អ្នកឃ្លាំមើលបារម្ភពីស្ថានភាពពលរដ្ឋភៀសសឹកជាង ២០០គ្រួសារដែលរដ្ឋាភិបាលរៀបចំឱ្យរស់នៅក្នុងជម្រកបណ្ដោះអាសន្ន

អ្នកឃ្លាំមើលបារម្ភអំពីការរស់នៅរបស់ពលរដ្ឋភៀសសឹកជាង ២០០គ្រួសារ (២០៣គ្រួសារ) ដែលត្រូវបានរដ្ឋាភិបាលរៀបចំឱ្យរស់នៅក្នុងជម្រកបណ្ដោះអាសន្ននាពេលនេះ ពីព្រោះទីតាំងដែលត្រូវបានរៀបចំនោះ គ្រាន់តែជាតំបន់វាលរហោឋាន។

ប្រធានក្រុមប្រឹក្សាឃ្លាំមើលកម្ពុជាក្នុងប្រទេសន័រវែស (Norway) លោក ម៉ែន ណាត បានប្រាប់សារព័ត៌មាន The Cambodia Daily នៅថ្ងៃទី៩ មីនា នេះថា តំបន់ដែលត្រូវបានជ្រើសរើសសាងសង់ជម្រកបណ្ដោះអាសន្នសម្រាប់ពលរដ្ឋភៀសសឹកទាំងនោះ មិនឃើញមានទីផ្សារ សាលារៀន មន្ទីរពេទ្យ និងស្នាក់ការផ្តល់សេវាសាធារណៈណាមួយឡើយ ដូច្នេះប្រសិនបើពិនិត្យតាមតថភាពជាក់ស្តែង គឺហាក់ដូចជារដ្ឋាភិបាលយកពលរដ្ឋទាំងនោះទៅបំបរបង់ចោលទៅវិញ។

លោកបន្តថា សម្រាប់ទីតាំងបែបនេះ មិនដឹងថាតើពលរដ្ឋភៀសសឹកទាំងនេះអាចរស់នៅបានយូរប៉ុនណានោះទេ ព្រោះបើមើលតាមភាពជាក់ស្តែង ទីតាំងនោះមិនអាចឱ្យពួកគេប្រកបមុខរបរចិញ្ចឹមជីវិតអ្វីបានឡើយ ដូច្នេះទៅថ្ងៃមុខ ពួកគេអាចនឹងចាកចោលលំនៅឋានទាំងនោះ ដោយភៀសខ្លួនទៅរស់នៅតំបន់ផ្សេងដូចពលរដ្ឋនៅតំបន់រុនតាឯក ដូច្នោះដែរ។

លោកបន្តថា រដ្ឋាភិបាលគួរសិក្សាទីតាំងរស់នៅរបស់ពលរដ្ឋទាំងនោះឱ្យបានគ្រប់ជ្រុងជ្រោយ ព្រោះបើពិនិត្យលើដំណោះស្រាយជម្លោះព្រំដែនជាមួយថៃ នាពេលនេះ មិនដឹងថាតើពេលណាទើបកម្ពុជា អាចបានដីរបស់ខ្លួនមកវិញ និងបញ្ជូនពលរដ្ឋភៀសសឹកទាំងនោះទៅរស់នៅភូមិកំណើតរបស់ពួកគេវិញនោះឡើយ។

ប្រធានក្រុមប្រឹក្សាឃ្លាំមើលកម្ពុជារូបនេះបញ្ជាក់ថា យន្តការចំនួនបីដែលរដ្ឋាភិបាលត្រូវប្រើដើម្បីដោះស្រាយបញ្ហាព្រំដែនជាមួយថៃ នាពេលនេះ ដូចជាការធ្វើសកម្មភាពលើទីតាំងជាក់ស្តែងក្នុងការទប់ស្កាត់ការឈ្លានពានរបស់ថៃ ការប្រើយន្តការការទូតលើឆាកអន្តរជាតិឱ្យខ្លាំងក្លា និងការប្តឹងថៃ ទៅតុលាការអន្តរជាតិ គឺរដ្ឋាភិបាលប្រើបានតែយន្តការការទូតមួយប៉ុណ្ណោះ ហើយជាកម្រិតការទូតដែលមិនទាន់ទូលំទូលាយថែមទៀត។

កាលពីថ្ងៃទី៨ ខែមីនា ឆ្នាំ២០២៦ រូបថតជាច្រើនសន្លឹកដែលបង្ហាញពីលំនៅឋានបណ្ដោះអាសន្នចំនួន ២០៣ខ្នងសម្រាប់ពលរដ្ឋ ២០៣គ្រួសារ ស្ថិតនៅក្រុងសំរោង និងស្រុកបន្ទាយអំពិល ខេត្តឧត្ដរមានជ័យ ត្រូវបានអ្នកលេងបណ្ដាញសង្គមហ្វេសប៊ុកចែកចាយព្រោងព្រាត។

ក្នុងរូបថតទាំងនេះបង្ហាញឱ្យឃើញពីចំនួន ទំហំ និងម៉ូតផ្ទះដែលត្រូវបានសាងសង់ឡើងដូចៗគ្នា ស្ថិតក្នុងតំបន់ដាច់ស្រយាលកណ្តាលទីវាលមួយកន្លែងដែលមិនមែនជាទីប្រជុំជន និងមិនទាន់មានហេដ្ឋារចនាសម្ព័ន្ធនៅឡើយ ខណៈពលរដ្ឋភៀសសឹកទាំងនោះមិនដឹងថាតើពួកគេអាចរស់នៅទីនោះបានឬក៏អត់នោះទេ។

កាលពីថ្ងៃទី២៦ ខែមករា ឆ្នាំ២០២៦ ក្រសួងរៀបចំដែនដី នគរូបនីយកម្ម និងសំណង់ បានបើកកិច្ចប្រជុំជ្រើសរើសទីតាំងរៀបចំលំនៅឋានបណ្ដោះអាសន្នសម្រាប់ពលរដ្ឋភៀសសឹកដែលបាត់បង់ផ្ទះសម្បែងនៅតាមបណ្តោយព្រំដែន បន្ទាប់ពីទាហានថៃ បានឈ្លានពានយកទៅកាន់កាប់ដោយខុសច្បាប់។

ប្រភពដដែល អះអាងថា ខេត្តចំនួន ៥ ដែលត្រូវសាងសង់លំនៅឋានបណ្ដោះអាសន្នសម្រាប់ពលរដ្ឋភៀសសឹក រួមមានខេត្តបាត់ដំបង បន្ទាយមានជ័យ ពោធិ៍សាត់ ឧត្ដរមានជ័យ និងខេត្តព្រះវិហារ ផងដែរ។

ជុំវិញបញ្ហានេះ នាយករដ្ឋមន្ត្រីកម្ពុជា លោក ហ៊ុន ម៉ាណែត បានប្រាប់ទីភ្នាក់ងារសារព័ត៌មានអន្តរជាតិ Fox News កាលពីថ្ងៃទី១៩ ខែកុម្ភៈ ថា ទាហានថៃ បានព័ទ្ធបិទភូមិពលរដ្ឋខ្មែរនានាដោយលួសបន្លា និងកុងតឺន័រ ដែលធ្វើឱ្យប្រជាជនស៊ីវិល ៨ម៉ឺននាក់ (៨០០០០នាក់) មិនអាចត្រឡប់ទៅផ្ទះវិញបានទេ។

សារព័ត៌មាន The Cambodia Daily មិនទាន់អាចទាក់ទងអ្នកនាំពាក្យរាជរដ្ឋាភិបាលកម្ពុជា លោក ប៉ែន បូណា សុំការបញ្ជាក់បន្ថែមពីការសាងសង់លំនៅឋានបណ្ដោះអាសន្នដល់ពលរដ្ឋភៀសសឹកទាំងនោះបាននៅឡើយទេ រហូតមកដល់ម៉ោងផ្សាយនេះ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន