លោក ខាន់ ចំណាន អភិបាលរងខេត្តក្រចេះបានលើកឡើងកាលពីម្សិលមិញថាក្រុមហ៊ុនចិនមួយបានចូលរួមជាមួយក្រុមហ៊ុនក្នុងស្រុកមួយ និងបានវិនិយោគទុនទឹកប្រាក់២០០លានដុល្លារដើម្បីបង្កើតតំបន់ឧស្សាហកម្មទំហំ១.០០០ហិកតា ក្នុងខេត្តក្រចេះ នៅតាមព្រំដែន ប្រទេសវៀតណាម។
លោក ចំណាន បានមានប្រសាសន៍ថា ក្រុមហ៊ុន Zhongqi Holding Group និង ក្រុមហ៊ុន UBA Developement Co Ltd ត្រូវបានផ្តល់ដីនេះនៅក្នុងឃុំ២ធ្នូ ស្រុកស្នួល ដោយរដ្ឋាភិបាលកម្ពុជាដើម្បីបង្កើនរោងចក្រ និងផែមួយ។ លោកបានបន្តថា “បន្ទាប់ពីដំណាក់កាលដំបូងបានបញ្ចប់ ផែនការមេរាប់បញ្ចូលលំនៅដ្ឋាន រោងចក្រ និងអគារពាណិជ្ជកម្មផ្សេងទៀត”។ លោក ខាន់ ចំណានបានបន្ថែមថា ការសាងសង់លូទឹកស្អុយ និងបណ្តាញអគ្គិសនីកំពុងតែដំណើរការ។
លោក ចំណាន មានប្រសាសន៍ថា ក្រុមហ៊ុនមានផែនការសាងសង់រោងចក្រកែច្នៃជ័រកៅស៊ូមួយ និងរោងចក្រកែច្នៃដំឡូងមី ផងដែរ ក៏ប៉ុន្តែលោកមិនបានដឹង ថា សំណង់នេះត្រូវបញ្ចប់នោះទេ។ លោកបានលើកឡើងថា “ក្រោយពីសាងសង់រួច រោងចក្រនេះ នឹងផលិតដូចជា កង់រថយន្ត គ្រឿងប្រដាប់ក្មេងលេង និងអេតាណុល (Ethanol)”។
លោក អ៊ុង ប៊ុនអៀង ប្រធានក្រុមហ៊ុនអភិវឌ្ឍន៍យូប៊ីអេ (UBA) បានប្រាប់ប្រព័ន្ធផ្សាព្វផ្សាយព័ត៌មានរបស់រដ្ឋកាលពីថ្ងៃច័ន្ទនេះថា រដ្ឋាភិបាលកម្ពុជាបានផ្តល់ឲ្យក្រុមហ៊ុនទាំងនេះនូវដីរយៈពេល១៥ឆ្នាំទៅ២០ឆ្នាំ ៕ប៊ុននី