) បានចោទប្រកាន់ប្រទេសកម្ពុជា ថាបានរំលោភកិច្ចព្រមព្រៀងឈប់បាញ់ និងសន្ធិសញ្ញាអូតាវ៉ាស្តីអំពីមីន បន្ទាប់ពីទាហានថៃម្នាក់បានជាន់មីនដាច់ជើងម្ខាងក្បែរប្រាសាទតាក្របី នៅថ្ងៃពុធនោះ។

មេបញ្ជាការភូមិភាគ២ របស់ថៃ រូបនេះ បញ្ជាក់ថា ថៃបានត្រៀមផែនការយោធាក្នុងការតវ៉ាចំពោះប្រទេសកម្ពុជា រួចរាល់ហើយ ព្រោះភ្នំ៣៥០ ក្បែរប្រាសាទតាក្របី គឺជាតំបន់ដែលមានកម្លាំងទាហានខាងប្រទេសកម្ពុជាច្រើន និងមានគ្រាប់មីននៅជុំវិញនោះ។

ទោះជាយ៉ាងណាក៏ដោយ អាជ្ញាធរមីនកម្ពុជា ចេញសេចក្ដីថ្លែងការណ៍កាលពីយប់ថ្ងៃទី២៧ សីហា ដោយបដិសេធដាច់អហង្ការចំពោះឧប្បត្តិហេតុផ្ទុះមីនកាលពីថ្ងៃទី២៧ ខែសីហា ក្បែរប្រាសាទតាក្របី បន្ទាប់ពីយោធាថៃ ចោទប្រកាន់កម្ពុជា ថាបានរំលោភបទឈប់បាញ់ និងអនុសញ្ញាអូតាវ៉ា ដោយការដាក់មីនថ្មីធ្វើពីប្លាស្ទិកនោះ៕

អ្នកជំនាញច្បាប់ឧក្រិដ្ឋកម្មអន្តរជាតិជំរុញឱ្យភាគីថៃ បញ្ឈប់ការបង្វែរប្រធានបទទៅរកបញ្ហាគ្រាប់មីន

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន