30 C
Phnom Penh

ប្រទេ​សកម្ពុជា​ និងថៃ ព្រ​ម​ព្រៀង​​​គ្នាដើរ​ល្បាត​​រួមតាមព្រំ​​ដែន ដើម្បីទប់ស្កាត់បទ​ល្មើស​កាប់ឈើ​គ្រញូង

ដោយ ឌឹ ខេមបូឌា ដេលី

បទវិភាគ

កា​ល​ពី​ថ្ងៃ​​ពុធ ប្រ​ទេ​ស​ថៃ​ និង​ប្រទេ​ស​​កម្ពុជា​​​បា​ន​​ចាប់​ផ្តើមដើរល្បាត​​រួម​​គ្នានៅ​តា​ម​ព្រំ​ដែ​ន​​របស់​​ខ្លួន​​ដោ​យស​ង​្ឃឹម​​ថា​ នឹង​​​ជួយ​ទប់​​​ស្កាត់​​ការជ្រៀតចូលរបស់កម្មករ​​​ចំ​ណាក​ស្រុក​​ខុស​​ច្បាប់​ និ​ងពលរដ្ឋខ្មែរ ដែល​​​​លប​​ចូ​ល​​ក្នុង​​ទឹកដីប្រទេ​ស​​ថៃ ​​ដើម្បី​​លួចកា​ប់​ឈើ​គ្រ​ញូង​ ដែល​​ជា​និច្ច​កាល​បង្ក​ឲ្យ​មា​ន​​មនុស្ស​ស្លាប់​។

​ប្រទេ​ស​កម្ពុជា​​​​អះ​អា​ង​ថា កង​កម្លាំ​ង​​ថៃ​​​បា​ន​​បាញ់​​​ជ​ន​​ជាតិ​​របស់​​ខ្លួន​​ស្លាប់​​ចំ​នួ​ន​៤៥​នាក់​​កា​ល​ពី​ឆ្នាំ​មុន ​​ដោយសារពួកគេ​ឆ្លង​​ដែ​ន​ដោ​យ​ខុស​​ច្បាប់​ ដើម្បី​ស្វែ​ង​រក​​ឈើ​ប្រណីត​​ ​ដែល​​​អាច​មា​ន​តម្លៃ​​​រា​ប់​​ពាន់​​ដុល្លារ​​ក្នុ​ង​មួ​យ​ម៉ែត្រ​គូប​ ​ហើយ​​ជា​​រឿ​យៗ ​​អ​ំ​​ពា​វ​ឲ្យ​ភាគី​ថៃ​​ឈប់បាញ់ពួកគេទៀត។ ​ទោះ​​​ជា​​យ៉ាង​ណា កា​រ​​អ​ំ​ពា​វ​នា​វ​​​បែបនេះ​ត្រូវ​ភាគី​ថៃ​អនុ​វត្ត​បា​ន​តិច​​តួច​ណាស់ក្នុ​ង​កា​រ​​ទប់​ស្កាត់​​កា​រ​បាញ់​ប្រហារ​​ដូចនេះ​ ​​ព្រោ​ះ​​ថៃ​នៅ​​តែ​​ទទូ​ចថា ​ក្រុ​ម​​អ្នក​កាប់​ឈើ​ ដែល​គេបា​ញ់​​ប្រ​ហា​រ​មា​ន​​អា​វុធ​ និង​អាចបង្កគ្រោះ​ថ្នាក់​ផង​ដែរ។

ក្នុងកិច្ចប្រឹង​ប្រែងដោះស្រាយ​បញ្ហាដោយ​ទ្វេ​​ភាគី​​នាពេលថ្មីៗនេះ លោក ឡុង វ​ី​សា​​លោ ​រដ្ឋ​​លេ​ខាធិ​កា​រ​​ក្រសួ​ង​កា​រ​​បរទេ​ស​​បា​ន​​​ជួ​ប​​ជា​មួ​យ​លោក ជូ​ល​ឡាពង់ ណុន​​ស្រុី​ឆៃ(Jullapong Nunsrichai) ​អ​នុ​រដ្ឋ​មន្ត្រី​ក្រ​សួង​កា​រ​​បរទេស​​ថៃ នៅ​ក្នុង​ក្រុ​ង​ប៉ោយ​ប៉ែត ​កា​ល​ពី​ថ្ងៃ​​ពុធ​។ ​លោក ឡុង វី​សាលោ ​​​បា​ន​​បដិ​សេធ​មិន​ធ្វើ​​​​
អត្ថា​​ធិ​ប្បាយ​​អ​ំ​ពី​​​ជំ​នួប​​ប្រ​ជ​​ុំ​នេះ​​​ទេ​។

​លោកឧត្ត​ម​សេនីយ៍ត្រីនៃ​កង​យោធ​ពល​​ខេមរភូមិន្ទ​ ពេជ្រ វណ្ណា ​​​ប្រធា​​ន​ការិយា​ល័យ​ទំ​នាក់​ទ​ំ​នង​ព្រំ​​ដែន​​​សម្រាប់​យោ​ធា ​និ​ង​​បា​ន​​ចូ​ល
​រួមក្នុង​​កិច្ច​ប្រ​ជុ​ំ​​នេះ​​ដែរ ​បា​ន​មាន​​ប្រ​សាស​ន៍​កាល​​ពី​ម្សិលមិញ​ថា ភាគី​​​ទាំង​ពីរ​បា​ន​ព្រម​ព្រៀងគ្នាឲ្យ​មាន​ការ​ដើរ​ល្បាត​​រួមតាម​ព្រំដែន​
និង​​អនុញ្ញាត​ឲ្យគណៈ​​កម្មការ​​រួ​ម​​មួ​យ​​​ សម្រាប់​ស៊ើប​អង្កេត​ បើសិនមាន​ករណី​បាញ់​សម្លាប់​ណាមួយកើតឡើងនាពេល​​ខាង​មុខ។

​លោកឧត្តម​សេនីយ៍​​ត្រី​​ ពេជ្រ វណ្ណា ​បា​ន​បន្តថា “ យើង​នឹ​ង​​បង្កើត​​គណៈ​កម្មការ​​​មួយ​​សម្រាប់​​ការងារដើរល្បាត​​រួ​ម​​នៅ​តាម​ព្រំ​​ដែន​ ដើម្បី​ទប់​ស្កាត់​​កម្មករ​​ចំ​ណា​ក​ស្រុក​ និង​ជនជាតិ​ខ្មែរដែលលួច​​ចូ​ល​​ក្នុ​ងដឹកដី​​ថៃ​​ដោ​យ​ខុស​ច្បាប់​ ដើម្បី​រកកា​ប់​ឈើគ្រញូង។​យើង​នឹង​​បង្កើត​​​គណ​ៈ​កម្មការ​​​មួ​យ​​ទៀត ដើម្បី​ស៊ើប​អង្កេត​​ការ​ស្លាប់​​របស់​ប្រជា​​​ពល​រដ្ឋខ្មែរ ដែល​ស្លាប់​​នៅ​ក្នុងទឹកដី​​ថៃ​។

​លោក​បាន​បន្ថែម​​​ថា​ “ យើង​នឹ​ង​​បង្កើត​​គណៈ​កម្មកា​រ​​នេះ​ ពី​ព្រោ​ះ​​​ប្រជា​​ជន​របស់​យើង​​​​​បាន​ស្លាប់​យ៉ា​​ង​ច្រើន។ យើង​​បា​ន​​ស្នើ​ឲ្យ​អាជ្ញា​​​ធរ​ថៃ​​ជា​យូរ​​មក​ហើយ​ឲ្យ​ឈប់​បាញ់​​សម្លាប់ប្រជាជនខ្មែរ​ ប៉ុន្តែ​​​វា​នៅ​​​តែ​កើត​ឡើង​​​​ដដែលៗ”។

​​ផែន​កា​រ​នេះ​បា​ន​រៀបចំឡើ​ង​​​​ស្រប​គ្នា​នៅពេល​រដ្ឋាភិបាលកម្ពុជាកំពុង​​ខិត​ខំ​ប្រឹង​​ប្រែ​ង​​ ​​ដើម្បី​លើក​ទឹក​ចិត្ត​​ដល់​​ជ​ន​​​ជាតិ​របស់​ខ្លួន​​​បន្ថែម​​ទៀត​​ ឲ្យរកការងារធ្វើក្នុង​ប្រទេស​ដែលកំពុងតែជួប​បញ្ហាខ្វះ​កម្លាំង​ធ្វើការ​​ ជា​​ជាង​​ស្វែង​រក​កា​រ​​​ងារ​​នៅ​ក្នុង​ប្រទេ​ស​ថៃ​ ​​ដែល​ជា​​រឿយៗ​ឆ្លងដែនតាម​រយៈ​​បណ្តាញ​​​
ខុសច្បាប់​នានា។

លោក​ឧត្ត​ម​​សេនីយ៍​ត្រី​ ពេជ្រ វណ្ណា ​បា​ន​មា​នប្រ​សាស​ន៍​ថា កង​ល្បាត​នឹ​ង​មា​ន​​ទាំ​ង​នគរបា​ល​ និ​ង​​ទាហា​ន​​មកពី​ប្រទេ​ស​​​ទាំង​ពីរ​ ប៉ុន្តែ​​គ្មាន​​សេចក្តី​លម្អិត​​ផ្សេង​ទៀត​ឡើយ​។​លោក​បាន​​បន្ថែម​​ថា ​ផែន​កា​រ​នេះ​​ក៏​នឹ​ង​ត្រូ​វ​​មាន​ការ​សម្រេច​​យល់​​ព្រម​​ពី​​រដ្ឋា​ភិ​បាល​​នៃប្រទេស​ទាំង​ពីរ​​ផង​ដែរ​ មុន​​ពេល​​ចូ​ល​
ជា​ធរមា​ន​។

​​លោក ម៉ា​​ណា​ស្វី ស្រុី​សូ​​ដាពល​(Manasvi Srisodapol) ​អ្នក​នាំ​​ពាក្យ​​​របស់​ក្រសួ​ង​កា​រ​​បរទេ​ស​​ថៃ បាន​លើក​ឡើង​ថា​ ខ្លួន​មិន​មាន​ដំណឹង​អ​ំ​ពី​ជំនួប​ប្រជុំ​​ទេ ហើយ​បា​ន​បដិ​សេធ​មិន​ធ្វើ​​អត្ថាធិប្បាយ​​ឡើយ​។ លោក ប៉ាកឌី ​ទូឆាយុត ​​ឯក​អគ្គ​រាជ​ទូ​ត​ថៃ​ប្រចាំប្រទេស​កម្ពុជា មិន​អាច​​ទាក់​ទ​ង​បាន​​ទេ​៕

​ប្រែ​សម្រួល​ដោ​យ​ ចេវ ប៊ុននី​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស